鍋匠中日火鍋專門店 (已結業)

昨晚朋友和我慶生，既然有生日優惠4人同行送一位，當然㨂個最豪嘅黑毛和牛放題😊仲有送埋指定6款海鮮-鮑魚、生蠔、海蝦、貴妃蚌等等（每人每款各一）另外又包埋有刺身任食！真係唔駛食其他火鍋配料都飽飽了✌🏻主角和牛出場一上枱真係靚到冇朋友👍🏻一定相機食先喇😂牛味好掂好好食😋食咗8大碟應該回本喇✌🏻✌🏻

呢個月有FD 生日, 問下壽星想食乜啦...佢話要食花膠WOR~好啦好啦.咁岩見到呢間有, 就黎呢間喇~我地卜左台既, 一行買人黎到, WOW~ 係大台呀! 可以坐6人GA~我地諗係咪見我地大件頭所以分張大台畀我地呢?!! 正,GOOD FIT! 我成日覺得去打邊邊張台咁細係好煩, 因為唔夠擺~~~~然後一坐低就見到呢張野, 生日優惠呀!!!!! 好耐都冇見到有生日優惠喇~~~呢個OFFER 係4人同行, 一人免費!!! 勁開心, 我地訂時係唔知既~所以覺得賺左.XDDD我地就叫左花膠湯~呢度有好多野揀... 有花膠雞鍋, 又有海鮮粥底, 又有雞煲~火鍋由$188, $248, $298同$438 揀~~花多眼亂, 都唔係好明, 不過唔緊要, 問店員啦~ 佢地都好清楚, 唔會要問上頭再覆你~剌身要加錢, 我地都唔好既.PASS~最後我地揀左每位$248既火鍋放題 +再另加$98 花膠雞鍋~($188 可揀既野少好多, 經濟D就揀$248啦~)然後原來任何放題都會可以食完雞煲或芝士雞後先打邊邊既.. 店員就話如果我地加花膠雞再食雞煲既話, 可能會好飽食唔到火鍋.所以我地係SKIP 左雞煲

首先，食雞煲，雞唔入味，炒勁都唔入味！然後打邊爐，唔比叫壽喜鍋，莫名其妙！轉叫豬骨湯⋯但係！！！煲滾左無豬骨香！亦無豬骨湯味！仲要越煲越黑炸魚皮同響鈴唔脆架！一口牛根本一口油，食唔到牛香味！安格斯牛肉竟然比特上牛肉更難食！！！魚皮餃係自製？入邊啲肉好霉！啲皮口感好奇怪！連雪糕都係伏！成餐最能入口係「真正」嘅蔬菜！同「正牌」嘅汽水！仲有個奇怪嘅職員！發神經放個魚滑刮刀入我個手袋到，話專程留比我哋用！痴線！好唔衛生！唔敢用！第一次寫食評，仲要邊食邊寫！可想而知「之味」「伏」度係幾咁勁！整體唯一能接受只係裝修⋯自家邊爐仲好食過佢呢個300蚊嘅價錢，啲質素完全唔合理！

凍成咁，晚餐唔打邊爐都諗唔到食咩喇黎到唔使等位坐得都好舒服，會有個三層架比你裝野食。佢有4 個價錢揀，我揀左$248果個我諗住個價錢淨係打邊爐啦，點知佢叫我揀埋雞煲估佢唔到我個餐可以食以下放題classic 嘅醬拼盤先食個沙津開開胃先雞煲有驚喜！用料好足，味道真係似雞煲店食果d 個餐可以揀送刺身或者時令海鮮，我地揀左海鮮，就係以下喇4 樣海鮮黎講，蝦有d 梅，其他三樣都可以我地揀咗麻辣湯底開始會冇乜味，但係會愈煲愈辣！d 牛肉就強差人意左D安格斯牛，好蘇，蘇到食唔到一口牛同特上牛都正常D,但係冇再encore 特上牛肉反而其他配料食得仲開心多款嘢飲選擇仲有雪糕添～不過到我攞果陣就冇曬咁滯，得返兩杯綠茶味，我厚住面皮問d staff 攞杯香芋比我，好在佢地好人啫！其實200 幾蚊又邊爐放題又雞煲～都算係好抵食咖喇！自己買喺屋企打都唔得啦～keep 單，一個月內下次黎食仲可以free upgrade 同花膠雞湯底添

嚟到旺角可以試下呢間中日火鍋專門店佢有手切安格斯牛肉放題再培養顏花膠螺絲頭雞湯底火鍋材料有極品一口牛蟹子鮮蝦滑炸魚皮 響鈴魚皮餃 鮮蝦雲吞洞庭烏冬 油麥菜 櫻花蝦片蟹子墨魚滑 特長蟹柳 山根多到數唔曬

勁好食，食過最好食的火鍋，特別是花膠雞煲，足料，正，值得大家去試下未試過點知好五好食啊，未試既朋友仔快D去試下，包你一試難忘。食左先講，講左先book枱，book左枱就要去😂😂😂

旺角任食火鍋店。九點半後八折，點了最平特上牛$188。先來一個芝士雞煲，賣相不俗，但芡汁太多，口感詭異🤦🏽‍♂️無芝士味也無雞味。勿勿食過再上沙嗲湯底打邊爐，牛肉質素尚可，但豬肉太韌一碟都食唔落。配料蔬菜等全部大路貨填肚OK。最恐怖係甜品雪糕😱港產老翻哈根大師，一望就知唔對路，入口呈半溶狀態，味道極假極甜，一啖放棄。入座後近乎零服務，湯底等十幾分鐘先有，沙嗲唔通即整？又唔覺🤭然後埋單又等咗一輪...講真，折後價錢唔貴，理應唔好過度要求，但旺角區百零蚊任食咁多，我就唔會再嚟啦😂

同朋友係旺角行街無意中見到易拉架宣傳，d 圖同埋價格都合理，就搵路走左上去試，唔洗排隊等入場，即刻有位。裝修好明亮，企理，簡約為主。揀左黑松露芝士湯底，好稀，無乜味。揀左安格斯牛，$248 加一會送海鮮或者刺身，我地揀左刺身，有三文魚，蝦之類，好新鮮，好甜，值得一讚，無諗過咁鮮美的。任食胡麻醬沙律，呢個幾出色，清新好味。叫左粟米，年糕，餃，皇帝菜 (呢個好好食), 手打蝦滑 , 墨魚滑仲有牛粒，好有牛味，又唔會 un 全部材料都好新鮮，好乾淨。雪糕個人認為好差。。。雲尼拿個包裝係仿哈根大師，哈哈，畀佢呃左。。雲尼拿係工業系水泥石灰味。。抹茶味就帶點泥膠味。。豆腐味就有種怪怪既味，唔識形容，整體 d 雪糕係好假好假既味，差。除左食材新鮮同刺身鮮甜之外，無乜大驚喜，湯底同埋個雪糕大扣分，畀個好評，但係下次都係去返牛一食過癮 d

同朋友去到呢一間日式火鍋度食飯純粹係咁啱經過 而其他附近嘅餐廳又要等位 。去到餐廳之後好快被安排坐低。 但係個位就比較迫夾， 兩個人坐咗喺一張走廊嘅二人枱度 。野食方面有好多唔同種類嘅湯底同埋雞煲可以選擇。 今次我就揀咗呢個芝士雞煲， 亦都十分推薦畀大家。 味道係超乎我想像地好食 ，芝士味非常之濃郁 ，上面再加上日本嘅柴魚片 。如果一定要搵一個地方去挑剔嘅話，就係雞嘅數量比較少， 可能因為我哋只有兩個人。 入座後選擇咗一個套餐係有一個海鮮拼盤送嘅， 海鮮都超級好食 ，除左有兩片唔知咩魚味道一般。 食完芝士雞煲之後員工會幫你換上一盤湯去打邊爐 ，打邊爐的材料非常新鮮 。特別特別要推介嘅就係牛肉， 蝦滑， 墨魚滑， 響鈴。 總括而言呢間餐廳嘅好 ，就係食物嘅味道質素同埋選擇種類 。但係唔好嘅地方就係 ，座位比較迫夾 ，飲品嘅選擇亦都唔多 ，雪糕就更加唔好睇，超級難食。 十分入面我會畀佢七分

火鍋到處都是，但此間，我實在是衝著「花膠」而來的。花膠，名貴食材也，滋陰養顏，女士的佳補品。+$98 就有一大堆大大舊花膠連螺頭雞湯底。真係唔講得笑，起碼十幾舊花膠，食到膩，湯底足料，（我最鐘意食雞），所以真係100分，啖湯好好味！火鍋配料醬料，基本都很齊全，幾新鮮，無野彈。我地叫左一個時令海鮮（蝦、蜆、魚、八爪魚），好新鮮，唯份量真係一人一件，少左d!至卡火鍋既餸就同坊間差不多，中規中矩，要特別讚讚安格斯牛肉，無雪味，好鮮，好甘甜，食得出唔係cheap野！另外墨魚滑、肉丸都不錯！覺得佢好窩心就係好似海底撈咁，有好多小配件俾你，女士有橡筋，電話套呀，圍巾呀等等，仲有free wifi 同差電！

這間火鍋的湯底真的很不錯，叫左個花膠湯底，花膠份量真的很足，湯味好濃，我們一班朋友足足飲左2碗😋😋肥牛也吸引，肥但不膩。而且環境很適宜一大班朋友聊天，不會很嘈，食完很想再食😋😋

細佬力推呢間邊爐，話啲牛好正🤔咁就緊係要試下啦～呢度有4種收費4種程度嘅野食，最平$188最貴$428😚又要食又知慳識儉的隊長B緊係揀中間$248就心滿意足啦🤣🤣🤣～試下先試下先～-----------------------呢度未正式打邊邊之前係有前菜同沙律既🥗～岩晒啲肚仔打晒鼓既朋友仔🙈🙈～不過胡麻沙律食完會出事，因為會更加餓😝～不過其實精品鍋好快就送到～4個選擇好似樣樣都好好食咁😳😳但最尾都係揀左雞煲🐔～雞煲料好多，而且炒得好惹味，成煲轉眼就清晒😝～之後終於係鍋物時間啦！話晒呢間都算係日式火鍋放題🇯🇵，緊係要揀日式湯底啦！原本以為豆乳湯鍋係好濃嘅豆漿湯🥛，但原來唔止咁簡單，而係豆皮鍋🤤🤤淺淺的鍋底，豆漿滾起的時候可以乘到一層腐皮上黎～非常正～令人諗起日本人京都食的豆皮鍋😌～牛肉果然很不錯😋😋好滑而且好有牛味～精選的一口牛好有口感🐮啖啖散發牛味～海鮮拼盤好新鮮🦐～有蝦、花甲同魚片～果然值得推薦🙆🏻🙆🏻🙆🏻～-----------------好味指數😋：8/10翻啅指數🙆🏻：7.5/10人均消費💰：201-400服務態度👨🏼‍🍳：8/10乾淨指數🌝：7.5/10

在旺角要搵食，好似好多選擇~但又好似無乜精緻選擇。朋友見我生日，就打算請我食火鍋，本來對任點任食火鍋無乜信心，但今次真係有啲驚喜，因為除咗食物質素唔錯之外，好多貼心既服務都令人加分!三文魚刺身都新鮮既，但今次切分到既部位就一般，有筋冬瓜海鮮湯底好清新，湯底亦夠甜牛肉質素唔錯，絕對唔係肥膏派豚肉亦無脂肪過多問題，食得安心價錢都算公道刺身38蚊，仲想點吖呢度有齊wifi, 圍裙，bb餐具同埋除味劑，無錯，係除味劑，真係偷食完邊爐都無人知呀

難得六位女生約好去瘋狂唱K順道吃自助餐，怎料其中一位突然失聲，於是無心插柳改到附近有中式及日式食物的的火鍋放題。多人一齊吃火鍋放題最大的好處就是可以隨心選擇不同類型的食物一齊分享，但同時亦因此太多好選擇，所以姐只能從28款已選食材當中重點介紹。養顏花膠螺頭雞湯鍋姐認為是必點，湯底未滾其他食材前務必先飲兩大碗。足料、湯底濃，而且花膠多到超乎想像。蟹子鮮蝦滑，手打鯪魚滑及蟹子墨魚滑都是推薦，重質不重量，因為快熟所以建議為熱身前菜。很滑而且鮮味。日式魚糕片亦是特別的推介，是可以一吃再吃的食材。至於重點的牛食，令姐及一眾朋友大快朵頤， 有安格斯牛肉、特上牛肉、極品一口牛、牛胸爽新鮮爽脆、手切金錢展及牛黃喉。數之不盡，當中極品一口牛更是一點再點，牛味重肉質嫩滑，脂肪肉質比例有層次。這是與朋友們盡興而且大有口福的一晚。

10月20 日晚約朋友聚舊求其搵上網搵下資料先決定食呢間！！見啲負評又唔多。咁就試下啦！去到…明明問左…話我啲朋友未到！係米計入坐時間計時！佢話係以落單計！但我兩個fd都未前15 分鐘先到，就係"吹"我落單！已經問左我好多次！！算，唔講舒服！講下啲嘢食！4人食左千6,仲要係食垃圾！咩味都無！清酒更加無味啦！！我問職員，職員唔識就搵經理，話揮發左，但我真係一啲清酒味都聞唔到！！在此呼籲…千萬唔好揀清酒果個湯！一啲味都無我已經將栗米…蘿蔔都掉去做沙或，同埋佢地真係幾勁垃圾！！湯底已經無味，醬油又係無味！本身我都係重口味嘅人！都覺得佢淡到同白灼無分享！！間嘢唔會再有下次👹