阿元來了 (北街)

营业中

休息中

今次係我第二次食阿元 裝修幾有台灣風味😍阿元嘅滷肉飯🐖都好食嘅 肉夠淋 肥肉都夠多 但比起台灣當地嘅滷肉飯始終都係有d距離（圖2）🤧佢嘅雞肉太陽蛋飯（圖1）🐓🍳（諗起親子丼😂）睇落好治癒 食落有少少麻油香味 我個台灣朋友話好鍾意🤩至於佢個蚵仔煎 我本人鍾意香脆嘅蠔餅多過佢(圖3）😗 而個擔仔麵🍜就冇咩特別 可以唔洗試💁🏻‍♀️我有朋友推薦阿元嘅芋圓🍠大家可以try try~注意⚠️：最低消費$35 男士可能會唔夠飽💁🏻‍♂️-This is my second time to visit this restaurant. The fatty pork of the praised pork rice melts in my mouth but the portion of rice is small and the flavour is not comparable to that in Taiwan (pic2). The chicken rice served with a sunny-side up egg has the fragrance of sesame oil so my

在西環fb group評價有點兩極既小餐廳，開到西環就會一會你～晚上7:00 都有一團人在排隊，但好快就入坐，有少少迫同要答枱，咁其實都無乜所謂既，佢推薦既老肉飯，味道不錯，稍嫌係細碗左丁丁點，蛋捲有驚喜，好似係台灣食既感覺，因為蛋餅係台灣人早餐，唔係好常食到呢！所以會想再食，鹽蘇雞係即炸既，份量不多，兩口子剛剛好！夠熱～2個人食4樣其實都飽左了！原本想叫佢地個甜品但都已經食唔落！唔知d人點諗，成日話台灣只係幾錢幾錢⋯大佬，香港地個鋪租點同啊？

阿元來了🇹🇼搬遷後首次試食#可能係香港數一數二好食嘅台灣平民食店香港地要食到正宗台灣味唔容易 喱度店員仲要係台灣人ne~阿元魯肉飯 $39 佢唔係台灣多汁勁肥果種 係岩岩好夠汁撈飯 肉又好夠果種 好岩香港人口味之餘 份量剛剛好 (💡如果order平啲果個普通魯肉飯$29係迷你碗)台南擔仔粿條 $35粿條有啲似河粉嘅形狀 食起黎可以掛到肉燥嘅味 但略為油左dd 怕油嘅話建議唔好撈晒全個肉燥落碗面度店鋪裝潢好適合打卡 有懷舊台灣feel加夜市feel

一向也是阿元來了的小粉絲。西營盤和觀塘分店都去過，兩次都係滿足而回，全部野都好好食！堅尼地城開新分店就念住又過黎試試，結果好失望。台灣腸一d都唔香口,仲要好淋，無咩味咁，似係攞水黎煲熟咁。個蚵仔煎仲唔掂，完全未熟。一切落去一堆蛋漿流出黎，胃口都無埋。唯一還可以嘅就係每次黎必點嘅魯肉飯，但其他野真心退步咗好多好多。另一點係呢到唔會提供免費水，個日咳到死死下，變左要叫杯熱茶黎飲。希望佢觀塘分店仲keep住以前嘅水準啦！

行過見到好多人排隊，裝修好靚好特別，就係咁比佢厄左。我地兩個人，叫左一個芋圓，一個鹽酥雞，點知佢話未到每人最低消費，所以我地叫多個台灣腸仔。老實說，每一樣都好難食。個鹽酥雞好厚粉，無乜味。然後個台灣腸d味直頭係奇怪.... 食左兩舊都食唔落！但最難食係個芋圓，非常淡味，可以話無味！芋圓又少...... 求其影左個芋圓，另外兩樣無影相，因為無諗過要寫食評。埋單$95... 貴就唔係貴，但真係唔好食，唔明點解咁多人排隊！

經過西環 見到阿元來了 店舖門面及內部裝修非常有特色 都是用了台灣夜市元素 店鋪不算太大 但勝在溫馨親切 所有裝飾都是仿台灣的價錢不算太貴 性價比不錯 份量較少 可以嘗試多幾款 今次叫左魯肉飯 白飯同魯肉既比例岩岩好 唔會唔夠醬汁撈飯阿元魯肉飯另外亦叫左台灣直送既肉圓 外皮煙韌 亦唔會太厚 飽肚感十足 可以兩個人分享台灣肉圓我地另外都叫左九份芋圓 黑炭珍奶 芋圓同蕃薯圓🍠口感煙韌 配料好多 冰糖水亦唔會太甜 微甜冰涼 好適合夏天解暑 黑炭珍珠奶茶用左黑炭同奶泡結合 非常特別 甜甜鹹鹹九份芋圓 黑炭珍珠奶茶 ($30)

#食在西環 ＠FoodtubeHK//一世的難關假使感嘆尚有幾個彎痛苦 如何減世間多變幻 原是這樣難年紀 如何加 每一歲仍在昇華約好今世一起撐 有記住嗎//對我和L先生而言，讀理大嘅時候我地幾個月就已經做左好朋友～到宜家已經一段時間，有好多人進入了我的生命，更多人離開了我的生命，但我深信我地今世都會一起撐！～阿元系第三街嗰陣已經食開，而第一次食都係呢到！～搬左嚟呢到都係第一次食 地方大方，但位置一樣咁逼，咁第三街嗰陣好啲，至少好似有多啲人情味。設計：好似之前咁，有台灣味，更有古早味。滷肉飯：好似無以前咁好食，但係仲食到熟悉嘅味道。重要嘅係食到台灣嘅古早味，啲確係正宗過香港大部分台灣菜。芝士蛋餅：今次叫錯，本身想叫爆量芝士，所以今次芝士味唔夠。但蛋餅同以前一樣都係台灣貨，值得一試。芒果紅茶：甜左少少，可以叫少甜。百香果珍珠紅茶台灣菜嚟講，價錢正常，菜式正宗，可以一試。只係位同以前一樣都係咁逼。～我

見到朋友去咗食台灣野搞到我心思思 諗起幾個月前去台灣食嘅美食 不過短期內都冇得再去啦 為咗解決對台灣地道小食嘅思念 最後去咗西環嘅阿元來了其實聽過呢間鋪頭好多次 不過冇藉口嚟今日終於特登嚟到西環 六點嚟到唔使排隊😁整體水平唔錯 價錢實惠不過 我竟然唔記得左叫蛋餅😭1️⃣滷肉飯🍚 （$29）豬肉入味 飯軟熟汁嘅份量啱啱好用嚟撈飯唔好睇佢細細碗 其實分量幾多下兩個女仔食一碗啱啱好因為要留肚食其他嘢呀2️⃣蚵仔煎🍳（$35）比起滷肉飯 呢個令我幾失望😭成碟野太厚粉 蚵仔份量少 汁亦都冇味3️⃣鹽酥雞🐔（$35）炸得好香脆唔會過鹹或者食到成口油渣嗰層皮亦都唔會太粉似我喺台灣夜市食嗰啲推介！食台灣野點可以唔叫呀4️⃣珍珠奶茶 🥤（$25）正正常常 質地比較厚身如果想飲好飲嘅 去台飲店會好啲不過呢個價錢以堂食來講幾合理

滷肉飯 $29百香果紅茶 換購價$10阿元來了西環舊舖宣布會搬舖之後，小編對台灣魯肉飯嘅感覺越嚟越濃烈，終於收到風話西環開返一間新分店😏仲唔即刻去食，感覺上新舖比舊舖闊落好多，唔使同人親密到背對背咁食，而且座位都比舊舖多，所以小編係星期日夜晩7:00左右都只係等左20分鐘就有得食-魯肉飯完全係保持實力嘅質素，啲魯肉非常之淋，入口即溶，同埋大部分都係半肥瘦魯肉，食多兩碗罪惡咁都少啲🐖小編見師傅每碗飯都倒兩大勻魯肉汁，所以基本上我哋都可以食到餤餤魯肉同埋啲汁拎黎撈飯食-食完魯肉飯之後一定要飲啲清清地嘅嘢飲解一解饞😚百香果紅茶絕對係首選，好香百香果味，但係如果香港人口味嘅話我估應該都要少甜會再好啲，因為百香果本身就自己帶有甜，之後鋪頭其實都會再自己落少少糖漿，少甜就差不多👍🏻

剛開張時instagram洗板式讚到天上有地下無，每次經過門口都塞滿人！好幾次見到咁多人都放棄，難得星期日晚7點只有幾個人係外面等候，就一於試試！新舖係正地鐵站出口，非常方便！攞完飛等左大概5分鐘就有位，可惜入到去，真係好逼食過咁多餐廳坐得最逼嘅一次！份量係幾足，我一個人食唔晒成碗，可能因為麵線冇我想像中好食，得個咸字！鹽酥雞唔脆身，好似擺咗好耐咁，雞肉乾爭爭！服務唔算好好，我本身唔太識普通話，但店員堅持要用普通話。唔知點解香港嘅台式餐廳員工好興扮唔識廣東話咁？奇怪

本來以為到訪阿元的時間尚早，應該沒有太多食客。怎料一到達,只是六時許，店前已經擠滿了人群，今晩唯有買外賣。其實想試好幾款食品如鹽酥雞、蛋餅同滷肉飯，但礙於今日的胃口有限，試試他們的招牌魯肉飯吧。阿元魯肉飯$39據網友介紹，這阿元魯肉飯比魯肉飯的份量大少少，而且有旦又有菜，感覺上比較均衡一點。這魯肉飯是用上手切滷豬肉的那一種，表面油亮。先呷一口，魯肉滷得十分入味，加上濃味醬油和肉脂，令白飯變得油潤甘香。雖然醬油唔係香甜的那一種，但醬汁味道濃郁，魯肉半瘦帶肥，加上口感唔太油膩，加埋滷旦和青菜，就是一個簡單的台式風味晚餐。

之前阿元來了在西營盤的時候，我久不久也會去光顧的，不過搬去堅尼地城後，早兩天才第一次光顧。新店比以前方便，一出地鐵站就到，且空間比舊店相對大，坐得舒服些。朋友主菜只要阿元魯肉飯就可以，白飯上頭油亮的魯肉，黃蘿蔔，菜心加顆魯蛋看起來很豐盛，吃起來時大滿足。魯肉滷得很軟腍，入口稍微咬一下就化開，將飯粒混在一起非常飽滿，甘甜滋味讓人大口扒飯。我原想吃蚵仔大腸麵線，可是已售罄，我馬上轉吃彰化肉圓。一大球彰化肉圓送到眼前，厚厚的肉圓皮有著煙韌咬感，相當過癮，不過肉圓有少許粗嚡，若滑溜些就好了。醬汁不會死鹹，肉圓皮吸飽醬汁，美味可口。來阿元還有另一樣東西想吃，那就是九份芋圓。滿滿一碗九份芋圓裡頭，亦有蓮子，珍珠這些配料，湯底比一般清甜，若選暖的吃入口更為溫潤，而芋圓軟中帶彈，頗合我們味兒。

每次晚飯時段去阿元來了都一定見到成村人係店外等位，第一次去時真係會怕怕，唔知要等幾耐，但其實佢翻檯都幾快，所以唔好俾條隊嚇怕，耐心等一等好快就會有位。言歸正傳，今晚食左阿元魯肉飯，魯肉少肥而不油膩，醬汁香濃，飯粒粒分明，配菜心、滷水蛋半隻同日本蘿蔔，份量適中，女士黎講食完已經好飽，讚!蚵仔大腸麵線：大腸好腍好入味，無大腸無腥臭味，蚵仔蠔味重，味道唔錯!九份芋圓 ： 有好多芋圓，不同種類既豆，糖水底雖然說不上特別，但唔會過甜，岩哂我呢D怕甜但又想食甜品既人!另外叫左杯熱香芋珍珠奶茶，珍珠細細粒幾好咬，但有d失望就係無咩芋香味，似普通珍珠奶茶，希望可以改善。食物以外我幾鍾意佢內部裝修，有D台灣夜市先有既車仔檔做，好似去左台灣夜市咁!整體食物水準都好高，價錢相宜，難怪生意咁好!

#阿元來了 係第三街果陣覺得麻煩遲遲未去，宜家搬黎#堅尼地城 地鐵站一出就係咁方便 緊係要幫襯下☺️夜晚7點倒到都有少少人龍，不過等左十幾廿分鐘就有位😳#台南擔仔麵 $35價錢親民，份量可以接受用料豐富，無咩鮮味既蝦仁一隻🦐、半甩貢丸、半隻入哂味既滷蛋🥚仲有重中之中#滷肉燥 始終係湯麵 d湯沖淡左滷肉味 但都食得出惹味😋麵既硬度適中 不過食食下陣鹼水味重左🙄同埋油左少少🤨🤨美味指數：7/10九份芋圓（溫）$30可揀冷/溫 講明係溫 所以黎到即食岩岩好，大碗又足料喎🤩紅豆、椰果、兩色芋圓等芋圓q彈🤣好咬口😋又唔會太甜 唔錯☺️美味指數：7/10#台灣香腸 $30本身以為會成條咁上 但好貼心咁切左做一片片🥰平時食開既腸都係咸既 呢個係甜甜的☺️台灣香腸係用豬肉 口感硬少少😉美味指數：8/10門面裝飾得好有風格🤣不過坐位好窄，想您食完即走果種feel😂

西營盤分店搬左去堅尼地城，新店闊落左好多，座位應該多左有3-4倍，咁以後等位就唔使再等咁耐啦。雖然搬大左鋪，不過都係維持一貫台灣式裝潢。地瓜球有2種顏色，應該分別係用黃心同紫心蕃薯🍠去整，食落好似紫色果種味道甜d，幾有咬口煙煙軔軔。蛋餅真係好好食，皮夠薄唔會好似食緊麵粉咁。本來本來order左肉鬆芝士味不過變左得肉鬆，費時轉所以都照要，就算無芝士都好好食。滷肉飯真係好有台灣味。滷肉好香好濃郁，醬汁撈埋飯一齊食就一流啦。