鐵板王 (已結業)

看到Openrice 食評內的照片賣相挺吸引的、當然要去試試。放學後、實在餓極了、拉著朋友以極快速度來到此店、店內很多人、我和朋友坐到一張二人枱、看了一會餐牌、我便點了肉眼扒配飯和羅宋湯、而朋友則點了西冷扒配薯菜和忌廉湯。先送來餐湯餐包...羅宋湯很香而且很足料、而餐包則熱熱的而且很軟熟。喝過湯後不久、主角便送上了、蒜茸汁很香、牛扒亦算厚身、吃起來不會'Un'、而且還蠻有肉味的。G o o d !!值得一提是....這裡的待應服務態度實在很好!!(一)不用三催四請才為客人落單(二)看似是經理的男員工看到我們的扒來到時立即送上茄汁、而且我和朋友坐的二人枱 較為擠迫、當鄰座客人離開後、他立即把枱 面清理乾凈後並把枱 推過來...讓我們有較闊的空間進食、這點實在貼心!!在旺角能找到服務態度這樣好的餐廳實在不易。

今晚一行8人去左鐵板王食晚飯, 可能係時間尚早既關係無咩客人, 所以服務生既招待唔錯, order左8個餐\, 雖然唔係話好食都嘩嘩聲, 不過以平均$80左右既價錢, 其實已經算係幾好味道架啦, 真係大大份食唔哂, 而且環境又唔嘈, 好岩一班朋友坐係度邊食邊傾計~~~

星期五早放學,同阿Ling去左旺角行街!!因為我地2個都未食Lunch,所以又周圍搵野食,阿Ling話帶我去食"鐵板王"咁我又未去過...就去試下^^我order左"蒜茸西冷扒",而阿Ling就order左"黑椒西冷扒"本身我係1個唔太鐘意食餐包既人,但見到e個餐包,好吸引我,嘻嘻!因為佢形狀得意,而且好軟!!而主菜個塊牛扒幾厚下,點埋d汁一齊食,唔錯丫!!阿Ling因為佢成日食...所以唔知俾咩食評好!!只好講,今次d扒"un"左d同埋薯條份量少左d!!

因為男友中意切扒~而咁o岩行過呢間而個侍應又行出黎為我地介紹~所以就入左去~環境唔錯~有歌聽~但太多射燈~天花板同地板亦冇乜執過~所以呢點要扣分~晚餐\1, 西冷扒配燒鰻魚,凍朱古力,忌廉湯($78+10%)2, 西冷扒配龍利柳,凍咖啡,羅宋湯($78+10%)男友話紅湯唔夠味~而我o既白湯就不過不失~當然遠遠不及new york cafe & bar o既是日餐\湯咁好味~上扒~龍利柳比牛扒更大~我同男友一個要5成熟一個要6成熟~但當我地切開塊扒~見到塊扒全冇血色~而且咬落一d都唔似食緊牛扒~反而有少少似豬扒o既質感~而且味道並唔係西冷o既味道~值得一讚o既係薯菜有薯條同薯角一齊上~呢樣係令我開心o既~朱古力~其實黎黎去去都係個幾隻朱古力粉沖調~不特別~服務方面侍應們都好快手快腳有求必應而老闆見我地o既扒一上就自動拎支茄汁俾我地~而冷氣方面~我男朋友就話唔夠冷氣好熱~而我就覺得好凍~人o既體質唔同~冷氣好難就哂每個人o既需要~雖然對我同男友黎講唔會再去試~但睇得出廚師特別係牛扒上下左一番功\夫~希望牛扒唔會因為過熟而切唔開而且明顕吃得出牛扒事先經掩製過~對位於女人街~呢種口味應該對大

琴日岩岩同個Fd做完gym之後想去又一城shopping,去MTR中途行經女人街,順便搵下果間西門丁台灣餐廳不過都搵唔到加上個Fd話隨便一間,咁岩旁邊有間鐵板王咪入左去囉!! !!一入去就打算食返個牛眼肉扒餐$38凍飲+$2(連加一)服務ok bo幾友善啊! !牛扒都幾好,我唔同我個Fd咁多要求又話有根的牛扒唔係好野,我就覺得有根牛都幾好-有咬感! !機本上都好ok 比太子扒王好一定唯二有問題係冷氣較大,不過小二都叫我地坐過一個位冇咁凍.同埋個老闆可能好鍾意張學友唱小城故事咁不停重播到我走播左7次我一直數住=,=

前日一個人行經女人街因為想試新店,自己入了這店試一試新鐵板餐口味女人內街一眾食店中從外處裝修看,黑黑實實這算是比較高檔專葉的一間入去時,正值人聲沸的午飯時間已經坐滿了大半店經理見我一個人來面色沉了一沉我心想都係快點快食算先睇一睇餐牌中午主打是3款超值鐵板餐$28(涷飲加$2)餐牌其他都是焗飯咖喱飯之類,價錢約$35,相當大眾化我叫了牛八餐先坐一份熱餐包+牛油這種做法真少在午餐時出現立即加了分再上一份忌廉湯ok啦牛八餐有薯菜可擇所有食品上枱時間都很快速食完感覺是這店價錢雖平但不會將貨就價竟然有餐包其實是出面的晚餐格局相信大部分食客都如我滿意很不錯,但叫人有點失望的是主人翁牛排牛肉味道怪怪,汁亦很普通的貨色但我都覺得可以一去再去因為都幾有誠意不過途中有2個年約3x的女人搭枱坐低後不停表達自己的偉論我心想為香港幾時多了這麼多港女真是倒人胃口

我LUNCH都未食.入去叫左個鐵板CURRY 雞肉烏冬!我開頭唔見佢有CURRY.......食入口.....甜甜地,少少CURRY味......好多油WOR!!!O MY GOD!!早知食佢個D 扒飯好似穩陣點啦。

(是在2個月前發生, 因太忙未得閒post出來)昨天行行下女人街~ 見到有間鐵板王, 諗住入去試下~ 點知真係覺得差差差, 我可以講我未食過一塊牛扒係難食到咁既地步我叫左一個鐵板牛柳, 六成熟~ 個鐵板來到時塊牛個賣相都無乜野, 但係我一切落去~ 成件牛係散開~ d肉係一絲絲咁散開哂~ 嘩~ 咁都比人食得, 仲有果件牛係無肉色, 姐係d肉好白咁唔知點解~ 食落去係完全無牛肉味, 我剩係知我食緊一d肉類~ 唉我好浪費呀, 食左一啖無食~ 但係無奈我真係食唔到真係好難食~ 埋單時同個侍應反映番個情況佢一句話我拎比廚房睇啦~ 我比個九折你地, 講真唔洗錢我都唔會再來食~ 真係好離譜

lunch 同同事出去食.. 試這間女人街的餐\廳. 叫了西冷扒, 味道不錯.. 幾有口感, 好食過扒王.. 仲便宜一點.. ^^..

環境稍嫌陝窄﹐但不是太差還算可以接受﹐衛生都正常。冷氣凍到暈...環保少小吧, 用少D電人人happy! 其實個日大概22-24度無開行a/c既必要﹐你話第時30度要點先?? X3份鐵板西冷扒餐\X1份鐵板西冷配大蝦餐\餐\湯兩紅兩白﹐不過不實中規中矩﹐餐\湯囉!熱辣辣既餐\黎喇!! 蒜蓉汁同黑椒汁都唔錯~薯條又幾好味喎~ 什菜咪冰豆豆囉﹐仲想點喎! 我朋友個兩大隻大蝦真係ok得! 中蝦喇﹐但肉質都鮮同爽。牛扒唔錯﹐無乜落蘇打粉!! 又有D surprise但唔太韌所以我幾欣賞。老實講個餐\唔貴所以無expect D 乜, 所以個扒唔係好有牛味呀...etc...就一定架喇! 但係我地個個都係要五成熟﹐我個就end up to be \"well done\" 而其他人分別係變左做8成﹐6成﹐同4成.... u.u\" 但埋單$319﹐又湯又餐\飲﹐個扒個size都夠大! 所以都算合格喇~ 唔係amazing但好過花園餐\廳同扒王之王。下次係MK想食扒會return既~

夜晚,是旦揀左E間.....以為$38 1個鐵板咁神奇平~....點知原來係19:30前或22:00後先係.....唉.....算.....姑且以$7X左右ge價錢(加左1)黎評評......環境同衛生都好正常,唔會太迫,有TV~唔嘈~(好似最嘈係我地)服務都係正正常常,冇乜衰野or特別好.....個個都叫鐵板,偷食左1舊3成ge西冷扒,感覺不錯~什扒~雞扒中等,略嫌唔夠鐵板feel.....豬扒亦中庸.....火腿腸仔不用多說吧?不過牛真係唔錯.....越食越有機,唔un,d味又發到出黎~又有鐵板feel!!!!所以如果去e間野又叫鐵板ge話,推介牛系列~(個SET有湯有餐飲)

令我感到點特別的地方是:一個字"平"$128價錢.食物如下~餐湯~有翅的海鮮湯及普通牛油餐包頭盤~鵝肝蟹籽沙律主菜肉眼扒(有手掌般大,6分厚)加兩塊煎豬扒(一對手掌般大)勁多著條餐飲..服務方面算不錯,至少"有叫即回,不停加水"等基本服務環境小許嘈雜,因有電視聲整體來說鍾意食肉的朋友非去不可..飽到嘔!!

首先想講, 其實呢間野係鋸扒架, 唔係食日本野之前睇雜誌見到好似好正咁, 跟住去試我叫牛小扒加龍利柳($108), 我朋友叫羊扒加鵝肝(好似都係100零幾)食套餐可以加$26叫多個薯茸焗田螺, 叫埋好正呀! 大大份! 牛小扒五成熟好有牛味, 好軟身, 龍利柳入口即溶我朋友本身唔太食魚, 但係試左少少都話ok~ 佢個羊扒七成熟都好正唔"鞋", 鵝肝都係兩邊煎一煎個田螺好有蒜茸味好香好多汗, 好味呀!!鐵板王既裝修都唔錯, 主要都以黑色為主, 有部電視會播d演唱會片段d"登"都好舒服, 我朋友話食o係度傾計幾好feel我地由差唔多九點開始坐低, 食野連傾計埋計都十一點可能係閒日佢都只係半滿所以冇所謂d waiter service都好好, 扒到之前就問定要唔要茄汁芥辣, 加水又唔使提個人覺得呢間鐵板王比起什麼扒王之王花園餐廳都好食幾十倍一定會再去, 同帶其他朋友去呀我~~~

諗唔到去邊度食宵夜, 行過比門口個姐姐仔話做平個價比我地, 我地先入去食!d扒都尚算ok, 服務就差la! 我地都未食完, 仲有兩, 三檯係度食緊, 佢開到個冷氣凍一凍逼我同d fd走!想趕我地走咪直接講「唔好意思我地要收舖la!」cheap到要開行冷氣迫人走! 差la!等我比第一個喊樣佢la!

我同亞J去左女人街入面搵野吃,見到呢間餐廳咪入去law我地林緊唔知重有無下午茶餐,因為已經5點半後,點知重有,我叫左石斑雞扖配磨菇汁跟薯菜,亞J叫左石斑豬扖配洋蔥汁跟白飯,D薯條係粗型扭文個種,好味...不過豬扖好硬,可能係新鮮豬掛飲品就例牌凍檸茶(2杯)