鍋居火鍋專門店 (已結業)

朋友話成日經過深水涉有間都幾吸引邊爐店好想試下，問我有無興趣，我未食過緊要試下啦調味料不需要多，基本有既生辣椒，生蒜蓉，乾蒜，蔥，芫荽己經足夠鍋底都有多款選擇，推介有沙嗲鍋，金銀菜豬肺湯，胡椒豬肚湯，但我地點了市面好少有既"高鈣有機梭羅魚湯" , 因為梭羅魚多骨，老板好細心，用魚袋裝起，再配上節瓜，個湯好鮮味，仲好甜，一d 都無魚"聲"味，值得一試, 湯底黎到都齋飲左兩碗，之後即落稻庭烏冬同蜂巢冰豆腐索味，呢個真係不得了，尤其係冰豆腐，滾咗半個鐘先食，個湯既精髓係晒個豆腐度，超好食，攪到仲叫左兩碟，唔想浪費湯底手切肥牛又係叫左兩碟😎 佢脂肪分配均勻，而且唔會太薄，食落口好香肉味，個人喜歡5成熟，咁先食得出鮮牛既鮮味蟹子墨魚滑同鮮蝦滑打邊爐必叫，個人比較鐘意墨魚滑貪佢夠彈牙，再配上脆卜卜既蟹子朋友點左美國桶蠔，黎到大大隻，佢話好creamy同好有蠔味，可能而家係食蠔季節，所以唔錯而家好少食到靚既脆肉魚腩，比我係呢度食度，魚味夠鮮，仲夠脆口，荃灣街市都買唔度極之新鮮既鮮鵝腸，絕冇"拿"過，好爽口千祈唔好拾咁耐，因為夠新鮮，太耐會變左bb 鵝腸😆牛骨髓夠滑口，加上梭羅魚甜湯，兩者一齊食夠絕配

福華街附近多了好多食店。鍋居是其中之一今次選舉了幾特別湯底。高鈣有營梭羅魚湯底。聽到都諗起魚湯鮮甜美😆😆😆湯底一到。先飲2啖。湯底已經有節瓜。豆腐及主角梭羅魚，鮮甜。首先先落手切牛肉。肥牛肥脂都平均，綠了大約十秒左右就可以，牛肉彈滑。淋，襯上魚湯更加吃得出牛肉鮮味，正👍🏻👍🏻蠔。今次點了大桐蠔。每隻都肥嘟嘟。鮮甜。蠔味重。係非常之好味。👍🏻👍🏻👍🏻脆肉魚腩。厚實肉。超爽。魚腩正豬天梯。不用錄太耐。大約50秒左右。爽脆鮮甜。好快就吃清👍🏻👍🏻👍🏻蜂巢冰豆腐其實都係一走重點。因為會吸入最魚湯精華，簡直不用其他配料直接食。都已經超超正。烏冬配魚湯。加上已經加入好多配料。更加甜。魚湯不停咁飲。正正正牛肉最後再加。共吃了2碟。超正的一餐

疫症後好小食火鍋，今次去到深水埗搵到這間「鍋居」從湯底可見這間店的用心，今次我們點了「椰子雞湯底」用上2個新鮮椰青，加了一枝蒸餾水，加雞，水滾後焗4分鐘，先飲湯🥰嘩嘩嘩❤️好清甜，雞夠滑👍🏻「蘇格蘭蟶子皇」抵食👍🏻 大隻！而且店員會溫馨地幫我地煮理🥰爽口！正😋「炸魚皮/炸響零」即叫即炸，炸至金黃色🤗而且脆香，堅好味👍🏻👍🏻👍🏻👍🏻「黑豚肉片」唔錯喎😌爽口唔硬❤️「豆腐」雖然普通的山水豆腐，但係煮極都咁滑❤️❤️備註：店員十分有善，主動妥善處理海鮮給我們食用店員注明所有湯底並無味精👍🏻

到深水埗找一位老友出來晚飯 閒聊一下。對方建議食火鍋，稱是經常光顧，食材有質素，價錢合理服务好！ 於是跟他到了福華街，見火鍋店環境不錯。時間尚早晚上六時先坐下點好湯底，火鍋料等。 片刻已見不少食客入座，頗人氣的，氣氛熱鬧得來也不嘈什。 湯底多款式，有南北風味也有滋補養生的，麻辣鷄煲和高鈣有營梭羅魚鍋……等。 老友嗜辣我受不了，於是選了雙拼的湯底～ 招牌沙嗲鍋豆腐和清湯鍋78元今天大家都不喝酒，改喝這裡自家煲的雪梨茶35元一樽很清潤！老友表示一定要點的～至尊牛切肥牛348元果然沒介紹錯！這份牛肉很新鮮！鮮紅色的油花佈滿！肉味很濃，鮮甜有油香！非常滋味！鮮四寶丸75元自製的牛肉，凌魚，蝦，墨魚丸，都爽口彈牙！白鱔片88元甘香肥美，肉質爽口！炸芋頭38元炸得香脆熱辣辣的上檯，即食也很好味！脆肉鯇腩75元很新鮮！唐生菜28元每樣食材都一樣的新鮮有質素！服務好！食得好開心！

幾個朋友聚埋一齊，就最岩打邊爐喇有個湯底好特別，就係：椰青礦泉水走地雞鍋2個BB椰青水倒哂落個鍋，再落埋礦泉水，成個感覺fresh到爆燈一滾真係要飲個湯先，個湯真係好清甜呢個湯唔會係好濃味，主要係食個清甜味，所以可能食開濃味既食家會無咁鍾意，不過就完全岩哂我口味會有淡淡既椰青甜味！雞件淥4分鐘就得，肉質好嫩滑，並富有雞味除左湯底出色外，食材都夠哂新鮮😍蟶子、珊瑚蚌、桂花蚌真係勁新鮮蟶子係滾水下淥大約10秒就食得，好爽甜，一啲都唔韌魚皮併響鈴即炸既響鈴係超好食架夠哂鬆脆！魚皮都係大大塊脆卜卜，唔會淋哂竹笙吸湯力一流極品黑豚肉肉質好軟滑，雪花分佈得好靚，食落會有點油脂香，唔會太多，岩岩好自製蘋果雪梨茶

朋友推介於深水埗福華街的「鍋居火鍋」給我，今晚約同好友一起試試~ 來到見舖面以中式裝潢，齊整潔亮，職員招呼周到。菜單上火鍋配料選擇甚多！湯底也十多款，有清湯，麻辣湯和招牌沙嗲鍋，還有麻辣鶢煲……等。點了(雙拼)招牌沙嗲鍋豆腐清湯鍋$ 78+ $10鍋內的豆腐非常嫩滑！自家淆製的;蘋果雪梨茶/ 樽 $ 35有果香，甜度適中相當潤喉！很欣賞！至尊手切肥牛 $ 348 (每日限量供應)顔色鮮明，非常新鮮！油花平均！在湯上稍搖幾下便可，入口軟滑甘香，肉味鮮甜濃郁！脆肉鯇魚腩 $ 75新鮮！脆嫩肥美！唐生菜 $ 28很好的火鍋店，尤其手切肥牛！來到一定不要錯過！

前幾日，朋友帶左我去位於深水埗既鍋居火鍋專門店打邊爐；環境方面，餐廳吾算好大，但吾會有好逼既感覺。餐前小食$12，醬油費用＄18/位。鍋居喇沙鍋：依個喇沙鍋味道好濃郁，而且加左辣油令焯完既食物已經有味道。桂花蚌：必叫既桂花蚌大力推介！首先份量比出面既餐廳多，焯後既桂花蚌吾會縮得好細條，反而仲保持到一定既長度。食落口感極為爽口，味道鮮味，真的好好食！手打牛肉丸：牛肉丸既份量也不少，口感林林地，味道就好似食緊山竹牛肉球一樣，帶有莞茜味道，牛味鮮味！牛利托：雖然顏色吾太討好，有點點變啡中。個人建議吾好焯得甘耐，否則會難以咀嚼；岩岩熟就夠，令整個口感卻帶有少少爽口又有汁。低糖夏枯草：可以為打邊爐既熱氣降火。

屋企人前排去完深水步打邊爐返黎大讚又抵食又高質, 吸引左我相約同事去試試。餐廳整潔企理, 茶位+醬料HK$18/位立下menu價錢, 的確有平價湯底選擇, 就算較為特色少少嘅都唔會貴好多, 揀左個【喇沙鍋】HK$68湯底上檯時已散發陣陣咖哩同埋椰子香, 甜甜地又帶微辣, 惹味~ 而且有唔少菇菌食下~【手切肥牛】HK$138肥牛色澤嫩紅, 脂肪比例平均, 入口鮮嫩超級推介【脆肉鯇魚腩】HK$75口感厚實超爽, 帶有鮮魚味, 夠新鮮!! 而且份量幾多, 足料!!【手打鮮蝦丸】HK$78手打丸唔算彈牙, 但林得黎有鮮甜味, 食到蝦肉碎, 有層次口感。【大蝦雲吞】HK$52雲吞皮薄餡靚, 豬肉餡料混入左韮菜, 仲有原隻爽口蝦, 同時入口, 食到甜甜豬肉兼有清香韮菜味, 配喇沙湯底, 配搭超正~飲品方面, 價錢唔貴, 

深水埗有不少美食，食物多元化，價錢大眾化至貴價高質美食都有，今日趁放假，約咗好朋友去食火鍋，今次揀咗鍋居火鍋專門店。店內環境雅潔，有多款足料湯底可供選擇，火鍋料都很新鮮。每枱都有餐前小食。秘製沙嗲火鍋湯底落足料，濃稠惹味，沙爹味又夠香。桂花蚌新鮮，份量都好多，爽口彈牙，帶鮮味。手打鮮蝦丸，食得到有鮮甜味，係用新鮮蝦做，蝦膠加蝦肉打成，口感更爽更彈牙。特製水餃皇，自家包製，非常足料，筍絲、木耳絲、蝦都是爽口的，每隻水餃都是皮薄多汁，香嫩爽口。藍妹啤酒味道較為清新淡雅，啤酒花苦味則偏淡。

今日同老公去深水埗運輸署辦點事，晚上老公帶我去附近的鍋居火鍋專門店食火鍋，他説同事話呢度d火鍋食材好新鮮，今晚要去試吓！火鍋店地方整潔，招呼週到，安排入座後，送上混醬料和餐前小食。火鍋湯底有很多款選擇，最後老公選了招牌沙嗲鍋，湯底都好濃郁，有爽口的芽菜和嫩滑的豆腐。極品黑豚肉：即叫即切，厚薄適中，豬肉中的極品 黑豚肉質彈嫩鮮甜，油花比例分布均勻，豬肉味香濃。白鱔片，一定是新鮮又大條的鱔起出來的魚肉，才有這爽口的口感，而且鮮味十足。美國桶蠔，用冰底墊住上檯，色澤鮮明表示好新鮮，大大隻，蠔身飽滿，肉質肥美滑溜。

打邊爐好簡單，無需煮功，只要材料靚、新鮮，配合個清湯，實好食。前幾日同個老友預祝生日，去左深水埗鍋居打邊爐，呢間野開左十年左右，仍然屹立不倒，實有原因不過我建議如果兩個人，唔駛叫咁多野，應該食唔哂兩個人食左$880，佢個手切牛係值得試下，湯底就叫個芫荽皮蛋鍋或鴛鴦鍋夠架喇先叫左一渣蘋果雪梨茶，清甜解渴之後再叫左渣，但姐姐話冇雪梨得返蘋果，夠誠實湯底叫左鴛鴦鍋，清湯同沙嗲，沙嗲好夠香，啲芽菜索哂味本地手切肥牛，好多油花，切係起雙飛，厚度剛好，放落湯拖兩拖食得，牛味好濃豚肉都好正，食落口彈牙，好夠肉味魚皮拼響鈴脆肉鯇魚片，爽爽聲水餃皇餐肉、粟米、魚皮餃唐生菜

與友人一直都食火鍋，但又不想在家食，碰巧朋友推薦這間，於是決定一試。這裡環境舒服，很適合一大班人聚餐，而且火鍋最開心是一起食的那份氣氛，大家一起食什麼就食什麼。湯底有好多選擇很多，所以選了雙拼鍋底，很方便，一次可以吃兩種口味：麻辣火鍋和豆腐清湯配料選擇多，當中手切牛肉是必試的一環，所以就點了。吃起來的口感很嫩，牛肉味很重美國桶蠔一上台看見就好興奮，夠大隻又飽滿，放入麻辣鍋底中，實在又新鮮，沒有腥味除了肉類，手工餃子比一般的急凍水餃夠足料，而且皮薄肉質鮮嫩店內可以叫的配菜多，午餐肉、蜂巢豆腐、冬瓜、土豆......都有，而且上菜速度快地點容易找，無論是熱天或冬天，想食火鍋，話來就來也是不錯的選擇

夏天開着空調，吃着肥牛，吃火鍋是一件好幸福的事。不過朋友不想在家中打，於是來到朋友介紹位於深水埗的火鍋店。菜單很豐富，率先點了鴛鴦鍋，麻辣湯底和豆腐湯底選材方面：手切肥牛，響鈴，自家炸魚皮必選！加上自製水餃，生菜，萵筍片、稻庭烏冬、蜂窩豆腐......手切肥牛色澤和味道上，份量也很多，不是薄切，下鍋後味道更為出色，有驚喜。炸響鈴和炸魚皮都新鮮炸起，賣相和脆口都一流，無可挑剔！必定配上火鍋必點的生菜和娃娃菜，感覺健康又有營養。最後，自家製水餃餡料豐富，粒粒飽滿結實！材料新鮮，而且一口氣可以食掉2、3粒，讓人難忘。

已經好一段日子無吃火鍋了，今晚難得經過深水埗，就一於食下呢間火鍋。一入到去，已經有好幾台坐滿人，見到佢地台上面的送菜好新鮮，已經令我垂涎欲滴。先黎講下我地揀咗個鴛鴦火鍋，一邊係沙嗲一邊係香茜。沙嗲湯底勁香，一滾起已經聞到濃濃沙嗲味。香茜不嬲係我最愛，仲有皮蛋係入面！佢地的手切肥牛真不錯，一份入面有十幾塊，每塊都好靚，肥瘦均勻。滾熟之後，牛味好濃郁，一定要點。朋友叫了鴨血，鴨血好靚好均稱，滾完都食得出好新鮮，一啲腥味都無喎牛柏葉好爽口，一碟有勁多雲吞好大隻，入面有完隻大蝦，超抵食。

同男朋友出左深水埗買野, 買完肚餓想打邊爐, 見到呢間 - 鍋居火鍋專門店, 之前未食過, 試一試佢。呢間店佈局似傳統酒家, 坐圓枱的, 我地2個人, 枱都大大張, 坐得好舒服。醬料好齊, 可以跟自己喜好去揀, 仲有碟花生做開胃小吃。蘋果雪梨茶 ($35)呢個真係好足料, 自家製既, 好好飲~清甜解渴~招牌沙嗲鍋 ($58)沙嗲味香濃, 有大量芽菜, 湯底入面仲有豆腐! 索晒沙嗲湯既味, 好食!頂級手切肥牛(大) ($248)油花靚到一個點!手切起雙飛, 口感一流!牛味濃郁~蜂巢冰豆腐 ($36)打邊爐最中意叫蜂巢豆腐,吸湯最強, 索晒D精華!特製水餃皇 ($52) 午餐肉 ($36)午餐肉好大碟, 厚切!水餃皇堅大隻足料!超好食!手打墨魚丸 ($78)爽口彈牙, 鮮味十足!配沙嗲湯底食好正!花雕雞件 ($68)雞件好入味, 配薑絲食好正!稻庭烏冬 ($32)最後叫多個烏冬, 索晒成晚沙底既精華, 完滿