鍾記車仔麵 (已結業)

行街買完嘢隻脚有D軟，肚子有D餓，坐低整碗車仔麵...女友未試過，我自己都好耐冇食咯...嚟到呢度梗係要試D特別嘢 la --- 菜甫煎蛋、牛脆骨及牛腩三樣加油麵...菜甫夠晒大粒亦夠多，蛋亦煎得不老；牛脆骨明符其實嗦嗦聲；牛腩夠淰亦夠入味..最難得係油麵都淥得彈口而不過淰，加入腩汁更加香口...水準以上嘅一碗車仔麵...

難得到蔡瀾美食坊，發覺變動頗大，可能太久沒有來吧。金鳳沒有了，變成珊瑚堡、詠黎園擴大了不少，像是酒樓，我始終懷念其於大磡村時那小店。當還惆悵於到那兒食飯之際，則被車仔麵老闆叫住了。老闆倒是很落力，為我們推介他首創的炒魔芋，我們於是叫了一個試試，樣貌與河粉差不多，只是比河粉多了些煙靭。老闆是潮州人，於是店中亦有潮洲麵線食，炒得不錯，一個炒麵，加上一個茶樹菇的例湯連飲品，三十個大洋價錢都相宜。至於車仔麵就不是太欣賞，於花多眼亂五十多款中餸料選了牛腩、豆角餅和滷水豆腐配紅薯粉絲，但味道一般，而且三款餸加飲品就要二十六元則顯得稍貴。老闆親力親為，而且笑容可掬，還會幫你搵位，招呼一流，惟其飲品實在有待改善。

魚蛋好難食...好似食緊面粉環境又迫到死$31得4樣餸一個noodle, cold drink 重要加多2元....我叫了cold lemon tea, 但重要難飲過普通茶餐廳

星期日同老公黎食，好多人，好彩都有位，我地叫左一個二人餐，$68, 可以選兩种粉麵，8個（不過呢八個最後係會裝埋一齊同一個碗度），兩碗湯（可以改飲品），一碟通菜。兩個人68蚊食o甘多野實在好抵。個湯煲得好靚，裏面有一d好特別的菇類，好似係對健康有益（promoted by the shop）。我要左瀨粉，老公就要銀針粉，兩种都o.k. 個8款中最好味的係菜脯煎蛋同午餐肉。通菜好大碟，味道比較清淡，要點腐乳先更好味。食物都o.k.,個流程我覺得需要改進下，如果有得睇完d之後坐低慢慢tick就好啦。服務態度一般，環境好逼，不過價錢o甘平又無加一都算係o甘啦。

chicken wing得五香粉味魚蛋好難食...好似食緊面粉咁Udon係普通貨,唔彈口環境迫到死.千祈千祈唔好黎食..完全失望.

上次食, 食呢個豬腸發現有d黑色既沙...(都唔知你咪"吾吾"...=0=")之後好快就肚痾...仲要痾到腳仔軟...其實d餸既味道都ok...但係食到我咁真係唔掂law...而且, 朋友話好多味精下...p.s 好多人煲煙...

不是第一次到「鍾記」吃車仔麵，今午再來光顧，發現已裝修過，裝潢像一間開放式的餐廳，已棄用從前的桌椅…牆上「老夫子」的漫畫不見了，用些昔日照片以取代…砌成「鍾記」二字！叫了三麵加凍飲，幸好保持水準！

(19/6)午餐時間，仍然滯留室內，光顧了那尖沙咀分店，先嚐湯底，味道濃郁，香辣醒胃，牛肚分量十足，入味，豬紅及魚蛋，車仔麵不可或缺的部份，豬紅完整一件件，魚蛋彈牙，沒有如以下食友說那情況，配合港式烏冬，真的想按燈再來一碗。

二人叫了兩個$26的三餸 麵餐, 可選湯或飲品. 要了辣魚蛋, 雞翼, 魚皮餃, 菜, 豬腩肉和豬手. 凍飲加$2. 但連豆漿都要加錢, 很多地方都不用呢!- 魚蛋有辣味, 但吃到某粒時咸到飛起, 這些都是麵粉魚旦, 不要抱有期望.- 雞翼, 普普通通.- 魚皮餃, 中規中矩, 幾款餸 中算好.- 通菜, 份量幾多, 幾嫩. - 豬腩肉勉強剪成5件(應該說是1件加4片), 算吃得過. - 豬手兩大件'骨', 其中一件好少少, 叫有些肉吃. 但最唔得似乎係d麵, 雖然煮麵阿姐將我地d麵灼得好腍, 過腍! 可是, 我的幼麵竟然出現兩大'餅', 硬硬的黐埋晒一大堆, 煮麵阿姐手勢確係超凡! D麵咁腍都可以煮唔散!

心知肚明，食o左蔡san 既「食肆毒藥」。除o左開幕o個日幫襯過之外，下一之幫襯竟然係n 年後既今天。食o左鍾記招牌牛鞭，跟例湯（茶樹菇南北杏杞子煲豬骨湯）、通菜同蒟蒻紅薯粉。例湯幾清又唔係味精湯，所以先行KO o左先。跟牛鞭粉既通菜o係走油白灼既情況之下都幾乾淨同綠，都唔錯。一記蒟蒻紅薯粉：望落同食落都竟然令我諗起"女麻"辣粉既半透明滑粉。招牌牛鞭反而有少少失望：雖然我眼睜睜睇住靚姐攞住條半既牛鞭剪開一舊舊咁俾我，但食落有D 爽得o黎硬，但又有幾舊稔得o黎軟，似煮過火候既牛孖筋多D...莫非佢真係「搭」半條孖筋混水摸魚？

因林小B返夜而我又係尖沙咀, 所以陪佢到呢間鋪食晚飯。XO醬金菰肥牛煲- 好多料, 不過辣咗D, 不過好惹味, 送飯好正。跟餐中式例湯- 南瓜湯, 好好味呀! 味精唔係好重。跟餐白飯- 個飯大到呀, 我諗細食D三個人都夠, 因為佢哋用公鷄碗裝飯。車仔麵套餐點咗:牛奶麵- 唔係好重奶味, 但食落好煙靭, o趙耐D會食到有少少少奶味, 但湯底有少少辣好好味, 但不宜飲太多, 因實有味精。牛筋- 唔算好腍, 但好入味。鹵水雞翼- 剛剛熟, 好嫩滑, 唔係十年前浸落嗰D。貢丸- 無咩特別, 但好在無雪味。餐飲熱檸水- 唔會難飲。

上文講到大不如前的德昌,今次又講下同樣在土瓜灣發跡,越做越大的鍾記車仔麵.初期在馬頭角道年代的小店,幾個位都無,每一次,都係叫外賣.鍾記由似至終,最出名就係用牛的"特別"部位去做車仔麵.牛鞭,牛波子,牛薑等等.一旦愛上,不能自拔.自發跡後進軍蔡瀾美食坊之後,偶然一次路過光顧.又係同德昌一樣,唔再係昔日的味道.好似一部老爺車,一踩油門,感覺窒下窒下.唔夠力.牛鞭唔再有味,波子變左大發仔,牛薑硬到咬崩牙咁滯.再一次去老朋友的喪禮,感覺真係唔"爽".

食物味道一般, 服務態度普通, 鋪面少人, 多二手煙。其實, 街邊的車仔麵仲好食。

兩個字: 普通極其量只可以話乾淨過出面d車仔面

套餐有3餸1麵, 另加餐飲/湯: 牛奶麵- 唔會有牛奶味, 但質地好滑牛心椗- 都幾肥下, 我個人好鍾意食, 我估喜歡食豬腸既人都會鍾意.豬手- 唔係南乳豬手, 但又講唔出係咩味道... 味道ok.魚片- 合格湯可選擇中湯或西湯, 我要咗西湯(羅宋湯), 水準麻麻, 反而見到人地既中湯好似幾足料咁, 下次都係叫中湯好d~