鑽石餐廳 (已結業)

男朋友KEEP住話好甜~"唔係因為我.而係個紅湯同埋個墨汁炒意大利面。我食左個三文魚{少,唔正}+大蝦{好老}沙律.勁多沙律醬!!不過我見佢個MENU太多野食了可以既話我都會RE ORDER既。

路過看見這裡燈火通明, 裝修與女人街其他食店比較, 好像吸引點同乾淨點, 就走進去了入去前都怕是得個樣,被佢外表欺騙...餐湯,兩個都叫了羅宋湯...咁就觸礁了很甜,像極打翻了砂糖的蕃茄湯餐包以蒸籠盛著,自覺很fusion (??!!)還是老細前身是開酒樓的(??)不談器皿, 餐包只是微暖(可稱之為冷)很"un", 試了一口便放下羊扒, 只有2,3 小件, 而且還很多脂肪把骨與脂肪切去,可吃進肚裡的不能果腹醬料也是太甜, 廚師是不是嘗不出甜味的?rib 好像是叫牛仔骨,這個幾好味ar!見很多客人叫檸茶, 為穩陣起見跟大圍~~(哈)不俗,很有茶味凍柑桔都ok, 但喝喝下,v仔叫了經理來, 指了指杯入面經理皺一皺眉, 換了一杯新的v仔好衰, 不告之我是什麼事呀>__< 越坐越多人, 要和鄰桌搭台似的很有旺角茶餐廳風味於是趕快結帳走人

Get there at Saturday around 4:00pm. There are Tea set range from $28 - 3x. Have order:Smoke Salmon Ceaser SaladPork Chop BunBBQ Pork Soup NoodleHot coffee is fresh brew and ice coffee is huge in size.Good place to have tea if you are in MK area!

set dinner, 同bf去..1. 磨古"湯好飲過菜湯2. main course, 南瓜3文魚焗飯, 好正3. drinkoverall, 我地兩個都覺得野食幾好吃..

由於連續開OT, 又累又無胃口,終於有一日可以早少少閃人, 就立即去食番餐好既. 想起細佬&同事都推介過呢度, 就入黎試下.裝修簡潔光猛, 又有卡位坐, 都幾舒適下. 大部份set dinner 都係$78 (晚餐要加一), 我要左個南瓜帶子焗闊條麵, 朋友要左個黑椒羊架闊條麵.先上餐湯, 要既係蘿宋湯, 咦…個湯好甜, 好似落左糖咁.我既南瓜帶子焗闊條麵有一大片焗芝士係上面, 成個麵橙黃色, 都幾吸引. 味道當然係甜既, 南瓜切得細細粒, 不過只有兩隻帶子, 少左d喎. 闊條麵味道一般.食左少少朋友既黑椒羊扒闊條麵, 羊架賣相好靚, 有三個羊架, 味道夠蘇, 實在不錯. 不過黑椒闊條麵既味道居然係甜的, 一d黑椒既辛辣味都無, 奇奇怪怪. 正如朋友所講, 呢間餐廳似乎好鍾意落糖.奉上餐飲, 飲完後已開始多人, 埋單兩人$170 多元.

又來鑽石, 今次係一大班人, 有人食甜品, 有人食正餐, 但又要近, 最後得出此地. 我同文迪就食小小當宵夜.DIF香煎鵝肝$98: 6分, 兩件都幾大塊的鵝肝, 都幾肥美, 有點渣. 煎得幾香口, 但係過了點火位. 沒有其他醬汁中和件鵝肝, 有點膩.從前$68兩件係幾抵食, 而家$98兩件就不太抵了, 始終水準不太高.焦糖雲呢拿吉士$14: 6分, 幾甜, 不太重焦糖味, 只係一般.以往的甜品好像係幾出色的, 現在就係麻麻. 問家姐同弟兄F的晚餐怎樣, 答案係一般.今次帶隊失手了.

唔知食乜好，行入女人街搵吓，見哩間ok，之前個朋友又講過ok，就入去試吓。扮到好似高級西餐廳咁，大大水晶燈，啲待應衣著都係似足，坐car位，啲櫈勁唔舒服，好直好硬...啲食物都唔平，叫咗兩個set，肉眼扒& 肉醬千層麵配炸蝦。兩件餐包用蒸籠送上，好奇怪，完全唔襯間餐廳囉，塊包唔脆，個忌廉湯麻麻；肉眼扒少un，啲配菜好難食；千層麵隻炸蝦放係面，賣相怪怪咁，而且估唔到得一隻蝦咁少，麵又少，好唔抵囉，味道又普通，好似自己整果啲蕃茄肉醬味咁；再加一杯餐飲。加埋一，哩餐食咗二百幾蚊，超過一百蚊一個set，又唔係好味，環境又唔舒服，搞到一路食一路好掛住最愛0既風月堂，又舒服又好味，個set多啲嘢食，都唔洗咁貴嘛，以後都唔會再嚟>.<

昨日星期日我同男友走去旺角女人街搵野食,去前食左街邊旺角第一鬚,D粉多到食到我飽飽,行行下見到呢間,記得都有唔少雜誌介紹過,咁見到下午茶餐\都幾好,咪同男友入去,叫左個黑椒蜆肉意粉下午茶餐\,好味,我只試了一啖,但可惜我太飽啦,食唔落,坐坐下先見到側邊寫住最低消費$20,我地個餐\只係$32,仲要無加一,心想仲差$8,但真係食唔落,無辦法,心想博一博會唔會因為下午茶,間餐\廳只有兩枱人唔收,點知係會收既,待應仲好串咁話話每張枱側同餐\牌已寫好清楚,但我找全份餐\牌亦無寫,而且佢\水都無杯比我地,門口又無寫,唔通入到去先話唔食,又或者臨埋單時我走先咩(咁咪一個人羅)!!!我只係奇怪亦無想過係旺角女人街會有最低消費食店!!!

情人節遇上大病都無假放，慘上加慘。午間旺角與同事流連，行過女人街大部份食肆都好，記得呢間食評都唔錯，就試啦。午餐有幾款揀，因為病所以食比目魚($36)，同事就食豬扒($34)，餐湯要羅宋湯，幾OK。我個魚煎得幾香，個汁好正，豬扒就好普通。同事要件芝士旦糕($16)，賣相差兼無乜味。咖啡、奶茶都係有色冇味。

今日試過呢度D午餐,叫咗雞扒,豬扒同龍脷扒．個湯同主菜都太甜,但係配菜就好鹹！而且D食物只係少少暖暖地,好明顯係一早整好就咁出來.質數同附近的舖頭差唔多,但貴了一截!唔值呢個價錢!!

中午想食西餐，立即想起這間價格不貴的高水準餐廳。入去時十二點幾，還不是多人。點了炭燒西冷扒黑白汁配薯菜，套餐送紅湯同咖啡。湯有點甜，今次有少少失手。至於牛扒，同雞扒一樣都係咁好食，有肉汁、香、入口一點都唔會有跟，個汁就酸酸甜甜咁，幾開胃的。令身處旺角的我感到好似到達了大酒店般。咖啡最欣賞她的奶，每次食都香滑可人，如果薯菜都是暖的就完美了。

Already been to Diamond Cafe for 3 times already, every time I am very satisfied with their food, service and environment. Recommend try their dinner set (steak, bbq honey ribs) and their famous dish 黑松露海鮮石鍋飯, all very delicious, and also the size is quite big. The service is good, all waiters / waitresses are nice, and will not push you to leave early. So it is the best place for small group of friends' gathering, can chat a long time =)The environemnt is nice too, the lights are bright and the

行過好多次, 都因為覺得佢0既價錢同條街唔係好夾而唔食, 尋晚十一點幾, 行左好耐都搵唔到一間個樣好0的0既西餐(唔計花園餐X), 見佢收成12:30, 就入去試下兩個人各叫左一個意粉跟餐, 再加左一個果度好似出名0既黑松露菌帶子西籣花。先講個意式什菜湯, 好似一般西餐廳, 唔係太特別; 意粉方面, 叫左一個黑松露菌羊仔骨加他他三文魚墨汁面同蕃茄吞拿魚意粉, 兩個都幾好, 特別係個三文魚, 幾鍾意佢淨係得個面熟, 0的粉都煮得恰到好處, 不過就唔係好覺有黑松露菌0既味同個汁有0的偏濃。講講地方, 果度某幾個位係裝修得幾好, 不過亦都有一0的位同靚0既茶餐廳唔差好遠; 衛生尚算OK, 臨收工有個職員不停將所有地方抹一次, 但係可惜我地食果時間舖有烏蝿飛, 完全影響左間舖0既格局最後講服務, 侍應都幾好, 一叫就到, 佢抹緊叉叫佢黎, 都曉得將0的野放係身後面問你有乜需要, 因為同個侍應溝通有問題而叫錯野佢又換過俾我地平日食飯會係一個好地方~

再次光顧該食店, 不過有些少失望. 不知是否因為晚市人較多, 早已把食物準備好, 導致d意粉"林" 左d...唔太好食.另外, 鵝肝太實, 唔係入口即溶果隻...而且調味太多, 好咸, 鹽分蓋過鵝肝本身既味道, 不太好吃.至於石頭飯, d飯放得太多水, "林" 左d...口感不太好.

其實你地唔駛大驚少怪, 好多餐廳都會咁做, 包括大型連鎖式餐廳都會係咁, 因為我朋友係意粉屋度做, 佢地都會係咁. 我都見過, 同剩既糖水會攞番過去水吧, 下次又再攞過去下張枱. 冇咩特別, 好多間都係咁, 不需要在此大驚少怪. 我都食過呢間野好多次, 因為食過番尋味. 佢地既汁都偏濃味, 尢其忌廉汁, 我最中意. 忌廉湯好好飲, 不是用粉開果隻. 呢間野, 係佢位於既地方係偏貴, 不過你食過之後, 就只會覺得佢超抵. 因為佢真係幾落料. 例如檸蜜, 一般都會係用菜蜜, 但佢地都偏西式, 會用蜜糖.