阿來泰式地道風味 (已結業)

今日好難得可以約到女神食飯，經過長沙灣的阿來泰式地道風味，見到門口人山人海，感覺值得一試！由於我們的食量不多，主食只要了椰青海鮮焗飯和泰式鐵板蠔仔蛋，甜品就要了芒果糯米飯和一杯龍眼冰。先來的是椰青海鮮焗飯，味道一流，有甜甜的海鮮味和椰青味十分開胃，而且海鮮和飯的分量也好多，絕對足夠兩個人食。最好的是會附送一杯清甜的椰青水，可以少叫一杯飲品。然後是泰式鐵板蠔仔蛋，蠔和蛋的比例剛剛好，味道偏淡，帶點海鮮的鮮甜，加上辣椒醬食就剛剛好。杯龍眼冰絕對是必點系列，濃濃的龍眼味道，生津止渴，搭配辣味食物一定是絕配。最後是芒果糯米飯，一定是泰國正宗的芒果糯米飯，食完出名辛辣的泰國食物，然後來一口芒果糯米飯，絕對是一流的搭配！最後埋單才二百幾蚊，絕對是約會女神平靚正之選！

唔係經常食泰國菜 今次係朋友推薦就去試下 今次叫咗三樣嘢食 一個菠蘿炒飯、小食拼盤 同埋泰式肉碎生菜包。菠蘿炒飯入面除咗菠蘿之外 仲有提子乾、雜菜豆、臘腸、蝦同肉鬆。咖哩味重但冇乜菠蘿味。小食拼盤有春卷、蝦餅、魚餅同雞翼。春卷入面有粉絲雜菜 幾香口 強推蝦餅同雞翼 個人唔係好鍾意魚餅 略顯腥咗少少。肉碎生菜包都好好味 如果黎碗白飯就正啦

又食泰國野哈哈，今個星期第二次Happy Friday 同朋友揀左間泰國餐廳食飯，又近近地屋企8點幾大家收工，踢住拖落黎食飯，個時見呢間新新地所以同佢就試下。門面同內在既裝修都幾靚幾光猛，座位都，舒舒服服幾好坐，而呢個時間d位都坐滿6、7成，都幾厲害睇佢d餐牌價錢正常唔貴，選擇都多不過要揀食咩真係有d煩😂所以叫個2人套餐最方便，300有找，而且野食都有好幾樣海南雞，油飯醬汁調得唔錯，雞滑，而個皮都好食唔太油膩而油飯都好夠熱，同入哂d精華入去正，有白飯都唔揀白飯哈哈泰式生蝦蝦味足同食落feel到新鮮，而醬汁酸酸少辣好開胃，仲有冰左住，幾周到，不過美中不足係冇挑蝦腸肉碎包生菜肉碎炒得幾乾身，份量多，亦唔太鹹，而生菜都企企理理，洗得乾淨新鮮套餐有樣野都幾好，d特飲唔洗加錢，叫左青檸梳打同龍眼冰，青檸梳打青檸落得足，不過有舊青檸做裝飾就perfect, 而龍眼冰都正正常常，不過建議你地叫少甜總括黎講，價錢都幾合宜，2人套餐都有好幾個唔同組合，下次都會想試下其他，食物質素都唔錯

今日同朋友去咗長沙灣地鐵站，行出嚟冇幾遠嘅一間泰國菜館， 門口都人山人海，要等到十五分鐘先至可以入到去。一坐下來見到好多人都叫海南雞，好自然就叫咗個海南雞飯， 我就揀咗用油飯。 跟住就嗌咗個蒜蓉炒通菜再加多個泰皇咖喱炒大蜆， 整多個椰青水！好肚餓，首先食過海南雞全部冇骨啲肉又夠滑，豬油飯又啱啱好份量， 但我好肚餓好似唔係好夠食添！蒜蓉炒通菜炒得好香，味道啱啱好又唔會太鹹，有勁多蒜蓉啱晒我呢一個蒜蓉控。跟住就係個泰皇咖炒大蜆，熱辣辣用煲仔上好香，聞到佢落咗啲椰汁，感覺似曾相識，我自己淨係食早一嚿，全部畀我朋友食晒。不過我都唔執輸，飲番個椰青，又新鮮又清甜，解渴非常，正！

好彩先打電話 訂了枱,如果唔係門口排長龍,就有排等喇！泰國生蝦好跳脫好想去泰國游水、shopping、食野，又無假，食番餐泰國野頂下癮先，嚟到長沙灣呢間阿來泰式地道風味餐廳試下。這個泰式生蝦刺身，辣椒加蒜頭點小小醬汁，蝦身彈牙爽口，入口鮮甜，辣得好過癮，我最鍾意就係咁樣食點埋青檸辣椒醬汁，好爽口好甜。泰式SUKI牛肉炒粉絲，多種雜菜一同炒，粉絲炒得好香好"林"，將全部雜菜同粉絲一齊放入口，味道好豐富。泰式SUKI牛肉炒粉絲，蒜茸包，飲番個椰青同試下泰式咖啡。雖然粉絲唔係高級野，但係我就特別鍾意食泰式嘅粉絲，貪佢份量唔係多，同埋可以炒出鮮味,我鍾意食乾身啲啲.飛天通菜，好有泰國街邊feel，炒得好香，唔知有無兩個大廚係廚房拋來拋去先上碟。蒜茸包好多蒜茸，份量十足，不會焗到硬硬的，少少脆，但包濕濕地好正。泰式咖啡好甜，但味道真的和平時西式咖啡好唔同，幾香幾滑。食了熱氣野要飲番個椰青，滿足了，遲D先去泰國。今晚食咗好多泰國地道小菜，真係掂

泰式茶餐廳路過長沙灣，見到新開張阿來泰式地道風味餐廳，愛食泰國野嘅我，即時入去吃個晚飯。叫了海南雞配油飯，泰式肉碎生菜包，飛天通菜，柚子沙律，飲番杯咸檸7。海南雞肉嫰雞味濃，點上微辣蒜蓉紅辣椒醬，好正，加上油飯清香，已經好滿足飽了5成。泰式肉碎生菜包，肉辣辣地咸咸地，用生菜包住味道啱啱好。飛天通菜，莖有少少硬，葉就好嫰，好有泰國街頭風味。泰式柚子沙律，柚子好新鮮大大粒，好有咬口。飲番杯咸檸7，降降火，好爽好爽。今晚真系大飽口福，大滿足go go go 泰式咖啡好甜，但味道真的和平時西式咖啡好唔同，幾香幾滑。食了熱氣野要飲番個椰青，滿足了，遲D先去泰國。

在長沙灣一帶，不少街道都以地方名去命名，例如是東京街，以及在其附近的東沙島街。東沙島的地理位置其實是在南中國海東北部，現屬中華民國高雄市旗津區管轄的東沙群島。當然，香港的東沙島街，就是在長沙灣的其中一條街道，當中隱藏了不少特色食肆。這次來到位於東沙島街的阿來泰式地道風味，單看裝潢已知道是一家泰國菜餐廳，甚有特色。我們首先點了海南雞，肉質甚滑，配合調味料一起吃，美味非常，而且價錢不算貴，絕對是必試之選﹗主食方便，我們點了菠蘿炒飯，除了有飯和菠蘿外，還有豬肉鬆，而且估計是落了黃薑，進一步提升整碟飯的味道。同樣地，也是價錢不貴，也是必試之選﹗至於泰式點心併盤，內有春卷、炸蝦餅、雞翼等，包羅萬有，一次過可以試到多個味道，為簡單而味美的一餐劃上句號。

好少入長沙灣，但平時成日遊蕩旺區實在太悶！見呢間新開就同朋友一齊去食好西！平時好鐘意食蠔既我就第一時間叫左味蠔仔煎蛋，鐵板上熱辣辣，蛋好鬆好滑，蠔又好鮮，俾我一陣就KO左😂是日咖哩炸軟殻蟹特價88好鬼抵，雖然爆痘同自己講唔好食煎炸野，都忍唔住叫左黎食。軟殻蟹炸到金黃，加上椰香既咖哩再搭上法包真係好好味😫😫爆就爆啦。。👉🏽👈🏽馬拉炒椰菜苗勁香口，又咸又爽口配啤酒一流。芒果糯米飯d芒果好鮮甜加埋椰汁又係絕配。食左咁多樣賣單250+多少少咋，我諗三個人都夠食因爲我明顯係食太多😂#聽日又要減肥系列

最近工作實在太忙，很久都未有和好朋友見面，這天終於抽到空一起吃個晚飯，聊聊工作上的苦事。為了方便的關係，我們隨意走進了這間新開業的「阿來泰式地道風味」，吃個晚飯。二人同行少不免點一個二人套餐，免卻選擇餐點的煩惱又抵食。先來一份飛天通菜，味道以香辣為主，辣味有點重，不太能吃辣的記得問問店家可否調整辣度比例。通菜的質感較軟身，容易下嚥。再來一份咖哩炒蜆，咖哩濃稠香味亦足夠，蜆肉都是大大粒，口感十足。同時蜆肉吐沙的工序亦充足，咬下去的蜆肉都沒有發現沙粒。最後有海南雞（例牌），雞肉的份量挺多，肉質軟滑，同時有小量的雞油，令雞香味更濃郁。套餐內有白飯油飯可選，吃海南雞飯不可不點的就是油飯。這邊的油飯油份不會過多，既有油香飯粒帶微硬，味道不錯。吃畢套餐內的食物後，我倆還意猶未盡，再加點了一份無骨鳳爪。酸酸辣辣的醬汁一解飽濟感，無骨鳳爪令我們吃起來更方便，軟骨的爽口感覺令味道更高。愛吃海鮮的我們再點了一份辣椒膏炒大蝦，蝦肉夠大，辣椒膏的味道濃郁，微鹹的香味配上辣辣的味道更加惹味。女孩子聚頭，甜品當然是必備良物，所以這份香葉椰汁西米糕就來到我們的桌上西米軟腍易咬，椰汁味道香濃，整件糕點的口感相當滑身。

放工落長沙灣食野，見呢間好似幾抵食，就入去試下啦我地六點鐘鬆d就到左，已經有一兩枱客食緊，餐廳環境都幾大幾闊落食物款式好多，而且價錢都幾抵，4-50蚊就有交易，套餐仲抵食，不過我同朋友都不約而同地選擇散叫冬蔭功炒飯，份量大大碟，味道香濃，冬蔭功味道好出，而且海鮮都幾多，飯炒得夠乾身，幾惹味咖哩軟殼蟹，軟殼蟹炸得好香脆，配咖哩好夾，咖哩汁既椰味好香，好岩口味食咖哩點少得薄餅，薄餅口感鬆軟，唔會覺得油膩，點咖哩汁一流炸蝦餅，蝦肉厚實，外層炸得好脆，裡面爽口彈牙，點埋泰式辣醬，酸酸甜甜，好食泰式咖啡，個人最中意就係飲泰式咖啡，味道好獨特，甜甜地，超中意，食泰國菜呢d濃味野最岩飲呢d中和下食左咁多野都係二百幾蚊，泰國菜黎講，超級抵食，一定會再幫襯

my friend asked me to join him at Un Chau stfor a Thai style luncheon I love the coconut green very much He wants a lasha seafood Cambodian noodles 128$Deep fried combination Shrimps cakes Fish balls 🏀 chicken wings Thai spring rolls add another fried Cambodian noodles( wet )1/treasures 1/ good soup lasha noodles 2/ delicious fresh green coconut 3/ tiny toothpaste 7 upfine dining at Tung Sha To well done ✅ Inexpensive

今日咁岩收早,得自己一個食飯就諗住是但搵D野食啦點知經過阿來見到好多人等緊位,身為吃貨既我緊係等埋一份啦食物黎講都幾多野揀,由蟹到面,再到飯都可以係到搵到我得一個人就少少地叫左飛天通菜,食落唔會好辣,但夠晒入味,亦都唔算太鹹生蝦刺身,毎隻生蝦都好大隻,一淡根本食唔晒而且佢個醬酸酸甜有少少辣味,但又唔會太搶大蝦既海水味呢個係我最推介既菜式,咁既價錢絕對值得一試飲品方面就叫左杯凍檸水同其他既都無咩分別,不過不失甜品方面就叫左個芒果糯米飯,芒果肉食落好新鮮芒果肉,唔會用糖水浸過而搞到好甜糯米飯都熱辣辣好煙韌,同係泰國食既都差唔多

長沙灣新開呢間泰國菜館, 每次經過門口都有一大堆人在等候, 今日終於有機會來食過晚餐， 餐廳空間寬敞, 環境好光猛, 菜色選擇亦都有好多, 晚上七點幾已經座無虛席, 好誇張!黃咖哩牛腩煲$78, 好香咖哩味，咖哩汁好濃郁，用嚟撈飯好惹味，雖然係黃咖哩，但係唔會好辣，仲有少少甜甜地， 牛腩都好大件，配合埋薯仔、青椒等其他香料，好醒胃!炸蝦餅$68, 見到好多枱食客都有叫，所以我哋都叫一客來試試， 分量都唔少，兩個人食啱啱好，蝦餅用料好足夠，咬落好紮實，好彈牙，外皮炸得好香脆，其實食完個炸蝦餅已經感覺好飽肚，不過真係好好食!泰式蒜蓉燒虎蝦$98, 雖然份量只有兩隻, 不過隻蝦好大隻， 擺上枱都好香, 燒得好靚, 完全 冇燒焦嘅情況， 食落啖啖肉， 好痛快，肉質又彈牙，而且鮮甜，正!下次來可以再試吓其他菜式！

豬脾味道算係咁 無咩驚喜 夠淋不過好肥 食過就算 但價錢唔貴豬頸肉炒椰菜苗 菜太咸 咸到唔想食 但入面啲豬頸肉唔錯 叫燒豬頸肉應該會比較好咖哩好差 似葡汁 得甜味同椰漿味 同埋軟殻蟹底加左大量 蔥 三色椒 洋蔥 仲食到芫茜味 寧願佢唔好為左撐起隻軟殻蟹加呢啲嘢落去 軟殻蟹份量味道正常 個法包都正常 我一向喜歡食法包 外脆內煙un 但咁既咖哩一定唔會再嗌有機會再試下佢個海南雞同喇沙麵 望落唔錯總結 食物對得住佢價錢 但咖哩似葡汁 一大伏Ps:食完都幾口乾

我個人很喜歡吃越式或泰式的東西 酸酸辣辣的 很開胃看到新開的這家泰國餐廳 店員好像大部分都是泰國人 有點粗魯我點了炒金邊粉($44)外賣配了青檸 大大快生菜 花生碎有點油膩 沒有想像中好吃