鐵板王 (已結業)

中午肚餓見有枱又未試過,所以入去試,入去個時個服務生都有禮貌,叫左個咖哩魚柳飯味道只可以講唔係難食但又叫唔上好食,不過間餐廳係食扒,所以我有時間會去多一次比多次機會佢...

果日見到附近食日本野都排晒隊, 見到依家唔多人排,去於是去試下啦。入到去點左兩個set, 西冷排同埋羊扒首先黎果兩個餐包, d 牛油一d 都唔凍, 溶晒之後個蘿宋湯無乜味, 好淡到個西冷扒la- 我叫左六成熟, 因為燈光既關係, 我睇唔到佢有幾成熟總之老到不得了, 又硬又無乜汁而羊扒算係好食d, 因為牛扒太難食....我對住個風櫃坐... 好大風好唔舒風....嗱嗱聲食埋, 野飲都未飲完就趕住走差唔多一百蚊一位, 雖然唔算話好貴, 但食得仲差過大家樂, 一般茶餐廳保證無下次

一直以黎都知道女人街入面有間食鐵板既餐廳.. 行街行到8點幾肚餓就走入去試試地方都算有少少淺窄, BTW.. 食物絕對一流同男朋友2個人.. 叫鐵板既SET DINNER有餐湯 X 包 X 飲品1杯一個係肉眼扒, 一個係西冷扒.. 煮出黎既熟度絕對係可以接受老公話西冷扒好食D.. 個sauce都算幾好的埋單都只係$145.. 2個人係旺角食絕對係1個平民化既價錢This restaurant is strongly recommended!

記得上次嚟到嘅時候，店舖仲未開門，無緣一試，今次行過，點都要試吓 ...餐廳環境幽暗，冇咩特別裝修，時間尚早，冇咩人，於是隨便揀個位就坐低 ...枱面上已經備有餐牌，餐廳有扒餐、焗飯等供應，但嚟到鐵板王，始終想一試至愛嘅鐵板餐 ...order咗一份龍脷柳/雞扒拼薯菜，再加多客法式田螺 ... 鐵板餐當然少不了餐湯 & 餐包，但自問對此無甚要求，所以不提也罷 ... 先嚟到嘅係法式田螺，上桌時，"滋滋"作響，可想而知幾咁熱辣辣 ... 正如傳聞所講，好味道，田螺肉爽口彈牙，美中不足嘅係薯蓉味道啖咗啲 ... 主角上場，$45 一份鐵板餐，份量 OK，龍脷柳煎得香口，切切吓，濺出汁嚟，諗唔到魚柳都可以咁 juicy .. 雞扒嘛，同樣皮脆肉滑 ... 諗唔到嘅係，平日食鐵板餐，薯條多數都淋哂，似食薯蓉，今次嘅薯條，食到尾都係脆嘅，而且係長長嘅波浪紋薯條，配菜方面，都處理得唔錯噃 ... 呢個時候，認真要表揚吓一位侍應，由 take order 開始，都好有禮貌、好殷勤，抵讚架，食到 last，見你仲未嗌嘢飲，都會提提你，佢唔講，我可能真係會忘記 ... 除非响酒店啦，否則 ... 呢種服

今日下午黎左呢道食飯第一次黎, 感覺門面一般, 不過本住一試無妨既心態, 入去食下先叫左兩份鐵板(西冷)同一下午餐(肉眼), 另加一客田螺午餐我無試, 不過食果個話得wo田螺上場, 有水準, 不過我食唔出跟其他西餐廳有乜野分別.之後到鐵板上場, 大約50蚊既一份鐵板, 竟然有咁大塊牛排, 大約16安士.....叫左半熟, 牛肉都仲好軟口, 有牛味, 比起某大連鎖扒房, 唔係差不過都係有一個鐵板既通病, 熟過頭, 出到黎都已經接近6至7成熟囉, 再改進一下就更好, 或者下次可以試下叫3成熟.餐飲都係一般水準, 沒什麼好說

座位頗迫,內排的食客要進出十分麻煩.法式田螺作頭盤.($30/6隻)以蒜,香草,牛油等炮製,十分香口.可能小弟比較食得咸,覺得薯蓉可以加上田螺汁來吃.推薦!6成熟西冷扒拼鵝肝配薯菜(什菌汁)結果舊西冷扒皮似8成熟,肉似3成熟,勁UN,太生,切都有D困難.鵝肝有D腥味,奇怪的乾身,入口即溶ED真係唔洗諗,總之你唔會覺得係食緊鵝肝.....本身呢個價錢,對舊鵝肝已經冇乜期望,但仍然失望,千其唔好試.不過,什菌汁反而就唔錯,真係幾多菌,幾香口下,唔想成日蒜容OR黑椒,真係應該試試呢個汁.5成熟肉眼拼大蝦配飯(燒汁)比西扒好好多,起碼真係5-6成熟左右,完全唔UN,肉質不錯,咬落去D肉汁咇出黎,過癮.大蝦的SIZE尚可,味道一般,下次還是試試龍俐柳及鰻魚吧.服務方面,幾有禮貌,都算主動幫助客人,總算挽回一點分數.

老公嚮openrice搵到呢間鐵板王, 所以嚮中秋夜特意來試試~~~不過我地嚮旺角兜左幾耐先搵到呢度... 一入到店內, 昏暗的燈光頗適合情侶談心,眼見店內的食客多是一雙一對的 ~~這裡的服務算不錯~~~我和老公商量了頗長時間, 都沒有店員三催四請下單~~~我點了鐵板牛肉眼扒配大蝦老公點了鐵板西冷牛扒配龍脷柳, 另加一個前菜--田螺這裡的餐包的確和食評所講的一樣, 形狀可愛, 不過食落好像沒有包味 -_-牛油沒有牛油味 餐湯我點了忌廉湯~~ 我個人好鐘意飲忌廉湯~~~ 所以每次去光顧西餐廳都會點~~~可惜這次的忌廉湯一點兒都不濃 ..........頗淡的......前菜-- 田螺 $ 30一上枱便傳來一陣陣的蒜香~~~ 我個人十分喜歡 =] haha原來田螺會配埋薯容, 真的很不錯 配搭和味道都很不錯~~~$ 30 六粒都算 ok ...同另一半 share就岩岩好 肉眼扒 $ 79一上枱就立刻被份量嚇驚了~~~~實在頗大份的 幸好我平日的食量十分好~~~~~哈哈 放馬過來 意粉煮得很稔~~~肉眼扒都好軟~~~~隻大蝦真的頗大 哈哈 食落又唔會話霉~~~~~我呢個冇牙婆

6月27日今晚呢個飯局約左幾個識左好耐最好既朋友, 大大話話都識左成10年, 最長既識左16年喇...真係唔容易(哈哈, 題外話)因為想剧扖, 於是上嚟搵下邊間好, 最後揀左"鐵板王", 果然份量夠, 又抵又好味, 我地每一叫左個set:餐湯餐包餐茶 - 同同級餐廳水準差唔多, 無咩特別鐵板牛柳王黑椒汁配飯(7成) - 生熟岩岩好, 都幾大份, 好厚但一d都唔un, 而且有牛柳應有既味道口感, 以呢個價錢嚟講真係唔錯鐵板牛柳王黑椒汁配薯菜(8成)鐵板牛仔骨黑椒汁配薯菜(7成)鐵板雞扖王蒜蓉汁配薯菜 x 2埋單約$390, 平均每人$78service就麻麻地, 佢地好似都唔恨你生意, 又或者係因為佢地生意多到唔休做啦, 個manager會成日同你講"如果你見到第二間有位既你都可以去食, 唔洗等我地等得咁辛苦"咁話呢到只有一張6人台, 多過4人都有排等, 但2-4人既就好快有台

我叫左個set luch 夏威夷豬扒, 羅宋湯好"水", 無乜湯味, 意粉偏淋, 豬扒都幾淋, 似用野"拿"過, 我男友叫左個焗豬扒意粉, 佢d 豬扒好多肥膏, 總括而言我覺得麻麻地

今日同我同事仔去食lunch , 去到旺角是旦入一間點知入左野垃圾諗住食 d 平凡 d 既野 無死 la叫左個焗雞黎到... 唔香又唔係好熱咁...已經唔吸引...雞扒唔熟佢同我再返熱 個碟係熱晒 但係 d 雞都唔係好熟無食到40蚊只係飲左杯可樂,生野應該岩寵物食!!!

本來要到這餐廳多時了(因為正進行lunch時掃盡女人街旁的餐廳),但經常看到一點多,餐廳外有人龍,今天早了一點來到,剛好可以鑽進一張小桌!!lunch set($33+10%)有3款,其實還有其他set,但食物來來去去都是鐵板,排+意粉/飯今天點了午餐a青椒燒汁西冷配薯菜-牛排很大,很淋,ok厚,汁亦夠味,薯菜是曲形薯條,炸得外脆內軟,正中我下懷!!還有雜菜粒.紅湯-料足,菜很淋,亦有肉1-2件,但湯偏鹹餐包-應該有的,但忘了給我們餐飲-檸水朋友的雞排配雞肉腸薯菜-雞排厚,但我吃的那塊較厚部份比較鞋,朋友的反而ok...坐近廚房,聞到有d廚房臭味

5月19日 雨今日放左學約左小學同學係MK行一陣...佢知我成日出街食野,所以叫我帶佢去食d新野問佢有冇食過"鐵板王",佢話冇...所以帶佢黎食我地4,5點先入去食....唔知係唔係叫下午茶la我叫左"黑椒西冷扒"...朋友就叫左"蒜茸西冷扒"今次D餐包依然咁好食....又熱又軟棉棉..但我覺得今次D扒冇上次同阿Ling食個次咁好味!!因為um左好多....應該係太熟la~~~但佢d服務真係好好.....朋友個蒜茸西冷扒係配飯既個老闆見到朋友個扒冇晒汁.....就主動問佢洗唔洗再返d汁俾佢..真係估唔到...個老闆會咁好!!!!因為佢係主動問嫁

今日去開旺角同男朋友黎左鐵板王, 今次係我地第二次黎食。我 order 左鐵板牛仔骨配薯菜, 而 bf 就 order 左雞扒配飯, 仲叫多個焗田螺 tim~1) 田螺: 超好味, 下次再黎都會再叫2) 牛仔骨配薯菜: 牛仔骨好味, 但係薯條就炸得太乾, 所以下次未必會再叫薯菜3) 雞扒: 我試左一塊唔錯, bf 話 ok至於服務態度我覺得好好, 話說 bf 食食下覺得唔夠汁, 於是我話不如問佢加多 d 汁啦, 但係 bf 費事麻煩話唔使 lu, 但係個經理唔知係咪聽到我地講, 佢主動問我地使唔使加多 d 汁俾我地!!! 如果下次去開 MK 又想食扒, 我地會再去~~

尋夜睇左之前的食評,,,所以去左試下,,,點知係完全唔得!!!!我地4個叫了 肉眼,,,西冷,,,雞扒同,,,牛仔骨雞扒同牛仔骨就冇咩大問題,,,只係肉質過左火小小不過肉眼,,,我食了一口就想嘔,,,勁重sor打粉味,,,食到我嗱喉,,,而且我要的係4成,,,佢8成出黎而個西冷仲離譜 佢比我感覺係食緊豬肉的口感依份5成西冷佢表面肉質以經係完熟什致係向牛肉干進法而最內層只有小小肉保留係7成左右。一望落去你會見到深淺分明的肉色。而佢的餐湯最基本的都十分行貨~!!!!服務質素雖然唔係太差,,,不過可能除經理外都是新職員,,,欠了積極~!!!!總括黎講大失所望。

第一次食係個陣考試...下晝11點幾...係花園街搵到呢間餐廳...個陣其實佢地都未準備好開舖。佢地都仲食緊LUNCH...個陣成間舖得我同朋友仔2個人..不過佢地都好熱心咁服務我地。非常鍾意佢個雞排。$38蚊。真係抵食到震。