鐵路便當 (已結業)

由佢開舖以嚟都幫襯咗幾次，由於座位有限，堂食只係試過一兩次，其餘都係外賣多。開頭感覺佢哋幾有熱誠，食物味道同食材質素都唔差，配菜又豐富，連啲餐具同包裝都有一定品質，加上好多時負責落單同收錢嗰個瘦瘦咃嘅後生仔好好禮貌，所以次次買外賣要等好耐我都會幫襯，通常都會點返佢個豬軟骨。但自從唔知幾時換咗個高高哋眼細細嘅肥仔喺門口之後，成個感覺就唔同晒。我買兩個便當叫飲品，佢一句dut埋嚟：「凍定熱呀？下次早啲講吖！」開頭我都當佢扮友善但個格配合唔到所以效果有所偏差，咁就照幫襯算。之後有個婆婆好聲好氣問佢：「XX（佢外賣號碼）仲未有嘅？」肥仔答佢：「未有咪未有囉！」我唔知佢係老細覺得自己生意做唔切所以可以咁對客人，抑或係伙記喺度幫自己老細趕客等自己做少啲，但係之前對呢間舖嘅良好感覺真係因為佢一個而蕩然無存。

第一次幫襯，雖然第一眼睇落覺得64蚊一個飯一杯茶有d貴，但打開真心覺得物有所值！滷排骨超級好味，d汁甜甜地包住炸得好脆既豬排，排骨下面除左飯仲有唔少蕃茄蛋，炒粉絲，炒椰菜，仲有幾塊台灣腸，加幾蚊就可以轉其他台式飲品，唔加都有一杯紅茶綠茶或者蕎麥茶，正！下次再試滷雞塊，應該都正而且都難得係間黃店，系疫情咁困難既情況之下，大家都多d支持下。由於食物即制，所以外賣既話可以早6～7分鐘嗌定先，咁就唔洗等咁耐。

土瓜灣第一站係醫肚鐵路便當雖然係黃店但其實佢名聲都幾差話老闆marco之前係開人血饅頭既連登之前都有個和勇不分小朋友po講佢又睇唔知邊個po講話係大角咀那個既班底開既呢一點就唔知真定假不過成日行過都見好多人排隊咁就去試下餐廳三點後係落場時間我就星期日兩點左右黎到唔洗排隊可以直入但門口就已經寫左雞便當已經售罄入面地方細細都係得幾張檯所以都見到唔少外賣頭頂有好多燈籠牆身有掛畫同木牌都叫做有台灣風味既裝修不過就一直播其他語言既音樂就覺得幾奇怪二人檯檯底有籃可以放袋其實好簡單但好多餐廳都做唔到便當選擇唔算多反而小食種類仲多每款都有跟唔同醬我就唔係好肚餓無叫到背面都有成廿幾款飲品可以揀跟餐亦都有優惠價仲有一張係便當簡介便當用日本珍珠米除左主菜亦都好似那個咁有四款每周指定既配菜上佢社交平台可以見到其實都真係有d似那個飲品黎先芋香奶茶芋味都夠而且係手調杯所以size都夠大主菜就試下同那個一樣既排骨便當塊排骨都大塊既舖得滿個盒咁當然就無那個咁大不過比那個好既係已經切好晒方便食而且無骨更脆口配菜就無那個咁出色但都算唔錯既咁餐廳聲稱用既環保便當盒就唔係幾美觀佢基本上除左餐盤全部都係即棄既鐵路便當三點落場都

酥炸排骨便當（蜂蜜芥末）$60，加滷肉加$8，免費餐飲可選阿蕯姆紅茶，茉莉綠茶或蕎麥茶。便當賣相唔錯，排骨好大塊，差不多遮蓋整個飯盒。排骨炸得酥脆而不油膩，配蜂蜜芥末醬幾夾。排骨下面有幾款配菜，粉絲，椰菜絲以及微辣蘑菇都好好食！而且份量都幾多，相比之下，飯的份量好像比較少，我最後把飯吃光還繼續吃餸。額外加點的滷肉夠入味，而且是半肥瘦的，撈飯一流！.便當堂食的餐具都是用完即棄，盛飯器皿的質料會痴住啲飯…

自從屯馬綫開通之後成日去土瓜灣搵好野食今次黎到馬頭圍道一間台式食店呢間台灣野主打便當今次叫左酥炸排骨便當炸排骨加上佢既蜂蜜芥末醬好夾個飯有啲粉絲墊底仲有少少豆腐同埋冬瓜肉另外加多左份台式夜市香腸香腸同生蒜簡直係perfect match最後仲有叫左鳳梨紅茶入邊真係有果肉好有驚喜

話說土瓜灣有間台灣嘢男朋友想試好耐，講咗好多次呢日放假終於都同咗佢去~ 為咗試呢間餐廳，仲係等位期間畀惡蚊咬咗我幾啖，不過食之後都覺得係值既，真係好好好食！ 「鐵路便當」係一間位於土瓜灣嘅人氣台灣餐廳，主打台式便當，都有各類夜市小吃同台式飲品供應！ 🧡經典滷排骨鐵路便當（$62）豬排超大塊，成個手掌咁大！豬扒炸得好酥脆，但又唔會感覺熱氣，皮脆肉嫩，好入味，好好食！除咗排骨好正之外，配料都好豐富，有粟米粒、豆角、滷肉、滷蛋同粉絲！啖啖都好滋味，超正！ 🧡經典滷雞塊鐵路便當（$60）雞塊便當同排骨便當其實差唔多，都係大大塊同好多料，不過雞塊炸得脆之餘食落好似有少少咖喱味，同埋味道比豬排甜，雖然豬排已經好好食，但個人更鐘意雞塊便當！ 🧡限定湯物（跟餐+$8）湯物唔建議加，只係普通溝到好稀嘅中式例湯，無乜特別！ 🧡波霸珍珠牛奶（跟餐+$16）味道一般，珍珠都幾大粒，幾好嚼！ 🧡蕎麥茶（跟餐free）蕎麥茶都係正正常常，不過不失，解渴解膩！

好日都唔會去土瓜灣，會好想住係果度哈哈哈。‪ 𓌉◯𓇋 經典滷排骨鐵路便當 $62嗌果陣閨蜜話佢唔食得炸嘢，我就話「咁啊，嗌滷排骨囉，滷嘅話一定唔炸」。點知原來滷排骨其實係相比酥炸排骨冇咁熱氣同乾，會入味啲。好啊下次做好功課先去食野，我話嘅！我就唔係好鍾意乾乾地嘅飯，不過呢個有埋配菜，粉絲撈飯好食( ˊᵕˋ ;)💦‪ 𓌉◯𓇋 黑糖豬軟骨便當 $62好有台灣嘅味道，哭！我對豬軟骨嘅要求唔高，夠淋已經贏左一半！黑糖味雖然唔係話好出，不過撈飯食好正，閨蜜表示可以encore! ‪ 𓌉◯𓇋地瓜薯條$28有蜂蜜芥末同wasabi芥末揀desu~ 雖然係地瓜不過做到薯條隻酥脆， 不過有健康啲嘅感覺‪.ᐟ‪.ᐟ 會想試花枝丸多啲- ̗̀ ̖́-·͜·鐵路便當 (土瓜灣)土瓜灣馬頭圍道278A號地舖

呢間小店每次經過都有唔少人排隊果日夜既8點幾排左一陣就入到了不過比較夜既關係好多菜式都賣晒了餐廳裝修幾有心思，掛滿了天燈 好想去台灣旅行啊一個便當除左主菜外仲會有唔同既配菜是日配菜係蛋花玉米玉子﹑台式白菜滷同香辣粉絲可算係非常豐富呢#經典滷排骨鐵路便當 🍱滷排骨炸得好鬆脆入口肉同脂肪均勻 軟腍度剛好味道唔會好咸 加埋佐菜係一個令人滿足既便當#台式紅糟肉便當 🍱賣相同滷排骨相似但係較滷排骨遜色醬汁酸酸甜甜幾好味但外皮炸到好厚好硬 係硬到會刮傷個口同埋有八成都係肥膏覺得有待改善#青檸綠茶唔會太甜亦唔會好酸不過條管係篤唔到塊青檸既所以冇乜青檸既味道#鳳梨紅茶鳳梨味道突出紅茶底唔錯

六點半一去到店舖，我就見到好多人係門口等，哦！~原來係有好多人等外賣，至於堂食就較少，始終疫情關係！炸雞便當 $60我自己就叫咗一份雞塊便當，炸雞份量都好大份，食肉獸啱曬，不過飯同粉絲既份量就相對較少！炸雞食上嚟無暖粒粒既感覺，不過食落好炸，內裏既肉都幾嫩！酥炸月亮蝦餅 $42至於酥炸月亮蝦餅，就一般般，味道好似食花枝丸咁，只不過形狀唔一樣，佢加咗蜂蜜芥末醬，幾甜，無咩芥末味名稱：鐵路便當地址：土瓜灣馬頭圍道278A號地舖

當日差唔多6點半到餐廳，門口貼住6點半開始營業，最後遲左15-20分鐘先開門，於是排滿等堂食同外賣既人，不過小店人手唔夠我都可以理解既。鋪面都迫迫地架，不過無論裝潢定食物，都好地道台式經典滷排骨鐵路便當🍱事前喺fb土瓜灣群組做哂功課，知道滷排骨係必點，滷排骨相比酥炸排骨唔會咁熱氣都乾，仲會更入味同更古早味。平時出面食台式排骨飯，可能真係得排骨同飯，頂多加啲肉燥俾你，成個飯都係乾噌噌。但係呢個便當就唔會，佢每份便當都會配當日既指定配菜包括麻婆豆腐、沙茶粉絲同粟米，麻婆豆腐好好食，撈飯真係一流經典滷雞塊鐵路便當🍱我地另外仲點左滷雞塊便當，雞塊大大件份量好多，不過明顯係滷排骨比較出色。呢份我地加左滷肉，味道同軟腍度剛好，都幾好食酥炸花枝丸 (山葵芥末)🍢炸花枝丸就一般，山葵芥末醬都好普通，唔係唔好食，但冇特別驚喜台式飲料🥤跟餐可以配飲品，無糖茶係免費，其他就加入$4-$12左右，首推冬瓜鳳梨茶，係用新鮮鳳梨肉，唔會好甜，好渴解

上次跟麻吉提到這家台不過因為逢二休店所以上一次沒成功光臨今天特意再來造訪沒想到的是2:00到達也一樣大排長龍可真不簡單全店應該只有約20個位置不過也沒等得久就能進了也可能天氣太悶熱胃口好像不太好？所以在下今天沒有點便當🍱就只點了2款小食和一杯飲料🥤桂圓紅棗薑母茶 $32熱飲給飲管進口大概會燙死吧 😅所以..先放一邊..然後這個是什麼沙律🥗 $44在下忘掉了😅醬汁有2盒 本來沒打算加上不過發現紫洋蔥🧅不加沙律汁的話味道有點刺激再且沙律裡是完全沒汁的所以在下最後還是先把一盒沙律汁加入沒想到加入沙律汁後味道大提昇😯不過加上一盒就夠了如果2盒全加對在下而言又會變得過濃酥炸甜不辣 （海山醬） $18/2片如果你問在下為什麼那麼愛甜不辣..大概是因為在下第一次到台灣後整理好自己 在人生路不熟語言不通 又將近累癱之時在黑漆漆的校園裡自己一人迷著路走到褔利社整天下來第一樣落肚的東西就是「甜不辣」那種味道在下大概不會忘掉所以可以說這是在吃「回憶」不過 要吃到當年的味道不太可能了因為不會再有那樣的「第一次」而這裡的甜不辣就是另一翻風味被酥炸過的令外面脆脆的內裡軟軟帶微熱沒想到放了幾個字也能保持這種溫度意料

之前餐廳未開張，經過見到已經一直想搵個機會試吓。今日星期六， 12點幾去到，前面有五六個人等緊，排左成45分鐘，但都唔見人龍有郁過，最後都係決定買外賣。收銀哥哥話等十分鐘。不過問下佢menu想佢介紹下d唔同sauce既分別既時候，態度一般。大大聲”下”之後照譯個蜜糖芥末係honey mustard 山葵係wasabi”囉”😓😓我只係想知佢有大概幾濃係點落姐😓😓唔洗咁串，你估我日日黎食，知你點整咩😓😓五六十蚊都唔係求咩服務，只係基本對答姐😓最後9秒9揀左個酥炸排骨，原來蜜糖芥末係咁既，味道一般。不過最欣賞係配菜用心，有滷蛋芽菜等！不過俾外賣我個個哥哥態度幾好的，所以整體都尚可啦！都仲會想試下堂食，始終炸野即食好d!

超好味台灣菜蝦春卷超好味地瓜薯條超新鮮炸醬完全唔多豬軟骨超林連啲豬軟骨都唔使點咬小朋友都吞到炸花枝丸外脆內軟服務員態度又細心介紹今日有咩推介一出地鐵站五分鐘之內就到

由細到大住土瓜灣，一直都覺得土瓜灣無野好食，早排無意中見到有間新台灣餐廳，初頭無為意，但每次行過都見到有人排隊，而且每次望入鋪頭入面裝修都幾特別，有天燈既裝飾，所以有一日就入去試吓，點知食過一次不得了，以前去台灣旅行都有食過便當，但誰不知原來呢到都有呢種味道，份量唔係少，一盒可以足夠兩個人食，而且仲要係勁飽，味道非常好食，佢啲配菜非常足料，最鍾意沙茶粉絲，好野味，正～仲包埋野飲，呢間台灣餐廳絕對係土瓜灣既一個奇蹟，真心推介，食過你就知咩事，100分👍🏻👍🏻👍🏻

堂食來講其實都幾夠位坐。正餐坦白講唔係好推薦，但係佢嘅小食每一樣都十分之好食。朋友話同台灣食落口嘅味道差唔多，每一樣小食都係用心炮製，食落口滿滿嘅人情味，小店係要支持下嘅。