鍋匠中日火鍋專門店 (已結業)

Overall: 🌟🌟🌟Environment: The environment was nice. The space was comfortable. There was enough room to put our personal belongs too. Service: The service was super friendly. They answered all questions nicely. They were super caring, and make sure we have enough space for personally items. Taste: We ordered the 120mins hot pot. We ordered two different type of soups base. One is the soy bean, the other one is sweet soup base. The soy bean soup base was fresh and nice. We used it mainly for vege

今晚約咗朋友飯聚，上開飯啦無意中搵到呢間。入到去職員 (應該係經理) 就問我地係咪第一次嚟，知道係第一次就好有禮貌咁解釋款式類型比我地知。話另外送個花膠湯比我地飲。點好餐之後仲有一次性圍巾、紮頭髮橡筋（我地長髮）、電話套等提供好細心先嚟沙律，味道又整得幾好，開胃之後再上刺身、花膠湯 (仲以為送既會細細碗，嚟到估唔到係大大碗，而且味道唔錯添，有驚喜)、牛肉粒等等之後嚟咗幾款唔同既牛，樣幾靚仔，食落口味道都唔錯，好食另外再點咗蟹子墨魚滑、菜、響鈴等等食到好飽不過唔知係咪閒日關係，唔爆場，都多空檯。呢到服務真係幾好，我地食到過晒鐘，都無趕我地走，由得我地繼續坐係到傾計 (雖然無人等檯，但其他好多食肆一樣一夠鐘要你走）..... 野食又唔錯，有下次

今日約左班好耐冇見嘅姊妹聚舊 一早訂左鍋匠 係朗豪坊掃完化妝品就行過去開餐火鍋醬料我哋揀咗澳洲M7和牛火鍋放題$328湯底揀咗日之豬骨湯真係有大大舊豬骨係到！原盅花膠湯有好厚身嘅花膠同響螺片真材實料！刺身選擇都幾多有北寄貝、吞拿魚、甜蝦、三文魚最鐘意就係甜蝦 超級鮮甜！燒肉都有！我地不停燒極品一口牛入口即溶呢個係自家制嘅炸三文魚皮好香脆主角梗係牛啦！有給澳洲M7和牛牛胸肉、牛頸脊美國SRF和牛牛板腱、肩胛肉眼仲有牛舌、牛五花、牛雪花、牛腱肉全部都雪花均勻 超級有牛味滾兩下就食得滿足曬鐘意食牛嘅我地打邊爐海鮮都唔少得海鮮都幾新鮮我地叫左蝦、蜆、蟶子火鍋配料都有好多選擇最鐘意就係芝士燒同蟹子墨魚滑芝士燒真係太邪惡但又好好食蟹子墨魚滑好彈牙我地都encore左2轉蔬菜都有好多有鮮金菇、雞髀菇、本菇、淮山、蘿蔔片、娃娃菜、唐生菜同豬骨湯底滾真係好match食完仲有雪糕任揀任食真係不得了！我地食到超級飽同滿足仲約左下次gathering 再嚟過

火鍋放題喺旺角真係好多，但係以提供優質和牛為主嘅, 我最鍾意鍋匠, 佢哋除左食物質素好之外, 對顧客仲好細心, 除左圍裙之外, 仲會有橡筋提供俾有需要嘅人士, 真係好窩心喔！ 我同朋友揀左澳洲M7和牛火鍋放題, 因為又可以燒肉, 又可以食多兩款刺身呢個餐淨係牛肉已經有10 款提供, 每款都有唔同口感, 我自己最鍾意食牛頸脊同牛胸肉, 有咬口, 至於燒就特別鍾意牛五花同牛舌, 特別係牛五花, 燒左之後, 脂肪香味輕輕滲出, 好正當晚嘅海鮮蝦, 蜆同蟶子都好新鮮, 仲有幾十種鍋肴同野菜, 真係嚟多幾次先試得哂, 刺身呢個餐會有4 款提供, 有三文魚, 呑拿魚, 北寄貝, 甜蝦, 特別係個甜蝦, 好新鮮, 味道極鮮甜特別想講下佢地有個花膠螺頭湯, 真係好好味呀, 材料十足, 另外佢地有個炸魚皮, 係用三文魚皮, 刮乾淨同刮薄再調味去炸, 脆卜卜, 勁正

今晚約左班friend打邊爐朋友提議去鍋匠都幾抵幾好食我地要左$328@既火鍋放題有美國SRF和牛 又有澳洲M7 超正一坐低staff先比醬油配料我地自己選然後每人有一盅花膠響螺湯飲都幾真材實料 花膠大大塊飲落清甜唔油膩唔過咸跟住叫左刺身 款款都幾新鮮當中最鐘意食北極貝同甜蝦有淡淡既海水味 幾鮮甜最意想不到既係呢到竟然仲有燒肉將一口牛放落去燒 唔洗再另外加油牛肉汁湧哂出黎燒得7成熟 入口香口得黎仲係好juicy燒牛舌都好正 燒得輕微脆口同放落爐裡面整熟有2種唔同既口感之後就開始打邊爐Staff話食牛最好選昆布湯或者豬骨湯我地要左豬骨湯呢班食肉獸一開始就叫到成枱都係牛當中澳洲同美國牛都好出色澳洲M7既牛胸肉入口即溶切得薄身 一碌就熟美國SRF既肩胛肉眼比牛胸厚切少少口感較豐富 亦都好重牛味當然唔少得仲有海鮮 丸類 同蔬菜樣樣食材都夠fresh選擇亦夠多飲品自取應有盡有最後仲有甜品同雪糕因為食到好飽 所以最後只係食左雪糕同糯米池我食左香竽味香濃幼滑 比其他牌子既雪糕好食！超級滿足既一餐Service又好 收碟落單上菜都好快好齊推薦比大家！！

前幾日係IG上面見到呢間火鍋店有和牛食，又做緊推廣首２０位半價，咁就約埋班ＦＤ一齊去試下伏唔使啦。一行六人，去到都唔使點等位，可能５：３０ＰＭ太早啦，等左５分鐘左右就入得。坐低無幾耐待應就埋黎問食邊個餐同揀邊個湯底。我地六個都有半價，梗係揀最貴果個啦，原價＄４６８，半價＄２３４！！！呢度得３個餐揀，＄２９８、＄３２８、＄４６８。最貴果個餐就可以食晒全部既牛肉，日本Ａ４，澳洲Ｍ７同美國ＳＲＦ和牛。我地最後揀左果個芝士湯，都幾香芝士味。揀完湯底之後，待應就送上３款小食，炸三文魚皮，花膠湯同蔬菜條。其他就睇圖啦。最後最估唔到係榴槤雪條，真心好味。

開完會八點幾，行左兩三間都無位，經過門口個阿哥話有位，即管試下。一入到去，嘩繁忙時間得三四檯，我同朋友額頭都流出左一滴汗你眼望我眼。。。。是但啦，當比鬼責啦。食得放題，都預左唔會好食得去邊。個湯底十足清水加幾條芫茜咁既樣。個牛肉一拎出黎，  佳 x  凍肉既級數 (食落其實更差)，個豚又係紙咁簿，好似雪左幾十年既殭屍肉。食落好似好霉既感覺。另外叫左油墨菜，皇帝菜 (竟然有)，芝心丸，豆腐，支竹，全部都係最平價既食材，完全無驚喜。埋單真係好驚喜，每人醬汁收三十。應該無下次，再見。

原本唔打算去哩間，一落巴士有個女仔派傳單，又有85折所以就即管一試。入座後有個職員已經好細心講解價錢分別，原本想㨂$248,但係多$50即係$298就有埋燒爐燒肉，一開始肉到檯個男職員又講解一次怎樣烤，服務真係好細心啲肉件件薄切、烤或者碌都好香好好味、只要十幾秒已經可以入口、由於第一次去不知道原來海鮮太濕爐細烤唔到、個男職員見到即刻講解仲怕影響我地之後燒肉既質素、所以即刻換一個新爐俾我地、真係好讚食物方面除左牛肉和海鮮比較好、其他火鍋料都係普通貨式、刺身就真的非常一般（好腥、感覺不太新鮮）只吃了一轉、甜品有小量同埋有雪糕、雪條、氣水任飲任食、我只推介大家㨂$298（有燒爐）牛肉質素十分好因為掛住食所以只影左小小相Ps:如果有牛舌更好

同朋友諗唔到食咩，行行下見到有個𡃁妹派傳單話出示學生證有全單七折就入咗去了。我地去個日係星期六夜晚，咁岩個日有世界盃睇，佢個電視都播緊，可以一路食一路睇波👍🏻👍🏻舖頭環境唔錯，幾新淨，應該係岩岩開既。當晚人唔係好多，成個場大約full咗一半，所以都坐得幾舒服。我地嗌咗個火鍋連刺身，啲刺身份量黎得好足，雖然種類唔多，但都已經夠晒數👍🏻睇落去都幾新鮮，呢個價錢算係咁。個火鍋湯底我地揀咗清清地既豬骨，都唔錯，火鍋材料都多，而且唔差，應該都算係新鮮。佢仲有雪糕雪條飲品同埋其他甜品，種類都算多。最緊要係坐得舒服，伙計都冇催我地走，又有七折，幾抵食👍🏻👍🏻 如果繼續有七折既話都會再食。

星期五晚約左幾個朋友食飯，原來想食某燒肉店嘅放題，當然啦，幾個男人又點會話咁細心走去訂位吖，冇訂位去到現場，插針都插唔入，只好轉場，喺附近搵野食。去左兩間呢類型火鍋放題都滿座，一間唔知等幾耐，一間要半個鐘以上，只好放棄。最終黎到鍋匠，點知見完全唔洗等位，是半信半疑，間間爆棚之際呢間唔洗等，唉是但啦，唔想浪費時間周圍走。入座後開始勞氣，坐低左十分鐘完全冇人招呼，點餐紙冇，排排坐等運到。冇試過一間火鍋放題係咁的，又唔係個個好忙嗰隻正常入座自動波俾紙啦，直至有少少語氣重之下，疑似高級啲嘅店員先過黎，後知後覺。往後嘅招呼冇乜特別，但頭十零分鐘咁樣都扣哂分啦安格斯牛肉放題，價錢每位$248，醬汁另收每位$15，埋單連埋加一人均消費$289，抵唔抵食就見仁見智囉，我地就下不為例。質素咁一般，我都咁認真影相，寫埋個食評，都想俾個讚自己，希望有人想幫襯前停一停，諗一諗囉，參考下冇壞，調整期望日式胡麻沙律香濃豬骨湯鍋呢個餐包括安格斯牛肉、肩胛肉眼、手切金錢展、牛五花，認真講實在不知所謂，牛肉薄過紙，重點係捆哂黑邊，見到都唔開胃，唔好講咩安唔安格斯肉，廢話而已，同紙皮牛冇分別。一口牛五花腩肉、豚肉眼牛小腸

今次系第二次食鍋匠。 第一次去本來以為麻麻地伏伏地，但發現比想像中好~今次再去~ !! 火鍋~ 揀左248安格斯果隻再加少少錢食D刺身，我就覺得最好系個牛~ 其他食物都OK~ 朱古力咖啡算系個特色~ 仲意外地有款TIRAMISU雪條~正！！有沙律做頭盤，我覺得距賣點勝在～火鍋又得同時另一邊朋友食緊刺身又得~  因爲呢兩款野通常系唔會同時出現？ＸＤＤＤＤＤＤ可以滿足兩款朋友同時出席~ 食生日飯都系選擇之一   去圖~~~~ >

大家都知道旺角嘅放題多如恆河沙數每一間放題其實都差唔多～要喺中間突圍而出其實一件好難嘅事而今次喺云云放題中我哋竟然揀咗呢一間其實點解？係因為佢個logo好得意好吸引我既眼球呀!! 個原因都有夠低能ahaha!!!上星期五去正值世界盃時期七點幾嘅時候已經人頭湧湧 我地好好彩竟然仲有位 遲我地十零分鐘既就已經無位了 你間餐廳啲位置好闊落我哋兩個人佢俾咗好大嘅枱我哋覺得其實可以坐到四個呢樣值得一讚 再睇下餐牌 由$188-$468 經過一輪既討論 我地揀左 120分鐘既 $298 因爲我地都想有得燒肉！湯底呢我地就揀左佢地既招牌鍋匠湯鍋  仲有沙律 飯 等等之後就進入任叫環節 例牌刺身三文魚厚切鮮味 仲有泰式生蝦 如果有埋泰式醬汁一流！ 魷魚新鮮～其實個放題仲包埋一個雞煲 但食物實在太多 牛控表示要留胃狂食燒肉!! 食過刺身 進入打邊環節 附送海鮮拼盤 海蝦大大一隻 生蠔魷魚，翡翠螺都是非常新鮮!跟住到我最期待得燒肉環節!! 牛肉種類好多 第一輪我哋全部都叫晒 除左牛五花 因為太肥～牛雪花 牛脊肉 金錢展 肩胛肉眼  一口牛以上五款 當中有油脂較多既 牛雪花 有啲薄片不過最鐘意既就係一口牛

用 openrice book 位好方便, 另外間店嘅位置都好容易搵, 店員服務態度好好,可能我地之後張檯冇booking. 所以都可以容許我地成班朋友由7點坐到10點都冇趕我地走。

舒服又多野食@鍋匠 早幾日和朋友打邊爐，兩個人去打邊爐，食放題比較盡慶，有預算又可以更多選擇 有時去搵食經OpenRice有好多JETSO，不經意地發現，鍋匠經由OpenRice 網上訂座 星期日至四訂座可享時段優惠正價放題85折優惠 或 訂座$248或以上火鍋放題送(價值$318)花膠雞湯鍋。便決定去試下 湯底有8款，也有店員推介的招牌湯底和花膠雞湯底 混醬~ 圖文並茂的點菜紙，食物令人花多眼亂 好舒服的環境，簡約日系裝潢，空間感十足，冷氣也足 另外的貼心服務，有BB椅、免費wifi、手機袋、圍裙、髮圈電話套等 飲料是自助式，單是飲料都十多款 最新的ZERO PLUS都有! 不飲凍飲也有熱的供應 野菜沙律好美味，菜好新鮮，份量又多 大量的雪糕雪條任食 甜品款式不多，不過味道不錯，細細件不會好膩 店員不一會還為我們送上小型火爐，原來火鍋外還提供燒烤 海鮮拼盤~每款海鮮都非常新鮮，尤其聖子肉質爽口彈牙， 夠大隻又甜美。 生蠔SIZE不萛大，不過也好鮮甜沒腥味! 雪花牛肉粒~ 大大粒的最好用來燒，燒至微焦，牛脂充滿口腔，不禁一口又一口放進口中 魚生也

［獨樂樂不如眾樂樂］成日都同友人出街食飯，今次要帶屋企人去食，要食得飽又要岩胃口，當然是火鍋，仲要是任食個種火鍋之前友人帶我來食過，因為當時是兩個女生，所以叫了滋補的花膠雞，食過番尋味，決定再黎試其它鍋底坐到入黎，個位闊落，坐得舒服仲有日式胡麻沙律送，仲有服務絕對周到貼心送上橡筋同圍裙～在網上已睇中要食哪一款，所以今次也快快手選定一個雞煲先食。雞的份量不太多，但絕對岩岩好！夠家人一試雞煲食完雞鍋選湯底，之前選花膠雞今次就選招牌鍋匠湯鍋侍應好好人甘同我地介紹～餐牌選擇陰，而且份量不是太多，免得浪費，想食多少就叫多少～招牌鍋湯底養生～各類的食材算新鮮，無論是海鮮或肉類，都可以任食最後，仲有雪糕、雪米糍任食好滿足的一晚，當然家人都食得飽飽