阿元來了 (鴻圖道)

营业中

休息中

聽人講就講得多，終於第一次黎， 餐廳裝潢都幾有特色，似係台灣夜市（不過係70-80s個隻），啱晒幫內子打吓咭。叫咗幾樣野， 最有驚喜係個滷水拼盤個豬耳，夠入味之餘又唔會好鹹，最like係咬落有種好黏既口感，係滿滿骨膠原既感覺。豆腐唔係平時食開個種而係用咗百葉豆腐，食落有咬口同彈性，亦唔會因為滷太耐而好鹹，係我第二favorite。蛋同雞翼就普通，略嫌鹹咗d，而且雞翼咬落有d硬。肉噪青菜就不過不失，不過堅多油，尤其最尾個幾條，食完油光滿嘴，連潤唇膏都慳返(kidding)。啊元魯肉飯2個人食都夠，胯在佢夠多汁，啱曬鐘意汁撈飯既的我。鹽酥雞上到時熱辣辣，咬落夠香趣唔會成口油。另外介叫咗個豪華海鮮煎，個size係估唔到咁大，最鐘意係佢個好煙un既底，仲要有好爽口又大粒既蝦仁，雖然帶子麻麻，但蝦仁同蚵仔都幾多仲要大大碟，性價比高。最後叫咗九份芋圓，比較失望，口感都夠煙un，但個味似好假既香料味。總括黎講，係一間選擇多，價錢相宜食物都幾好。

睇戲前醫肚，隨便行吓見到台灣魯肉飯入來試吓，一個魯肉飯、一個滷味拼盤、洛神烏梅汁，味道唔錯，食咗先記得拍照！6點多入來，一個人唔需要等太耐，在塲都算多人食！🤣

- 台式肉燥飯肉燥肥瘦均勻，滷香味十足，滷蛋都好入味-台式擔仔麵線湯好濃好傑，米粉索到好多湯汁，入曬味👍🏻唔會好易斷-鹽酥雞炸粉好薄，雞件都嫩滑唔會油，經典台式味道-甜不辣雖然係炸物但都唔覺得油，煙煙韌韌口感幾正-芋圓糖水煉奶係另外上，可以自己調教甜度～芋圓煙韌有咬口，仲食到少少番薯同芋頭粒呀-oreo咖啡車輪餅估唔到真係有一大塊oreo，餡就完全係咖啡整，味道好濃郁，甜度啱啱好，食一個都唔會覺得膩！

觀塘阿元出左名好耐, 今日終於可以有機會黎試試, 下午時段都唔少人要排隊, 無耐已經可以入座. 蚵仔大腸麵線頗有台灣味道蚵仔夠新鮮食到甜味. 台南擔仔麵都不錯, 肉燥好夠味, 但湯底略淡. 肉鬆芝士蛋餅味道芝士濃郁幾好有蛋味, 我略嫌蛋皮比較粗少少. 台灣香腸配生蒜幾帶出香腸甜味, 我自己接受到生蒜嘅味道. 九份芋圓我幾鍾意食, 不會太甜又食到芋圓的煙韌. 另外奶茶配咖啡磚我覺得幾夾, 咖啡味幾突出, 又唔會因為珍珠令人覺得太飽, 我個人非常喜歡.總結整體不俗可以返轉頭.

今日喺牛頭角附近專誠去到阿元來了食晚飯，他是一間很台的餐廳在香港，如果喜愛台灣美食的朋友不妨到這間餐廳一解不能去台灣旅遊的需要。這次叫了兩個煮食分別是台南擔仔米粉，以及滷肉飯。擔仔米粉湯大不算太濃，配上不同的配菜例如貢丸，肉醬等等令味道跟似台南簡單的米粉。份量不太多， 再叫多一份小食就足夠了。至於滷肉飯方面我們叫的是小型份量，滷肉以及汁是10分出色的，把飯撈勻一起再吃是跟台灣的有過之而無不及。另外我們叫了一份鹽酥雞，份量大約有六至七粒而每一粒的size也不算細，也是即叫即炸的，配上台灣應有的調味粉，真的不錯。飲品方面叫了一杯正宗珍珠奶茶，嚴格來說他是我在香港所飲的珍珠奶茶當中最似台灣的味道。茶香奶或而且像台式的奶茶味，想飲完一杯又一杯，提提大家不需要半糖也可接受。

晚飯時間限時1個鐘，但唔係入座前同你講，係差不多夠1個鐘時先同你講有限時.食物ok, 魯肉飯係好味既，但鹽酥雞就普通.台南擔仔米粉好細碗，亦無咩特別.炸起司地瓜球，有輕微拉絲，都ok好味.

心血來潮好想食台灣菜就黎左呢間經典既台式餐廳裝潢充滿舊台灣既風味每次黎都覺得氣氛好好 好似去左轉台灣咁♡佢既招牌阿元魯肉飯同埋焢肉飯都好出色做到半肥瘦岩岩好 忍唔住就爬哂成碗白飯🍚🥺細食既點細碗既魯肉飯都好夠食仲感覺多啲魯肉添！鹽酥雞炸粉唔厚🐓粒粒都好大舊 非常抵食 但可以再重啲鹽味～台灣香腸每次黎都必點！台灣腸加蒜片真係絕配😋然後點都要加杯柸芽珍珠奶茶🧋✨

實在太耐冇食過阿元來了😆喺公司附近，今日有朋友嚟一齊食，正呀🤤一人叫咗碗嘢🤤叫咗碗魯肉飯😍細碗已經夠我食😋超多魯肉同勁多汁！成碗撈埋食真心正！好香，好味😍🤤另外一碗係台灣擔仔麵！油麵style，有粒蝦，半粒丸，半粒蛋😋仲有肉燥😍好味，個麵好食，又有芽菜，加埋其他餸一齊食！正👍🏻👍🏻另外仲叫多咗個蛋餅，同鹽酥雞😍😍基本上每次嚟都會叫😆😆蛋餅完全係台灣嘅味道😍😋料足！口感正👍🏻👍🏻鹽酥雞都係水準以上😋香酥程度剛剛好👍🏻推介🤤飲品我就叫咗百香果紅茶😍😍又係每次嚟都必飲呢杯😂😂😍😍超香茶味！揀咗3分甜就好夠！😍好飲😍朋友就揀咗荔枝綠茶😍好香荔枝味！好消暑😆👍🏻

來到工廠區，想不到會有間別緻簡樸，徹合小台灣的風格裝修的小店。餐廳部分店員是講普通話的，客人都是自行劃紙點餐，店員會把野食端到餐台給享用。食物質素中規中矩，價錢親民又食到台灣地道風味，可以去試哦😋阿元魯肉飯 $42擔仔麵 $36清蒸肉圓 $35蚵仔煎 $37九份芋圓 $32珍珠奶茶 $25

魯肉飯魯肉肥瘦適中，好足料，肉汁甜甜哋又香濃，撈飯好滋味台南擔仔米粉湯底幾好味～撈埋肉燥食好香濃鹽酥雞咬落鬆脆香口，唔油膩～蚵仔煎邊位都煎得香口，略嫌中間有啲淋，口感爭啲~

我12點到。一個人食唔使排隊。店內環境與堅尼地城果間相比，呢間更加寬敞。入店前有做足量體溫，同埋可以透過scan QR code 填電子問卷來代替寫紙仔留低個人資料。啲燈飾都幾靚。女廁同時係傷殘人士廁所。乾淨企理。店員主要係嬸嬸。我叫左一個台南擔仔麵。等大約十分鐘就到喇。價錢係36蚊。我覺得份量對細食嘅女仔嚟講剛剛好。麵嘅軟硬度適中。肉味咸度都係。隻蝦有啲唔夾。甜品我叫左一個酒漬葡萄奶酥餅。呢樣野需要預先比錢(13蚊)。個餅有少少rum 酒嘅香味，有吉士做餡，仲有幾粒提子乾添。口感不錯!

建議大家出牛頭角站。之前一直想試阿元來了的蛋餅，去到才發現只有午餐提供😭強烈建議晚餐都要有，真的很想吃。阿元來了的飯麵都分了大細碗，非常貼心，大家可以因應自己的食量去選擇，減少浪費食物。阿元魯肉飯。魯肉會有點甜，但有台灣的味道，非常好吃。本人只叫了細碗，非常後悔🤧鹽酥雞。非常酥脆，肉質嫩，並且多汁，很好吃😭朋友叫了台南擔仔米粉，話時話住錯，大家可以一試，不過有蝦，不能吃蝦的朋友要注意。絕對會再幫襯💛💛

上星期嚟到呢度品嚐下台灣美食,叫咗個魯肉飯試下,滷肉飯用珍珠米製作,吃起來粒粒米飯香,滷肉的肥瘦適中,使放膽去吃😋配合秘製的醬汁,撈在飯面上更惹味！更配上菜和半隻鹵水蛋,鹵水蛋也夠入味

出名嘅阿元，我終於黎啦～ 星期五嘅夜晚去到要排15分鐘先入得。懷舊嘅裝潢但有少少迫坐低睇Menu先發現原來.......夜晚係無！蛋！餅！我係因為佢嘅蛋餅而黎嫁咁只好叫其他野食啦1️⃣阿元魯肉飯魯肉飯同阿元魯肉飯係差隻蛋同埋啲菜，佢嘅肉唔算好肥係可以接受嘅，好味。如果有更加多肉同汁去撈飯就更好啦2️⃣炸蛋黃芋頭卷一碟有三舊，食落有芋頭香味，但蛋黃就比較少3️⃣炸甜不辣拼盤佢有幾款嘅，個人覺得啡色個個比較好味4️⃣蚵仔煎蚵仔煎食落完全無味，係靠佢個汁先有返啲味，而且蚵仔份量較少5️⃣奶蓋紅茶奶蓋同平時嘅台式手搖飲品店好唔同，而且泡比較多6️⃣招牌珍珠奶茶細細粒甜甜地嘅珍珠，配埋個茶幾好香7️⃣九份芋圓味道一般但幾足料，唔止芋圓仲有其他，例如珍珠最後埋單每人＄114，份量比較少，全部都係細細碟。下次要中午黎試下個蛋餅呀～

ғᴏᴏᴅɪᴇ ᴛɪᴍᴇ 今次就食咗阿元來了今次去食都排咗15分鐘左右，都好快食咗阿元魯肉飯🍚($42)阿元魯肉飯都好好味🥳對我嚟講都有啲大碗，啲魯肉都幾多😆配埋豆腐乾同幾條白菜，台灣風味！仲食咗酥炸魷魚($39)佢都唔錯，好脆，炸粉唔算好多🥳份量都幾多🤩