阿元來了 (北街)

营业中

休息中

想食阿元來了好耐，但係每次經過都大排長龍，難得今日有位。呢個位令人好想去台灣夜市狂食，幾時可以去......簡簡單單叫左個爆蛋雞肉飯同蜜香綠茶個爆蛋雞肉飯係recommended dish，去咁多次台灣都冇聽過就試吓😂 落左好多酸菜，送飯唔錯，雞絲我覺得有點「鞋」用餐時間45分鐘，下次再試吓其他野

一直唔明點解其他國家啲嘢食嚟到香港就變到咁貴🌝🖕🏽因為武肺嘅關係，會幫你度體溫不過見我哋多人都幫我哋移走中間嗰塊板🙈有45分鐘嘅用餐時間學生有九折🥰我哋有4個人都好快送到嚟！温度都夠熱，唔會係凍冰冰▫️魯肉飯 （$32）細細碗，但都夠飽飯嘅軟硬程度適中有塊黃蘿蔔中和下肥膩😂肥瘦肉平均（肥肉多少少）有唔少汁，食緊嗰陣唔會覺得好乾feel到足料▫️塩酥雞（$37）好酥脆同埋好香啲肉都好嫩，唔會好乾好juicyyyy😚擺咗一陣都未凍同硬😋不過有一兩舊有少少我覺得奇怪嘅味🤨（雪藏味？）▫️酥炸魷魚（$39）好脆同埋份量算多🥰每一舊都好大舊4個人分都夠食一上到枱擺我前面真係超香😼賣相都好靚😂如果大家去唔到旅行，又好掛住去台灣，不妨可以試吓去呢啲小店吖！呢度嘅裝飾同埋裝修都好有特色！好適合打卡！🥰店員有講國語，好有台灣味😂味道：4.1/5價錢：3.5/5回頭率：4/5環境：4/5服務：3.8/5推薦程度：3.9/5———————————————————📍阿元來了西環堅尼地城北街31號地舖觀塘鴻圖道28號地下後座

<< Thursday Couple 為食記👣😋>>嚟到星期四，今日嚟到堅尼地城！因為啱啱拍完野男朋友嚟咗接放工🥰講咗好耐話想食台灣菜，但係都比上海菜耽誤咗😂😂所以今日就想試吓好多朋友介紹嘅阿元來了！食返一餐地道嘅台灣菜！真係好想試吓佢個滷肉飯啊🥳因為港島區真係唔太熟路，所以我哋都搵咗一段時間。開頭去咗嗰個叫做阿元菜市場，但係見佢買嘅嘢係嗰啲滷味，同埋小食之類，就知道嚟錯咗！然後就問人行咗一陣，先去咗啱嗰間啊元來了！餐廳入面嘅環境比較逼，因為都真係好多人嚟！但係個裝修都幾靚啲，設備都幾有台灣嘅味道，最主要係佢有啲攤位，好似台灣夜市咁樣！然後仲有啲木枱木凳覺得幾舒服！🤘🏻之後就嗌嘢食啦! 當然唔少得嘅就係滷肉飯啦!我哋嗌左一人一個滷肉飯，男朋友就叫咗個阿元滷肉飯，我就叫普通的，分別就應該係一個大啲一個細啲。然後呢就再叫咗台灣香腸，因為一直都好鍾意食，比較甜少少。跟住就叫咗個芝士肉鬆蛋餅，因為成日見到啲台灣節目食蛋餅，都好似好好味咁🤣🤣🤪引死人。仲有叫多咗個炸魷魚鬚，本身諗住叫炸雞，但係好似炸魷魚鬚比較少見啲，就想試吓啦。然後講到台灣野一定唔少得，要杯手搖飲

疫情期間無得飛，唯有去食台灣菜，食左當去左啦。以前阿元係西營盤，依家搬左去堅尼地城舖頭大左，同埋食物既味道都保持到水準。大概係四點令既時間唔洗排隊就吃個下午茶吧。香菇肉羹米粉，湯底濃稠，加左醋同胡椒粉令到成碗米粉好香濃，米粉係透明彈牙，香菇片好大塊。另外，點左份豪華海鮮煎，入面有菜，蚵仔，蝦仁及帶子，蝦仁夠大粒，配襯著美味醬汁，非常有台灣的感覺。整體黎講，如果掛住台灣，可以試試🥰

由台灣人阿元經營既「阿元來了」，2015年係西環開業，之後仲係觀塘開分店！店入面懷舊復古既裝修，店員大多係台灣人，非常有台灣夜市既味道，呈現老台灣既感覺🤣🤣令人好似真係飛左轉台灣甘😍 擺枱唔會太逼，都算坐得舒服👍🏾食物係老闆媽咪既家傳秘方！.📌蚵仔大腸麵線 $40 (推介) 台灣既國民美食！個人認為呢度既蚵仔大腸麵線同台灣既有八成似👍🏾 而且份量比我想像中多。.湯底係用柴魚碎為主，加入其他調味料同埋鰹魚湯粉提味，夠哂濃郁！蚵仔麵線既湯底感覺似芡汁，濃稠度適中，加入香菜(似香港碗仔翅既感覺) .而麵線份量都好多，用左紅麵線(姐係加工左既白麵線: 額外有蒸氣炊煮五個鐘，令紅麵線煮耐左都可以保持Q彈👍🏾 .大腸同蚵仔都絕不欺場，蚵仔飽滿，大腸份量多，食落好有鹹鮮味！.📌玉米🌽起司🧀️蛋餅 $30上枱時已切開四小件，方便客人食！起司味道香濃，有少許拉絲效果！蛋餅皮帶點厚度，口感煙韌夠Q，有蛋味！但醬汁偏甜，而且煎得唔夠香口！.📌滷味拼盤 $35 拼盤有蛋半隻，雞翼一隻，豆腐兩舊同豬耳！滷味好一般，豬耳唔爽脆，豆腐唔入味！蛋同雞翼正常發揮！.📌鹽酥雞 $37用左雞髀肉，好香九層塔同蒜味，新鮮熱辣炸

價錢平得來味道又好正宗嘅台灣菜，雖然等位等咗10幾分鐘，又剩係得45分鐘用餐時，都值得！🦁✅ 阿元魯肉飯 ($42)：魯肉好香 而且汁夠多可以撈勻每一粒飯 仲有滷蛋同菜！🦁➡️ 蚵仔大腸麵線 ($40)：正常🦁✅ 台灣香腸 ($30)：好有台灣風味 香腸再加蒜片 勁惹味！🦁✅ 香脆大雞扒 ($40)：炸得好香脆 入邊雞肉嫩滑🦁✅ 肉鬆起司蛋餅 ($35)：真係好似台灣食既蛋餅早餐咁 肉鬆夠多 如果芝士可以再多啲就好！🦁 人均：$120, 推介： ❣️❣️❣️❣️

十分想念台灣食物，台灣人的親切，友人話食過呢間都有 d 水準，就帶我黎試下好肚餓，友人話唔係好大份，所以我地叫左五樣野再加杯飲品逐樣講蚵仔大腸麵線 ＄40好正，惹味厚切大腸，蚵仔細隻但肥美，但蚵仔就無調味，食落寡一寡，足料麵線，仲有個湯底有種好開胃既酸味，加埋香芹芫荽，好好味阿元魯肉飯 ＄42魯肉肥瘦適中，個汁濃淡得宜，撈晒成碗飯都無話膩，飯粒中規中矩，個份量女仔黎講唔想食到好飽就岩岩好，但如果想飽到好踏實既感覺就唔夠。總括好好味，會再 encore 鹵味拼盤 ＄35呢碟野係友人叫既，我心諗，又唔係潮州野，食咩鹵味呀，仲要 $35蚊，成碗飯咁貴。但一食落口，我錯了，真的好好吃耶（台腔）～個豆腐點解有魚蛋既質感但係充滿豆味，仲加埋個淡淡鹵水汁，人間美味，相逢恨晚；豬耳外面有膠質，裡面爽脆；雞翼有一隻，炆到入晒味，重點係唔會過鹹，呢碟拼盤好正呀🤤蚵仔煎 ＄37蚵仔肥厚，煎餅質地係非常QQ的那種，蔥粒厚切有質感，加埋上面個醬，似淡口既茄汁，我唔知叫咩名，總之覺得好好味酥炸魷魚 ＄37唯一一樣麻麻地，個炸槳好硬，魷魚幼身，食落好乾，碟底非常油凍柑桔檸檬 ＄26， 幾濃味，飲到最尾冰粒溶左d 反

今日７點半左右就到左堅尼地城打電話食阿元來了，去到的時候已經排曬隊。即刻禁飛要等廿幾張枱，但好彩佢翻枱速度快，所以兜左個圈就己經可以入座了。首先，就環境而言，其實不太舒服的，枱面不大，椅子坐得不太舒服，枱同枱之間的距離也近。但比起另一間台式食店"程班長"會好一點，沒有很擠迫的感覺。最先上桌的是福州魚丸湯＆蜜香綠茶1. 蜜香綠茶沒有很特別，跟在其他台式飲品店喝到的差不多2. 福州魚丸湯湯不是重點，但他可取之處味不太濃，不會搶掉主角魚丸的味道，但也有少少調味肉餡不太鹹也不太多肥肉，最重要是魚肉外皮彈牙，比起坊間粉團皮好得多，雖然也不太吃得出有魚味。3. 肉燥青菜肉燥是主打，今晚還有一道菜會有它上場。味道濃郁，但不是死鹹，不會太乾也不會太濕。雖然是道簡單菜式，但也能保持水平，青菜保持翠綠色。4. 皮蛋豆腐 另一冰盤上場，用玻璃瓶盛起攪拌一起的皮蛋和嫩豆腐，也是一個簡單菜式，但擺盤有心機可惜的是，調味太重手，吃不出豆腐的豆香，只吃到咸。可能要蓋過皮蛋的腥臭味？？5.  清蒸肉圓這道菜比較少地方可吃到 ，所以特別叫了一客清蒸肉圓外皮軟糯，不太淋，又有少少咬口，但是沒有味道的，靠淋面的醬汁調味而中

老闆就是阿元，來了香港就是阿元來了！(台灣腔使用中)堅持台灣感覺、台灣風味好味抵食既阿元來了，靠住自己既家傳台灣食物秘方，主賣魯肉飯、鹽酥雞、麵線、蛋餅、刈包等等，入到去就好似花左一個鐘暫遊台灣舒緩一下對台灣既思念爆蛋雞肉飯，賣相實在好吸引，爆蛋都好吸晴雞肉味道好，但肉質相當較嚡，食慣雞胸既朋友會感覺較好，雖然係咁但雞肉加埋醃雪菜加埋爆蛋配飯，仍然係好滿足好正既配個鹽酥雞，一籃細細粒，係「一口」既安排，外脆內軟腍，雞肉都幾好味唔厚粉所以細粒都好肉，唔會太咸可以連續食好多粒，香料味都濃到咗萬眾期待既秘製魯肉飯魯肉都算幾多下，食晒飯都仲有，醬汁古早味濃，亦好有自己獨特既風味台灣魯肉飯就真正每一檔都會有啲唔同，阿元既魯肉飯係正既加個台灣腸，正宗連生蒜片上，未試過連生蒜食既朋友記住要試，食過你就知唔係咁食根本食唔晒台灣腸既風味，相當正既台灣味道最後以百香果紅茶作結，正正常常唔會太甜阿元來了會咁出名確實有佢既原因既，好味而價錢合理，台式裝修、台灣人招待、台灣食物味道，淨食個感覺都抵返晒#聽句歡迎光臨都特別順耳#食台味道不止台食物

味道：⭐️⭐️⭐️⭐️性價比高嘅小黃店💛老闆仲要係台灣人🙊❶ 魯肉飯 $32魯肉嘅分量相當多而且肥豬肉肥瘦均勻🐷將飯同埋啲肉撈埋一齊食就Perfect池食落仲有啲汁 好惹味😋❷ 台南擔仔粿條 $36粿條食落就好似河粉咁另外仲有肉碎、肉丸同埋滷水蛋建議上菜之後就盡快食！⚠️因為個粉好快會索曬啲湯🥘❸ 鹽酥雞 $37呢個鹽酥雞做得幾出色🐥係即叫即炸 食落熱辣辣同脆卜卜👍🏻食落啖啖肉 啱晒鍾意食肉嘅你正😋❹ 九份芋圓 $32芋圓可以揀溫同埋冷今次揀咗冷其實分別只不過係多幾粒冰啲冰融左之後會將糖水溝淡咗下次都係揀返溫好似好啲仙草份量比較少 而芋圓就非常煙韌🦷兩個人share來講有少少唔夠喉等我下次獨食一碗先😛Btw要五點後先有得蛋餅😭今次食唔到😭

阿元來了💛是我第二次來了! 堅尼地城都沒有什麼好吃的, 想去西環泳棚的我倆, 便決定在吃一次這間台灣小店~.蚵仔大腸麵線$40很久沒有吃過麵線, 心郁郁便點了蚵仔大腸麵線 $40, 有大約4-5隻蚵仔, 大腸的分量亦很多, 煙煙靭靭的, 十分不錯! 而湯底有芫茜和小小酸菜作調味, 十分欣賞這個湯底的味道!🤤.阿元魯肉飯 $42與普通的魯肉飯相比, 多了菜心、滷水蛋半隻和日本蘿蔔, 感覺上較豐富, 看似碗子小小, 但其實也是挺飽肚的, 份量不算少! 而魯肉少肥, 吃下去感覺不算油膩, 飯粒亦很分明! 想省錢的, 可以叫普通的魯肉飯也可!🤣.洛神紅梅汁, 3分糖, ($11 加配) 酸酸微微的, 好醒神! 好解渴! 如果不想飲太甜的, 推介這個給大家!👍🏻

呢間高cp值台灣野 相信好多人都食過😋😝炸甜不辣（$30）真係唔係間間都整得好食 佢係剪好一條條既 炸得香脆得黎又唔會好油膩 宜家食落有2款唔同味既 但食唔出係咩黎🙈呢個價錢 呢個份量好抵食蚵仔大腸麵線 $40豬大腸冇臭味 而且份量都多😋唔會得果幾舊就食完 但由於麵線始終冇咁飽肚 所以男仔食完應該都唔會好飽😛芝士粟米蛋餅 $30平時食開肉鬆 今次就想食粟米試下 試完覺得冇咩特別 同淨食芝士蛋餅差不多🙈下次都係食番肉鬆🤣🤣但佢個芝士味好濃好突出 應該似係車打芝士🙈炸鹽酥雞 $37唔係幾好食😢調味唔太突出 炸得亦唔夠香口 下次應該唔會再點呢個

有啲掛住食台灣野然後見阿元來了好似好好食 好正宗今日就試到啦阿元滷肉飯 ($49)份量ok 滷肉夠多黎撈飯滷肉半肥瘦 咬落又淋又綿 好味👍🏻而且好入味白菜夠清脆 味道清淡 令飯冇咁鹹半隻滷水蛋都係好入味 不過我唔食熟蛋黃😝米飯就一般 唔算好好食 好有咬口 不過唔會一舊舊或者過硬唯一係覺得佢醬油相對多? 雖然唔會令個飯太鹹 不過就比較濕身 整體都幾好食嘅

因為疫情既關係，以致諗左好耐既台灣之旅久久都出發唔到😭，實在太掛住台灣野食，就黎左試里間bookmark左好耐既店。💃🏼得晚市先有既麵線，雖然同行得我一個鍾意食麵線，但都堅持叫左一碗。🥺本身有啲擔心啲豬大腸會有味，但完全唔會。🤩之後係食台灣野點少得既魯肉飯，啲魯肉既份量完全夠哂送成碗飯，不過啲魯肉略肥，但我里個平時唔食肥肉既人都吞到落去，啲汁夠味去蓋過肥肉味。👍🏻之後仲點左個去台灣都係必食既擔仔麵，擔仔麵既湯頭比較清淡，用料方便都好足，岩哂食左好多重口味既時候中和返。☺️小食方面就衝住里個限定既花蓮炸豆腐，里個係我地同行人一致認為最好食既，雖然未去過台灣食里類，但食落都覺得勁台灣味，超入味既豆腐配埋辣醬。😋仲點左個滷味拼盤，都幾入味。蛋餅點既係芝士粟米，對比其他野食之下就冇甘驚艷，不過不失甘。最後以一個甜品作終結。里間真係會係想食台灣野既時候無限encore。😋😋😋

阿元來了喺西環一開都係好受歡迎好多人嚟嘅遊戲係住喺hong Kong u附近嘅大學生 我之前同食過幾次覺得一般又要我哋搭枱好多人不過啲裝修係幾懷舊幾得意嘅 依家堂食就 唔好啦 外賣其實都覺得有啲貴要15蚊運費 不過真係好想試佢個蛋餅所以都係豪一次啦 嗰個爆芝士蛋餅唔覺得麻麻地一般啦 不過佢個辣醬幾特別感未 出奇地夾 另外點咗個控肉飯其實都係肥豬肉嚟嘅啫我覺得啲肉有啲鞋同埋佢出名份量係少嘅 不過勝在佢係有用心做嘅同埋包裝都幾特別 間唔中史係ok囉一定唔會長期幫襯 另外點咗兩杯嘢飲冇乜驚喜 覺得杯珍珠太多珍珠 不過我要嘅要求少甜呀小兵呀都做到嘅唔太甜價錢合理都叫做有台灣地道嘅嘢飲 之前試過佢個面覺得幾十蚊一個食唔飽嘅面真係唔會再食覺得冇乜特別 總括嚟講我覺得呢間嘢 我覺得當係小食食下次下玩下都ok囉係食唔飽人嘅 味道方面可以嘗試下 台灣 味道不過我真係唔係好驚喜 只不過可以解下冇得去台灣嘅 鬱結