長洲平記

营业中

休息中

31/03/2018入長洲緊係要食芒果糯米糍啦！行行吓見呢間大排長龍，所以都排埋一份嗯....職員態度....麻麻...可能太多人，做到佢哋燥底了。嗌咗個「芒果糯米糍」、「花生糯米糍」同「榴連糯米糍」芒果好甜超好食呀榴連就....普通啦，淡淡的榴連味花生都係好正常無咩特別，哈哈之後睇openrice食評，見好多人都話芒果好酸，睇黎我好好彩食到個超甜的

好耐以前黎過平記，印象係好味既可能味道既野真係會變啦，又可能唔岩季節d 芒果好酸，仲唔新鮮tim榴槤西米露超。難。飲佢係芒果西米露加一啖榴槤前文所及芒果酸到喊同榴槤味一d 都唔夾飲兩啖就放棄左

中伏! 因這舖就近碼頭，又多人排，諗住一定冇揀錯，買了6件芒果糯米糍+1包芒果西米露回家吃，點知6件有3件糯米糍裏面既芒果係全部老到出哂根，食唔到，只有食3件每件13元既剩糯米糍! 既然切得d芒果出嚟，就應該知係老㗎啦，仲要賣比人，等我地買左上埋船離開之後冇仇報，簡直搵笨到極! 呢間仲塞埋coupon在盒裏，在上環舖可送1件值13元既糯米糍 ，送都唔會再食啦！做衰招牌!芒果西米露係冇西米㗎，不知所謂!

為咗美食今年聖誕刻意入長洲過，試過多間食店長洲人好親切唯獨一間態度如此惡劣。我一向都好中肯，好就好，唔好就唔好。但今次真係好受氣囉。一定一定無下次，態度服務都好重要。我共買六粒三種口味嘅糯米糍，包括花生係我自己食，芒果係買比長輩，榴蓮係同事委託我買嘅。本人係接受唔到榴槤，我買個陣叫姐姐同我各口味分開裝，因為比唔同嘅人同埋我怕榴蓮，佢話一盒裝六個啱嫁啦，態度惡劣拒絕然後好悔氣咁話我比多兩個袋你自己裝啦。個心已經好唔高興，洗唔洗咁態度呀，最多埋比錢分盒囉。返到屋企一打開個盒，臭氣薰天，對一個唔食榴蓮嘅人嚟講，火都嚟。啲臭味染汚其他糯米糍，流哂出嚟，爆餡，攪到咁衰樣仲點送比人食？依啲就係服務？已品嚐過糯米糍，感覺很乾皮很厚，花生沒花生香味。所以不會再試食…食過榴槤嘅親友指沒榴槤香。

👫呢間鋪除左糯米糍，仲有好多嘢揀，種類超多，啱曬唔同人嘅口味需要，鍾意食甜嘢嘅👱🏽‍♂️👱🏻‍♀️，緊係揀返甜品類啦😆#焦糖芝士雪糕批 <$25>最頂層放左塊芝士同砂糖，然後再用火槍燒出脆脆焦糖面❤️ 雪糕食落勁硬，亦都食唔出係咩味，可能係因為雪得太凍🤦🏻‍♀️ 芝士個味都無想像中濃郁～ 而酥皮食落唔算好鬆化，咬落硬硬地，但個味道唔錯，所以加返唔少分😆#芒果西米露 <$25>芒果西米露係用個袋裝住好得意，一飲落去，口感勁豐富濃郁，絕對唔稀，芒果味啱啱好。而且啲芒果肉都幾多下，好足料，但沉曬底，有啲難啜😝 雖然味道好濃，但飲完都唔會口渴，下次嚟長洲會番撻呢個，真心好飲過平時係甜品鋪食嘅芒果西米露🤩

從長洲西堤悠遊地漫步回碼頭附近，這時候已經挨近黃昏時間，肚子開始打鼓。走到長洲平記，選擇繁多，排隊點了個解喝的冰涼西瓜盅，另外再來個焦糖芝士雪糕撻和芒果檽米糍。  冰涼西瓜盅，是把原個西瓜切開頂部，用攪拌機直接把西瓜肉攪碎，所以除了能喝到清甜西瓜汁，還可以吃到啖啖果肉。 冰涼西瓜盅是用原個西瓜製作 焦糖芝士雪糕撻，外皮是酥皮，酥皮的中間放了冰凍雪糕，面放芝士再撒上砂糖，以火槍製作出脆脆焦糖面。酥皮沒有想像中酥化，反而吃起來有點硬身。芝士味道不夠濃郁， 香味不夠，結果，並沒有出現我幻想的「冰火三重天」的驚喜口感，實在有點失望。 來長洲怎可以不吃馳名芒果檽米糍，軟糯外層包著香甜巨大芒果，還是依舊這麽好吃！  坐在碼頭附近的長椅上，吹著海風、欣賞著落日染紅的晚霞，吃著買來的小食，好生愜意，直到天空變色，黑夜將臨，方才舉步走向碼頭，回到該回去的地方。

很久很久沒到過長洲，聽說現在美食林立，很多地方都推介長洲的芒果糯米糍，一定要到發揚光大的長洲試試，星期二天氣很好人流相對假期比較小唔駛排隊，島上有很多出售芒果糯米糍的店舖，網路上都有人推介比店所以試下，但好失望D糯米糍部份底部太濕又唔夠QQ，相片看到切開後見到個底濕濕的，芒果唔酸亦唔甜可能唔係當造期，芒果份量少與糯米糍一起吃沒口感淋淋的。還有其他食品選擇但因今次食了這個糯米糍實在失望所以下次都不會試其他了。

每次黎長洲都必定買既芒果糯米糍，皮薄芒果大大件，但近兩三次幫襯水準有點飄忽；一次買糯米皮有點溶的蹟象，起水（即買即食的）、今次買皮無事但芒果酸得要命試另一間芒果很甜但皮又不及呢間好味

今日買左兩個芒果糯米糍，咬左一口酸到吐番出黎，皮厚唔緊要~但係入面既芒果係完全唔熟，勁酸……唔熟既芒果都整黎做糯米糍賣比人仲要十幾蚊一個，真係好無良大家千其唔好再排隊買，簡直浪費時間金錢

只是貪得意買左一個糥米慈試下。芒果糯米慈，皮厚，不多軟熟有d浠感覺，芒果超熟，又不甜，好似食將近熟爛的生果，重要用纸巾包裝榴連糯米慈，皮超厚，榴連小，賣$13 一個，比允升平一元，但是質素好差。

今日入長洲，當然不忘買特產~長洲糯米糍，由於長洲有太多美食，於是諗住買走同屋企人分享，去到平記大排長龍，大約有10幾20人排緊隊，大約等了15~20分鐘先賣到，今次買了芒果同榴槤糯米糍，回家急不及待與屋企人分享，糯米糍的皮非常軟綿綿，而且餡料亦非常新鮮!排隊……也是值得的!

Cheung Chau has become famous for their mango mochis.  I've had some pretty good mango mochi in Causeway Bay, where the owner claimed that they originated from Cheung Chau.    So, I was looking forward to getting a mango mochi in Cheung Chau!Cheung Chau Ping Kee is a famous stall for mochis on the island, so I decided to get my mango mochi from them.Mango Mochi ($12): The mango mochi had a nice chewy skin that was slightly sweet, and it wasn't too thick.  The problem was the mango!  It was reall

今日放假去長洲走走，晏洲見到呢暑多人排隊，以為有咩正野，難道有錢派？到左夜晚食完晚飯想食甜品，再經過呢間野，見佢無咩人咪買兩舊嚟試下，一舊榴連味、一舊芒果味。嘩，食入口一舊粉，完全無彈性，粉又濕又厚，最弊連餡都得一細忽仔（我已經盡晒奶仔吱d餡比大家睇），好好好好難食！！ $12 我掉落海好過！芒果糯米滋得個大字，想問間野d人究竟識唔識整糯米滋？包得住舊餡就當成功？甘我都開得檔啦，呸！個個朋友買完食都話難食，我想知d人排隊排咩？好心唔好羊群心態啦.

黎到長洲梗係要試下特產既！依家市區開左好多呢間舖，個人就無試過，真係唔係好知佢地個關係。入長洲呢間買就一定最正宗既！糯米糍預先用紙巾包好，食時方便乾淨！話曬都$12一舊，芒果肉都算多，皮甜甜地，好煙韌，有咬口！但皮可以再薄啲。芒果依家唔係當造，但肉都好橙色，好甜！糯米糍成個雪凍左，連芒果肉都凍，所以幾好食！不過個人覺得好似比以前細舊左，如果再大舊啲會更好！$12一舊唔算平。條街仲有好多舖頭賣糯米糍，價錢都係差不多。

又入長洲今次一如之前, 買左9件芒果,2件榴槤。感覺芒果細舊左😆 不過皮都算薄, 而且非常軟熟, 不太甜。👍👍👍榴槤今次個餡唔算好多, 皮好像厚左d。但佢個糯米皮真係真係非常軟熟,就算雪了1晚口感都依然不錯。希望個餡豐滿d就very good😎😎