鐵板王 (已結業)

呢度唔係一個傾計食飯既好地方...因為D枱好密好迫, 密到好似同隔離塔枱同朋友叫左2個趴餐, 我食牛, 佢食豬, 都係跟薯菜一上個趴....嘩, 好大件, 好驚食唔晒上完趴之後, 侍應會幫我地落汁,個鐵板真係好熱, 一落D煙大到好似火警咁...就咁睇落去, 以為好正啦....點知....我叫左6成熟, 但好似成8-9成咁, 好UN, 又冇牛味, 講真, 大家樂個$5X 爵士牛趴仲好食好多!!食左一半到已經頂唔順, 手又切到好累, D牙又哎到好累.....難怪旺角間間都排晒隊食野, 但呢度DINNER時間仲有咁多位~~

經過門口比職員推介就入左去試吓, 原來間舖都幾細格局又好窄, 揀左個二人套餐, 熷牛柳粒意粉+鐵板西冷牛扒。羅宋湯得個咸字,初頭以為得我係咁, 但原來fd都係咁諗。然後兩味主菜一樣...又係得個咸字, 個扒又食唔出茸蓉汁, 我要7成熟但出黎生好多, 仲要件扒勁難剧得開切到我手都痛埋。早知行去第尾算, 以後唔會再幫襯佢。

星期六人多見有位，就同朋友兩個人入去食晚飯。一入到去就知出事，因為餐廳座位逼到完全無鬆動！I am not 倉鼠！但諗起而家鋪租貴，就忍耐一下啦！坐得唔舒服就梗架啦！但空氣唔流通，令人更加辛苦。加上地方太細，太多人太嘈啦！根本無晒心機同胃口。勉強食落去，d侍應又好心急收你碟，唔知到底唔夠碟用呀？定因為張台太細呀？定想趕你走啦！隔離台後生仔好野呀，個侍應催佢地起碼五、六次落飲品，佢地頂得順唔落話轉頭先！個侍應少少發老脾。我唔得啦，食完快快走，又頭痛又想嘔。然後走多七步，發覺味精毒發，超口乾！老實，我食野都好有彈性，好一餐唔好一餐，但我唔明點解呢間餐廳竟然有好評既？NO!!!!!!!!!!!!!!!!!!!!!!!!!!!!!! 不可一，不可再！向難頂餐廳說不！

尋晚同女朋友去旺角食飯, 路經鐵板王打算試下, 點知食物難食不得止, 侍應服務態度仲奇差, 未食飽已經一肚氣 侍應服務:上餐後打算點餐飲, 叫女侍應竟視而不見, 叫佢佢竟然話好忙, 唔得閒理我, 叫第二個幫你啦 !!!!!! 可惡, 之後佢真係走左, 執完隔離台野之後走返去傾計, 完全冇理我, 呢d 係咩服務, 全場十多張台, 你地四個侍應都做到咁 !!!!!!!食物質素:我點了個澳洲T骨, 女朋友點了鐵板牛仔骨, 來到的扒根多肥皂多, 真係切到你發脾氣, 食到的肉少之又少, 成百蚊塊扒都咁慨質素, 真係大失所望食後感:以前食過都唔係咁, 呢家價錢又識加, 服務態度同質素差成咁, 我真係以後都唔黎呀, 百幾蚊塊扒大把選擇啦, 食到成肚氣 !!!!!!!!!

同男朋友由大陸返到香港, 出到旺角, 即時就要搵野食!路經鐵板王, 不加思索就走進去餐牌上的食物都是很經濟, 由於大病在身, 都不想吃熱氣食物所以我還是要焗肉醬意粉, 男朋友就要黑椒雞扒飯餐包和餐湯很快送上來, 餐包是暖的旺角也有有誠意的餐廳吧是日餐湯是甘筍忌廉湯, 不過不失吧焗肉醬意粉外觀不錯, 味道也出奇地好味肉醬不漿不油, 份量不多不少, 剛好足夠餸意粉呢也可比美大家樂水準吧, 但比大家樂更平價!男朋友點的雞扒, 香脆可口, 黑椒汁也十分惹味真的有點意想不到!以這個價錢吃到如此水準的食物, 真的物有所值!

bad service, bad quality本人有小朋友, 又有身孕, 要手推BB車, 如果小朋友食dinner, 將BB車摺好, 都仲有位食, 無奈當時小朋友太累瞓左, BB車不能摺起來, 個WAITER態度非常惡劣, 又話阻住佢做生意, D牛排一D都冇牛肉味, 雞排又乾又"un".. 班WAITER態度一D都唔友善, 未食完, 都將新餐具擺係一邊, 準備反枱, 擺明想趕你走, 有小朋友, 又有身孕, service都咁差, 我以後永遠都唔會再去食.

上兩個星期同男友出開MK男友好鐘意食鐵板所以我就提議食呢間la去到門口嘩乜貴左咁多geo係我地想走之際個職員介紹我地食優惠2人餐一個扒+一個意粉正合我地心意入到去叫左個什扒同一個煙肉蘑菇炒扁意粉另外加錢要多個焗田螺個湯好快就上左比我地熱辣辣好好ar我個白湯入面仲要有d細細粒ge魚值得加分先黎個焗田螺熱辣辣仲bi bi bo bo緊仲有佢提供ge工具好好之後就上個扒又係熱辣辣bi bi bo lo好正好大份跟住到個意粉我一直以為係白汁拎到黎原來係紅汁有少少失望不過味道都ok唯一唔好係成間餐廳都係用射燈好刺眼同埋全程播演唱會好嘈所以食完都拿拿聲埋單走人

10-12-2011 Sat陪男友出去做o野,然後去旺角攞o野,諗住攞完後去KFC食新出o既蜂麥炸雞,佢男友人W話一齊食,啊,好啊.佢話KFC要行去雅蘭o個邊,問我o地係咪堅持要食?我o地答都唔係o既,咁男友就話茶餐廳啦,咁由呢位地膽帶我o地去.佢帶我o地o黎到呢o度,都算多人.坐低後,W要$42.00o既鐵板雞豬扒餐,要野菌汁配意粉,我要$49.00o既龍脷柳配雞扒鐵板餐,要燒汁同薯菜,男友要唔記得幾錢o既雜扒鐵板餐,要黑椒汁同薯菜.而三個都要忌廉湯,我要凍檸水,男友同W都要凍檸茶.餐包同湯都到齊,餐包只係微暖,忌廉湯都係暖,亦冇料同淡o既.然後三個鐵板一齊到齊,加晒汁後,我發覺我o個個係最熱o既,好喇食喇,薯條熱辣辣,係裡面都熱o既,熱到我差啲’辣’親,而雞扒有兩件,煎得香香的,食到有用蔥醃過o既味道.而龍脷柳呢,肉質仍滑,唔錯,燒汁味道幾濃,OK o既.W其實推介野菌汁,佢話好少有野菌汁同做得咁好味,男友試o左都話個汁幾清,配上呢個汁,就食到牛扒o既牛味,咁睇o黎呢o度o既扒都唔曳喎..W重話成條通菜街都冇乜好o野食,除o左上野鐵板同呢間外.埋單時我好似聽到係$141.00左右.

早兩日同我男友去旺角行街食飯 行到勀勀地 我男友話想搵間坐得舒服d ge餐廳食飯 咁諗住又唔係咩特別日子 食普通d都ok喇 行到鐵板王門口 見佢都有d裝修 就諗住試下喇 點知入到去 d音樂開到鬼咁大 都唔緊要仲要播埋d鄭e健演唱會 煩到想死囉~ 咁再諗諗萛喇 幾廿蚊小餐廳想要咩情調呀 d野食得人就ok喇 咁我地為安全起見 都叫佢最貴果d餐ge 安格絲內眼扒五成熟 跟黑椒汁 ($170左右) 諗住難食都有個限度掛 點知塊扒上枱都成8成熟 連有把刀切開都有d問題 我心諗萛喇 可能我個塊係咁 點知我男友果塊都一樣 放入口咬同食橡筋一樣 成塊扒都勁多筋 我諗住要佢換喇 不過我男友話呢d咁ge餐廳你叫佢換都唔知會唔會加料比你tim 快d食完走好過喇 真係食唔落的話去第二度再食其他野喇 好 ! 咁我就好努力咁將我眼前呢塊唔知係橡筋 定係牛扒ge 野切開 最後連個女侍應都睇得出塊扒切唔開 仲主動拎兩把新刀埋黎換比我地 (我係欣賞佢的細心服務的 ) 但係問題唔係係把刀到呀 你係塊扒唔掂 你換咩刀比我 都係一樣ga喇 !!!我地去果日只係平日餐廳唔係爆滿 唔係太忙 點解都係咁差 唔敢想像如果佢再

鐵板份量十足，鐵板雞扒足3塊！雜扒，豬、牛、雞、火腿和腸仔。還有餐湯和餐飲。白飯、意粉，薯菜任選。認真扺食。味道ok，略嫌太油。間中食一次無妨。對食物要求不大者，可以一試。

其實以前一直都有幫襯鐵板王, 一向都系又平又好食.今日同朋友聚會, 大家話想鋸扒, 我第一時間就提議去鐵板王. 去到見到招牌改左鐵板皇, 覺得奇怪, 唔知有咩唔同.入去坐低, 大體同以前一樣, 不過乾淨企理左. 我認得D WAITER都系一樣. 唔講甘多, 叫野食. 點我一向最喜愛的鐵板西冷牛扒, 黑椒汁, 5成熟, 有餐包, 羅宋湯, 凍檸茶牛扒鐵板上, 黎到WAITER系面前淋汁, "咋" 得好勁, 5成熟加鐵板后變7成熟, 我覺得剛剛好, 唔會鞋, 而且又唔會見到血水. 黑椒汁系我至愛, 夠刺激, 夠野味, 辣味剛剛好.塊扒真系好大塊, 加上餐湯, 餐包同埋飲品, 真系好滿足.我覺得女仔可能食唔晒. 朋友叫倫敦什扒同埋肉眼牛扒都話好好味, 我下次一定要試下. 我地仲叫左香茅雞翼同法式田螺, 都系$30左右. 雞翼好香. 田螺有薯蓉, 都唔錯.成個套餐都系$75, 我覺得好超值.比扒王之王同花園餐廳好食而且又平. 下次要試下其它扒先得.

今日係同男朋友既紀念日~ 想食西餐,所以就黎左鐵板王鋸扒~~其實自己不嬲都鐘意上網周圍搵好野食, 無意之下搜尋旺角區的鋸扒地方,俾我搵到有唔少笑面鐵板王,所以點都要黎試下~今次其實係第2次黎~上星期同男朋友AND佢爸爸媽媽一齊黎食過一次~緊係覺得好食先會再黎 咁今次就打番今日既食評啦~今日我同男朋友叫左一份鐵板西冷餐and一份鐵板鑊仔牛柳餐~另外加左客法式焗田螺(套餐+33蚊)~先上的是湯和餐包~要先讚讚個包~雖然上桌前是用微波爐叮熱~但個包仍然是鬆軟的, 抹上牛油馬上就溶化了,暖笠笠好味~個湯我們兩個都喜愛飲羅宋湯~個湯好多料(紅蘿蔔,洋蔥),我最喜歡它沒有水汪汪的感覺,而且端上來個湯夠熱(今日果個差點俾佢辣親條脷,但好味!)再來先上的是田螺~今天的田螺比上星期點的大粒~而且薯蓉也多了,可能今天客人比較少,師父重手d (奇怪?星期日9點左右已經得番一兩檯客@@)因為太好味~我地食到剩番一粒先記得影相!再來等左幾分鐘主菜就上了~ 西冷夠厚,啖啖肉,鑊仔牛柳只有西冷3分一的厚度,有4-5片左右, 兩款都幾好味,但唔算好特別~以80蚊左右一客鐵板餐我地覺得好抵了!差不多食到一半的時候服務

農曆新春，實在吃得太多廣東菜．突然真的很想成塊牛扒好豪咁食番餐！於是乎想到食鐵板，又看到這店的食評在區內比較下，算是表現最好，昨天特和朋友選來這裏聚一番．我們是午飯時間光顧的．我點的是鐵板肉眼扒．十分好味．首先塊鐵板夠熱．睇住ｄ煙”炸炸炸”，好開心．然後係ｄ牛扒夠淋同入味．是我喜歡的口味．而我則是食七成熟的．最後是個黑淑汁，好香，也夠辣．很期待下之再來回味咁好味的牛扒．結論是　－　價廉物美良心企業　

今晚出MK 換返對鞋, 順便搵左VICKY 媽陪我食飯~VICKY 媽話想食扒, 話去花園, 我就提議帶佢去鐵板王~點解??哈, 佢去過就知~鐵板王都幾多選擇, 價錢又平過扒王同花園~我就揀左個大蝦+T骨扒~VICKY 媽就揀左牛柳扒未黎我就叫左個田累+薯蓉, 廿幾蚊~, 田累大大粒, 薯蓉又好食..不過都係留肚食扒~我個大蝦Ｔ骨黎啦～外觀幾好～大蝦夠鮮，　塊扒成大半塊鐵板，　好大塊唷～，　又唔似牙,好味~!!而VICKY 媽既鵝肝好大件好好食~俾左D我試...下次我都要叫鵝肝~

佢d鐵板唔算貴,55-78,計番個價錢幾好食肉眼扒:好林,幾好食,m size獲仔牛柳:好食,不過太林,同肉眼差唔多味法式羊扒:幾好食,幾香,不過我叫5成熟,可能個鐵板太熱,佢有d位有成8成熟,本人認為如果再酥d就仲正,但佢本身都有少少酥羊香味個忌廉湯同個包就好唔得,個湯冇咩料,個包硬左d焗田螺:唔錯