長洲平記

营业中

休息中

12蚊個，買得多有盒。因為整好哂，所以好快有。見到店入面有人都包緊。店面離碼頭有一段路，沿住行5分鐘度？糯米糍皮薄，好滑，感覺無加糖⋯⋯但芒果好酸，唔通唔當造？

超好吃的糯米滋 平价美味 一整颗芒果和奇异果在里面， 在码头下船左转 一直走就可以看到， 每个味道都想尝试 但是最后还是选择招牌 作为学生觉得长洲真是好地方 平记更是好地方 强力推荐

其實而家唔駛入長洲都有得食芒果糯米糍，好似因爲就係呢間平記帶左糯米糍出去長洲。周圍都聽到平記，但以前都係食開允升，第一次食平記既糯米糍，佢既糯米糍好似一個芒果咁。佢應該就係將個芒果成個切開左邊&右邊去核，之後就成邊放入糯米糍入邊。佢個皮幾好食，煙煙unun！其實我覺得比允升更好食，因為佢既甜味好足。而且其實我喜歡皮厚少少，好好咬口。 但佢個芒果就比較乾，冇允升咁有好多水分，而且係比較薄切，所以咬落去嘅時候都冇咁多汁咇出嚟。 而且佢比允升貴一蚊所以個人都係喜歡允升多啲

近期長洲多咗好多間鋪頭買糯米糍 允升芒果糯米糍相信大家都食得多 今次我隨機試下呢一間 想試嘅原因係見佢都幾乾淨衛生每一粒糯米糍都有紙巾包住 食嘅時候都比較方便 12蚊一粒有好多款味度 一啲特別嘅口味都有 我揀咗芒果味 入面芒果肉舊大舊而且好甜係唔錯嘅 個粉皮味道同一般羅米糍分別不算太大 我比較鍾意食粉皮 所以佢個粉皮比較厚身 我都可以接受到但如果有啲人鍾意食薄皮嘅就未必咁鍾意 總括來講十二蚊都算可以值得一試

星期六有好天氣，與炭星人同遊長洲。到長洲時已經三點，人有點多，熱鬧的街才有更多食店選擇，無妨我倆放假悠閒的心情🌞🌞有整整一年未到長洲，大街一眼盡見三數種小食，西瓜冰 刨冰 大魚蛋 平安包 糯米糍，一種食物出名，各家爭著做同一種生意，實在需要多點新意呢，糯米糍開到成行成市，試了好幾間，還是覺得平記最好吃👍🏿👍🏽👍🏻論材料，大家幾乎一樣，但平記就是做到皮薄餡令，價錢公道。平記在碼頭出來左轉直走，在公廁過一點就是了除了芒果，還有其他生果，火龍果和奇異果因本身味道較淡，其實難做糯米糍餡，好容易變成一陀沒有味道的粉團...我們選了大路的芒果 和小路的士多啤梨在海邊看看風景，吃一口長洲的味道士多啤梨味 $12 ⭐️⭐️⭐️裡面是兩大粒士多啤梨，但可以看到皮要有點厚才能好好包著士多啤梨，所以整體會較失色，反而覺得可以加少少煉奶之類調味，中和士多啤梨的酸和調整餅皮的無味。芒果味 $12 ⭐️⭐️⭐️⭐️⭐️⭐️⭐️⭐️⭐️⭐️比五星滿星值更多星！好興奮與之前吃的一樣，餅皮均勻的包裹著一整塊芒果，而且有淡淡奶香，口感煙UN，芒果肉質結實，香甜有餘，不會因過生而酸，總之一個字 好好食！如果大家只想吃一家糯米糍過過口癮，絕對要去平記

黎長洲又點可以唔食芒果糯米糍呢😝你睇肥仔獸個背影幾期待😂天然甜品無得食，唯有黎長洲平記食，肥呀！芒果糯米糍，芒果唔夠厚身，令糯米糍唔能夠做到一啖咬落去，芒果汁滿口既感覺😶焦糖芝士雪糕撻最大問題在於個撻並不是即焗，令到個皮唔脆。另外，芝士味超淡，食唔到甘。。😕#長洲美食 #長洲 #smalltoysinbigworld00 #肥仔獸為食團 #長洲平記

大伏！！！路過見到焦糖🍭芝士🧀雪糕🍦呢個配合心諗一定冇死啦😋加上幅圖又靚一靚，就算少少貴又有咩所謂💞但係！！個焦糖皮黑色架🌑🌑即燒既黑到咁仲要覺得冇問題🌚......一咬落去，好苦😞入面係芝士雪糕，淡到我食唔出咩味😟，最後酥皮太乾。大伏，暫時搵唔到優點。垃圾嘴既我食左兩啖都頂唔順掉左，呢個價錢呢個質素，真心嬲嬲地。

行下行下發現原來仲有芒果糯米糍買, 本來想去食果間已經一早賣晒, 見到呢度個樣都好似幾OK, 同埋冇理由入長洲唔食芒果糯米糍的, 所以買左一個試下. 個皮真的好薄喎, 入面的芒果好大呀, 個顏色係好甜的, 味道係真的好甜. 好好味呀. 出面唔係好多粒, 夠凍夠甜. 正.

自從長洲糯米糍變左全港糯米糍，每行幾條街就係糯米糍，但始終無食過一間係好食，一係就個芒果太酸，一係就個皮好厚又唔軟，今日趁人少少就入長洲，見到多左好多新既賣糯米糍既店，試左好多左間，但始終於都係平記最好食。芒果糯米糍 $12 大大隻，呢個價錢其實周圍都係，但呢到最正係佢既皮唔單止煙韌，仲要好軟熟，而且係食過咁多間最薄（即係個饀最多），芒果而家當造，但好多間都依然出現酸既情況，呢到無論當唔當造都保持到甜度，有整過糯米糍就知好難做到呢個效果，所以始終都係最愛既糯米糍店！不過試左士多啤梨糯米糍，都係一樣 $12 ，完全唔推介比大家喇，佢真係就咁一粒士多啤梨做饀，士多啤梨同樣未過當造期但係酸既，而且個皮因為要就個饀所以厚好多又細粒好多，完全唔係芒果糯米糍果個層次！見佢有火龍果同奇異果都唔想試了~

見市區都有長洲平記嘅分店 唔差得去邊呱 咁就試下總店嘅水準如何啦 尼度係我地最後衝刺嘅地方 因為近碼頭 買完就撘船回程番去了 買尼做宵夜哈哈除左買糯米滋 我地仲即場試左焦糖芝士雪糕撻比完錢姐姐就即叫即整 空心嘅圓形酥皮上放住CoCo Berry嘅芝士雪糕 再用火槍燒一燒雪糕成焦糖脆面雪糕芝味十分濃郁 似cream cheese 好幼滑 有流心嘅感覺 溫馨提示大家 要快啲食 否則燒過溶得快嘅雪糕會令您食得好狼狽 凍左嘅酥皮較硬 唔太酥脆 如果酥皮係熱辣辣配上凍冰冰嘅雪糕 做到冰火交加之感就好成功啦糯米滋口味選擇方面係長洲之冠 有成七款咁多 連香蕉 火龍果 奇異果都有 豬小姐就無試了 都係試番最傳統最馳名嘅芒果糯米滋 仲小貪心咁買左士多啤梨糯米滋試下芒果糯米滋個皮點解咁厚嘅 芒果餡顏色暗訝 雖然唔酸 但亦未至於甜 仲有輕微出水嘅情況出現 成舊糯米滋好易散士多啤梨糯米滋嘅士多啤梨係酸嘅 同糯米皮唔太夾 食落去各有各食咁個糯米皮幾軟熟就真嘅 但皮實在太厚了豬小姐覺得長洲平記嘅糯米滋名過於實 期望越大失望越大呢 反而覺得焦糖芝士雪糕撻更值得做生招牌

每次去長洲都一定會食芒果糯米糍，但這次就試下「平記」的榴槤糯米糍。可能因為成本的問題，榴槤糯米糍的皮是比較厚身的。榴槤糯米糍 HKD 11.00糯米糍的皮很厚身，有咬口，但略嫌太厚了。另外榴槤的果肉很香，而且好軟綿。整體不錯，但就是皮太厚，真的是太厚。黑芝蔴雪糕 HKD10.00原來是一個獨立包裝的雪糕球，味道只能說是一般。芝蔴味吾重，最重要是包裝不討好。連入面都不討好。個人覺得「平記」的這兩樣食品都只是一般，沒有吃到芒果糯米糍。可能下次會試完芒果糯米糍，再確定這家店的質素吧。

坊間有不少店舖，自家標榜為「長洲糯米糍」，但實際只是美其名而大欠其實，小妹也曾經上當！是日，遊訪長洲，終於可以一嚐老店「平記」的正宗糯米糍！HKD11的芒果糯米糍，體積如手掌般大，糯米外皮較薄，口感軟糯，裏面包裹著厚實的芒果肉，當造的芒果，每一口也是多汁清甜，與坊間的糯米糍大有分別，真的不枉此行！

雖然而家周圍都買到芒果糯米糍，但係黎到長洲點都要食下長洲名物既，見到唯獨平記一間排長龍，好啦我地都排下！$12一件很大個，手心咁大。皮很薄，軟糯煙un,很不錯！芒果很大件，是半邊芒果份量，果肉很多汁，沒有根，可惜稍酸。或者是季節問題，這月份芒果不當造，很難吃到甜的了。

阿妹話今晚有甜品食，原來她入左長洲玩，帶外賣回家，辛苦晒了！ 聽聞長洲糯米糍都幾出名，所以都好期待打開外賣合，哇！好大件呀！其賣相已相當吸引了。 首先嚐個芒果先，啖啖的芒果肉相當豐富，顯得皮更簿，唔知以為自己食緊個芒果。相反榴槤就有點失望了，其皮厚同埋涵料比較少。 10元1件，都算合理。

How has no one reviewed this in English yet?!! This place is a hidden gem in Cheung Chau (for me atleast..). It got my attention because there are several stores around CC that sell mango / durian mochi desserts but this place had the longest queue. The good thing, despite a lot of people was that it kept moving and I prolly waited only 10 minutes (even though it was a public holiday!!) before it was my turn. The stall is tiny. Behind the man by the counter, you can see several ladies making th