鐵牛台灣牛肉麵 (翡翠中心)

营业中

休息中

今日難得黎到中環，就黎試下呢到既鐵牛同尖沙咀店有冇分別啦呢到既鐵牛位置十分方便，係正半山扶手電梯隔離，唔洗行上斜當日帶埋屋企人黎，記得下午茶餐好抵食，不過假日就冇左下午茶餐，唯有散嗌因為唔係太餓，4個人嗌左2個麵加3樣小食蕃茄湯豬軟骨麵 - 蕃茄湯幾濃郁，豬軟骨亦炆到好淋。麵底煙韌，唔會死死實實湯底蕃膏味濃，雖然有蕃茄肉，但稍微唔夠鮮甜，不過都收貨既酥炸排骨肉燥麵，湯底清淡得黎唔會無味，我幾鐘意排骨就一般炸排骨，唔算特別。肉燥唔算多，一撈就麵就消失左不過太多就會濃，加上已經有排骨配麵，所以我覺得okay梅子地瓜條 - 估唔到以前用黎點生果既梅子粉會可以用黎配炸物，效果又唔錯喎酸酸甜甜既梅子粉中和到炸地瓜條既油膩感，而地瓜條亦唔會炸得好乾，咬開仲有大大啖既地瓜肉不錯肉燥茄子 - 茄子皮色澤鮮豔，肉燥用作調味，但亦無馬虎厚切茄子肉，咬開口感豐富雖一缺點就係太油鹽酥雞 - 一般水準，正正常常，雞肉唔算粗糙，但亦唔算嫩口，普通飲品，薑母茶，芋香珍珠，薄荷咖啡，枝裝烏龍茶總括而言，食物水準都係一般以上，但未算特別驚喜。店內環境光線充足，有窗口位採光。評分:環境 ⭐️⭐️⭐️味道 ⭐️⭐️⭐️舒適 ⭐️⭐️⭐️優閒

比錢既時候直接將張單dum過黎，送嘢食直接單手將個盤好大力啪一聲dum落我地張臺，d女服務員態度超級差！野食中規中矩，碗很大，但餸很少，不推薦亦不會再黎第二次！

Weekday 午市黎lunch. 都知一定要排隊！而且齊人先入得。等左20分鐘度，就有台！同埋野食上得快！員工都helpful. 叫左個台灣腸魯肉飯便當。。最主要想食魯肉飯。。都算有油香。魯肉肥瘦剛好，都入味！但係，始終食唔到喺台灣食既味道。。唔知差啲乜！不過已經好好，而且配菜都好味😋。腸仔夾埋啲蒜一齊食都好夾。。中環黎講CP值好高！而且食到飽！最值得一讚，係杯紅棗杞子茶。。熱飲好好飲！跟餐都只係加5蚊！

同朋友於中環揾到呢間鐵牛台灣菜，我地叫左2碗麵（一個酥排新竹米粉同埋牛筋腩撈麵），另外叫左台灣腸同鹽酥雞。味道其實比較港式，食吾出台灣既味道，不過性在價錢中規中矩，味道亦適合香港人口味，係中環區黎講，算係平價之選。

講起食 又點少得港人最愛嘅台灣嘢❣️小編今次要介紹嘅係鐵牛台灣牛肉麵嘅中環分店~ 餐廳環境都算簡單別緻，以黑色牆身為主再用植物做裝飾🌿餐廳秉承咗香港人嘅精髓 餐廳營運非常有效率🤣放飯時間去都係等3張檯就入得。攞飛嘅時候 職員會俾埋點餐紙📝之後俾咗錢先入座。出餐時間頗快，坐埋位等咗大概15分鐘就上齊曬啲嘢。座位安排咗四人一檯 中間有透明膠板隔住，二人行要同其他人搭檯👭🏻但係餐檯面積唔大，基本上上曬菜已經無咩位剩🤥而且社交距離明顯唔夠，介意呢點嘅朋友要留意。滷肉便當跟3個配菜🍽而且都係食得落口 唔馬虎嘅👍🏻但滷肉味道普通 無咩驚喜，鹹酥雞食落有啲乾😥所以唔建議大家黎呢到嗌。至於招牌牛肉麵 真係值得一試❣️湯頭飲落似藥膳牛肉湯 有少少藥材味 但唔會濃到令人卻步😚麵身夠寬 而且彈牙有咬口🍜牛肉同牛筋夠稔😋力推！嘢飲方面，兩杯都酸甜醒胃 表現合格。青梅凍飲好重梅味😳唔鍾意梅味嘅可以試吓洛神花茶😉小編覺得呢間嘅洛神花茶 唔會好酸亦唔會死甜 平衡得幾好。總括而言，食物水準高於普遍台式餐廳，呢個價錢係中環黎講都算唔錯💰但換係其他地方性價比可能就未必好高啦。🌟 招牌紅燒牛肉麵 ($62)🌟 鹽酥雞滷肉便當

有日同朋友行完街，差唔多都8點零啦，而好多餐廳都因為疫情好早開始關店，中環更加小餐廳收得晏，咁我記得成日扶手電梯會經過呢個台灣野，所以就睇下關鋪未。咁我就叫左碗 主廚私房牛肉乾拌麵$79，而朋友就要了 招牌紅燒牛肉麵$63。個拌麵好香，個牛筋好軟，唔知個日係咪餓太耐定碗麵真係好大碗，我食極都食唔哂。野飲我哋就要 芋香珍珠奶茶$18，朋友要胚芽珍珠奶茶$18。飲野係手搖飲品既質素，唔係餐廳普通珍奶既質素👏小食要左 魚酥皮蛋豆腐$36，個賣相好特別吸引，而且我無預計到有木魚，所以好驚喜因為我好中意木魚。呢個豆腐我覺得下次可以再食，本身個汁好夠味，皮蛋加埋豆腐一齊食好香好好味，再加埋魚酥多左種口感脆脆，而木魚更加香👏佢木魚真係比好多，所以我都夾左D撈我既麵👏另一個小食係滷味拼盤$48，有豬耳 滷蛋 大腸，送上枱又另一驚喜，因為好大份。本身睇張相以為細細，每樣得小小，點知係好足料。豬耳入味好香好爽口，滷蛋正常，大腸肥厚大舊，呢個小食Cp值又係好高💝

星期六臨時被call返工放工同同事決定食好啲!去緊蘇豪區途中見到有台灣餐廳咁岩同事想飲珍珠奶茶最後決定幫襯鐵牛~Menu選擇多到不得了好多都係台灣signature嘅主菜同夜市小食諗好之後要到外面嘅cashier落單餐廳好大座位數目多食客都唔會坐得好close各自有足夠空間進食😊胚芽珍珠奶茶奶味偏重珍珠份量適中👍🏼咬落唔會好硬略嫌所有珍珠同胚芽都係飲品頂部開頭真係飲唔到佢地到最後胚芽都痴晒係杯頂🥴鹽酥雞份量唔算多味道偏鹹🤭炸粉唔會太厚梅子脆薯脆薯其實係番薯🍠原本炸完冇乜味加左梅子粉非常好食！一向係台灣夜市食地瓜球先會落梅子粉估唔到加係其他炸物都一樣咁夾~~紅燒牛筋腩麵湯底好濃麵有小小硬😥牛筋腩算多不過有啲韌鮮蕃茄牛筋腩麵同紅燒牛筋腩麵只係差個湯底可惜湯底似用茄膏溝出黎鍾意食蕃茄嘅我有啲失望☹️

之前一路都想食，但係見到成日都要排長龍，今日終於早少少係gulu app 攞定飛，黎到等5分鐘就有位，入到去坐底左，但要自己出去先俾錢買野食，都好既慳返加一，等左5-10分鐘野食就到，好快食，我今次就試左招牌紅燒牛肉麵$62，熱檸茶唔使加錢。賣相：非常吸引，首先個碗好大，望落幾足料，麵係寬身，牛肉似係牛筋比較多，仲有d雪菜。氣味：好香牛肉味，湯底有d醬油味。味道：牛肉好淋，似係煮左好耐，筋既位都好易咬，個湯底好正，但少少偏鹹，不過我飲左好多啖，都冇覺得口渴，應該唔係味精，係醬油味比較重，好好食。整體黎講，抵食好食，飲品仲好多選擇，+$6已經有珍珠奶茶，都幾平，下次會再幫襯。

中環食午餐可以用人山人海去形容，所以通常都早一點離開辦公室，今天到達餐廳時間是12:20，已經需要等候，但輪候時間不超過10分鐘，可以接受。此店名為鐵牛台灣牛肉麵，當然主打牛肉麵，但今天沒有食牛肉麵，選擇了夜市小香腸滷肉便當，朋友經一輪選擇後，居然點了同一樣🤣而我們還加了五味小茄子作小食。此套餐價錢合理，如果加配台灣奶茶檸檬水或檸茶，不需額外付費。以中環區來說，非常可以接受👍上枱時才知道除了香腸及滷肉飯外，還有三碟小食，早知就唔加小茄子啦。台灣香腸當然合格冇問題，滷肉飯則可以油分再豐富一點，因為選擇食滷肉飯，肯定能夠接受他的油分，及滷肉的份量可以再多一點。另外三個小吃其中一款是蕃茄炒蛋，蕃茄炒蛋好像不是台灣食物，感覺有點格格不入，味道則正常。其次是切碎及微辣的菜脯伴以半隻滷水蛋，滷水蛋入味但有點硬。另外還有香菇炒紹菜，味道沒什麼特別。而額外加的五味小茄子，醬汁酸甜開胃，但放在面上的木魚片則非常厚，跟日本和風式的完全兩樣，不合格。整體來說滷肉飯比想像中大碗，男士都一定夠飽，還有三款小食，加熱飲又不需另外付費，中環區$59還想怎麼樣！

突然想食台灣麵，午市後去嘅，一個湯麵，一個拌麵，啲湯唔夠熱，麵又冇乜麵味，口感似公仔面，所有嘢都唔夠熱咁嘅。自己黎冇問題，但係店員態度真係麻麻，唔耐煩。近窗位啲裝飾盆栽一副謝樣，窗邊成尺厚塵，可能冇抹過，凳上有啲污糟嘢。咁樣店鋪質素，得香港人接受到。差唔多價錢，其實應該就咁食樓下茶木嘅麵，起碼唔洗咁伏，何必受氣呢。之前旺角試過，覺得一般，諗住地區唔同會唔會有啲變化，嗯，仲差啲添，唔洗再去，blacklist。

中環半山扶手電梯一向係中環人既食堂之一，今次經同事介紹去左鐵牛同事介紹話飯會比麵好食，所以最後叫左個逢甲鹽酥雞滷肉便當+熱檸檬紅茶提一提，叫野食係要親自出去叫，順便比埋錢。野食一上枱就已經見到有好靚既擺盤，份量都幾大，特別係個滷肉飯，真係裝到好full，咁既價錢黎講，係中環算係唔錯。個人黎講，較少食台灣野，因為好少食啲煎炸野，但依個鹽酥雞既炸粉唔多，皮薄啲，好好食。另外，仲有3個小菜，分別係炒雜菜，蒜蓉菇，滷蛋，全部都幾好食。而滷肉飯既滷肉肥瘦適中，建議中意台灣野都可以一試。

限聚令下，公司要分批食晏，冇得同好同事食，獨自一人，搵到呢間鐵牛。預先㩒定飛，黎到好快有位。入座前選定食物飲品，預先付款，然後坐定定，店員會送上食物，唔駛自己攞。我叫左個鐵牛招牌紅燒牛肉面，粒粒香芋奶茶，粒粒香芋，原來係將香芋切粒粒，整體唔錯！

🍽 Taiwanese Braised Beef Noodles Soup💰 HK$63 (dinner) 2020 has been quite a rough year across the globe and I was forced to cancel my Taiwan getaway trip for the year. Craving for a nice bowl of Taiwan style beef noodles 🐮🍜, I went to Iron Cow Central, which is always my go to place whenever I crave for a nice bowl of Taiwan style beef noodles. Like any other noodles, the broth is the key to success and in Iron Cow the broth is so authentic and has always been up to standard. The beef is so ten

中環翡翠中心開左幾間食肆，一到lunch time 就好多人，要排隊搭lift，鐵牛就係其中一間要大排長龍既餐廳。環境好闊落，坐得都幾舒服。鐵牛主打台灣菜，當然唔少得紅燒牛肉麫同肉燥飯。紅燒牛肉麫有質素，牛肉嫩滑、牛筋炆得夠稔。麫質相對普通，唔夠彈牙。有d台灣餐廳會用刀削麫，比較有口感。燒雞腿扒便當值得推介，雞同配菜分開上，一碟碟好有儀式感。雞扒略嫌咸左少少。肉燥飯唔錯，夠多汁，半肥半瘦。我最鍾意就係魯蛋同菜甫，蛋入晒味，但又唔會過咸，菜甫爽口又開胃。一個set都係$70-80，係中環黎講唔算貴。

第一次見到有得叫外賣，立刻試吓。同事叫了原味牛腩牛筋麵，見湯底好濃，好有牛味。牛腩大大件，好抵食。我就想試台式麻辣湯底。湯沒有麻的感覺，只有辣椒油的辣。我更改了新竹米粉，食極都食唔完，份量好多。牛腩和牛筋都好大件，好似一條條。味道都好入味，只是有點chewy. 飲品我試了水蜜桃紅茶，一般般，沒驚喜。