鐵路便當 (已結業)

平時去食開都係lunch，已經差唔多日日都買😅見到食物咁有誠意，唔寫食評對唔住自己。首先份量方面，個盒望落好似好細，但入面係堆到滿瀉，而且真係好多。個比例係主菜多過飯，例如叫炸雞塊便當，雞嘅份量多到嚇死人。滷肉便當都係好多滷肉。餐飲係平時係街買珍珠奶茶果D size,好大杯。絕對夠食有餘。食物配搭方面，一份便當入面會除咗有你叫嘅主菜同白飯外，佢亦都會有配菜。食過幾次，配菜會經常轉款式。呢個就係我想讚嘅誠意之作，配菜食得出唔係求其整，有粉絲/ 肉碎豆角/茄子/咖喱青椒薯仔等是但一樣或兩樣，甚至番茄蛋都試過，每款都好食。而且配菜轉款式轉得好密。味道方面-大部份都有水準。炸雞便當，炸雞大舊得黎咬落好juicy，配蜜糖芥末醬最好食。滷肉飯係我鐘意嘅style，坊間好多台式餐廳多數係肉燥飯。但佢係半肥瘦好入味嘅滷肉，撈落白飯食又帶少少油香。係台灣食過的味道。 豬軟骨便當，豬軟骨入味腍口，真係一D都唔求其。 不過炸排骨就真係麻麻地，有D 乾。大大話話都食過成5，6 次，一開始由於太多人外賣/堂食，每次都等好耐，而家好似請多咗人手，外賣15 分鐘搞掂。

喺土瓜灣附近完成補習工作，經過見到呢間新開嘅台灣便當，就入去試下。啱啱有位，店員好懇切咁招呼我坐低咗。裝修簡單但cozy，最緊要夠乾淨！食嘢選擇唔算多，便當主要都係圍繞住滷肉、排骨同雞塊，而亦有台灣大路嘅小食。我叫咗個出面較少有嘅紅糟肉便當。主菜嘅紅糟肉大大塊好多塊，便當仲配埋幾種蔬菜類嘅配菜，有蘿蔔、茄子、滷蛋等，好貼心。聽店員講，配菜每星期轉一下，為便當保持新鮮感。味道方面個人覺得幾好味。紅糟肉新鮮炸起，熱辣辣好香口。配菜亦好味，唔太咸，其中滷蛋最好味。特別欣賞飯用上日本珍珠米，幾有口感。份量方面，本人食量唔大，覺得啱啱好，大食嘅男仔可能叫多個小食會好啲。整體我好滿意今餐，算有小驚喜，得閒會再嚟。

鐵路便當係由真 • 手足開嘅台式食肆，呢度最大嘅特點係性價比超高，便當五六十蚊勁大盒包埋飲品，小食十八蚊起跳。雖然平，但係質素一啲都唔失禮，酥炸排骨便當（山葵芥末）塊排骨大到完全冚住個便當，一拎開，就見到底下鋪滿粉絲，冬瓜，滷蛋，酸菜，木耳等配菜，認真大件夾抵食。排骨同配菜味道較濃，但係唔會死鹹，幾滋味。再叫多三個小食，酥炸甜不辣同海山醬係絕配；臺南炸蝦卷（塩酥塔香）同夜市香腸就正常味道，後者如果多幾塊蒜片會更加正。唯一感覺麻麻係個宜蘭三星蔥貢丸湯，因為估唔到湯底係我唔鍾意嘅涼瓜排骨湯，而且成個湯都唔係好搵到三星蔥嘅蹤影😐。食到將近打烊，成間店剩返我哋一枱，同負責人傾左陣偈，了解咗一啲情況。畢竟間店位置認真麻麻，熱潮過後，能否繼續生存，真係要靠口碑。

至開業以來， 一直都好想試㗎啦但係次次都勁多人排隊天氣咁熱又唔想排難得今日禮拜六放假就諗住過嚟撞下運氣點知星期六晏晝竟然係唔需要排隊，直接Walk in入去就得～間鋪細細大約有10個位左右，內部裝修有啲日式嘅感覺～整體來講整潔舒服😌叫咗個鹽酥雞便當另外再加多$10要杯波霸珍珠奶茶由於係即叫即整所以等咗大約15分鐘嗰便當份量十足，有成三大嚿鹽酥雞鹽酥雞大嚿到好似三塊雞扒咁，差啲食唔晒亦都因為佢唔係用雞粒， 所以炸出嚟唔會乾晒，雞肉仍然保持好Juicy，而外面當然係炸得非常之脆～個便當仲有好多配料：有半隻滷水蛋， 三四舊好入味嘅蘿蔔，粉絲，芽菜，茄子，炸咗嘅九層塔～ 非常豐富！至於個飯係用珍珠米粒粒分明，索左配料嘅汁所以都好好味！但略嫌太少飯，對於我呢個飯桶來講唔係好夠，可以多番啲！$10加一杯珍珠奶茶真係好抵， 出去買一杯都20幾蚊杯啦！珍珠食落好Q彈， 亦都唔會太甜，幾好！已經有三四年喎去過台灣喇真係好掛住唯有食飯正宗啲嘅台灣便當懷緬吓過客人啦

朋友介紹咗呢間嘢!開頭我咪覺得一間普普通通嘅餐廳....點知一試愛上😋😋價錢又唔貴又好食又大份!!尤其佢個黑糖豬軟骨飯!煮得又淋又入味!正呀!!杯阿蕯姆紅茶!!甜度適中!茶味幾濃!都幾好飲!😋整體嚟計呢間餐廳啲野食適中!環境又幾好!最重要係黃店!支持支持推介推介👍👍👍

店員有禮貌，非常風趣。地瓜薯條本身甜，再配蜂蜜芥末，真係一流。由於兩點先去到，排長龍，入到去剩返酥炸排骨，梅頭扒唔會炸到好乾好硬，$58食到梅頭扒，仲要有好多配菜。配菜係麻婆豆腐、沙茶粉絲、滷蛋、汁煮蘿蔔、辣菜甫。每一樣都好好食。收銀員話每個星期都唔同配菜，所以唔係次次都食到呢個配搭。等遲少少屯馬線開，可以去多幾次，睇吓有咩新配菜😋😋😋😋間鋪裝修好靚 見到啲相就好掛住台灣 見到天燈 就想去十分 疫情去唔到旅行 唯有喺度打住卡先 少少建議：如果可以有台式甜品就更加好，例如台灣面盤冰。

因為疫症都已經冇得去台灣旅行，但係係呢度可以食番之前去台灣旅行食過嘅滷肉飯，可以比我食番台灣嘅味道，員工嘅服務態度值得一讚，波霸珍珠奶茶都好好飲，店內環境好舒服。

週不時都會想念台灣美食😋最近搵到呢間係土瓜灣嘅台式新餐廳都幾多款式選擇📍便當同友人揀左酥炸排骨 & 招牌滷肉便當估唔到有咁多配菜 (茄子、粉絲、蘿蔔)每款都好入味 好好撈飯🤣主角滷肉好淋滑入味, 排骨亦炸得剛好份量其實都好足夠 不過好想試埋啲小食所以嗌左兩款試吓📍小食滷水百頁豆腐 & 甜不辣有幾款醬揀 我地揀左山葵芥末 好夾好惹味😋📍飲品跟餐配飲品都好抵 特飲都係加幾蚊揀咗仙草奶茶 & 鳳梨冬瓜茶 👍🏻食飽飽😋好滿足！一邊食嘅時候外面都有唔少人嗌外賣,好彩上菜快, 店員又有禮貌👍🏻下次試埋滷水雞翼先！

今日放工第一時間坐車黎到食時間尚早6：30可以入去食餐廳內座位唔多，大約可容納16人餐單有雞扒，豬扒，最抵讚既係可以額外加$8魯肉查實唔加魯肉，本身佢啲配菜都好多款，用黎撈飯基本十分足夠我今晚第一次叫個雞扒三大舊，好香脆，隔離有個大隻佬仲要話食唔晒。。。。到我食晒後，發覺佢既份量唔可以比佢的骰既載具呃到係真係可以飽到反艇而佢今日既限定飲品葡萄柚綠茶都好清新埋單都只係$72應該會每個星期都黎幫襯