阿元來了 (北街)

营业中

休息中

滷肉飯我覺得細碗好食d，可能因為大碗的話白飯多左變相撈完白飯之後個滷肉汁就顯得少多。同埋以前d滷肉好似肥d，而家就偏瘦。蛋餅有好多款選擇，因為怕會太溜所以我地最後決定要肉鬆蛋餅。蛋餅皮好薄，煎到脆脆地好香口，一d粉味都無very good，包住鬆鬆的肉鬆，微鹹+微甜的配搭食唔停口。地瓜波波，顏色好靚，有黃色同紫色，食落口好似麻糬波波，一啖一粒都幾好，不過地瓜味可以再同埋濃d而麵粉味可以再少d會更好。整體都唔錯，keep到水準～

小編係香港食過好多台灣菜，但呢間位於堅尼地城既阿元來了，無論環境，食物，同埋職員既服務，都令我仿如置身於台灣的夜市當中。 今日我同何生兩個人黎到呢到食晚飯，餐廳門口有一部取號機，大家記得拎飛，如果唔係就企係出面白等架啦。 我地等左大概5分鐘，就有得入去食啦。 等個陣都不忘睇下門口既裝潢， 其實都幾有復古同懷舊既味道。 入到去坐，我竟然唔係第一時間睇menu, 宜係影下餐廳既設計。 其實你地都會睇得出，餐廳好比心機整到好似好有台灣夜市既感覺，尤其係d檔口仔，上面餐牌，下面就係員工整野食。除此之外，仲有d懷舊既錄音盒陳列，舊式玩具，煙草陳列等，好復古。到睇餐牌lah, 餐牌食物同飲品既款式都幾多。除左提供推介食物，仲會寫住邊d係台灣直送既食物，而且仲會推出新既菜式。 終於黎到食評時候了～ 飯麵方面： 1. 好味指數: 7/10 蚵仔大大粒，味道鮮甜。 大腸則略為不夠入味，有點比麵線搶左個味道， 至於麵線的湯底好特別，酸酸甜甜的，麵線吸收哂d湯汁，淋淋地幾好食。2. 好味指數: 8/10呢個飯真係幾出色 細細碗 但魯肉卻滿滿睇相係咪覺得好邪惡呢？ 其實食落又唔係話真係好肥膩，而且愈

在香港活了幾十年，從未踏足過堅尼地城，這天來探朋友就順手試下阿元來了。下午5時多來到，不用排隊，入座後店員姨姨遞給我們一份晚餐的餐單，5點半後跟前的分別就是有蛋餅！店內充滿台灣風情可愛的掛飾魯肉飯來了，size大約是家裡飯碗的大小，幾的骰，飯面鋪滿五花肉，味道都幾似台灣吃過的，yummy！只是略肥膩，如果有瘦肉版就perfect了。鳳梨清茶好香，不過少甜都好甜，下次叫無糖先得。雖然這裡的招牌是魯肉飯，我卻最期待蛋餅！這肉鬆蛋餅分量十足，比我在台灣吃過的還大份，味道更是美味無比，連辣醬都是台灣貨，沾上一點吃，彷彿置身台灣，好感動！好滿足！另一招牌鹽酥雞，剛炸起一會，熱辣辣卻不燙口！調味非常好，不會像豪xx那些炸雞重口味，越吃越香，個底有少少炸過的九層塔，不會太大陣味，與雞一起吃更正！價錢親民，野食野飲正，難怪我們6時多離開時已經有人開始排隊！

因為同行朋友比較大食，所以我地叫左個大size的滷肉飯，一如以往的水準，無因為客人多左品質就唔好👍🏻皮蛋豆腐好多地方都有得食，不過估唔到呢度既皮蛋豆腐原來係整碎曬皮蛋同豆腐然後撈埋一齊食，所以唔會覺得好鹹，呢個幾唔錯。因為我唔鍾意食芝士，所以我地就點左肉鬆蛋餅，蛋餅皮係由台灣空運到港，夠曬台灣味。蛋餅皮好薄然後包住好多肉鬆，咬落去好有層次感。我鍾意肉鬆好夠多，唔會覺得因為店家想節省成本而放好少。

對上果次黎應該已經係大半年前的事，以食台灣菜黎講，我都幾鍾意呢間台式小店。以前的西營盤分店原來已經搬左過去堅尼地城，店面大左好多，坐得相對舒服左，等位入座速度亦都快左好多。見到menu都更新左唔少，多左個阿元滷肉飯，唔知有咩唔同所以就order黎試下。然後再點左個又係新野，叫地瓜球，好似幾得意咁。原來阿元滷肉飯其實就係本身個滷肉飯的放大版，我覺得各有各好，男士食量大可能大size會適合，但係如果係想叫多幾款野食的話，我都係鐘情於細果碗。地瓜球真係一粒粒波波咁，既有咬口，不過粉味重左少少。

小編有朋友好鍾意食阿元來了，話平靚正，要帶小編去食。我地嗌左魯肉飯、滷味拼盤、鹽酥雞、香菇肉羹麵同兩杯野飲。啲野唔算大份但好足料，完全對得住價錢。味道上小編覺得係中上，未到話非常好食。但以呢個價錢同份量黎講真係抵食嘅。個飯好多魯肉，唔會好油同咸，食下一啖食下一啖好快就食哂成碗。個拼盤都算入味，不過較淡。個雞就幾好食，少少油。個香菇肉羹麵就冇咩特別，過得去。小編覺得如果要特登坐車黎食值唔值得就見仁見智，小編就唔會成日黎。不過未食過可以黎試下，或者你同小編朋友一樣會好鍾意呢度。

原來小丸子對上一篇食評已經係6年前即係小丸子已經老左6歲（好可怕既數字）人大左記性都差左，係時候好好記低一下自己食左Ｄ咩落肚亦想記錄一下蕃茄夫婦既美食地圖，第時老左可以回味一番好彩去之前openrice一下原來之前去既西營盤分店已經搬左黎堅尼地城如果唔係就白行一趟兼且蕃茄太太可能會變左炆薑新分店既拎位方式由從前既人手寫飛仔，變左做自動化機器星期二約７點幾去到，大約等左４０分鐘入得門面大左，所以掛多左燈牌仔，令台灣夜市風味更加濃郁店內裝修亦不失古早味，有唔多唔少既舊玩具，鐵皮掛牌作為裝飾品暗暗既黃燈令食客彷如罝身於夜市，不過略嫌位置有Ｄ迫，同其他食客好close咁但夜市就係咁啦(我唔好咁高要求好無)最正既係店內有一檔檔"魯肉飯" "麵線" "珍珠奶茶" 檔口令我諗起最鐘意去既師大夜市二人order左2碗飯,2個小食同一杯野飲鹽酥雞$35份量正常，但椒鹽味唔太夠，好彩夠熱新鮮炸起，不過不失，過下口癮可以試試肉鬆起司蛋餅 $30蛋餅皮夠軟身，肉鬆份量唔算姑寒，加左溶溶地既芝士重點係我食到好似有美乃滋？令成件事更加夾但蕃茄先生就話覺得蛋餅無咩味，我又唔覺喎上：阿元魯肉飯$39 ，下：魯肉飯$2

之前係舊鋪頭食過都好好食 今次去返新鋪同屋企人試下 新鋪大好多 等位都冇以前咁耐同埋出面有幾張櫈可以比你坐住等食物依然保持水準今次叫左芝士蛋餅 鹽酥雞 魯肉飯 地瓜球 竹炭珍珠奶茶蛋餅依然係咁好食 芝士同蛋味都好出同好夾試左個新出小食 地瓜球都唔錯 外面脆脆地而入面係軟既 味道都好香 可以值得一試魯肉飯雖然望落好肥但食落去入口即溶 同埋啲汁都岩岩好味道 唔會太濃 每次黎都食鹽酥雞就一般 冇咩特別冇話好唔好食 同其他出面食既差唔多味道 竹炭珍珠奶茶望落幾特別 飲落就一般了

阿元來了進駐港島西，好不熱鬧。裝潢更吸引不少老幼，似是到了夜市湊一番。阿元魯肉飯這個是必需點，是招牌菜。賣相很有台味，肉汁也很豐富，只不過吃到最後卻很膩。爆蛋魯肉飯名字有趣，就試試有什麼乾坤。雞肉絲很乾，煎蛋雖金黃香口，但蛋汁少得可憐，沒能夠拌飯。鹽酥雞果真沒有令人失望，有夜市的回憶隨之揮散不去，調味也平均。飲品選擇也是十分多，士多啤梨多多跟珍珠奶茶都是台灣第一代的傳統味道，令人多麼的懷念 不過，可以改善一下店員的溝通或表達能力，原因是詞不達意，未能迅速下單，或多或少令人造出困擾。但整體也是很不錯，偶爾來一但香港之台灣美食，也當作走過一趟。

喺呢度食嘢，真係好似去咗台灣咁！刈包，為臺灣當地知名小吃之一，鬆軟嘅蒸饅頭內夾住肥美而肉汁豐富嘅滷肉，配料仲有芫荽、榨菜，超級夾，食到要吮手指。😋🤤必食！魯肉飯都一定要食啦，高質！醬汁濃郁，肉質肥美，食到一粒飯都無剩！唯一要彈嘅就係太細碗😫你後面同樣都係細細碗，但係用料都豐富，有半隻滷水蛋、一隻蝦仁、半粒貢丸等，食得出d材料唔係hea貨。略嫌個湯底有啲油，不過成碗麵都係好味嘅😝😝我哋叫咗胚牙奶茶、冬瓜茶。冬瓜茶好飲呀，我覺得個甜度適中。

阿元未開張果陣朋友已經同我講一定要黎試下每次經過都見到幾多人係出面等所以一直都未有機會試下今日見人少少 就衝左入去了 一個人就嗌左兩個小食：爆濃起司蛋餅 蛋餅係台灣直送過黎 厚薄適中 食落煙韌 芝士份量絕對唔馬虎上枱時呈半融狀態 食落仲好香奶味 一個人食有點漏對於唔食辣的我黎講 辣椒醬唔係另上 而係吱左係蛋餅旁邊係唯一一個扣分的地方鹽酥雞份量略細 但食落方便 一口一啖上枱時熱辣辣 炸得鬆脆入味食落唔會覺得油膩不得不提 擺設裝潢方面有花心機好有懷舊的味道

一年前試過西營盤的阿元來了，一直都很懷念；想不到下次再吃，已是全新鋪頭。在堅尼地城的新鋪規模大多了，雖然還是經常有人龍在門外，但明顯等待時間就快了很多招牌菜-魯肉飯 $29在台灣旅行，逛街餓了吃晚魯肉飯真的很治癒，而且折起上來只需大約港幣五元，超值。阿元的魯肉飯雖然份量看起來少，但吃着卻也得夠飽了，可能因為選用的肉也頗肥美，油香更重。阿元魯肉飯 $39貴上$10的阿元魯肉飯感覺是為香港人而設，加上蔬菜和蛋，飲食均衡，飯量也增加，適合男生獨享～台灣香腸 $30台灣香腸真讓我一試難忘！在七星潭吹着海風，咬著香脆的香腸，疏乎也。雖然切了片，但還是很有台灣烤香腸的風味炸花枝丸 $35推介這個！鹽酥脆脆的表面，內裏卻不至很乾或很油，水準之作！肉鬆起司蛋餅 $30記得第一次光顧點了雙層起司，雖然好吃，卻太溜；這次嘗試肉鬆和芝士的配合，感覺還是普通的起司蛋餅最好吃，可能是我不喜歡肉鬆把整個蛋餅都弄得很乾吧皮蛋豆腐 $30這個還蠻特別，弄碎的皮蛋混在弄碎的豆腐裏，沒有皮蛋那種讓人難受的味道，反而想讓人一直拌飯吃！蚵仔煎 $35比想像中薄，但一貫的風味，不錯不錯台南擔仔麵 $35略嫌有點油，而且不太喜歡

有日收早，想食個Early dinner，就食期待已久既阿元來了。平時經過已經見到大排長龍,真心無耐性等。果日五點零去到，大把位！店員都勁親切，但要講普通話喔😉因為有最低消費，除左叫個魯肉飯，仲叫左個甜不辣。講左個魯肉飯先，$29/ 碗，魯肉肥肉比例好平均，啖啖精華好味道👍🏿 個甜不甜，其實第一次甜不辣，一個人食一份都幾heavy, 有d 係魚蛋咁既質地，有d 係牛蒡(?!) 好中意店內的裝潢，好似去左台灣咁。食完今次後，幾日後又叫外賣自取，大推地瓜球、台灣香腸、蛋餅、鹽穌雞、雞肉飯🤤好滿足，好想日日食

^阿元魯肉飯黎到阿元必食魯肉飯，而當晚見到menu一行寫魯肉飯，一行寫阿元魯肉飯(NEW!)咁就緊係揀後者黎試啦結果原來所謂new只係加咗幾條菜=_=咁平心而論個飯係唔錯嘅但係，佢又唔係我食過特別好食嘅魯肉飯，所以俾唔到特別好評(sorry我要求比較高)^九份芋圓(溫)如果話魯肉飯係正常發揮，碗芋圓就唔係喇因.為.佢.一.啲.都.唔.溫!我理解多人，相較黎講係少人手，但作為食客，客觀地打呢篇食評的確不得不講，個芋圓上枱嗰陣已經唔暖 成件事大打折扣 (((但我份人好公道嘅，佢碗嘢係足料嘅，食到一半，啲糖水都冇乜但仲有勁多料係度所以本質上佢係對得住呢個價錢嘅，本質上......(衰係溫度上面!!!)^肉鬆起司蛋餅 + 百香果綠茶綠茶就冇咩好講啦，主評蛋餅~~成餐飯食得最過癮就係佢，因為份量足夠之餘，醬汁非常配合到嗰蛋餅，唔會話搶過啲味，變相食醬咁入面嘅肉鬆都唔係hea你，好足夠=總結=冇咁大希望，冇咁大失望佢啲嘢都算份量足夠，價錢又唔會好貴咁只係..佢俾唔到衝動我下次再去食囉因為間嘢太出名，都要等緊，而且要併枱併枱嘅問題係 佢啲枱其實頗細張，真係我地叫呢3樣嘢(total 4碟啦)，其實已

年尾辦年貨去左上環，所以傍晚就順便去埋K Town的阿元來了試下🤗之前已經聽過唔少人話好食，不過平時真係少機會去觀塘或K Town，所以今日終於有機會黎😍我都怕好多人要等好耐，好彩我地6點幾去到，攞左飛都係等左唔駛10分鐘。而且門口有地方坐低，又可以自行攞定張餐紙點定野食，都幾方便。我地揀好食物就叫號叫到我地啦!入到去見到設計幾得意，擺設放左好多懷舊的玩具🤹‍♀cassette帶🎧，配上新的裝修，多影相位又坐得放心。當然枱與枱之間就一定迫迫地，而且遇上要搭枱就會更迫，但都預左黎食快餐係咁。難得咁細間店都有洗手間，而且都乾淨，入面仲有張賣檳榔的美女🧜‍♀poster，成間舖都要做足100%台味畀你😂男友想來都係為左食魯肉飯🍚，所以就叫左個阿元魯肉飯。阿元魯肉飯比魯肉飯貴10蚊，原來係多隻鹵水蛋🥚，同埋大碗D，所以就睇你想食大份定細份。我地兩份食，所以叫大的就剛好😋佢既魯肉🐷真係好淋，個汁唔太多甜剛剛好🤓。飯身係珍珠米得黎都比較硬身，真係有D夜市既粗糙感👍🏼蚵仔大腸麵線🍜都係另一樣必點既野食! 個湯偏清，我本人就覺得始終阿宗個個香D; 不過佢好在麵線質感好食，蚵仔好新鮮好甜，而且個大腸鹵得