鍾記車仔麵 (已結業)

平時番工lunch多數都會食車仔面, 貪佢樓下就係, 好近好方便.呢日星期六放工同另一半去左黃埔度閒逛,去到蔡欄美食坊,本來想吃擔擔面, 不過太多人等位了,而且都未同另一半食過車仔面, 就去左對面既鍾記試下了.雖然時值2點左右,仲係星期6, 不過又唔係好難搵位, 唔洗點等都巳經找到個2人位了, 可能係因為食車仔面既關係, d人食完就好快走.由於先排隊點食物後比錢, 另一半先行去買.到我去排時, 嘩~~真係幾多野食wor, 基本既車仔面送都有,仲有好多丸類~ 最後自己選左:豬紅,豬腸,雞翼,牛腩 + 油面油面好在唔會好硬, 還有點咬口; 牛腩好鞋又冇味,可以不點, 豬紅一夾就會散個種,不過還算不錯; 豬腸太肥了, 不行; 雞翼有點迷你狀態, 不過尚算不錯.另外點的紅豆冰就不行了, 只有奶味....油菜味道是不錯, 不過$17蚊一碟好似太貴了吧....2個人埋單100蚊有找, 其實都唔算貴既, 不過車仔面來講就唔算好值啦...

每次食鐘記車仔麵, 都是跟男友一齊去食, 所以好多次都係叫二人餐! (不過計過數, 叫兩人餐, 其實係分別多叫了2款送,1個菜, 每樣收左$5)2人餐--2款麵, 8款送,1個菜, 2杯飲品~~我次次都食到好飽~~其實鐘記是不是特別好味???? 我覺得味道ok, 最特別係---"有兒時的感覺", 因為記得小時候, 媽媽帶我食車仔麵, 就有這一種感覺和味道, 特別係牛肚、羅白, 呢兩款送的味道, 跟我小時候食到的車仔都一樣~~加上個"碗"...懷舊feel~~ 這是其他新式車仔麵找不到的啊!!!雖然價錢真係偏貴, 發覺近日又加價了!!!但我都會keep住食佢~~~~呢間野出名食牛x,牛x....等等!我又未試過....吾知好吾好食呢?!!!!

係第一次....亦都係最後一次車仔麵套餐 ~ 選了幼麵+牛楠+牛肚+牛百葉(車仔麵餡自選3種)...味道一般...咖哩豬扒飯 ~ 這是我至愛, 咖哩辣辣地, 豬扒好鬆化, 但不是我食過既最愛!!

黃埔美食坊捕食記(1)：今天到黃埔見工，午餐到了黃埔美食坊，原本想幫襯詠藜園，但看見鍾記車仔麵選擇更多，於是變節了。以下是我選的東西：牛奶麵——有點似伊麵，但比伊麵滑，頗特別。豬手——入味，但不夠「肉地」。花菇——很厚很大，口感好，但有苦味。生菜——普通，也有苦味。這間店會令人一再幫襯，不是因為其味道，而是因為餸菜和麵款款式實在有很多，一次試不完而已。

行完街街搵野食 睇左<飲食男女>話呢度既車仔麵好多選擇就拉左男朋友黎食喇!!!坐低睇menu真係好多款 好多出面食唔到既都有 可以有新嘗試了 =)我地叫左個2人餐 有2個麵底, 8個送, 1碟油菜同2杯野飲男朋友叫左油麵 而我就試新野- 魔芋扎粉條!!! 八個送!!!1.豬腸頭 全場最好味!! 唔會硬倔倔唔會好韌2.菜脯煎蛋 好普通 好似擺左好耐咁3.豬手 不過勁肥4.煎蓮藕魚餅 感覺上好清5.茶樹菇素扎 好怪 6.牛脆骨 好爽 脆卜卜 好似食雞軟骨咁!!7.牛疆 出名既 不過好韌8.牛心椗 出名既 不過好韌反而出名既 我覺得唔好食..不過我覺得個粉好味 可能未食過果隻啦下次去黃埔 應該都會試其他食店了!!

呢度的車仔麵我都食左好多次.勝左款式多.只要你想到就一定有...都有飯.三文治食..佔9成人都係食車仔麵...價錢貴32元.....呢個價數一數二貴,食物的點的鷄翼平貸唔入味...豬腸林但見到肥膏..腸仔一般鷄肉腸,反而呢個正?可幸的份量都食得飽....湯底好淡服務就係人客選好食物.俾埋錢....就搬住食物搵位...似快餐店

近來愛上了寫食評，看到自已文筆很差的食評，居然好像食家寫的一樣被登，感激之餘真的很高興！昨天行過黃埔，去了鍾記食車仔麵，不算人山人海，點了麵餐，凍飲，加碟油菜，$52，價錢在這位置我認為合理，但亦不算便宜。豬皮不夠味，口感OK豬腸，油菜好吃湯底太淡了，不過味精很少，加了辣汁好味多了個人認為旺角的「極之好」車仔麵款式較多，亦更入味。鍾記的不過不失吧。

朋友家人介紹黎食, 叫左一個二人套餐 (原價$75, 一個要蝦子麪+$2, 改凍飲+$2, total $79)有兩個$10麫, 八個菜, 一碟油菜, 兩杯飲品。八個菜係裝係另一個碗的, 叫左炸雞亦、炸蟹鉗、魚蛋、牛肚、豬腸、蘿白、生根、豬紅。唔知係唔係我選菜唔好, 樣樣都唔多好食。個麫好淋,湯又唔夠濃(仲辣辣地), 好似溝左好多水。豬紅好腥好腥, 豬腸咬落有沙,有洗唔乾淨果陣燥味。炸雞亦、炸蟹鉗都係放左好耐, 有點"益", 特別係雞亦, 好硬, 皮果D粉好難咬開。最好食係最簡單果D菜, 好似魚蛋、蘿白、生根, 都係OK的。油菜叫左生菜, 朋友話有D苦苦地。全個餐最好應該係朋友的凍朱古力, 超甜勁有朱古力味, 但可惜我不嗜甜。講返環境, 全層樓都有陣垃圾味, 特別係近廁所果邊, 餐廳仲要係開放式, 真係活受罪。

到靈當鞠躬後便前往黃埔蔡瀾美食坊揾食,今次目標是裏面的鍾記車仔麵,傳聞能夠進駐美食坊的,非泛泛之輩,但係唔係咁堅,咁就要試吓...望落餐牌有很多選擇,結果分別要了$30車仔麵飯套餐,以車仔麵來說頗貴!車仔麵底有成差不多10款選擇,而餸也超過50款比你揀,花多眼亂,結果大家要了比較少有的魔芋扎粉條,及2碗分別選擇了沙薑鸡翼、菜甫煎疍、腩汁蘿蔔、貢丸、炸蟹鉗及牛腩,其實尚有牛鞭、豬腸頭及豬手等騎呢款式,不過唔敢吃,esp.牛鞭仲有二杯飲品添結果是,OK,esp.個湯底鮮甜,而魔芋扎粉條好得意,似吃緊河粉,但比河粉透明及爽滑,吃罷真係勁飽肚,唔怪得之坊間常用魔芋作瘦身食材la!10分滿分我比7分,係有只雞翼裏面不熟,經投訴後結果他們也給了一小碗豬皮作補償,服務都好好,不過D車仔餸味道只屬一般...我覺得嗱渣麵個湯底很重要,這裏真係唔差,值得再試!

去一間食店,人地最出名嘅食物你唔揀,係要叫其它嘢,唔好食嘅話就自己抵死!但係呢度最出面食牛鞭、牛荔枝……但係我對牛嘅「架生」真係無興趣!唯有叫普通嘢食算喇!韮菜、豬紅、豬腸、牛腩、辣魚旦、煎蓮藕餅、油麵底加荳漿煎蓮藕餅----真係把鬼!都唔知煎定擺咗幾耐! 你Order佢就攞去微波爐度叮,叮完入口係熱,不過質感咬落韌韌地又爆油好難受!牛腩----味道好淡同碎濕濕.荳漿----甜!甜!甜!其它就普普通通唔難食.幸好店舖整體服務算好,樓面阿姐幾好禮貌,個淥麵師傅好有耐性(因為係自己去個金魚缸前面排隊手指指揀餸,前面個蛋散,自己食咩都唔知!企喺度依依哦哦揀完呢樣又話唔好又要過另一樣,人地整好晒佢又話再要多碗,差唔多十分鐘)

似乎還是兩年半前初來香港的時候，有學長向我推介過這家車仔麵，還說是『全港最強』，當時和朋友試過后感覺很一般；最近再試，食后感還是一如當初。話說這里最強的應該是五花八門的餸，但雞蛋餅與龍蝦丸浸在車仔麵的湯中，不算太有滋味；反倒是清清淡淡的通菜更適合做餸。朋友好肉，我就未試；但試過這里的春卷，有點油膩，而且欠點鹹與香，算不得好餸。講起麵食，始終是熱愛老北京的炸醬麵和打鹵麵（并非什么『大滷麵』），而家鄉山西的刀削面也是一絕。但極具本地特色的車仔麵，則始終不是我碗麵。

** 此 食 肆 的 第 十 六 個 OK **尋日(4-10—2008Sat)同男友行多個圈至o黎食車仔麵,由於多人,我先搵定位等,男友負責買o野,都等o左好耐,佢買o左牛雜(走牛鞭),咖哩魚蛋,咖啡魷魚,豬皮同油菜(通菜),要o左豆漿.覺得通菜淥唔透咁,口感麻麻.牛雜裡面有牛腩(應該係清湯腩),牛孖筋,金錢肚夠腍夠味,重有樣唔知邊個部位,食落好似o趙香口膠咁,不過又OK.咖哩魚蛋好入味,好辣,攪到成碗餸都辣埋,我麻麻地鍾意食魷魚,呢個都係一般啦.環境:其實都幾迫,麻麻地好坐.唔知價錢,但覺得應該唔會好平.

佢地d野真係好唔抵食, 又貴, 味道一般, 果次去吃了一個魚蛋米, 加一杯熱飲, 都要成三十幾蚊, 味道一般, 唔係特別好食, 同出面一般舖買$12/碗差唔多, 但係只加一杯野飲就要成三十幾蚊就真係太貴了, 下次未必會再食....

我老公係Burger King，最鍾意食Burger!!我係佢個BB，最鍾意跟住佢四圍食!!!BB以前係黃埔番工成日食，難得入黃埔玩，就帶老公仔試下。我地只係叫左一碗4餸車仔麵+豆漿一杯。(因為要留番個肚去時新!)車仔麵：魚旦+蟹鉗仔+雞中翼+金錢肚+烏冬：BB每次去都會揀金錢肚~豆漿：BB幾鍾意飲佢地ge豆漿~~不過要加$2~係蔡瀾美食坊裡面自然價錢就比較貴，好似我地咁叫就已經要$40~食物本身同質數可能唔值呢個價，但我就係貪佢有勁多餸揀同埋地方好企理同乾淨，感覺食都食得放心d。另外BB好鍾意食佢地ge辣醬~~不過都幾辣下，所以叫佢分開上好d~老公就寧願平D冇咁乾淨都唔怕喇! 最緊要就係好味!! 世間上邊有地道野係真係乾淨架!! haha老公想再食多一次的指數： 2/5 (too expensive for me 草根!)BB想再食多一次的指數：3.5/5(平d就好!!!!)

今日同女朋友去左黃埔行街街...見肚餓就搵野食...本來想食擔擔麵但係又冇得食之後見呢度有車仔面就食下啦...3餸1麵既車仔麵30蚊丫唔該個野飲就加2蚊啦....我要左個油麵,豬腩,牛腩,菜圃煎蛋...野食都幾多比你選擇...試下就真係ok但係下次再叫我食未必lu