鑽石餐廳 (已結業)

我在此餐廳初開張時已開始幫襯,因為他們酒店級的服務,加上食物好吃(如凱撒沙律,花草荼,炭燒扒...),故此一直都有去. 我是牛扒痴,每次都係食肉冷扒,但水準不太穏定,試過一次肉"梅",停止幫襯了2個月.近日因為想再試試,便再去,今次食物水準提升了,(可能太繁忙,所以服務冇以前咁好,不過以旺角來說叫好唔錯) 雖然牛扒生熟程度掌握得仍不太好,但這是可原諒,因為呢度不是三潘市牛扒屋.而家好醒目地分開上醬汁,即係佢對自己的牛扒好有信心,亦能做到不點醬汁,嘗到真正的肉味.而甜品方面,芒果芝士餅用杯上,食落去,你會一刻諗唔到(鍾意食芝士餅的朋友會明我是什麼意思),跟住快快手手食清光,然後你會覺得個老細好孤寒(講笑,其實個老細好大方)整到咁細杯.其他甜品亦比好多地方好吃,其中柚子雪糕一定要試,點解就唔講你知,試過你就會明.另外老細話佢地最出名係Waffle,隔離食客話次次幾飽都要食.老細會常常問客人覺得點,睇得出老細係用心去做好間餐廳,唔係個客幫襯過就算,佢希望客人會再來,所以會不斷改進.所以大家有機會便提出多些意見吧.

同朋友去食晚飯,每人叫左一個set<br />size不太大...但食落又夠飽..可能汁料濃啦不過佢d包包真係幾好味....推介黑松露雞皇飯....果度d服務都唔錯...不過環境太光啦...又嘈...同d裝修唔太match...三個餐埋單二百幾...可能lunch會抵d

同男友仔不約而同唸住來呢度食, 就咁話啦!! 又好彩喎, 八點半左右來到, 剛好剩番兩個位, 唔駛等添^^叫左兩個晚餐, 肉醬意粉(仲有唔記得係咩腸, 個名好長), 同埋有機鮮茄焗豬扒飯. 餐湯要雜菜湯.雜菜湯好夠味, 又多料, 浸包包食好鬼好味, 最衰唔包包唔可以添食啦><至於兩個主菜都好味, 男友仔鍾意個意粉多d, 因d肉醬好味, 但我覺得有少少漏, 所以最終係食唔晒. 個豬扒飯d汁甜甜地, 好味, 但如果可以多少少汁就更好, 食到中段要齋食白飯.服務方面幾得, d侍應添水都快, 又會唔該前唔該後, 幾好.埋單時, 貌似老細的人問我地好唔好食(因我地攞卡片), 我地話幾好, 不過d燈可以較暗d, 但佢話星期六係咁光猛喎(咁都得??) 佢仲話間鋪後面的位置開多間上海菜館添, 好等我遲少少又去試下先^^

the food is not good. the toilet is too small. poor service, the waitress冇禮貌.

一開始便被餐廳簡潔而光亮的環境吸引，服務尚算勤快，食物一般，沒甚特別，但可以坐得久一點亦不會有被趕的感覺。在旺角，這也不失為一個可以歇腳傾談的地方。

行過見到d 野食都幾靚, 所以決定去食要等位, 不過好快就有, 唔錯入到去, 真係比個環境嚇親佢其實係諗住都算中上級cafed 水晶燈都好靚, 但做乜要開到咁光猛, 冇晒feel另外d 位好迫, 好多2 人中間都係得5 cm 距離簡直好似同隔離一齊食咁加上可能燈光問題, 令到大家都好大聲講野, 搞到同大排檔差唔多, 呢3 樣都唔多得講返野食, 叫左個日式奄列飯來到幾靚, 有好多蟹子係上面, 個蛋皮又好味入面d 飯有茄汁, 酸酸地好好味另外一個係火腿x菇千層麵, 賣相ok , 但好"滯"因為d 野食兩份分, 所以食左一半都好飽搞到最後兩人都食唔晒, 如果唔係大食唔好叫呢類呢兩個都係餐, 重有湯同餐飲送湯就唔知係咪有d 魚o既軟骨, 不過感覺怪怪麵包就都ok , 餐飲就冇乜特別埋單$150 , 唔錯幾抵

今晚同朋友來食dinner, 7 點左右到, 估唔到星期六都唔洗等位...呢到裝修幾好, 但環境好嘈(好似茶餐廳)...始終是mong kok ....我倆只係叫左2樣食物1)石頭咖哩豬扒飯: 唔好食, d 汁太多,搞到d飯"林"晒. & d 咖哩無咖哩味...(2)碳燒牛扒(7 成熟) & 鵝肝. 呢個就好食啦~~牛扒又"林"....d 鵝肝又唔"so"...不錯...

電話no：2385 2899

五月七日晚與友人去了位於旺角通菜街的D.I.F. 晚膳.點了五成熟的炭燒羊扒及六成熟的肉眼扒拼鵝肝. 有香蒜汁,黑椒汁,什菌汁等可供選擇.首先,厨師煎扒的技術比想像中好,羊扒比較嫩滑,但份量則較少,而美中不足的是餐廳本身未有提供黃芥末及香草汁.羊扒本身失缺了應有的羊肉味,這裡並不是指羊的羶味,而是羊本身的鮮味.友人的肉眼扒做得恰到好處.友人選上黑椒汁,汁料味道ok.之前與朋友到此吃過一次晚餐,但當時點的每個小吃及主菜都偏咸,今次明顯有進步.至於水吧便不太合格了.點了奶茶及熱檸檬茶.奶茶尚算可以, 但檸檬茶便不合格.若水吧可以多加心思的話,會有大大的不同.如切檸檬前先洗乾淨檸檬表面,煮出來的檸檬茶便不會有類似蠟的東西浮在杯面了.茶味亦欠奉.餐廳內若可以將燈光調暗一點的話會令人用膳時心情比較舒暢.

上次我同3個女仔朋友去左一間西式restaurant食dinner ~ 叫左4樣野(闊條麵,通粉,2個飯) ，野飲仲有半價添，~ 都ok架，每人夾$71 , 唔洗加一今日下午去食lunch 都好平, 平均每人30蚊,唔洗加一, 環境幾好架,但d食物會好快凍, 一份味道唔係幾夠, 另一份味道ok的, 我問佢地如果拎蛋糕去果到食要唔要加錢,佢話要一位人頭費15蚊喎,唯一lee樣野就唔係咁好啦, 我仲食左顧客意見比經理添, 佢睇完就比另一個經理睇, 仲見倒佢地2個係到傾添, 我諗佢地會改進的。

我係“好好”的常客，佢o地話老細係旺角開家西餐廳，仲俾張VIP咭我，叫我去試下，話係酒店級水準。琴日行經旺角順路去試下。門口好細，裝修環境係旺角來講都幾high，可惜燈光太光猛，氣氛唔得浪漫。講番食物方面，試了waiter推介的炭燒羊鞍酒紅酒汁及燒三文魚扒黑松露箘醬。兩個都係set，跟餐湯及咖啡茶，還以半價食了三文魚黑松箘凱撒沙律。羊鞍好，鐘意佢有血水出；而三文魚扒燒到3成熟，好肥美好滑，但都不致於有酒店級水準，不過在旺角來講都係一間不錯的食肆。

出到旺角有時都唔知食咩~記得女人街有一間新0既舖頭，裝修又算唔錯，所以入去幫襯下。我地叫0左一個set係芝士肉醬意粉同埋香草帶子魷魚焗飯，賣相同味道都唔錯，至少0係女人街算得係中上，價錢都可以。女朋友叫0左一杯芒果特飲，都幾好味道。行開0個頭0既都可以一試。

出開旺角,友人又想再去永恆之鑽,既然呢間餐廳咁得佢歡心,本人都無謂多言喇..去到又再坐番卡位...哈,今次冇上次咁窄喎,唔知係咪因為我瘦左呢~?哈哈!!由於上次友人食既石鍋黑松露雞飯($54)十分香噴噴,今次決定點番呢個飯試一試..上檯時鍋飯"炸炸"作響,加上香味四散,實在令我食慾大振..嚐一啖後..真係大失所望..雖然嗅到好濃烈既芝士香味,但係入口竟然淡而無味;再試一啖雞肉..同飯係同一樣味道~望住整鍋飯,可以講係不論材料同飯等都係同一味道--無厘味道..將飯食至一半後,開始頂唔順..因為實在係超漏~或者可能係汁太多既關係掛..食畢後,由於試過兩次比我既印像都唔好~所以即時己經決定唔會再幫襯喇..

行過女人街, 發現呢間新野, 裝修都ok , 就入去試下。坐低覺得好嘈, 想同bf 傾order 咩菜, 都聽唔清楚! order 了"黑椒一口牛意粉" , 感覺好像黑椒牛柳抄意粉, 唔係話特別好食, 牛肉都唔夠林"尤魚圈帶子焗飯", 個白汁好濃味, 材料都好多, 不過好似太多汁的關係, 食少少就好"制""炸軟殼蟿" 得1隻, 2"到大, 好失望。餐湯, 味精都幾重柚子茶, 太甜! 要加水才覺好些。總結來講, 唔係話好差既, 但都唔係好好。埋單19x

好耐無行女人街, 估唔到埋面已經開左好多間餐廳, 但一般都好迫同好多人, 而行到呢間時覺得佢幾寬敞真, 隔局有d似UCC cafe 同Pokka Cafe. 都好多水晶燈, 幾特別. 食物方面都好一般, 瑞士雞翼飯($30), 雞翼幾大隻, 不過唔滑, 而且D汁唔夠濃味, 另外碳燒羊扒配紅酒汁(約束88), 羊扒都好多油, 而羊肉穌味同肉質都一般, 餐菜湯好多油, 麵包亦好硬下.服務方面有禮貌, 不過就有D粗心大意, 例如隔離台有漏單, 叫左俾杯清水又唔記得......