長洲平記

营业中

休息中

之前有friend介紹呢間糯米糍好好味，所以嚟親長洲都會買嚟食🤣買左芒果糯米糍同埋榴連糯米糍😂大大粒糯米糍好軟滑，芒果幾香～榴連糯米糍都好重榴連味👍🏻之前試過紫薯糯米糍就麻麻地🙈

長洲必食芒果糯米糍，大街有很多間賣糯米糍的，最後選了這家在長洲冰室旁的平記。糯米糍有七款：芒果、榴連、紫薯、花生、香蕉、士多啤梨跟奇異果。點了一個招牌芒果糯米糍（$15），見店面海報的焦糖芝士雪糕撻貼上售完，好奇問店員要多早到才買到，她竟說其實還有，於是又買了一個試試看（結果非常後悔！）先說芒果糯米糍，其實糯米糍做法很簡單，好吃與否很大程度取決於𥚃面的水果。大大粒糯米糍有手掌心大，外皮軟熟夠薄基本合格，可惜芒果太酸，完全不夠熟，平日在香港市區買到的芒果糯米糍反而更好食。就當芒果不當造，但另一款甜品亦令人非常失望。明明叫做焦糖芝士雪糕撻，但完全沒有芝士成份。底層是完全不脆的室溫撻皮，固然不是新鮮焗起，甚至可能已經放置一段時間。上面有半球很普通的雲呢拿雪糕跟焦糖，毫無誠意可言還賣$25，有點過份。下次不會再試。

終於食到正店啦，「長洲平記」，落咗船，沿住大街左手邊行，行幾分鐘，就見到啦。其實喺香港島都有好多話係長洲平幾嘅分店，但唔知係真定假。今日入到嚟，梗係要試啦，都幾多人吓，大家都好似好期待咁食佢嘅糯米糍😆。佢有唔同嘅口味選擇，我當然選佢嘅「招牌芒果🥭糯米糍$15」我覺得有啲貴，榴槤糯米糍亦都深受好多人歡迎。白白軟軟嘅糯米皮，皮薄Q彈，食入口，芒果係超香甜，多汁，而家有少少冰凍，真係好好味😋👍。嚟長洲玩嘅朋友仔，可以嚟試吓呢間正店！

來到長洲當然不能不是這裏的芒果糯米糍，長洲有很多很有名的小吃包括大魚蛋、糯米糍等等，朋友就推薦說這家的糯米糍比較有名和好食，所以買了一些回家給朋友和家人_糯米糍有很多款式包括最原始的芒果糯米糍，也有士多啤梨口味、榴槤、黑芝麻等等， 芒果糯米糍入邊的芒果很大而且很甜，個人認為糯米糍的皮較為厚，如果可以薄一點應該會更加好味，士多啤梨味道一般，有點像一般在日本吃的大福，價錢是每一舊15港元，現在好像市區也有分店，下次有機會再來

臨走前梗係去食翻個 🥭#糯米糍 ！唔食過都唔算嚟過長洲🤣🤣中意食 #榴槤 嘅Vienn梗係叫 ➰#榴槤糯米糍❤️十分之糊口，過下口癮 都好正‼️小朋友梗係成一大大片又甜嘅➰#芒果糯米糍‼️唔中意食呢2個口味 火龍果、士多啤梨🍓、香蕉🍌、花生🥜、奇異果🥝、仲有人氣 #焦糖芝士雪糕撻🥧 ，總有一款啱你🤩..🥭長洲平記 - Cheung Chau Ping Kee📍長洲北社海傍路19A號地舖..今次去長洲仲有3間必食嘅冇開，好似甘永泰、手卷、豆腐花‼️因為有d之前食過，係特別嘅....不過味道一般...留翻下次食文再講😉.#齊心抗疫 #mumpreneur #假日親子活動 #假日親子好去處 #親子好去處 #親子遊 #happybloghk #石澳一日遊 #野餐 #西九文化區 #假日親子遊 #長洲食記 #長洲 #肥dodo食記 #食好西 #BBQ #長洲行山

提起長洲，大家會想到的，一定包括超級大的芒果糯米糍，一定會想到賣這種糯米糍的名店平記。這天走過，竟然沒有人在排隊。看到店家在忙著拿東西進進出出，看來是剛剛開始營業。這店出售的糯米糍，除了芒果，還有榴槤、紫薯、草莓、花生、奇異果、香蕉和火龍果等口味。我們買了最具人氣的芒果味，$15一個。這糯米糍比平日吃的要大，一口咬下去，外皮柔軟，內裏有整片的芒果，不過不知是不是季節的問題，芒果不是是很甜，但也有淡淡的芒果香味。

見到張相係咪覺得好吸引😏我哋嗰陣時都係喺條街度見到有人飲 覺得好正 所以就衝左過去買😈😈·芒果糯米糍$15 我印象中佢嘅芒果糯米糍係更加大粒㗎🙊🙊細個覺得佢勁巨型 勁開心 但係我哋上一次去嘅時候佢好似已經冇咁大粒咗🤔佢好似冇大過我隻手板 我覺得大過我個手板會開心啲keke不過佢都係咁好食 超甜 滿足😍😍·芒果沙冰 $35呢個望落個顏色好rich好似會係超濃郁嘅芒果味咁 所以我地超期待🙊但係實情係佢唔係好甜 可能因為佢係沙冰嘅原因 但係佢係真係好大杯 可以飲到好耐 所以都開心既 但係我覺得可能芒果汁會濃d😈·#rbyeat#rby港式#rby長洲·📍長洲北社海傍路19A號地舖

一家位置偏僻的甜品店，但是味道非常值得去嘗嘗。推薦招牌糯米糍，白白胖胖非常軟糯，皮薄Q彈，內餡裡的水果香甜多汁，尤其是經典芒果味，包裹著金黃清甜的芒果顆粒，搭配清香的糯米糍，入口令人不禁贊嘆。

夏天去長洲行到熱辣辣飲番杯沙冰降溫真係一流，經過呢間平記就嗌左個芒果沙冰飲，點知俾佢個芒果沙冰嘅size嚇親！佢一路整嘅時候我哋企係一邊睇，見到佢落足料，差不多落咗兩至三個芒果肉落去，本身以為佢諗住整兩杯，點知成杯沙冰係咁大杯，同手臂差不多一樣大！飲落仲有芒果肉，佢亦都冇特別加好多糖水，飲到嘅甜味都係嚟自新鮮芒果肉！

行行下又行返出大街啦，冇理由黎到長洲唔食芒果糯米糍 ，但行咗出大街又唔想又行返入去食允升。 唯有試下呢一間長洲平記，見佢喺出面都有分店，應該有一定水準吧！大大件芒果糯米糍成為15蚊一件。自己覺得有少許貴。 佢仲有其他口味，但都冇試，因為最出名係芒果嘛。每一件都有用紙巾包住，以免黐埋一齊同埋防止水氣影響口感吧！皮好薄身，但中間有少許位置有少少厚身，芒果都唔酸，但未到超級甜的地步。在夏日炎炎嘅情況下，食件芒果糯米糍真係瞬間透心涼。仲可以一邊欣賞風景一邊坐係到食，真的好寫意！

復活節長假期，點可以留係屋企，一於約個朋友入長洲去玩一日!難得黎到長洲，又點可以唔食芒果糯米糍，食完飯臨上船前就去左長洲平記買返d先!!!店員話買夠4個就可以有盒裝，咁我就一於買夠4個同屋企人一齊食啦~$15一個芒果糯米糍，隻隻都用紙巾包住，唔怕會痴住，亦唔怕有水氣令個糯米糍變質隻隻芒果糯米糍都有成個手掌咁大隻，好大份啊!糯米糍個皮好薄好軟熟!中間仲有大大舊芒果，糯米糍同芒果咬落好腍，好似係個口入面溶化咁!芒果好甜好好味!!! 難怪佢咁出名!!!

市區開咗咁多間糯米糍舖，間間都話自己係長洲糯米糍，咁難得入到長洲，梗係要食長洲嘅糯米糍啦~其實一落船碼頭附近買糯米糍嘅舖頭係幾多選擇嘅，見呢間鋪頭嘅糯米糍排列得都幾整齊，覺得好吸引，就由呢間開始食啦~平記出名芒果糯米糍之外，榴槤糯米糍亦都係大受旅客歡迎。皮薄餡靚，夠大份，個姐姐又好笑，真係呢個TRIP 嘅好開始!食完糯米糍踩下單車先再搵地方食飯，因為我去果日係平日，平日理所當然梗係少人D 喇, 哈哈哈，一個好開心嘅假期~

每次入長洲都必食榴槤糯米糍而長洲平記係首選之一！平記出名芒果糯米糍之外，榴槤糯米糍亦都係大受旅客歡迎。皮夠煙韌，每啖都係榴槤肉但價錢偏貴，家陣賣緊$15粒，抵唔抵食就真係見人見智！不過平記較其他鋪有更多口味選擇，黎長洲玩嘅朋友仔可以黎睇下！

買佐杯紅肉火龍果沙冰，寫出黎就又足料又天然，結果飲落同水無分別，無味囉，$35大杯都無用，佢連落糖水錢都慳，我估入面得一片仔果肉，其餘全部係冰，我寧願你細杯d，但足料返少少，真係超無誠意，飲第一啖已經好嬲

除左"好好食"，唔識講其他野，可能第一次食，覺得好新奇，甜度適中，似雪糕多於芝士，價錢少貴！即叫即燒，有時會有燶邊，好彩今日食係燒得靚我好仲意食個殻，食到有d呢hea😂