鑽石餐廳 (已結業)

去過2次..um.....都幾好既其實，下午茶都幾抵食丫。晚餐都ok既''不過可以再好d囉^^ 忌簾湯超好味!酥皮湯...更加正..'d酥皮真係好酥..好脆。厚薄適中,牛油味香,卻不油膩

那日我男朋友突然想去呢間餐廳dinner....因為佢話好想再食日本咖哩雞飯....我地叫左一個日本咖哩雞飯, 跟餐加$30 有湯有飯品一個千層闊條noodle,, 跟餐加$15有蘇皮湯點知, 叫左杯朱古力牛奶coffee 似奶昔又杰, 羅宋湯太酸, 而忌廉湯太甜到了主菜日本咖哩雞飯退步了, 唔好食, 闊條noodle又不是一層層真係唔好食.......不會再幫襯

記得好耐好耐之前同朋友嚟呢度食飯，好記得佢呢度据扒好正，雖然係貴啲，但真係好好食，好想ENCORE!尋日終於同老婆來這裏吃晚飯。我地大家都好肚餓，但入門口前老婆見到餐牌啲嘢食都幾貴，有啲猶疑。不過其實西餐廳都差唔多要呢個價錢，所以還是選擇了這裏。我地叫咗晚餐嘅意式肉醬焗千層麵同埋西冷牛扒配蒜蓉田螺汁：先來餐湯，羅宋湯同忌簾湯：忌簾湯是奶油忌簾湯，超香甜又唔漏，老婆話勁好味，羅宋湯都ok啦。主菜先來意式肉醬焗千層麵，出事了：好香，面頭好大塊芝士，內裏肉醬......凍的！！食多少少，真係接受唔到！！叫了waiter來同佢講，那人應該是captain or manager，好有禮貌，不停同我地講唔好意思，仲即刻幫我地整過碟。跟住個碟都好快來到，原來一早整定的....呢碟夠熱，不過味道我覺得麻麻地，蕃茹汁是罐頭的...但老婆話都唔錯。西冷牛扒來了，我地叫了七成熟，但切的時候很生，像只得四、五成熟。味道幾好，唔似有用梳打粉"拿""林"佢，牛扒唔點汁食都好好食同有鮮味！但只是太生....個manager嘅service值得讚！嘢食....如果全部都煮得熟啲同熱啲，咁就perfect了！

兩年前，係旺角做嘢時，都成日嚟食lunch，早幾日經過，見番間餐廳，所以再入嚟試吓佢嘅dinner。間餐廳裝飾幾靚，以前都係比佢嘅水晶燈吸引我哋去食。隔咗咁耐，間餐廳依舊好靚，水晶燈仍再。間餐廳叫D.i.F cafe，D.i.F stand for Diamond is Forever，幾得意！講返食物，間餐廳水準都幾高，價錢一般，大家不妨一試！1) 瑞士雞翼 (特價小食) ($28)一客4隻，幾入味，唔錯！ 2) 日式咖喱青衣魚柳石窩飯 ($72)開頭見到勁多咖喱汁，我哋仲話啲汁多得滯，点知撈抣咗之後，發覺原來啱啱好！啲汁超正，加埋個石窩熱辣辣，別有一番風味！3) 有機蕃吞拿魚白蜆闊麵拼日式魚翅 ($8x)推介!!!!! 喱個叫咗套餐，跟湯 & 嘢飲啲蕃茄汁好醒胃，吞拿魚 + 白蜆，再拼魚翅，配搭新鮮！原本都已經好飽，但都忍唔住食晒！

0係旺角唔知食咩好，咁岩經過女人街，見個門面不錯走入來試下﹗已經是下午茶時間，連早餐都未食即時點左個鮮茄焗意，可能是下午茶的關係份量較少，工友爬左兩匙食左唔洗一分鐘已經食完﹗味道不錯，以新鮮蕃茄做醬，食落充滿鮮甜，如果多番少少就好喇﹗呢度環境不錯，天花有吊燈，座位亦都闊落寧靜舒服，傾計一流﹗值得推介﹗

3月17日 中午,我同一位同事來了這間鑽石餐廳食了兩個set lunch. 最初我俾佢門口個menu嚇親, 以為食個lunch 都要成七八十呅, 但之前明明在openrice 見到一個set lunch係大約三,四十蚊左右, 所以最後都無理門口個menu 照樣入去. 入到去先發現佢仲有另外一個set lunch menu, 價錢大約係三,四十蚊, 終於放心了. 入到去發覺環境不錯, 坐位闊落舒適, 跟附近女人街裏的餐廳那種擠迫的感覺完全不同. 我覺得在lunch 這個時間, 只要付出三, 四十蚊就可以在這舒服的環境食lunch 真的超便宜….在食物方面, 我們分別點了兩個set lunch:1.青咖哩汁燒春雞跟飯 和;2.白汁三文魚蟹子天使麵.兩個set lunch 的賣相都不錯. 那個燒春雞跟那個青咖哩汁的味道不錯,都幾好味. 而那個天使麵也很好味, 我很喜歡它那個白汁的味道, 而且在天使麵上面還放了很多蟹子, 完全沒有偷工減料, 因為我試過有些餐廳只會放一丁點的蟹子在食物裏面, 相比之下, 這裏放了超多的蟹子呢.飲品方面, 我地叫了兩杯凍檸茶, 都係把糖水分開上的, 至於那些糖水係

set lunch x 2餐湯-雜菜湯,淡淡地,少少酸.但係料唔多,完全睇唔到佢放左咩去煲蒜蓉包-法包式的一片,牛油味唔重,但脆口磨菇汁西冷牛排薯菜-個汁稠度啱啱好.個味都好適中.唔會太咸.但係個西冷唔ok囉...厚就厚,但係ok'un',肉質都夠.一時醒唔起可唔可以request幾多成熟tim..佢又無問喎....薯菜的薯角唔錯,本身有少少椒鹽,咸咸地!脆肉瓜同甘荀好fresh.但係甘荀可以熟淋少少!蕃茄醬煎豬排薯菜-豬排有加粉醬煎的.都夠淋.熱檸水-檸檬是'kip'的p.s. 裝修唔係差,但係好似間茶餐廳咁嘈!

以前剛剛開的時候,食過幾次,D扒真係超得,由其是羊排,好有酒店水準~!!但近期去呢間野食,我覺得退步左好多~!!以前GA水準呢個價,我就覺得底食,但以家GA質素,收呢個價,我就覺得唔值!!D扒同花園XX個D差不多,真係好失望,之前仲以為只是一時失手,再帶第二班FD去食,也是如此,好失望~!!希望可以改善吓,去返以前個水準~!!!

佢D扒的確係幾得既~~~但價錢就真係幾貴~因為佢平均一個DINNER都要$70UP,想食塊好少少既扒分分鐘個百......不過佢既環境的確幾好~~有種高貴既感覺!

24/12 食聖誕大餐\ 包括:1.節日特飲2.三文魚火雞沙津: 味道ok，但三文魚只有一片，而菜有一大碗3.魚翅忌廉湯: 味道ok，普普通通4.主菜燒春雞or 魚柳or 牛柳點了牛柳，厚過3cm，質量不錯！可能是太厚關係，肉中心唔夠熟！5.合核芭菲略甜，但是我愛甜，好香好好食！6.餐\飲整個餐\味道唔錯，出乎意料之外！埋單加一，一個人300蚊左右好食，又抵食過酒店BUFFET

星期日,個仔又要出旺角補習,唯有陪佢去旺角食.女人街個邊真係幾靜,連D食肆都唔係幾full,好易位.貪佢燈光火猛又坐得幾舒服就入.叫葡汁焗雞飯($37)同咖喱牛腩飯($35).忌湯夠濃,雜菜湯都好味,蒜茸飽雖然唔熱但都脆.兩樣主菜都幾好味,不過就好甜,似乎落多糖.餐飲要凍啡及凍奶茶,好大杯,都OK.坐得好近水吧,見到D伙計將用剩奶及糖水循環再用,雖然我都贊成環保但見到都唔係咁自在.

與加拿大回來的表姐逛旺角, 走到女人街肚仔打鼓, 就近便來這兒吧!Menu內的選擇好像很多, 但其實都是大模小異的食品, 食品名字更是很“美心焗飯”的感覺, 最後選了這個南瓜芝士帶子焗飯, 三文魚菠菜天使麵及日式咖哩羊扒飯頭盤來的一個忌廉湯, 淡而無味而且有如糊狀, 甚為恐怖, 只喝了一半便放棄, 隨湯附送之蒜蓉包又不知怎的以蒸籠送上, 有點不倫不類的感覺, 但味道都是淡淡而且飽又是涷涷硬硬的, 都是放棄吧!有機南瓜芝士帶子焗飯賣相一般, 芝士多而厚, 可惜無芝士香味, 帶子大粒幸而還不算太乾, 南瓜鮮甜, 整個焗飯都是味道較淡, 而且餸味跟白飯各有各的, 一吃便知是分開煮, 不是味兒三文魚菠菜天使麵的賣相較好, 忌廉略嫌不夠滑身, 但味道超碼足夠, 天使麵煮得合時, 煙三文魚亦不少, 這個尚算合格, 菠菜蓉充滿天使麵之內, 味道確是不錯的. 日式咖哩羊扒飯以石鍋上, 賣相特別, 咖哩香味充足, 不辣椰香味重, 似馬來咖哩多過日式咖哩, 配以4件煮得恰到好處的羊架, 分量十足, 而且還有飯焦在鍋上, 混以咖哩來吃, 認真十分開胃, 想不到這一客才是最好的服務一般, 但位置編排密密麻麻的

在旺角的通菜街中，竟有一家這麼別緻的西餐廳？跟UCC 一樣，以純白潔淨的牆，反射耀眼奪目的水晶燈光，讓室內燈火通明；大量的鏡子，又增加了空間感；再配上像歌德式大教堂的高窗戶；還有紅色沙發來一個a strikin' contrast；又來點深棕色的桌椅來點綴一下；偶爾隨意加添名畫。整個餐廳就是高貴幽雅的貴族聚會ball room 吧。但其實略逼，也略吵。===================我們都order dinner set，所以有bread。**bread** 怎麼是用蒸籠的？難道這就叫fusion？？？好奇怪呀，接受不了!多付$12 就可改喝**酥皮湯**。我和tenny 當然要喝了!一戳開‧‧‧wow~~~ 好正的酥皮，真的很「酥」，而且厚薄適中，牛油味很香，但卻不油膩。good good~~~ 我很久沒喝過酥皮湯了，雖知很肥，但喝時感覺真的很開心呀。湯，不是像周打湯般味道濃，也不是很稠的，tenny 很喜歡這樣的湯。意外地竟有很多料!有魚、魷魚、蟹蝦，更有帶子!不過有煙肉，我要挑走。**溫室南瓜帶子三文魚焗飯**哇~ 一望無際的芝士海呀~~~ 翻開表面的焗芝士層，看到下面的飯

之前都試過兩次, 都可以.今次再試試羊架意粉. 羊架醃得不錯, 煮得剛好, 不會過熟. 意粉中mixed了芝士, 好香, 但有點肥, ok 啦!

約朋友食TEA, 其實大家都未試過依間, 不過見佢格局OK就坐入去啦. 佢佈置得似UCC/POKKA, 不過坐低就發現好鬼死嘈.男侍應/經理見我地坐低就好好人地放下TEA MENU, 然後提醒我地已經可以嗌TEA.嗯~款式都好多, 沙律小食(eg.焗蟹蓋, 雞翼etc.)焗闊麵/意粉/天使麵都有, 不過好似冇甜品set的.因為肚餓, 一人一兜意粉, 我叫的蟹子忌lim三文魚天使麵好好好好好好味! 蟹子有一堆仔, 三文魚都唔少, 而且唔會切到細細粒, 唔會煮到散哂仲有得一塊塊咁放落口, 忌lim汁煮得唔錯唔會好奶. 一份的份量都唔少, 我地三個女仔都唔係細食, 不過未食哂都已經好飽.加十蚊仲可以飲特飲, 我叫了薄荷朱古力咖啡唔錯呀, 薄荷味唔會好強勁, 甜度亦剛剛好, 最鍾意杯野飲唔係用冰而係面頭打左d沙味落去, 唔會愈飲愈淡(ps, 但朋友話佢的"樽"子咖啡好難飲, 而且佢杯野係用冰的)呢個tea好唔錯, 係個面上有兩個勁粉紅圓圈煙脂好似紙紮公仔的女侍應態度好衰, 叫佢俾水佢就咁pet三杯水上柗, 個樣亦都極晦氣