鑽石餐廳 (已結業)

Diamond is forever...鑽石餐廳...個名真係有少少誇.今日試過. 這間在女人街的餐廳真是很不錯.一入內, 環境很輝煌...因為好多水晶燈. 其實都幾靚. 都幾多卡位. 點了set dinner. 先來碗忌廉海鮮湯. 味道很濃. 好飲.麵包用個蒸籠載的. 普普通通.日式番茄三文魚天使麵配燒金菇. 看以不太大碟. 但食左大半已經好飽了. 味道都幾好. 不過金菇就少了一些. 一啖就食晒了. 最後杯涷奶茶好大杯.很滿足的一餐. 除了發現一隻小昆蟲在牆. 之後聽朋友說鵝肝好吃. 下次再試.

每次經過女人街,都望見這所金碧輝煌餐廳總有點意欲內進,但貴一截的價格卻叫人卻步(雖然事實上也不是很貴)今日和朋友終於去了dif,叫了一份$26的下午餐,芝士腸肉醬焗飯真是很好味,飯較濕多汁不會太硬,面層芝士很香,肉醬較甜少點酸,要的是去洗手間時行經廚房,望了一眼發覺兩者都能保持整潔,廚房內稱得上井然有序,在一眾女人街食店中很是難得!較失望的是咖啡,一所五星級大廚主理的咖啡卻如此普通不過,而我朋友點了一份什麼法包,份量卻有如纖體餐!似乎食物份量和裝潢一樣雅緻!服務比較普通,或是這就是一眾女人街食肆的"特色"吧!

午餐見它唔係貴，裝修夠光猛，就入去試下。叫左個香草煎雞扒+薯菜+雜菜湯+唔駛加錢的凍咖啡，可能因為過左食飯時間，好快就上菜，正！記得舅父講過多牛腩個湯先會有甜味，正好形容這個湯，少少甜，濃濃的好好飲！雞扒的皮煎得好香口，未食都可以聞到。起初以為雞扒煎後會老身、變硬，點知它是軟硬適中，好易入口之餘份量十足。香草汁完全是刺激食慾之作，令人進入忘我境界。小弟一向認為雞皮係精髓的所在，眼前的食物真的是皮薄、香口、少少脆、加上汁液的附助，發揮了食物的優點。凍咖啡自己加奶和糖水，算是不俗。環境好光猛，好多漂亮的水晶燈，唔加一，不過它好像沒有非吸煙區的，是少少的瑕疵。以這個街坊價錢，絕對非常抵，如果質素不變，一定要再光顧。

27 August 2006 (Sun) - 午飯原來D.i.f即係鑽石餐廳，我喺呢度搵咗好耐至搵到，都係多得啲食評人有寫到，如果唔係我一定唔知！星期日既中午，真係唔係好多人，我個friend叫咗一個炸蝦拉麵，而我則叫咗豬頸肉飯！炸蝦只有兩小隻，仲炸得非常燶；豬頸肉既味道唔多似豬頸肉，只係似豬扒！餐飲係可以揀罐裝汽水，但我怕肥，唔敢飲汽水，唯有飲凍檸水；不過後尾見啲食評講至知原來佢啲糖水係會比第二枱用．．．　真係好核突．．唔怪得佢催我哋仲要唔要！早之係咁，叫汽水啦．．．不過我哋個卡位就一坐坐咗成3個鐘．．．正！但冷氣稍凍，唔知係唔係趕客既策略呢？哈哈．．係我睇得小新太多啦～～～

今日黎左呢度食lunch，又想order A 餐- 比目魚，又想order C 餐黑醋豬扒，之後同同事一個叫A, 一個叫C，另一位同事就order salad 果個。先黎既係湯同餐飽，今日既湯係忌薕南瓜湯，幾好飲，而個餐飽，唔係咁好食。我既黑醋豬扒，乾爭爭，唔好食，但個蕃茄醋既醬汁幾好，我揀左跟意粉，d 意粉淋身左d，唔係咁好食。除左2 塊豬扒，伴碟少少翠玉瓜同蕃茄，真係無咩配菜。反而同事既比目魚唔錯，炸得香酥脆、又唔會油淋淋。同事跟薯菜，d 薯條都ok。另一位同事既salad 就比想像中既差，鮮味不足，份量亦唔多。餐飲要左凍檸蜜，佢唔同出面，係用蜜糖沖調，而唔係菜蜜，味道好好多。味道方面- 比目魚我比4 分、黑醋豬得同salad 都係2 分。

我很少到女人街的西餐廳食飯, 因為除了西門町外, 其餘的印象都認真麻麻. 今天是一朋友介紹, 所以才一試.點了兩個set, 主菜分別為牛柳和羊扒+鵝肝. 牛柳太熟了, 有點乾, 幸好不算"un", 還好. 而鵝肝也一般, 有點過熟和不夠肥美. 一般的食物, 我都怕很油, 鵝肝和三文魚腩例外, 而這裡的竟然不夠肥美, 有點失望. 羊扒反而不俗, 剛剛熟, 好嫰. 只有少少"so"味, 正合我的口味. 服務態勢度不錯, 價錢係女人街來說, 算是貴的, 但也是十分不俗的選擇!

達文西未上我就好期待，上左就日日爆場，真係好難買飛。不過終於在26/5 果日睇到啦。因為片長，所以都係食左先睇穩陣，時間關係，只能在附近搵食。呢度呢度食左個quick dinner，兩人坐底就即點菜，真係勁極速果隻.. 連侍應都多口問句.. "好趕呀？"...haha...點左鵝肝蘑菇石頭飯同埋西冷牛扒，本身諗住個西冷牛扒會唔錯，而個鵝肝蘑菇石頭飯我反而估佢會好少鵝肝，但真係... 估錯晒。先黎既係鵝肝蘑菇石頭飯，出奇地好食，熱騰騰，有飯焦的香，搭上蘑菇，很夾，突出其香味。鵝肝分量也不少，有2 大塊，這個價錢計，真是一個驚喜。吃在口裡有香濃的鵝肝有口感，味道確係唔錯。而個西冷牛扒，叫左7 成熟，黎到時係差不多9 成，但可惜太趕時間，都唔同佢計較啦。食的時候，好"un"，肉質好鞋，完全不能接受，除了大份，真係諗唔到仲有咩抵讚，不過唔好食的時候，大都不會是優點。只係食了少許就放棄了(吃了不足一半)，但個鵝肝蘑菇石頭飯就全清。餐湯- 是晚是周打蜆肉湯，麻麻地啦。個餐飽，真係用個籠仔盛著，不過都唔軟身的，唔好味！餐飲- 點了例牌的凍檸茶- 唔夠茶味，唔好飲。整體- 除了個鵝肝蘑菇石頭飯外，我無

今日先知原來dif係解diamond is forever中文名叫「鑽石永恆餐廳」不過依我所見所有中文名都俾人有意無意遮住都好合理既朋友二人都叫左鵝肝蘑菇石頭飯夏天食咁既野當然就係一個熱字啦石頭真係keep到熱度基本上食到尾都仲係熱既仲唔熱死?鵝肝有兩舊算大件飯既汁好濃所以見到都覺得滯一個女仔都食唔到一半但係大家都話好食bor我既羊仔扒都唔錯配另上既白菌汁所以反過來唔係好夠熱喇但係都好夠食菜湯顏色暗紅以為好辣但其實真係好甜另叫既瑞士雞翼要俾負分因為三十幾蚊四隻竟然令我諗起小學小食部用電飯煲煮再用白色膠袋入起既雞翼好唔得旺角食肆就一定嘈服務亦當然一般但係環境都ok卡位幾好坐水晶燈唔食得但幾靚丫講返今晚既話題我也認同門檻要很高是很合理的要求不過如果可以考慮一下調低一點招股價讓大家入貨後再有點水位再向上升也許會是一個較好的期望管理另一方面聽到一個驚人消息消失的權杖+破鏡+一地柚子蜜+咸書仲唔係達文西密碼黑社會版?!壓力大係要出聲架兄弟反過來說受害人點解又唔報警呢?處之泰然?唔識死咋掛?定係一個二個大學生都唔知咁叫刑事毀壞?唔該解答丫

食物份量十分勁,我叫的西冷扒有我塊面咁大,仲要係好好食,價錢又唔貴,起碼抵過扒王之王啦......平均一個扒餐約$120(當然有些平d有些貴d啦),我同女朋友去食,兩個扒餐再加一客鵝肝,都係$350左右(我有9折卡,其實如果大家第一次去食,可以試下問下可唔可以俾9折卡你,下次用都好嘛,我之前就係秘一次去,咁啱老闆收錢,咁就自動俾左9折卡我喇)這裡的服務都ok,特別是老闆,好熱情,我仲好中意這裡的裝修架,我情人節都係同女朋友在這裡食,佢都話好過去d貴價餐廳多多聲

其實DIF都幾好食,特別係個cesar salad同埋石頭飯,價錢都ok, 但係我上個星期去俾我發現一個秘密,我見到餐飲用糖水同milk竟然用完再用,即係一用剩糖水同milk留下唔倒,再俾第二用,如果第一人唔生性吐口水洛去....>_<...好嘔心呀!!

其實DIF都幾好食,特別係個cesar salad同埋石頭飯,價錢都ok, 但係我上個星期去俾我發現一個秘密,我見到餐飲用糖水同milk竟然用完再用,即係一用剩糖水同milk留下唔倒,再俾第二用,如果第一人唔生性吐口水洛去....>_<...好嘔心呀!!

我們由佢第一天開張己幫襯,食物份量ok,味道都幾好.環境很漂亮.但繁忙時間比較嘈.下午茶較'o低'食tea set特別.有時間我都想試一試!!

呢條街有好多類似的餐廳，見呢度地方幾大，裝修都好似唔錯，就入去食個lunch。入到去都幾多人，我地都要左lunch set，六點前免加一，每個set都係$34。餐包係法包，用中式蒸籠上，好奇怪的做法，個法包又凍又硬，好難食，而個紅湯就頗甜。我叫左芝士白汁焗魚柳意粉，魚柳係炸左攞去焗的，雖然係焗的但都唔係好熱，白汁仲未溶，可以見到一舊舊，意粉口感一般。而他叫了豬排意粉，佢話個汁幾好，味道都OK。凍奶茶的奶同埋糖水分開上，幾好飲。整體來講都叫做過得去的午餐，飽了我整個下午，但味精都唔少！

叫左個日式咖哩牛肉石鍋飯日式咖哩好唔日式，自己賣咖哩整仲好味D，但算OK最過份係D牛肉，"鞋"過滾完湯D瘦肉，呢味係推介菜，離譜無餐跟，好唔抵，半價叫餐飲，他媽的一杯凍奶茶原價卅蚊，半價仍然...好彩都唔錯朋友叫個炸蝦拉面，一般，又係無餐，亦無得半價跟餐飲。地方乾淨，裝橫老肚，仍離不開茶餐廳感覺，服務無注意，報告完畢。會否再光顧: 否!!!!!!!!!

今晚上落前黎左醫肚臨近六點剛好仲有下午茶叫左個日式香辣雞扒焗飯餐飲跟左凍檸茶少甜因為怕辣要求佢少辣個侍應聽到後馬上話無問題心諗"呢d先係服務嘛"講番食物日式香辣汁其實係茄汁加少少芝士舖面味道酸酸地帶少少辣幾討好雖然係下午茶餐但份量對女士黎講都唔少有一大片雞扒加一碗白飯雞扒雖然係雪藏貨但煎得好滑肥膏亦唔多啖啖肉凍檸茶糖水另上加上服務咁好係值得幫襯既小店