阿叔泰麵 (金殿臺漢宮閣)

营业中

休息中

星期日和老公到太古阿叔泰麵吃晚餐。阿叔牛肉船麵有幾種麵體可以選，選了金邊粉，湯底不會令人感到口渴，但又夠味，材料有炸豬皮、牛丸、牛腩、豆芽、通菜、花生碎，牛丸很軟，牛腩夠腍，份量亦足夠。街頭豬手飯豬手口感軟腍，有半顆蛋，豬手底下鋪了生菜，不錯。 生炸蝦餅蝦餅很飽滿，炸得香脆，蘸醬吃更惹味。椰汁斑斕糕上碟是暖的，弄成花朵樣很好看，口感煙韌，淡淡斑斕味。飲品叫了青檸梳打和熱蜂蜜菊花露，前者很夠氣，後者甜甜地下火。

太古城中心不嬲都多嘢食，有啲餐廳唔响商場，有啲响屋苑入面。今日試咗間阿叔泰麵，以呢個屋苑中產為主，算係平價餐廳。餐廳比較細間，晚飯時間坐滿人，亦都不斷有外賣 order餐廳叫得泰麵，咁點都要叫番個船麵試吓：阿叔牛肉船麵，可以揀不同麵底，我就揀咗金邊粉。牛肉船麵湯底勁深色，飲一啖，好重藥材味，配料有牛腩，魚蛋，炸豬皮及芽菜牛腩炆得腍夠入味，魚蛋彈牙，炸豬皮就勁索汁，而湯頭偏甜，最後飲哂D湯生菜肉碎包，食泰國菜必點，辣度可以自己揀。呢度嘅做法偏中式，帶魚露蠔油香，反而青檸味唔濃。不過伴碟有青檸，唧D落去即刻變返重泰式炭燒豬頸肉，醃料調味都好，但有啲似炸出嚟，食嘅時候仲熱焫焫泰式肉碎煎蛋飯，肉碎同生菜包嘅肉一樣味道，但就冇咁辣，而煎蛋就生咗D，撈飯食就啱啱好最後食埋個甜品：芒果糯米飯，呢度嘅做法比較特別，係用一個小煲上枱，用芒果蓉墊底，中間嘅糯米飯微暖，上面放咗兩球椰子味雪糕同花生碎，代替咗傳統嘅椰汁，幾特別，但就略嫌芒果肉少咗啲🤪

太古今日喺港島呢邊搵嘢食，見到依間全面，喺呢邊新開，一於試吓$88牛肉船麵有好多牛腩，炆得軟腍腍，好入味。揀咗金邊粉，都煮得啱啱好，有口感，而且索晒味。湯底帶有小小清甜，仲有炸好嘅脆豬皮。$138 蝦工拌飯見到打咗粒星，應該就係特別推薦就試吓。出乎意料，因為真係勁多蝦，每一粒都好爽口，差唔多有成10粒。而且仲要係鹹蛋黃醬汁，完全冇諗過，第一次食到呢個配搭嘅飯。$65 飛天通菜食泰國嘢點可以唔食飛天通菜，菜嘅份量都唔少，炒得啱啱好，唔會太過老，爽口。$88 泰式奶茶蛋糕見到個口味幾特別，揀咗呢個，仲配咗球雲呢拿雪糕。奶茶味都好濃郁，係泰奶嗰一陣味。蛋糕鬆軟，仲有一層特別濃郁嘅夾心。呢個係會一試難忘。$24 青檸梳打可以揀少甜少冰，夏天飲勁爽。🏡阿叔泰麵 (金殿臺漢宮閣) (太古)🔍太古太古城道26號太古城金殿臺漢宮閣地下G409號舖📞 2668 5722

去太古做完嘢搵食，搵到間新店食泰麵，試下先。泰式酸辣鳳爪 $60酸辣開胃，鳳爪煮得入口即化，辣得嚟但唔會搶味，令人食指大動。香茅雞翼 $62炸到外皮金黃香脆，咬落juicy，肉質又嫩，推介。豬雜卷心粉 $78豬雜鮮味十足，湯底胡椒味濃郁，飲埋好暖胃。蛋炒咖喱蟹肉飯 $88咖喱香氣撲鼻，見到一絲絲嘅蟹肉，佐飯真係一流芒果糯米飯配雪糕 $68甜品方面，我哋試咗芒果糯米飯配雪糕，糯米飯香甜糯滑，配上新鮮芒果同雪糕，清甜又解膩。蜂蜜菊花露 $22菠蘿梳打 $26蜂蜜菊花露清甜爽口，帶有淡淡菊花香，飲落去好清新。菠蘿梳打亦唔錯，酸甜嘅菠蘿味令人精神一振。

去太古城探表哥，佢請我去附近嘅餐廳食越南菜，阿叔泰麵地方不算大，裝修簡約潔淨，冬陰功海鮮媽媽麵：湯底係自家製的冬蔭功湯，湯底非常惹味 ，味道香濃帶酸，唔會太辣。配料亦相當豐富，有青口、蜆、海蝦、魷魚、肥牛，魷魚界咗花特別精美又彈牙，麵條因為加左隻生雞蛋伴均勻，增加滑溜口感。街頭豬手飯：豬手口感軟諗入味，尤其係豬皮部份，肥而不膩，入口即化，滿滿骨膠原。生炸蝦餅即叫即炸，口感彈牙。泰式炸魚餅肉質扎實有彈性。椰汁西米糕：以斑蘭葉製成小盒，內放入西米、粟米、芋頭和濃郁的椰漿，口感清甜軟滑。七喜加埋冰底，冰涼解喝！

週日繼續加班，晚上於公司附近新開的泰國船麵專⾨店解決店外裝潢相當別緻，擺飾有一股濃濃的熱帶南洋氣息環境舒適闊落，乾淨企理！坐位有限，繁忙時間需輪候入座主打泰國船麵和其他泰國街頭食物，船麵湯底用上熬製十二小時的牛骨湯阿叔牛肉船麵加$5可轉蛋麵，質地煙韌，相當掛湯蟹肉炒飯乾身不會有肥膩感，熱辣辣香噴噴地道炸雞棗！雞丸炸得香脆，口感紮實彈牙大大碟飛天通菜碧綠爽脆，蒜香微微辣炒得入味菠蘿梳打不會太甜，在炎夏時品嘗，消暑解渴

返工經過見到太古城開了阿叔泰麵，喜歡食船麵的我，即刻同女女來食返碗。🍜 阿叔牛肉船麵選擇了金邊粉，口感彈牙，湯底非常濃郁，配料有炸豬皮，牛丸，牛腩等。 🍳香葉肉碎煎雙蛋飯有不同辣度選擇，可以走辣，女女讚肉碎好香口，岩曬送飯。🥬飛天通菜爽口新鮮，微辣有鑊氣。🥤飲品：🌼凍蜂蜜菊花露🧊荔枝梳打🍰甜品：泰式奶茶蛋糕配雪糕奶茶慕絲夾著海綿蛋糕，茶味幾突出。🥢太古太古城道26號太古城金殿臺漢宮閣地下G409號舖

聽到朋友講太古開左間秦國餐廳食船麵就打算週末去試下佢, 因為閒日午飯時間根本多人到不得了入正題樓面安排好差, 明明店入面有2-3張2人位都唔放人入去, 因為前面有人等緊張4人位最後係要等到有張4人檯, 安排左4個人入去先叫其他排緊2個位ge食客入去坐D一早吉左既位完全唔明呢個係咪操作, 想營造好多人排隊????食物方面, 滿心期待去試佢個船麵點知一試...好失望, 如果大家係抱住去食香港特色船麵既心態,咁可以去一試,同埋湯少到好似食緊撈麵咁 個豬皮好硬, 仲要有"油益味" 唯一正常係個香茅雞翼總結係: 試過一次就夠

阿叔泰麵在太古城新開了分店，一於來食個晚餐先😋大約6時來到，裝修簡約雅緻。我們叫了冬陰公海鮮媽媽麵、泰式炸魚餅、炭燒豬頸肉。飲品叫了青檸七喜、荔枝梳打，及甜品叫了芒果糯米飯配雪糕。～ 冬陰公海鮮媽媽麵：冬陰公湯底地道，海鮮份量亦多，有蝦、魷魚、青口、蜆，加上打了一隻雞蛋配媽媽麵，非常豐富及飽肚，抵食👍🏻～ 泰式炸魚餅：味道香辣，入口彈牙，點些泰國辣椒醬，別有風味。～ 炭燒豬頸肉：豬頸肉入味，紋理分明，肉質豐盈，卻毫不膩口。～ 飲品：叫了青檸七喜，及荔枝梳打，消暑解渴。～ 甜品：叫了芒果糯米飯配雪糕，芒果新鮮，暖暖的糯米飯配上凍凍的雪糕，既有口感，亦有多重舌尖上的享受，不錯👍🏻整體來說，食物款式多元化，選擇亦多，口味地道，加上招呼親切，下次會再來試試其他菜式。