長洲張記

营业中

休息中

在長洲有五十年歷史的張記魚蛋,算是遠近馳名.今次是小弟第一次光顧,有眼不識泰山.來一碗淨魚蛋,本來想要多碗魚片頭河,好可惜遲來一步,已經賣光.結果,只吃魚蛋,沒有其他,淨魚蛋更有魚片在內.魚蛋有魚鮮味,沒有腥味,外表搓成不修邊幅.咬落也彈牙,同外面一眾魚蛋檔相反,沒有大大粒外表,份量細小,容易食.魚片不過不失,沒有魚片頭當然有所不及.是否好吃到要專程入來吃?當然不是,如果一場來到,順路來一碗魚蛋粉,也無不可.

難得去長洲.....一落船...下午一點左右....人山人海...沿住右手邊行...比個好吸引大大個紅名既招牌吸引住...1959年喎...緊系要試啦....都幾多人下////...好彩有個靚女都好快安排到個位比我地....叫左碗....魚蛋河.. - 魚蛋真系ok...食得過...果然最出名...河粉可以再滑d.^^...(仲有粒炸雲吞送嫁...但系裹面系空心的....得層炸皮...都好過冇..).牛筋墨丸河.. - 牛筋好入味....正.!!!...墨丸自家整...又ok得喎....都系河粉滑d就very GOOD^.^..一碟油菜..得唐西菜...都唔差...!.同魚皮... - 魚皮...夠脆...比出面整得好味....仲有凍奶茶同大豆漿.... - 奶茶又出奇地好飲...有茶味!!!!!!豆漿要讚下....比出面個D....真系好好...甜度適中...有豆香.!!!可以一試@@埋單七十幾...OK平喎...!!!下次入長洲可以再試!!!

佢出名既係魚蛋.....但係我又吾覺得好好食wo..佢d魚蛋太過林...墨丸就ok d...同埋個份量吾係好多...岩哂我可以食完再食...

上一次來長洲都已經是幾年前的事了，今次到來感覺有點耳目一新，老公先帶我到張記魚蛋粉麵吃東西。看過牆上的餐牌，我們叫了魚蛋河和片頭雲吞河。 時移世易，以前這店舖最出名的彈牙，有魚味的靚魚蛋，現已變成只有咬口，而沒有魚味的魚蛋和魚片，味道十分之普通。至於雲吞的味道也沒有什麼特別，因為蝦唔夠爽，咬時只覺有點麻油味蓋過蝦肉味。 最後，我們帶着一點失望往下一站！

行左成粒幾鐘, 真係要放放水, 周圍搵都唔係好知公廁係邊咁肥妹妹話張記由細食到大, 可以一試, 咁就不妨借個, 食個麵啦~叫左碗魚蛋墨丸麵試試, 無河粉好可惜, 本人比較鍾意食河粉魚蛋唔錯, 幾彈牙, 唔似出面d魚蛋成舊粉咁墨丸都好好, 好有墨魚既味道, 而且口感都幾好, 好耐無食過真正既墨丸啦!!!!麵就一般, 無話特別好食, 不過有好既餸配搭下, 自然個麵都好食左~張記都算係長洲之旅唔錯既食店, 妹妹果然無介紹錯

放假同GF去長洲行下,在船上遇到一位50多歲女士,閒聊幾句之間,當中她提及好多人會去此食魚蛋粉麵,上船後行了個多小時終見到此鋪頭..."張記",第一次行過見好似無位 (心諗..咁多人食,應該幾好食啦) 於是行個圈返轉頭再幫襯.轉頭有位就入去,見"魚片頭"既粉麵要$21 (相併$24),其他牛丸,牛腩就$17,就試下魚片頭牛腩麵,麵送到,賣相不特別吸引,魚片頭有4件,食落口,魚片頭無咩特別魚鮮味,牛腩好瘦同幾"鞋",湯底又唔多好味,GF就叫左雲吞墨丸河加罐可樂($6) ,佢都話碗粉好普通. (係普通唔好食)食完之後再望鋪內其他客人,真係咁好食??點解咁多人幫襯呢??

食左小食後... 諗住食果間冇開... 就黎lee度囉~點知係.... 超級好一般囉~魚蛋河... 冇咩特別... 平時咁樣!!!豬手撈粗... 好多件都係有骨囉! 冇咩肉食 野飲冇叫... 好唔低... $1X一杯~便利店買好過~

係酷熱天氣警告下,一行數人仍然去離島,想去lamma island,但居然架船無位 在長洲我地仲去行山,臨離開長洲,終於行到呢間有59年歷史嘅小店.只試了淨魚片魚蛋($17)及墨魚丸($17大概八粒). 魚肉有D腥,仲有魚骨碎(啃唔死家), 幾彈牙,魚片切得有D薄. 墨丸反而幾好,有碎墨魚粒,仲有小小青菜添.湯底很清,清徹見底,魚味似布有還無. 小店裝修給我的感覺應是很有歷史了....這是我第一次填寫食評,希望之後會keep住分享...

大熱天時嚟到長洲，真係幾辛苦。由於一到達時，都幾肚餓，所以即刻入咗去張記度食嘢。我同鮮茄蛋叫咗：牛腩墨丸撈粗牛筋豬手撈粗雙拼仲要係撈麵，都只不過係$23碟，心諗幾抵，但係一嚟到時其實都幾細碟。據說佢哋啲丸類嘢比較出名，所以鮮茄蛋突登叫咗墨丸試吓，但係一食落去其實都幾失望，因為又唔係幾彈牙同埋無乜墨魚味，而且非常迷你加袖珍。而牛腩都可以嘅，不過不失，但又未至於相當出色。至於我嘅牛筋就好好多，因為牛筋嘅黏性相當高，而且夠晒腍，又夠味，所以好得！相反同牛筋比，豬手就較為遜色，因為雖然味道唔錯，但係好似炆得未夠咁，相信如果炆耐啲的話，會好食啲！原本諗住試吓佢嘅魚皮，但係見到要$17一碗，都頗貴，所以都係放棄咗，留肚食其他嘢好過。

日前高人與同事放悠長假期去長洲閒逛，而老鄉已很久沒去過了，故雖然要返工，也立即請假，跟着大隊去長洲。而領軍是高人的工作單位負責人，是在長洲土生土長，可以詳盡介紹長洲之歷史背景及帶領我們去嘗嘗長洲之美食。第一站美食當然要去品嘗馳名的長洲魚蛋粉，一眾十人分開三枱坐在歷史悠久的張記魚蛋粉麵店內吃魚蛋粉。坐下後聞到枱上之竹筷子沾有濃烈之牛腩騷味，如將筷子放近鼻子嗅一嗅，有少少噁心的感覺。故如聞不慣此味道，就要用閉氣法去食魚蛋粉啦！吃完後發覺沒有特別好食之感，只不過很普通，沒有驚喜吧！

依然係長洲之旅~同朋友踩單車踩到餓餓地，又想留肚食海鮮，於是去左好就腳既張記下午茶。佢既舊式裝修，令人更加期待佢既美食。入面貼左好多剪報，見d報紙講到咁正，一於叫碗魚蛋米同墨丸米，睇下係唔係真係咁堅先。魚蛋米:第一次食魚蛋米有炸魚蛋，不過好似.......冇料既?! 魚蛋同魚片就冇咩特別，好普通，冇話食入口覺得特別好食既感覺。湯底偏咸，而且冇咩鮮味，佢咸得黎比較味精= =......，食到一半已經好想飲野...........不過就好夠熱，因為佢夠熱，所以拉返好多分。墨丸米:偷左朋友兩粒墨丸同埋飲左兩啖湯，湯同魚蛋米o個個一d分別都冇(當然正常都應該係冇分別既= =......)，不過佢o個d墨丸幾好食，大大粒，中間有少少墨魚肉ga!仲有都幾鮮甜，唔係一啖一口粉既街市墨丸黎。唔錯！如果唔覺意經過又餓餓地都可以一試ga，不過我就唔會專登黎食喇。

同一大班朋友入長洲打網球,臨開波前入去食晏,好多人,客似雲來,叫碗面食下,見好耐冇食片頭,而佢又講到好出名咁,就叫左一碗食,,,,,,,,d面ok,,,,,,,,幾爽口幾彈牙但d片頭,,,,,,,,,,數量就好足啦,但味道好鬼鹹,,,,,,,,,,慌死d鹽平得滯,,,,,,,,,,下次要改善下d鹹味都ok

星期日, 臨離開長洲之前, 試試呢間老舗. 下午茶時間, 冇乜人客.牛根河: 牛根夠入味, 落足料. 河粉夠滑. 湯底也合格雲吞墨魚丸麪:墨魚丸也很彈牙鮮味, 湯底夠鮮味不過, 如果呢度咁出名… 食物質數又唔算好高… 係市區唔少地方都食到… 如果下次再去長洲, 應該唔會再黎啦

今日同朋友入長洲影相, 旨在搵個地方食下野~行過見到呢間面店好似古色古香咁~~就食佢啦一坐低阿姐都幾nice~你話未諗到食, 咩佢都會叫你慢慢諗啦~講下價錢先~單拼17, 雙拼20 , 雙拼撈25 , 要片頭雙拼撈就28 其實本人就唔太鐘意食片頭...以前片頭仲未興果時, 抽中會好開心依家有得另外叫反而就唔想食了最後叫左牛腩雲吞撈粗要腩汁食物好快黎到一睇~都幾對路~牛腩夠味, 好腍而佢亳不保留咁比左一舊肥膏我...好正!!!雲吞皮就煮到過時左...但係都對味~食得出有肥豬肉既甘香面身就真係唔多得 唔彈特別一提係撈面跟埋果個湯而係好似用魚煲出黎既湯, 奶白色的個人係好鐘意食魚的, 覺得個湯冇咩野 , 唔係特別好飲但如果唔鐘意食魚既人我諗會覺得佢腥到臭...至於豆漿就...好甜呀又冇味!!! overall 食個撈面 + 飲品28蚊 OK 咁啦~~其實出面食都差不多啦

一坐低 , 開頭啉都唔啉就想叫伙記整碗 " 旦可 , 唔該 "好在未開口叫時聽到隔離枱一邊食一邊話魚旦麻麻 ,小弟即刻 Lau 軚轉張 , 即叫牛筋豬手可對碰 , 出離全部熟張 ,牛筋豬手熟張無問題 , 夠淋好食D , 可粉熟張就麻麻地 ,湯底唔知係咪魚翁湯底 , 好似腥腥地