阿拉麵館 (已結業)

如果唔係有King Parrot Group 張World Card﹐我估我唔會去試呢間餐廳。不過一試之下又算食得過喎﹗食物唔算太標青﹐不過以呢個價錢來說﹐都算ok。去過兩﹑三次﹐最印象深刻係11 月底去食﹐有個蟹粉麵。初初以為會係拉麵﹐不過點知好似公仔麵咁﹐但係食落又出奇合拍喎﹐好得﹗價錢都係$78 (好似咁上下啦﹗) 一碟﹐蟹粉都唔少架﹗另外我最鐘意就係佢可以訂位(平時行過好多人係出面等架﹗﹗)。有次我話要訂窗口位﹐個姐姐係電話度話儘量安排﹐去到真係有喎﹐幾開心呀﹗望出去就係銅鑼灣海旁﹐對面尖東﹐那次近聖誕﹐有燈飾睇添呢﹗不過最差就係而家佢地分兩輪﹐食第一輪就要7 點半俾返張檯佢地囉﹗

星期二打去book星期日, 仲要係630咁早, 去到先話冇得坐!!!都唔知有冇搞錯!!!!!!!

1)醉雞($50) - 細細兜,密密食,價錢唔貴,好香酒味,不過唔滑&冇雞味2)全盒菜飯($75)內包括有- 菜飯兩碗<<<少菜又唔香-賽螃蟹<<<mix左的南瓜, 的味又怪, 又唔香滑, 不知所謂,係我食咁多間上海野最差勁的- 炸排骨<<外形似炸魷魚,味道似豬扒,冇乜特別- 豆腐<<一般貨式- 五花腩<<又鞋,又un,又唔入味,放左幾件入口,咬唔爛要吐返出黎(真係折福)3)阿拉湯包($30/5件) <<<的人讚不絶口..我覺得好一般,只係用30蚊呢個價有五件..係幾抵食服務幾好, 環境都唔錯，食物質素比其它上海店差…都唔明點解咁多人讚good我男友話的人一係未食過好野，一係就係度做馬我有個fd又話呢度的野幾好味，佢話“你可能叫左難食0個的”即係話黎呢度食野，睇下你好唔好彩..又或者睇下大廚個日好唔好心情啦﹗埋單：$172…好味就抵, 唔好味既話就好貴~

18/11 7;30pm放工後同男友行過黎食晚飯,因用東亞卡有3個$100既set,我地叫左set C:阿拉湯包5隻,糟溜爽肉,奶油津白,杏汁南瓜丸子.另要臭豆腐$25.阿拉湯包---吾錯1皮夠薄,蒸得恰好,湯汁算清,肉餡夠新鮮!糟溜爽肉---配料有蔥段及秀珍菇,爽肉帶頗濃酒味,但我地食食下發覺有2-3條頭髮,告知經理,我地要求佢換過碟細既比我地,佢都肯換,服務算系咁啦!奶油津白---味道尚可!杏汁南瓜丸子---杏仁味頗香,杏汁頗滑,但南瓜丸子食吾出有南瓜味.臭豆腐---炸得夠乾身,細細粒,點甜醬/辣醬,味道合格!全部菜色份量屬細碟,環境昏暗,都算好坐,埋單連加一$137,欣賞佢個set吾會用原價加一!若有東亞卡既食友可以一試.

19/11/2005 12:15pm相約一個在附近工作的朋友吃午飯. 因我早一天預訂海景位置的枱, 所以我們可享受一頓怡情的午餐.我們不餓, 只點了三個菜: 素菜粒蒸餃, 四喜烤夫(忘記正確寫法)和三鮮湯麵(蝦,帶子, 魷魚)三個菜都很美味, 尤以素菜粒蒸餃最合我意. 用料新鮮.四喜烤夫也很好, 有烤夫, 冬菇, 毛豆等. 驚喜的是它是熱盤而不是冷盤, 煮得入味. 湯麵的湯底很清, 湯麵跟餸分開的. 蝦尤其爽和新鮮. 如果能加多些蝦,帶子, 魷魚就更好了. ^_^除了環境, 服務也值得一讚. 希望能和這位朋友再吃飯呢! 畢竟已多年沒見了.P.S. 抵食一欄我想給它3.5, 但沒有半分.

琴日想係cwb 食得好d~又見大家對佢都幾滿意~就選擇左呢度~~~因為大家話要等好耐...七點幾我行過個陣都有幾個人等緊..我又驚遲d會多人..我就book左9點~唔食煙..窗口位八點九去到.都比我入...近窗口位的一張5人~我同老公2個人坐~佢都好nice話無問題~~一路帶我地入去個陣仲好好禮貌~係咪轉頭叫我小心梯級小心燈..再次小心梯級..都幾搞笑~~一心一意諗住叫0個個咩全盒菜飯~但老公話想食多d唔同ge野..就叫左個梅干菜排骨蓋交飯($45)~一個阿拉湯包($30)同埋店門前醬蹄($40)~~~~最先黎係個蓋交飯~~好似一隻恐龍蛋咁ge盅裝住..幾搞笑....不過好難睇到入面....要自已打斜少少先'不'到野...同埋個盅都幾重下.....我覺得都幾好味!!!但菜飯菜少~~~同埋太多汁~~我唔鍾意d飯索晒d汁咁..但呢個飯都算好味!!!之後黎個醬蹄~~~好好味呀!!!!凍凍地咁...又有d好似稀稀地ge甜醬比你自已淋上面咁...推介!大約有10片~~我地2個都食唔晒~~~湯包好多人都有叫~~$30/5個~~~入面勁d肉汁湯~~加少少醋落去絕對perfect~~記住趁熱食!!!!

昨晚與一個同事去食，叫左一個石頭窩海鮮飯、阿拉麻辣麵，同埋一客蔥油雞翼。個石頭飯真係唔錯，有d飯焦脆脆地咬口，同個麵都唔差，辣辣地有d花生味咁幾得意不過就無乜料，得d菇仔。個鷄翼普通啦，無咩特別咁但係又係脆皮野lor。埋單130，每人都係60幾蚊，算幾抵食架啦！佢地近窗口d位個view好靚架，可惜要訂位先有lor，不過間野裝修唔錯，好企理同埋好有格調；而服務都唔錯，不停幫我地添茶，我地七點半去食坐到十點幾都冇人趕我地走，傾計幾好。

套餐有湯,一小碟,主菜,白飯或菜飯(另加$6)同埋一盅紅棗茶,有甜品送。套餐主菜有好多選擇,大約$35至$4,再加一.食過幾次,幾款主菜都ok,唯獨係有少少油,美中不足>.<

晚市已經光顧過很多次，這裡一直是我喜愛的食肆之一。今次想談談午市套餐，因為覺得很不錯。套餐主菜有很多選擇，價錢由$35-$40不等，另加一。套餐內容包括：老火湯、一小碟、主菜及一盅紅棗茶。老火湯－－花生眉豆雞腳湯，很香很足料，飲後不會感到口乾。一小碟－－雪菜毛豆，清清淡淡，作為餐前小吃算不錯，不過個人較喜歡上次的鹵豆腐干。主菜－－回鍋肉($35)，炒得夠鑊氣，汁料豐富，不太辣也不太鹹，連飯吃剛剛好，份量夠。紅棗茶－－茶盅內盛著茶葉(抱歉喝不出是什麼茶葉)、紅棗及一片雪耳。飯後喝一口清香的茶，為整個午餐留下完美句號。

雙子同盟壽宴6月2日我的大壽前一星期,被邀約到這裡慶祝,除了我以外,另外還有兩位雙子朋友也是一同賀壽呢!是夜菜式由大頭目發辦,我只負責吃,攝影和收賀禮(已經夠我忙的了,XD)落肚的食物有很多,有機會寫漏,大家別見怪啊!雞絲粉皮:友人笑說筆者食番自己,哈哈!粉皮夠滑,惜麻醬不夠濃.以及有點酸咪咪的(不是變壞那種),個人認為一般啦.目魚大烤:對此名稱有點不解,吃了一口,感覺與潮菜的打冷墨魚大同小異,出品幾有質感,唔錯.鎮江餚肉:jelly狀那部份,做得不夠滑,硬了一點,有待改善,反而肉那部份比想像中好吃.辣白菜卷:因為事前完全無望過個餐牌,所以呢個菜上來時,我還以為是節瓜或蘿蔔之類,點知衰左,我唔係好食得辣,但我食完成舊野,一點辣也感覺不到,所以唔知點解會有個咁既名.小籠包:唔夠熱,皮略厚,肉實了一點,最好的還是湯汁都算多.脆皮素鵝:雖則皮不是好脆,但我最愛它夠熱辣辣,陷料又夠,是這夜我頗愛的菜式之一.鍋貼:真的是鍋貼嗎?看來看去,也覺得像日式餃子多一點,怎樣也好,夠熱,帶點脆的口感,令我將疑惑拋開,管它是什麼,好吃才是最重要的.生煎包:底部煎得也算脆,不過包本身好像厚皮了一點,肉餡也相對

很早前己聽說過這麵店，但一直也沒有機會來試，早前又聽說這麵店食壞人，就更加唔想來了。早幾晚又有朋友提起，就決定來試試了。我們叫了醉轉彎、阿拉麻辣湯麵、燒肉湯麵、阿拉生煎湯飽、阿拉湯飽、目魚大烤、石頭窩海鮮炒飯和高力芒果奶皇。醉轉彎- 酒味很濃，肉質嫩滑，可惜肥肉太多，我自己就唔多喜歡了。阿拉麻辣湯麵- 麵質口感唔錯，但就唔多彈牙，辣椒女話唔多辣，但味道就幾好。燒肉湯麵- 燒肉都幾入味，但比較瘦，口感麻麻。阿拉生煎湯飽- 外皮煎得剛剛好，幾香，又唔會太，內裡的肉，味道也很幾好。阿拉湯飽- 外皮太厚，內裏沒有什麼湯，味道很一般。目魚大烤- 墨魚味好夠，咬口又好，感覺都唔錯。石頭窩海鮮炒飯- d飯炒得好香，在石頭窩裏保持住溫度，食到最後，把飯焦一起吃就更加美味了，這是今晚最喜歡的。高力芒果奶皇- 芒果味香濃，作為飯後甜品，又的確唔錯。價錢唔貴，食物又唔錯，難怪這麼滿坐。

上星期五風雨不改，我地一行5人飛的來世貿呢間食lunch。我地都係第一次來，好impressed by呢度既裝修環境，唔係太多人，（可能d人以為會落大雨都叫定外賣唔出來啦）。我地張圓桌就近窗口邊，見到d遊艇，心情都靚d。醉雞：雖然只係一小盎，但都有幾多隻浸在入面，好香酒味，好食；黑醋排骨：比預期大碟同淺色，睇落似咕嚕肉，不過都好好味：蔥爆羊肉：幾油膩，當食北京填鴨咁用d皮包住食。我個人就覺得呢個一般la；雞絲粉皮：ok la，我一向對呢個麻麻地興趣；金華火腿津白：呢個就比預期細左，菜少左d，火腿都唔錯；擔擔麵：哇，夠哂辣，份量足，個湯好香好濃，非常好食！炸芝麻蝦餅：冇mug特別，都唔係好食得出蝦味；生煎飽：size唔係太大，臨尾都仲食得落，都幾好食。人多來呢度食野真係好正架，招呼又好，d侍應好勤力幫你酙茶。值得再來幫襯！

7月23日晚第一次黎呢度食飯，本以為訂咗位會有window seat,因為聽到有位人兄話有，不過佢都比咗張四人坐既卡位我哋兩個，都算係咁。環境及氣氛都算好！服務亦比一般高，而食物都算唔錯架啦，我哋兩個人叫咗四樣嘢，一半一半好食啦。個麻辣乜乜拉麵真係好好味；但係個前菜辣白菜卷就麻麻啦，冇辣味，只有勁酸味；另外個黑醋松子魚又係非常酸，攪到我成口酸味；好在仲有個唔錯既好似小籠包既嘢，都算係皮薄料足。=)至於服務真係幾好，不斷有加茶，又問我哋有冇咩唔啱口味或唔好食，唔錯！我最鍾意食服務架啦。

地方舒適食物質素高推薦: 麻辣麵, 前菜, 炒年糕

我食左擔擔麵，個湯底正ar!!好有花生香，越食越正！環境都幾好！