影片
电话号码
29668449
营业时间
今日营业
18:30 - 22:00
星期一至日
18:30 - 22:00
以上资料只供参考，请与餐厅确认详情
去跑馬地馬場多次，還是第一次來到「銅爵居」，經由F入口到大看台七樓，這裡環境高雅寬躺，可以一邊享用中菜，一邊感受賽馬的那份緊張刺激。「銅爵居」主打外省菜，客人可同時品嚐魯、川、淮揚、湘、閩等五大名菜，並邀請外省廚師坐鎮，堅持做出當地風味。菜式推介「多秘製原條牛肋骨」，肋骨燉得入味，非常美味。「椰子雞」椰子的香氣融入了嫩滑的雞肉中，湯底裡滿是椰肉，椰子湯清甜可口。「桂花魚」也是一道必嚐的菜品，原條桂魚拆骨起肉再清炒，魚肉鮮嫩啖啖肉。最後，不要錯過他們的老北京小食甜品「驢打滾」，口感煙韌，但不會太甜。總體來說，銅爵居的環境、服務和食物水準都很不錯，而且各地名菜都做得出色，是一個值得一試的好地方！
继续阅读
2275 浏览
蕃薯uncle做咗馬會會員近五十年，多得疫情先知道馬場其實有好多間餐廳於非賽馬日提供特色餐飲，食肆全面開放後即續一訪查，第一回合先試「銅爵居」。據悉，店名中嘅「銅爵」除咗可解作古代嘅酒杯之外，原來仲係秦始皇七隻愛駒之一個名，場內當然係唔少得馬馬擺設啦！根據指示從E入口進場，先經過花園大堂搭𨋢上七樓。再經過長長嘅走廊上多間大型廂房方才到接待處。私人廂房最低消費$7,000，落地玻璃對正個馬場，光猛闊落，仲有個露台，極之豪華。用餐大堂面積寬廣，空間感足，拍窗嘅散座每枱都有兩部電視機播放出馬會資訊；不過同行嘅長輩行到埋去都喘哂氣，話啲位又遠又迂迴，地方幾靚都係假。中英對照嘅多頁餐牌及英文飲品牌可於網上下載，一早就可以諗定點咩餸（https://member.hkjc.com/member/chinese/racecourses-non-raceday/venues/provincial.aspx）。餐桌上擺有齊備嘅自用及公用餐具。會所餐廳茶芥每位$22，開瓶費則為馬會公價$200/樽。當日冇帶酒，所以就應推介飲咗樽香檳＜Champagne Jacques Picard Brut＞（$390/樽）。北京片皮鴨（$598）：一隻鴨配上足夠份量嘅青瓜、大蒜絲、春卷皮（無錯，係蒸春卷皮）。另外每人一碟調味蒜泥、秘製甜醬、砂糖，衛生非常。可能係新潮派作風吧，鴨鴨已預先喺廚房片好皮同起哂肉，當中啲皮唔係大大塊，而係黐住件肉嘅邊皮位。鴨隻肥膏唔多，橙亮嘅鴨皮尚算酥化，只係啲鴨肉偏咗少少嚡。秘製原條牛肋骨（$398）：牛肋骨肉腍就夠腍，不過最大問題係食落去有陣好強烈嘅羶味，唔怕羊羶味嘅大肥都話接受唔到。蒜泥白肉（$128）：面前嘅菜式可以形容為未解凍夠嘅熏蹄喺面淋上蒜泥同辣油，豬肉厚嚡帶冰沙，師傅唔知係咪早一晚輸完馬仔呢？！賽螃蟹（$288）：睇相應該都可以感覺到啲蛋白好厚身，即使撈入生蛋黃可增添滑溜都改變唔到帶實同膠嘅質感，真心不值$288！蔥燒海參鮮蹄筋（$448）：以煲仔上嘅蹄筋熱力十足，滑身得黎有嚼勁，黑色嘅海參則夠Q彈，好夠鑊氣，屬整晚最美味之作！小籠包（$55/籠）：上海名點心皮層偏厚，中間件肉粒細小，且湯汁欠奉，不吃也罷。韮菜豬肉包（$48/三件）：三位大漢為咗想快啲飽肚而點嘅韮菜豬肉包看似大大隻，但係入面嘅韮菜豬肉餡其實好少，厚厚嘅包皮實而不軟熟，咬落仲乾爭爭。滿煎糕（$52）：蕃薯uncle話含花生嘅甜品好似軟腍嘅班戟三文治咁，底面兩層可以話係零脆口，個花生餡心仲香脆過出面，堅失敗！只限於非賽馬日之星期四至星期日傍晚六時半至十時半提供晚餐服務嘅馬場餐廳「銅爵居」樓底高、面積大，弊在地點隔涉唔方便。店內服務生人數比顧客多，但上菜速度就好慢，成枝香檳飲完都只係上咗兩個餸，明顯係廚房嘅問題，加上主打外省菜式質低價不廉，週四晚冇乜會員幫襯真係好合理！
继续阅读
川菜從來不是我所好，但估不到在跑馬地馬場內有一間除了主打吃四川菜，還有其他中國菜的餐廳。餐廳的裝修精緻，環境優美，價錢合理，而且食物美觀又美味。頭盤我們叫了黑魚子燻糖心蛋，賣相又精緻又美味，整隻蛋也在載滿了糖心，微鹹的黑魚子帶出鮮味，幾乎沒有上海菜館可以相比。我們也叫了蒜泥白肉，辣汁另上，此餸也是又香，又辣，白肉也有它自帶的鮮味。由於是分醬上，可以看得出白肉是十分新鮮的。我們叫了北京填鴨作主菜，上枱的時候，填鴨擺放得相當完整，真的佩服師傅的刀工，切得相當仔細，而且這裏的北京填鴨非常美味，又夠份量，一啲都唔偷工減料。美味程度非坊間的北京田鴨可媲美。我們還點了辣子炒蟹，雖然只是小辣，但還是一大堆辣椒，把蟹肉分拆了然後炸它，我吃到的蟹鉗，真是啖啖肉，又酥又辣，真是舌尖上的享受。這個辣子炒蟹，除了蟹好味以外，附加的炒腰果更是令人驚艷，就是價錢貴了點！如果不是要馬會會員才可訂位的話，這間餐廳一定會是長年爆滿的人氣餐廳。
继续阅读
大年初一 朋友慶祝生日想食中菜，所以來食野在間餐廳必須要是馬會會員才可以訂座，平時賽馬日非常難訂位。 地方好似唔駛錢咁， 餐廳坐得好舒適，每張枱之間都保留足夠嘅空間，有私隱度電子餐牌， 剛好新一年，原來佢哋會定期換餐牌，有新菜式。 由於只有兩個人，可以點嘅菜式比較有限， 多人嘅話可以點片皮鴨。 如果生日要食蛋糕，可以提早兩日預訂服務非常好，不過假期服務員可能係兼職，不是很熟悉，唔識介紹菜埋單唔收小費，唔需要加10%下一次希望賽馬日可以訂到位享受美食同賽馬雙重享受。
继续阅读
Happy Valley 名稱 快活谷 真是一點不錯. 今日雖然不是跑馬日, 朋友帶我去賽馬會會所餐廳食中式自助餐, 銅爵居 位於七樓. 望見翠綠色馬場, 配上藍色天空, 令人心曠神怡. 餐廳座位, 及燈飾佈置, 好有氣派. 真是城市中的綠州.由於餐廳屬會所形式, 不對外開放, 會員也必要預先訂座.服務員很有禮貌, 招呼妥善, 我們於餐單可以自行選喜好.先點 冰梅蕃茄仔: 冰涼可口, 糸一個開胃前菜.茶燻溏心蛋: 燻出來的溏心蛋, 質感軟, 茶燻味香, 溏心的蛋黃像黃金般色澤光亮, 好味.閩南五香卷: 外觀齊整, 每卷內餡充足, 卷物清脆美味.北京片皮鴨: 片皮鴨外皮很脆和香口, 肉質嫩滑, 醬汁, 配料及包皮也齊齊送上, 好滋味.雲南汽鍋燉雞湯: 湯味道鮮甜又清潤養顏. 初冬適合飲用. 滋補, 暖笠笠. 玉米艾窩窩, 那薄脆好吸引, 煎得香口而不油.三鮮鍋巴: 材料足, 有蝦, 帶子, 魷魚, 夠鮮美, 美味香口. 本幫紅燒肉, 廚藝見水準, 好稔滑, 調味不錯. 老乾媽乾煸肉末四季豆, 炒得香口.口水汁雞絲涼麵: 不錯. 有雞絲, 筍絲, 青瓜絲等, 材料幾足. 麵條很滑, 卻不失彈牙口感.合時鮮果碟: 有西瓜, 青提子, 哈蜜瓜, 菠蘿, 新鮮清甜. 甜品: 冰涼紅糖桃膠, 口感順滑, 優質甜品. 山楂糕, 口感有彈性.整體食物有水準 , 環境舒適, 希望下次會員朋友會約我跑馬日再來. 又試其他美食及投注買馬.
继续阅读
您可能会有兴趣的...