阿元來了 (北街)

营业中

休息中

“阿元来了”是米芝莲推介店，不过，没有星，属于平民美食。在坚尼地城地铁站口，生意非常好，排长龙是常态。今天我休假，于是想起了就来试一试，非繁忙时段希望人少些。“刈包”: 一向都唔知点读，乱叫它做“割”包。其实应该叫“劃”包。里面是成件猪腩肉。有大量芫茜。我属于重口味的，当然照吃不误。这个包，里面是加了砂糖的，甜甜的。味道是不错。而杨桃汁则反而加了盐，没有杨桃味，不过也算好喝。担仔面没特别，不是说它难吃，而是没什么惊喜。想吃蛋饼，但服务员说中午不卖蛋饼。那就等下一次吧。这里人很多，座位窄小。陈设像台湾夜市风味。不算贵，但因为是名店，所以没套餐，必须散叫。服务员都是年青人，生意又好，难免有些串，说话带命令式。

由結婚幫襯阿元來了，都有七個年頭。跟做收銀員的女士（其中一位老闆）都認得我們兩公婆，好親切。每次都會食台式滷肉飯（細）食細碗，我已經夠飽了，半肥瘦的豬腩肉，配上半隻滷水蛋，真係覺得自己好似喺台灣咁，我最喜歡食嗰兩塊黃色的醃蘿蔔，可以多幾塊就更加好了。鹽酥雞，又係不可不點的小食，剛剛炸起，灑上少少味椒鹽，呀⋯⋯⋯令我更想念台灣的夜市。點了一杯凍嘅珍珠奶茶，店員好細心，我話驚飲唔晒，幫我轉左一個外賣杯俾我拎走。令人回味嘅唔單只係食物， 而係整體服務員嘅親切態度。

近排堅尼地城新開咗間高先電影院，戲迷朋友即刻相約去一探究竟睇戲前點都要醫下肚先，發現一街之隔就係台灣菜名店阿元來了既總店，馬上拎飛等位。雖然係平日晚上，但堂食同外賣客人都駱驛不絕，足可見實力一流等位時一直聞到撲鼻既酥香，原來隔離鋪位啱啱新開咗一間手工麵包店，裝修簡約，主打各類酥皮麵包，例如玉桂卷、牛角酥和泡芙拿破崙卷。如果有機會，一定要買黎試下味等咗大約20分鐘就可以入座，一入門口就會見到充滿夜市風味既車仔，令人覺得仿如真係去到台灣旅行咁，主要就係由此出菜，唔係淨係打卡場景咁簡單爆蛋雞肉飯 $42肉絲份量好足，煎得脆香的太陽蛋配合酸菜令飯既口感更豐富，令人不自覺一口接一口好快食哂新竹貢丸湯 $20最近日夜温差大，夜晚飲碗湯人都暖d，不過貢丸可能煮得耐咗，味道無咁濃郁台灣黑輪拼盤 $30魚漿鮮味尚可，彈牙好食 黃金泡菜蛋餅 $35自從係牛大人試過黃金泡菜後，一直懷念佢既特別味道。原來黃金泡菜係腐乳去醃製，夾埋一齊超級好味招牌珍珠奶茶 $25 食完就去咗睇戲，支持港產片，超級熱血。

疫情之前我每年都會去台灣旅遊至少一至兩次。基於疫情,有一年半都冇去過台灣啦，個心超級掛住台灣美食。所以直至有一次係堅尼地城行完山，就計劃好去阿元來了食下台灣菜。星期日既中午1:30都有唔少人排隊同埋等外賣，不過好好彩等左20分鐘就有位。餐廳有限時，不過由於上菜速度好快，所以都夠時間食！我地叫左阿元滷肉飯、爆蛋雞肉飯、豪華海鮮煎、香脆大雞扒 同埋一杯小芋圓香芋奶茶。阿元滷肉飯好有台灣風味，同預期中一樣咁好食。爆蛋雞肉飯雞絲比預期中多，好足料！如果你唔鍾意食油膩既滷肉飯，可以試下佢。豪華海鮮煎本身想叫蚵仔煎，不過友人想食豪D 所以就一試豪華海鮮煎。佢既味道同蚵仔煎一樣不過裏面就多咗幾款餡料包括蝦仁同埋帶子，令到煎餅口感更加豐富！香脆大雞扒份量好夠，大過我塊面😂本身好擔心炸雞扒會好油膩，但係尼個雞扒完全唔油，外身好脆口，內裡雞肉有肉汁！

魯肉飯 $39肉鬆起司蛋餅 $30台灣香腸 $30地瓜球 $30肉燥青菜 $25🔅🔅🔅🔅🔅🔅🔅🔅🔅阿元來了絕對係我係香港食過最好味嘅台灣嘢食❤️ 魯肉飯啲肉肥瘦適中 肉亦都夠淋 加埋索晒鹵汁既珍珠米 一流🤩😎分量亦都啱啱好地瓜球係新出嘅🤤炸得黎脆口又唔會乾身 而且裡面仲有地瓜蓉同芋蓉 好有口感至於蛋餅份量亦都好足夠👻蛋皮Q彈有咬口 上面嘅醬汁 加埋拉絲嘅芝士同澎湃既肉松🤤好好味推薦指數: 9/10 推介推介！👍👍👍🔅🔅🔅🔅🔅🔅🔅🔅🔅阿元來了 (西環)西環堅尼地城北街31號地舖

上網睇到有台灣YouTuber食滷肉飯就攪到好想食🥺🤤當日就去咗阿元買滷肉飯！一如既往的多人不過排外賣就唔算好耐落單到攞外賣 大約15mins.阿元都食過幾次今次急不及待食 冇影到相😢😢.滷肉飯 $32 ⭐️⭐️⭐️⭐️/5滷肉飯係咁多樣嘢最好食！我之前我有篇食評都介紹過肥肉瘦肉比例好好滷肉份量足夠可以撈曬成碗飯.蚵仔大腸麵線 $40 ⭐️⭐️⭐️/5蚵仔大腸份量都幾多 唔會得一兩粒味道唔算好濃比起係台灣食 味道差少少.香菇肉羹麵 $48⭐️/5⚠️唔好食！唔好叫！⚠️味道好淡.滷味拼盤 $35⭐️⭐️⭐️/5份量唔多 一隻雞翼 兩舊豆腐 幾舊豬耳但都幾入味豬耳好冧.鹽酥雞 $37⭐️⭐️⭐️.5/5香脆 夠味雞唔鞋.起司肉鬆蛋餅 $35⭐️⭐️⭐️⭐️/5起司肉鬆 不敗嘅配搭一份4舊 .(外賣+$1)

我都算係老客戶，由初初阿元於第三的鋪仔，到觀塘，再搬黎堅尼地城，我想我已經光顧過無數次現在疫情冇得飛，一定要食番啲夠地道嘅台灣美食！不過已經好似比當初既食物質素下降左😑1）阿元魯肉飯 - 必食，細細碗👍🏻2）台南擔仔粿條 - 不過不失3）麵缐- 好味、食到台灣的味道夠正宗4）台灣香腸-絕對同我在超市買台灣腸味道一無一樣，只係多啲蒜片，冇特別5）黑糖珍珠奶茶- 超級甜🤨6）炸起司地爪球- 麻麻地，不值這個價錢7）塩酥雞- 非常之好味👍🏻8）蚵仔煎- 一般般😌

阿元來了不嬲都算係台灣菜代表之一，以前食過佢既魯肉飯，份量雖然細細地，不過相當好味，魯肉肥得黎又夠香！今次用咗某外賣APP嗌，想試下其他，就叫咗呢個爆蛋雞肉飯。爆蛋雞肉飯 (某外賣APP: $49)唔知大家係台灣有冇食過嘉儀雞肉飯，呢個飯就係類似咁，焦邊既雞蛋配雞絲，連埋醬油撈埋黎食，真係好正。不過本人就覺得雞絲略柴，唔係好嫩滑既，勝在味道搭救，撈埋啲蛋汁，成碗飯眨下眼就食晒！ 不過留意番佢既份量唔算多，女士食就岩岩好，男士嗌可能要嗌多個小食先夠飽喇。

入到佢，問某個個waitress有關食物紙上的問題， 個waitress 唔係好想答不特止仲答錯! 問佢係咪11蚊可加所有野飲，佢話係，點知原來係1號至8號的飲品才加11蚊，其他的收原價，我覺得呢班服務員要同客講清楚要唔係hea啲客囉，為左賺多少少甘唔老實。 仲有，呢個女服務員亂答人問題我都費事寫出黎。 真心認為呢間野食的台灣食品來說價錢唔平， 比返啲服務質素啦唔該!

❤️入到去有個台灣口音的姐姐帶位， 感覺都幾好。。。👀👀望望個環境， 都好有特色。。 坐位比觀塘果間舒服好多。。。👏👍👍望望個menu都好多選擇揀， 同友人一個牛肉麵share $69, 個湯底太咸👎👎， 死咸左。。。so sad😭， 但牛肉係唔鞋口， 入味既， 個都底都好食， 唔會太硬或太林。。 係差在個湯底。。😍😍之後黎埋個鹵水。。 熱熱上菜， 呢個又冇死咸喎。。 叫左百頁豆腐， 好滑好好食重叫左米血糕， 個質感good， 唔會爛到一舊野咁， 重有啲煙煙韌韌豬大腸， 佢係有肥膏既有腸， 好香，又冇痴牙。。重有蘭花乾， 本人覺得呢個係必叫， 啲汁吸曬入去， 真係好正。。最後重有素豬腰， 好爽，都幾似， 幾有咬口， 呢個都可以一試。。👍👍👍👍所以整體黎講個老水係好食既。。因友人重係學生，學生證， 有9 折。最後$130 埋單， 都食得飽飽

真係台灣野食黎講係香港算係數一數二。價錢親民之餘，一直對食物味道要求比較高既我同朋友都覺得佢還原左地道台灣既口味。地道菜色魯肉飯不太油膩，食落充滿口感之餘，味道剛剛好，配上一粒粒既白飯，攪埋一齊真係好好食。除左飯之外，佢既擔仔面同埋雞絲面都好出色，煮得剛剛好。每次去香港島個邊一定會黎食，而且而家舖面仲比以前大，坐落舒服，可以慢慢歎～

話說好耐之前已經喺觀塘食過阿元來了，一直對佢嘅正宗台式風味念念不忘，特別係嗰碗魯肉飯☺️ 前排趁住晚市開返，就同朋友嚟試吓西環店，睇吓佢個魯肉飯係咪一樣咁出色先🤤🔸 阿元魯肉飯一坐低梗係嗌返碗魯肉飯食吓啦！我哋嗌左大份啲嘅阿元魯肉飯，比起普通魯肉飯多咗半隻蛋同埋兩條菜，兩個人食啱啱好🙌🏻 佢嘅魯肉係屬於偏肥嗰種，食落口超級腍，有少少入口即溶嘅feel，而且都唔少，佔咗三份二個碗🤤，再配埋佢個魯肉汁嚟撈飯，一流呀！三扒兩撥咁就好快K.O.左碗飯🙈🔸 香菇肉羹湯朋友一入到黎就話要飲返碗台灣湯，話就算去唔到台灣都當自己去咗🤣 我哋見到呢個香菇肉羹湯幾新鮮，所以嗌左嚟試吓🙈 味道好似台灣麵線嘅湯底，有少少胡椒粉調味，入面有幾片香菇，亦都有一大舊肉羹，原來肉羹係一大舊嘅肉，似舊大肉餅😳 個湯飲落偏鹹，我同朋友都麻麻哋🤔🔸 玉米起司蛋餅身為一個蛋餅控，無論去邊一間台灣餐廳，只要有蛋餅就一定會嗌嚟食，仲要每次都要加芝士！🤤 上次去觀塘食夜晚嗌唔到蛋餅真係一大遺憾🥲 今次嚟到西環一定要食到佢😆 而阿元來了嘅蛋餅都幾唔錯，粟米雖然唔多，但係用咗車打芝士，食落有非常濃郁嘅芝士味！最特別嘅係佢係點辣椒醬食，相

再嘗阿元魯肉飯！呢度嘅魯肉飯有幾出名都唔洗多講，開店甘耐人龍依然不減。但下個月就搬去更遠嘅堅尼地城喇！未入去就要先選定食物，用餐時間30mins!#魯肉飯值得一讚嘅係魯肉汁足夠可以滲透到整碗米飯，可惜嘅係肥肉比例太少，食落有d 鞋口。#擔仔米粉 米粉口感好好，呈半透明較幼身。肉燥為整碗米粉加不少分數，略嫌清淡左dd!#奶蓋綠茶呢個就唔太建議，奶蓋唔夠厚實，奶蓋帶點點香精味道，不過茶底幾好飲嘅#阿元來了 西環西營盤第三街73號地舖

我相信好多香港人都會聽過呢間餐廳。但未必個個都試過。我就試過兩次，一次買外賣，另外一次堂食。兩次都食得出台灣嘅味道。令就算冇得去旅行嘅香港人，都可以暫時緩解一下台灣癮🤣🤣 去到門面，已經見到台灣特色裝修，有街名門號，又有特色食物嘅招牌，突然間好似真係去咗台灣夜市咁睇睇餐牌，魯肉飯呢啲就必定有啦，仲唔少得台南擔仔麵，不同既台灣小食，仲有香港人最鍾意嘅九份芋圓 飲品就有好多手搖得飲，奶茶系列，絕對滿足唔同人嘅需要我就叫咗一個爆蛋雞肉飯，加一杯招牌珍珠奶茶🧋 雞肉碎加上酸菜，已經有台灣風味。加一隻生熟剛剛好嘅太陽蛋，流心蛋黃汁混合白米 (我估佢哋選用左台灣米)，食起上嚟有汁有肉又有飯，分量又剛剛好，適合帶埋另一半去食，又有得share而珍珠奶茶嘅珍珠，包含甜蜜嘅蜜糖味，有別於一般珍珠奶茶。呢個係有少少特別另一次堂食，我叫咗一份香菇肉羹米粉。台灣米粉幼細柔軟，令到我有綿綿既感受 再加埋香菇肉粒，絕對適合男女老幼。 再叫埋九份芋圓作為結尾，食到我四萬咁嘅口

好耐之前喺第三街嘅時候食過，感覺ok所以今次黎堅尼地城再試試佢相信呢間大家都聽過，直頭食過今次每人叫咗1個主食，1個嘢飯，另外1個小食阿元魯肉飯食咗條菜先，煮得啱啱好，有誠意唔係霉霉爛爛嗰隻，係新鮮嘅個飯嚟到嘅時候覺得好似好少魯肉咁但原來食到尾都夠魯肉汁睇開我都知我最怕，食到最後一啖唔夠味呢度唔會出現呢個情況魯肉本身肥瘦適中，係一層膏一層瘦好香肥膏味，襯埋碗飯，熱辣辣好正肉鬆起司蛋餅肉鬆脆脆地，加埋方塊起司蛋餅係厚厚地嗰隻都算有蛋味，又煙韌成件事都夾，幾好味不過魯肉飯就出色啲朋友叫嘅蚵仔大腸麵線佢話蚵仔非常新鮮亦夠滑飲品就不過不失我叫嘅係榛果奶茶可能因為我叫小甜，感覺無乜味係奶茶香味都無乜，不過都合格嘅整體餐廳成個體驗都好有台灣風味Jan B重點推介