閨•家 (美基樓) (已結業)

打風前夕,堂食都坐滿座,位唔多,改買外賣快快手返屋企開餐落單幾分鐘就有得拎,好有效率!而家下午茶選擇都好多,見到幾款都比平時正價平幾蚊,抵食!下午茶優惠 炒公仔麵/烏冬 $42 包熱飲一杯 加錢可要可樂或凍飲!選左炒出前一丁,用豉油炒香,麵身彈牙炒得夠乾身唔油膩,仲好夠獲氣添!豬扒好鬆軟帶點甜味,夠大塊又好食雞翼夠入味又大隻,食落仲係有肉汁既!整體上食物有水準,服務又唔錯,支持!消費$100 評分8/10閨•家 (美基樓) Homie Food & Dessert (Mai Kai Building)屯門河傍街148號美基樓地下A號舖

星期一晚約左幾位大同一齊出黎飯聚，聽朋友講閏家搬左新舖，近左市中心好多，就決定左黎試下佢蟲草花冬菇煲雞湯($28)呢度每日都會轉一款湯，一星期一個循環，全部都係老火靚湯亦都係店家招牌，如果叫餐會跟一盅湯，而今日呢款用蟲草花煲既湯亦係我既至愛，平日屋企缺少湯水既大家，呢度絕對係一個好選擇去滋補一下。呢盅湯十分足料，有大量蟲草花，又有雞件同紅蘿蔔，湯渣份量接近成盅既三分之一。而蟲草花既味道極為濃郁，配搭雞湯既鮮甜，認真過癮。最緊要既係食完成餐飯之後唔會口渴，可見真係真材實料，無落味精！！😍😍😍菠菜麵配慢煮豬軟骨($45)入到黎坐低就見到張好吸引既餐牌，上面寫住即製手工麵，有菠菜、甘筍、紫薯三款口味，而我揀既係菠菜麵，而餸就揀左慢煮豬軟骨。一黎到就發現份量十足，我地幾位女士都表示點樣先食得哂？不過原來好食既野係會令人食唔停口，菠菜麵既菠菜味每一口都慢慢散發出黎，十分滋味。而慢煮既豬軟骨非常之稔同入味，食完唔會痴牙，仲有滿滿既骨膠原，正呀！！！濃郁既豬軟骨配上清爽既菠菜麵直頭係絕配，令人一啖接一啖咁食落去。🤤🤤🤤同行其他朋友都叫左甘筍麵同紫薯麵，淺嚐後發現各有特色，亦都食得出佢講既味道，不過始

今天趁假日跟女友到巴黎倫敦紐約戲院久違的看了電影，然後正準備到百貨商場購買日用品之際，發現對面原來有一間名字特別的餐廳，而且正值下午茶時段，就決定先吃一波再去購物。看一下餐牌，發現下午茶時段價格十分相宜。而且食物款式吸引，兩人不知不覺間就點了四份餐點….招牌流心豬扒包：豬扒包相當厚身有份量，豬扒肉質爽嫰而汁多，中間的滑蛋的確做到流心效果，但對我來說蛋白部份則稍嫌太熟。朱古力脆脆西多士：應該是全餐最出色的菜式，多士新鮮炸起，外脆內鬆，表面舖滿的朱古力脆脆十分香口，沾上牛油後，入口香而不膩！香煎蓮藕餅豬扒飯：蓮蓬餅鬆化，唯稍嫌味道徧淡，豬扒比較薄身，也不會剪得過火，不過不失。而餐配的老火湯反而十分清甜惹味，火喉十足！香茅雞翼配薯條：雞翼香茅味不算很重，但煎得比較乾身。相反薯條炸得十分香脆內熱，相當不錯。

沒什麼比行山更重要，剛過的星期五展開了一連三天的假期，就來個 Ad Hoc 開季行吧！中秋過後，天氣還是很燜焗，於是抵達目的地屯門後，我們便來到『見字飲湯』的「閨家」！ 廣東人很重視湯水，尤其媽媽總會為未能回家吃飯的子女預留湯水，湯水所包含的不單是營養和功效，更代表了媽媽的愛和家裡的溫暖！最近盡量不進食米飯，唯假期的午餐容許自己來一點米氣，除招牌豬扒配飯外，其餘一律將飯換成了淨食，店方大方地以套餐的價錢來收費！豬扒是店方的必吃之一，我們便先來一份招牌豬扒飯 HK$48，另外備有咖喱豬扒的選擇！ 豬扒兩件，不帶骨、中厚度，呈豉油棕色色澤，入口甜中有鹹，滲出點點薑汁味道，肉質除了少部份瘦位較為硬實外，整體的軟硬度可接受！驚喜是配有蔥油和酸菜！將淋上甜豉油的爽口米飯，混合蔥油和酸菜來吃，即時帶來醒神的惹味！套餐附小碗的例湯，星期五是五指毛桃紅蘿蔔老火湯！入口清甜、自然且和偕的湯味，不就是百分百家的味道，不愧為『見字飲湯』，確實有值得欣賞的地方，老火湯亦是當日我最喜歡的食品！坦白而言，招牌豬扒飯並不完美，但以低於連鎖快餐店的收費作比較，質素和勝價比確是勝一籌！記得手剁香煎藕餅 HK$48 是人

一路都聽講閨家係係一間良心小店💪🏻今日咁岩屯門同朋友食飯一於試下啦😝-🐽蓮藕餅+香茅雞翼配豬扒飯 $48豬扒係依度嘅招牌 咁就一定要試下啦🤣佢嘅豬扒係醃製一日後用鐵板即叫即煎，肉質好鬆軟👍🏻佢地係用果汁同秘製醃料代替砂糖嗰啲味精而且佢配埋老火湯 都幾正因為我地四個人，仲叫哂三款手工麵配醉雞、口水雞同牛腩。至於三個手工麵嘅味都好正，粗幼度岩岩好係我鍾意食嘅類型！分別有甘荀、波菜同紫薯添💓💓主菜嘅醉雞口水雞我中意佢地幾滑，油就無可避免，但幾香，調味亦唔算重口，汁水拎黎送飯一流

之前食過北角分店嘅鰻魚炒飯幾好食，今日經開屯門想試吓呢一間分店😚本身想食早餐，不過等到位就已經變咗lunch🙈鋪頭都唔算大，而且啲位都幾迫🙈我叫咗個手剁香煎蓮藕餅甘筍麵 ($45)🤤個甘筍麵本身甜甜地，配埋個微鹹嘅湯底，好好食👍🏻個藕餅可以食到一絲絲嘅蓮藕🤤不過我覺得入面略有少少粉感，同埋可以煎得再香啲～男朋友就叫咗個鐵板豬扒炒出前一丁 ($48)😋份量唔算好多，豬扒都正常，唔韌，調味都啱啱好，但係啲麵就真係鹹咗啲，一路食要一路飲嘢先得🙈我哋都加咗$7，每人一杯凍飲～整體嚟講，覺得個手工麵好食～其他嘢一般般😊不過真係好難得有餐廳係唔加味精，值得一讚👍🏻

-閨 • 家🏡 近排食得太多邪惡既東東 所以想今日黎個港式住家味道啲既lunch 好似都好耐冇係大西北搵野食都唔知道原來閨•家開到黎屯門都有就順便黎朝聖兼滋潤一下！同其他分店一樣都係好多人食排左隊10分鐘左右就入得呢間餐廳風格同Branding color align 左用左淺粉色做主調 同Neon light 寫住「見字飲湯」🤭而牆身就有屯門以前獨特風景既壁畫相信大西北牛牛們見到都會勾起好多童年回憶🥺🐷香茅雞翼豬扒飯 （$50）聽聞閨家既豬扒係最出名的 豬扒同雞翼都炸到金黃色 肉質鮮嫰 + 醃得入味 + 香茅既調味 + 蔥油雪菜做伴碟 = 很惹味✨🐣麻辣口水雞飯 ($48)呢度既口水雞比較偏重蒜味重口味人士應該會中意啲💓雞肉肉質都好嫰滑 皮薄肉厚 冇乜脂肪是日老火湯 - 山藥南北杏合掌瓜煲豬展味道清甜 用料都好十足 仲要係冇味精幾有煮家味 飲完覺得滋潤番🥰整體黎講 性價比都高既 野食全部都係大大份服務態度都好好 上菜速度快最主要係湯水好有煮家味✨ 滋潤呢~唯獨是餐廳環境會有少少迫🤔

身為屯門友，有新餐廳都想試。呢間想試好耐，門口長期有人排隊，今日11點幾嚟到等咗一陣就有位啦。店內唔大一般茶餐廳格式，大大隻字寫住見字飲湯餐廳主打冇味精抗疫湯，每日嘅湯都唔同，保持新鮮感☺️☺️蓮藕餅豬扒飯果然係真心推介👍🏻蓮藕餅好足料好爽口，係家嘅味道。豬扒好一般但係加埋豉油好夾，白飯加埋甜豉油加埋味菜，不知不覺食咗好多飯。慢煮豬軟骨飯豬軟骨好多，軟骨同埋肉嘅比例啱啱好👍🏻個汁撈飯好開胃😌涼拌海蜇手撕雞呢個超好食😋勁多料海蜇好爽口，雞肉加埋芝麻醬一流。餐廳主打冇味精，食完成餐飯都唔會覺得特別口渴屯門食飯又多個好去處😆😆

🔎閨•家 (美基樓) (屯門)💛#見字飲湯 每日都有唔同嘅湯 又足料又無味精 屋企附近開一間就正🤤🔹香煎蓮藕豬扒飯 $50 蓮藕飯煎得好香 咬落仲有一絲絲蓮藕係入面 係偏爽口嘅肉餅 平時食果啲都係比較淋身豬扒都好鬆軟 加埋啲甜豉油係幾好味 仲有蔥油同炸菜 送飯一流🔹家傳炆豬手飯 $48 +$7 凍飲跟是日靚湯(小): 雪梨蜜冬百合煲豬展湯個湯真係好甜 係啲食材嘅甜味 好好味 仲有勁多湯渣 想嗌多碗大湯飲 大湯都只係＄28豬手炆得好淋好入味 南乳味比其他店重 感覺好重骨膠原 花生都幾多 難怪係限量供應🔹炸饅頭 $20個饅頭咬完係識回彈架 幾出色 即炸仲係熱辣辣 加埋煉奶點有得輸📍屯門河傍街148號美基樓地下A號舖🍴搵返相關地區👉🏻 #90sfoodieshare_屯門#食在屯門#良心餐廳#黃色經濟圈#黃色小店#黃懲罰#黃店地圖#黃店地圖系列#黄店系列

這次去了一家位於新墟戲院附近的小店主要售賣中式湯品和中式為為主。店舖以粉紅色裝修為主，環境雖然不太大但很舒適涼快😆。大部分的飯餐也有餐湯附送，也可用優惠價加購冷/熱飲品。-💥慢煮豬軟骨飯 HKD$49，這個一份有四件豬軟骨，用慢煮方式做所以肉質很腍身🤩。軟骨位置口感軟綿綿，不用咬也可以吃到🤤。醬汁味道濃郁不咸，帶點甜味挺香口的。-💥柱候牛筋腩飯 HKD$53，這個一份分吃有三件牛筋和牛腩，牛筋夾起感覺很軟滑，吃起上來很爽口滑身🤩。牛腩是半肥瘦版本，肉質腍身重牛味，醬汁味道濃郁帶微甜。-💥麻辣口水雞飯 HKD$49，這個一份有五件雞，面頭有花生碎和芝麻，所以口感更豐富😆。這個麻辣味很香，吃起上來是小辣的味道。雞件不易夾散，肉質嫰滑口感煙韌，雞皮爽口不肥膩😋。-

豬扒雙蛋飯嘅豬扒好入味好鬆軟，真心好食分量都有兩大塊，十分足料！同雞蛋，配菜，同埋豉油好夾而今餐配嘅餐湯，冇味精而且好好飲，真材實料，飲得出係用新鮮嘅材料同埋有心機煲出嚟嘅靚湯，拍得住屋企嘅湯豬軟骨配甘筍麵，豬軟骨好林好入味，絕對係必食之選甘筍麵有淡淡嘅甘筍味，感覺好健康，而且好好食，好有特色。即使係唔鍾意食甘筍的小朋友應該都會鍾意食另外叫咗個手撕雞海蜇小食，手撕雞肉質滑，同麻醬好夾，而海蜇就好新鮮爽脆，成個小食都好足料。二人枱其實有d細，所有嘢上齊之後其實擺到密密麻麻。但係侍應見到食客食咗啲嘢之後，會主動幫忙收返一啲空左嘅碗，希望食客有多d位食得舒服d, 細心度值得讚賞有機會一定再來食

之前試過屯門閨家既堂食早餐，今次放假唔知食咩好，就黎食佢既外賣午餐，黎到依然係咁多人。堂食要係門口排隊，外賣就可以直接去收銀處落單，雖然好多人但外賣都好快拎得，叫咁多野唔洗 15 分鐘已經拎得今次外賣揀左個日式饅魚炒飯，另外仲食左 d 小食同屋企人分享。日式饅魚炒飯入面既饅魚粒都幾多下，超級抵食，炒得好香好豐富多到一個人食唔哂凍奶茶少甜少冰，本身想揀老火湯，但奈何天氣真係太熱，想飲 d 凍野消下暑，奶茶味好香濃夠滑麻辣雞腎（大），雖然個兜望落唔係好大，但原來都幾多下。本身都好中意食雞腎，帶點麻辣味好開胃，咬落去好有口感，值得一試涼拌海蜇手撕雞，麻醬味超香，雞件都好嫩滑，有埋海蜇好清新下炸饅頭配煉奶，外賣都唔會淋哂，炸得好香脆，配埋煉奶好好味，超正閨家果然冇令我失望，下次試埋佢既下午茶

星期六例牌 Late Lunch😝見呢個時間應該冇乜人啦！可以疏導人流，但依然都係要等，不愧不愧為屯門最有實力嘅小店😌每次嚟見到佢哋嘅裝修都感覺好relax，按住張相佢粉紅嘅壁畫，好溫暖！香茅豬扒嘅係佢哋嘅主打，當然唔會放過啦！豬扒鬆軟入味，八成瘦兩成肥，口感非常之好！香茅味重，新鮮香茅葉制，感覺健康啲冇咁多調味🥰🥰雞翼同樣外脆內嫩。仲好大隻添，一碟飯嚟講，好鬼多餸啊😍😍佢哋嘅凍奶茶都好有質素！茶味夠濃，奶味啱啱好。繼續支持小店啊！50幾蚊食到飽一飽😌😌

今天媽媽放假，所以就做孝子陪她出去買菜，順便吃個下午茶！家傳炆豬手飯（４８元）這個就是南乳豬手飯，吃起來南乳味挺香的，而且有陣酒香味，而豬手燉煮得軟中帶點爽，剛好是輕鬆咬開的程度，而且豬手都挺入味的，醬汁拌飯不錯！鐵板豬扒炒出前一丁（４２元）這個炒出前一丁炒得剛剛好，麵條爽滑，有醬油香，吃起來非常惹味，配上招牌豬扒就更加好味道，豬扒嫩滑入味，香芧味挺濃！朱古力脆脆西多（３２元）這個真的非常邪惡，外脆內軟的，而且西多中間還是有烘過的，所以中間也是帶點脆的，跟外面的是兩種感覺，配上煉奶和朱古力脆脆，吃起來特別香！溏心蛋２隻（２２元）溏心蛋煮得剛剛好，蛋黃非常流心，蛋香十足，而且蛋已經浸得挺入味的，直接吃的味道也足夠了！凍檸茶（＋３元）這個茶味挺香濃的，喝起來挺清爽！老火湯（小）（套餐跟）今天的是雪梨蜜冬百合煲豬展，吃起來非常清甜，雪梨味突出！

經常岀街食飯，食埋啲味精就真係唔多健康，突然間好想有啖湯飲下，於是過黎閨家，飲個靚湯先。例牌要排隊啦，呢度平靚正～好，坐低睇吓有咩好食先。叫飯跟套餐就會有老火湯送，今日係山藥南北杏合掌瓜煲豬展，濃味濃郁，仲見到有煲湯料架。咖哩牛腩飯，有得叫大中小辣，我喜歡小辣，惹味得黎唔太辣，仲好香椰汁味，牛腩軟腍仲有好多舊，正呀！梅子金沙骨，金沙骨半肥瘦，炆得夠腍，個汁酸酸咸咸咁，幾特別，拌飯一流。炸饅頭，食完飯唔夠喉，加個甜品，熱辣辣嘅炸饅頭菇配煉奶係冇得輸。飲品就叫左熱朱古力，凍奶茶