長洲平記

营业中

休息中

長洲必食芒果糯米糍是常識吧!!早一日已打電話去芒果王想訂定可惜一路冇人接電話算吧睇緣份啦,行過平記見好多人排呢間糯米糍便試試啦都好快10min就到我~買咗兩粒芒果糯米糍一粒榴槤糯米糍各$10/粒皮好薄芒果肉好澎湃不過真係要即食放久了會黐牙~榴槤糯米糍就一般了皮厚身之餘榴槤餡亦太少最後吃的榴槤糯米糍已黏黏的~

平心而論，這店鋪的糯米稵，做得不錯，芒果夠香甜，外皮也很適中，能做到軟滑香甜的效果，榴槤糯米稵，也值得一試，還有最特別的是雪糕，香滑得來又不太甜，小朋友最喜歡，冇想過長州有這特別的甜品

同事知我去長洲,託我幫佢買一盒糯米糍,一埸來到,我也買了一盒試下先…榴槤糯米糍D餡幾多,佢地重幫我切開(同阿媽一人半..haha…)好香好濃榴槤味,岩晒我呢D榴槤精….芒果糯米糍好大個,有成拳頭咁大,好清甜,好似食左半個芒果咁,PS. D店員重叫我地,先食芒果,之後食榴槤,咁樣唔會搶左D味,真

一去到見好多人排隊，以為一定好好食！排左20分鐘到，買左芒果同榴槤各樣半打，一食，中伏！咁多舊芒果是苦的！榴槤仲衰，咬左第三啖先有鼻屎咁多既榴槤肉，仲要冇味的！我吾理解點解會咁多人排隊架？？？

食完晚飯後諗住近近係附近買少少糯米糍返屋企做長洲手信先坐船返屋企，見到「平記」排咗條人龍，人排我又排～不過兩個人諗住買返十個八個返去，都係買返一個試試味先糯米糍一個個排好晒係舖前，後面一路包緊，算係即包即賣，芒果同榴槤同價，都係$10蚊。外表上芒果明顯比榴槤大個同吸引，但由我倆都比較喜歡食榴槤，所以先買個榴槤試下先～榴槤糯米糍 $10［評分：5/10］圓滾滾的外形，同一般糯米糍無異，咬咗細細啖，完全食唔到榴槤，再咬多啖先食到，但只係得勁少榴槤係邊位，中間深色地方都只係糯米粉糰，今次真係「淡淡嘅榴槤香」了，淡到覺得自己係食緊糯米麵糰。唔洗講. . .都係去第2間買算了長洲平記 (長洲)長洲北社海傍路19A號地舖～～～～～～～～～～～～～總消費：$ 10味道：5/10環境：6/10服務：6/10衛生 : 6/10抵食 : 4/10

由於在''天然甜品''吃不到榴連糯米糍而心有不甘的青蛙,決定跟豬大人周圍找尋有出售榴連糯米糍的食店~當我倆的單車途經''長洲平記''時,發現有短短的人龍, 於是泊好單車走去看熱鬧 ^^誰不知人龍是為了購買糯米糍而來,青蛙見該店有榴連糯米糍出售, 便爽快地淘出硬幣, 排隊購買!!買了後便急不及待就地解決了它 ^^糯米糍的皮跟''天然甜品''的同樣柔軟煙韌,只可惜內裡的榴連肉不多,而且竟然是甜中帶苦苦的~也許是不合時節吧, 失望 >.<

嘩...嘩...嘩好多人排隊丫兩個糯米糍都好好食即整既糯米糍真係唔同啲個粉團特別軟熟不過個糯米糍太多糯米粉了，食到整塊面都係糯米粉我一路排一路看著他們整，開始馬虎了=="可能因為差唔多打洋又要趕工本人覺得芒果比較好食，因為榴櫣糯米糍雖然糯櫣味很重，但是個陷太少了下次再去食的話，我會早啲買黎食

每年聖誕前我都會到長洲走走, 這裡有很多美味小食, 有平價海鮮, 還有很抵買的聖誕裝飾購買. 上月底跟友人來閒遊, 還租了單車踏, 出了一身汗後已是黃昏時間, 開始感到有點餓, 回到海鮮檔旁, 看到有很多人在排隊買糯米糍, 走近去看看, 好像不錯, 又跟着排起來. 這裡出售是即蒸即做的芒果糯米磁, $10一件絕不便宜, 不過看起來十分軟熟, 咬下去先是柔軟如綿花糖的煙韌外皮, 內層是厚逹2厘米的鮮芒果肉, 十分新鮮又juicy, 微酸帶甜, 真的美味到不行, 難怪那麼多人排隊, 還有不少人一盒一盒的買走. 後來晚飯後我們又回來買了幾件回家再吃, 但後來發覺取回家後芒果會出水, 令糯米糍變成很黏, 口感跟即買即吃差很遠了. 另外還有雪糕球, 這一款番石榴味雪糕($10)味道很清, 不甜膩, 外型可愛而且實際size比想像中大, 咬了很久才吃完呢.

今日同屋企人去長洲玩,經過此店,有不少人排隊,我地就試下新野.D雪糕好食,我地食左益力多,榴槤,朱古力味,好香好滑,由其是朱古力味,好濃我地也買了芒果糯米糍,榴槤糯米糍. 嘩,個芒果糯米糍幾大粒,好甜.媽話榴槤糯米糍好重榴槤味好食