阿爺燒鵝餐室

营业中

休息中

本來未必會再來的燒味店，因疫情造就下，還是來了。來到大圍已八點多，想吃燒味的話能選的已沒幾間，剛好經過阿爺，有套餐優惠，價錢合理，來了兩次。第一次來點油雞，穩定之選。雞是可以，滑溜入味。例湯足料夠火喉。薰蹄失敗，我未食過會放豉油，原來係本身唔夠味，肉質又靭。雜菜失敗，不知煮了多久。第二次，由於其他都沒有了，只好點切雞。相比之下就差了，滑是滑，但雞無雞味，白滷水又唔夠味。飯打得太實，或者是裝定等外賣。例湯同樣足料，今次嚐出杏仁味，南北杏放多了。小食其他都沒有了，叫貨的紅腸我不會選，只餘薰蹄。今次薰蹄正常表現。就是刀工問題，厚就太厚了。菜遠蠔油。正常得多，綠色的菜是綠色的。整體而言，套餐中例湯出色，菜遠油雞都可以，其他要注意。

上次嚟幫襯係叫外賣，今次堂食！今次幫襯，隻豬腳有D痛，所以唔敢食燒鵝，見到餐牌上有個什麼邪惡金蛋叉燒飯好鬼吸睛，好！又睇吓有幾邪惡！上次叫叉燒後悔無指明要肥叉，今次講明要肥叉，瘦叉邊好食㗎！單上都顯示肥叉，但上枱嘅都唔係肥叉，即係阿爺本人賣嘅叉燒屬瘦叉，失望！ (X_X)叉燒肉質口感超軟，而且蜜汁甜味足夠，同果D又實又硬又淡口嘅瘦叉完全唔同，滿意.金蛋夠滑，好奇怪，口感居然有起沙嘅口感，落咗咸蛋黃？總之驚喜！金蛋再加上我超中意嘅蔥花，大喜.可惜金蛋同蔥花分量略為不足.邪惡？唔夠！如果用肥叉，金蛋再加多D咸蛋黃，就真係邪惡嚕....

今日下晝經過見到呢間野出面有個下午茶餐牌，見燒鵝麵$43 都幾抵食諗住外賣番屋企。入到去同個收銀落單佢收我50幾蚊，我都覺得奇怪唔通我睇錯？照俾左錢先再出去望多眼，發覺真係$43。入番鋪同個收銀講，佢就話呢個係下午茶價錢，話我做咩唔講清楚要食下午茶餐...我心諗乜唔係呢個時段就自動收番個下午茶價錢，點會講清楚！費事當面同佢嘈冇再爭論，不過想喺呢度講，你呢間野都係做街坊生意，唔駛咁串，當左自己係陳記鏞記，唔幫襯你大把選擇唔會餓死！

最近大圍開左呢間出名食鵝既餐室更正既係呢間出名食煙燻燒鵝既開到過嚟兼有超值套餐雖然話58蚊，但食鵝要加錢，個餐唔包飲品燒鵝飯，鵝汁菜心，鵝腎皮香肉嫩，非常重煙燻味，層皮相當脆我嗌走翼，佢主要俾胸肉我胸肉完全唔嚡，仲比較juicy。菜心就太油，鵝汁都濃味鵝腎雖然話麻辣，但唔係真係好麻果種不過腎唔夠爽口，偏林碗例湯足料，飲落去好舒服飲完唔會太口渴，非所謂既味精湯如果大家唔食鵝，唔食乳豬就真係可以58蚊落樓但呢間咁出名食鵝，點忍到口唔試

早排去大圍嘆茶, 經過哩間阿爺燒鵝, 門口人山人海排哂隊!原來係d公公婆婆等派飯囉位霸位!噤我又中鍾食燒味, 就叫個叉油雞飯外賣, 睇睇咩料先!點知一打開個飯盒, 出事!我應該叫個"肥"叉油雞飯! 叉燒俾咗我唔中鍾嘅瘦叉!嗚嗚嗚....  ~~>_<~~不過慶幸瘦叉口感一d都唔硬, 只係唔夠甜啫....油雞肉滑, 連蔥油一同入口簡直一絕! 滿意.其實哩個雙併飯唔算平, 成伍拾幾蚊! 不過見餐廳派飯幫忙大眾, 貴dd都值得嘅!下次試肥叉!

聽聞大圍有鵝油撈麵食，配的是煙燻燒鵝，見到朋友傳來的相片流口水了，適逢今天要去大圍買點東西，就去外賣試試吧。燒鵝瀨粉 $53 轉鵝油撈麵加 $10，下午茶還送熱飲，打開盒子煙燻香味樸鼻而來，立即放件入口，燒鵝皮還有點脆，鵝油甘香，肉質嫩滑，堂食一定更美味，朋友真的好介紹。另外再加半斤叉燒 $65 加餸，店員細心的問要肥、瘦，還是半肥瘦呢？選擇了半肥瘦，少許燶邊，入口軟腍而有肉汁，蜜汁甜度剛好，加餸首選。原來店子還做優惠，買滿 $100，另加 $18 可換購少爺雞半隻，當然不會錯過，雞皮薄，沒有多餘脂肪，入口不會油膩，肉質亦挺滑的，這優惠不錯。

今日，我吃了兩頓下午茶。不是「老爺燒鵝」的食物味美出眾。反之是環境衛生非常惡劣，也竟然可以把自己的招牌菜式「燒鵝」弄得一塌糊塗。很快結帳出門，隨即到了另一間食肆，吃掉另一份下午茶。老爺燒鵝在Openrice好評數量異常誇張，心想是何方神聖也? 能做得出色燒鵝，其一必有自己貨源，其二是擁有巧手師傅擅於醃制掌火喉。特意下午驅車前往，車泊對面橫街窄巷。老爺燒鵝理應開幕多時，現仍未除下招牌紅紙，奇怪呢? 門口站著魁梧大漢，白衫西褲，左手叉腰，右手提著量溫槍，神態威嚴，猶如夜店消遣門外那些黑人保安般。拿起餐牌，做得不錯，但油淋淋，用了精裝釘制。首幾頁是介紹自家招牌燒鵝，教導食客自己的名菜。這種營銷理論，道理很淺易：你創作一道招牌菜，客人不會無緣無故就認識它。即管知道了，也不了解有何奧秘，要人教導才能認識。同理：你要結婚了，也要向長輩介紹一下未婚妻子，也會同時說說與她認識的經過及長處吧。可惜這裡侍應勤快，只拍了兩張相，便催我下單了。食肆四四方方，樓底頗高，座位五十位餘。被侍應安排座在最後一排洗手間對出位置，厠所門剛打開，馬桶正正對著我的視線。究竟是誰人設計餐廳圖則，讓厠所門正正對著餐枱。從衛生角度

是晚下班已很累,不想煮飯,路過這家燒味店,好像不錯,一於一試。不過現時還未敢在外吃飯，所以選擇了外賣回家。我和男朋友各叫了一個燒味飯再加菜和凍檸茶。我的是燒味雙拼飯,油雞拼叉燒,叉燒肥瘦適中,還有燶邊，大讚！油雞雖然有雞胸位,但肉質仍然保持嫩滑。男朋友吃了乳豬燒鵝飯,乳豬皮非常香脆帶有少許肥膏，而且乳豬塊已全部去骨，適合懶人食用哈哈哈。燒鵝皮非常有光澤,吃下去啖啖油香，燒鵝肉質地軟腍，帶有肉汁。本想要個普通油菜,但店員推介鴨油菜芯,用上鴨油烹調,多了一份鴨香味,很不錯。這家燒味店絕不遜色於其他連鎖燒味店,日後吃燒味又多一個選擇了。

這天到訪友人家，離開時外帶了一些燒味回家。餐廳點外賣的人比較多，可能是因為這裡的優惠非常吸引人的關係吧！先談談特價的少爺雞。整體不俗。首先，雞是全熟的。我不喜歡雞骨有血的雞，所以全熟非常重要！第二，雞的脂肪不多，而且皮薄，不會油膩。第三，雞肉算是挺嫩滑。接著的是招牌燒鵝。下庄啖啖肉自然出色。回家品嚐的時候，鵝皮還是脆脆的，整體不算特別油膩。美中不足的是，酸梅醬是尋常的味道，若果有特製醬汁相信燒鵝會顯得特別出色。

最近行經阿爺燒鵝餐廳，見到佢推出左個好抵嘅四合一午、晚市組合，一直都好想試咁岩今晚屋企人都話唔想煮飯，咁就由我喺呢度加料買返屋企品嚐$58就已經可以有一個燒味飯再加一個菜、一個小食同一杯飲品見$58咁抵，就算加多$18升級要乳豬飯都唔覺心痛乳豬夠脆，而且醃得夠味，配上乳豬醬食真係人間一大美味而且菜唔單止有普通嘅菜心，竟然仲有秋葵，秋葵配上芝麻醬以冷盤形式呈現，比傳統燒味店有突破仲加碼切左叉燒，叉燒雖然只係半斤，但份量一啲都唔小唔知點解覺得比起其他地方嘅半斤，好似再多啲咁而且部位都係半肥瘦，口感實中帶稔，外部焦香，實屬不錯而且餐廳仲有一個優惠就係買夠$100，可以用$18換購半隻少爺雞$18可以叫到半隻雞，咁抵當然唔可以錯過雞係中型size，肉質夠滑，只係略嫌唔夠實，都真係好抵食

疫情關係都多左係屋企食飯, 但成日都要煮咁多味送都有D辛苦,有時都想偷下懶, 買下外賣~ 呢日又係係屋企煲左D飯, 炒左個菜, 再係阿爺斬料加送,嗌左半隻燒鵝同麻醬秋葵~ 而家外賣滿$100 加$18 就有半隻雞, 真係好抵!!!!! 燒鵝外脆內滑,完全冇過火既徵狀~ 好正! 點埋D 酸梅醬真係超夾超好食!! 半隻鵝我地4個人勁快KO 左! 下次勁想試下乳豬!!! 麻醬秋葵勁爽,唔會整得太淋!!! 平時食得多普通既菜食到悶悶地轉食秋葵勁有新鮮感!!!! $18半隻雞真係超超超抵!!! 好好食! 一D都唔似得$18既質素!!! 如果叫得夠$100 一定要加呢$18 半隻雞! 超抵食!

 斬料斬大舊叉燒,廣東人香港人斬料文化香港人生活文化之一,既簡單又方便回家煮個白飯就可以開餐囉~方便美味最近疫情反覆又重現本地感染個案同家人商議,父親節提早做節回家吃飯咁我地就負責去斬料回家去完搵車公問前程,再行返去大圍附近有一間好出叮既阿爺燒味開左幾個月,日日都爆場好旺場最近仲加推左新優惠 外賣買滿$100即可用$18換購半隻少爺雞!每日限量! 於是我地買左一斤阿爺招牌叉燒 一斤一斤即600克,份量足夠3~4人分享了另加半隻雞,一定夠食!叉燒有得選肥瘦老人家唔食得太肥,我地選了半肥瘦 新鮮出爐最好食,肉仍是暖,加上甜香蜜汁蜜汁醃料完全滲入肉中,每一口都甘甜帶香部份肉位偏瘦,邊位叉燒帶肥肉最好食下次自己食一定叫肥叉!一斤最後食剩少許,第2日仲可以拿去叉燒炒蛋 少爺雞,皮嫩肉嫩,啖啖肉本身已經好夠味,不再加豉油已經好食肉多骨少,雞肉嫩香,凍左食都好食 加返少許蔥油撈飯一流 大圍大圍道1-35號金山樓地下11A2號舖阿爺燒鵝餐室

喺積存街食完午飯，見時間尚早，友人提議去附近傢俬店逛逛。回家前想順道買些燒味加料，記得剛才路過大圍道，見到有間以燒鵝作主打的餐室，一於過去睇下。好彩來到時已過了午市繁忙時間，不用排隊輪候。門口的玻璃櫃內掛滿各種燒味，有叉燒、腩仔、燒鵝、油雞、貴妃雞等，款式多多，色澤鮮美，而且有些還滴著油水、肉汁、蜜糖漿，著實令人垂涎三尺！門外貼有外賣餐牌，價目清晰，買咗阿爺叉燒 ($75) 同脆皮腩仔 ($75) 各一盒。阿爺叉燒：叉燒的色水好吸引，紅彤彤外皮閃著蜜汁的亮澤，微燶的位置散發住炭火香氣，咬下去肉味香濃，而且食落仲伴隨著陣陣豬油的甘香。最鍾意就係佢嘅肉質唔會過乾，中間位置鬆化得來又不會過薄，有咬口。至於脆皮腩仔質素亦很高，表皮可見細密如芝蔴的氣泡，咬下脆卜卜，肥膏和瘦肉比例均勻 ，肉質腍但唔鬆散，有豬肉香卻沒有豬臊味，加上味道醃得啱啱好，唔會太鹹搶走肉味，咬落肉汁豐富，味道偏甜帶炭香，確係出色！估唔到放假嚟大圍一轉，可以滿載而歸。

今次黎到呢間人情味燒鵝餐室，老闆好有heart，位於大圍，街邊都係老店，而呢間就顯得特別新淨，門面新新淨淨咁，睇得出佢係新開既。老闆好有heart，長者有優惠餐，係呢d咁既時勢真係幫到唔少老人家，尤其係拎生果金生活既基層，呢d餐廳真係買少見少。店舖雖然細小，但算乾淨企理，消毒手抹枱都做足曬，係呢d疫情下更加顯得特別重要。入到去都安心食呀嘛。燒鵝方面，本人就係唔鐘意點醬食既，因為食到鵝既原味，呢隻鵝既燒味十分濃郁，同埋d皮夠曬乾身同香脆，肉質都幾嫩口，入口有鵝味，唔會話好淡。雞方面，叫左佢個特價$18蚊半隻雞，疫市下救星，食落都交到貨，唔會話太差，肉質唔會太老，同埋最緊要唔係得d肥膏，都幾厚肉下

上次太夜過來冇得食燒鵝，今次就醒啦，六點幾就過嚟買，幾隻燒鵝排排企等緊我！可以買原隻燒鵝髀或者全隻/半隻/上庄/下庄，最後決定要下庄（$138 ），咁就有髀食啦！企喺度等外賣都聞到燒味嘅香味，燒鵝皮令立立，芳香撲鼻，仲有好多汁添！咬一啖有好多肉汁，肉質都好唔錯，實淨得來又唔會太硬，燒鵝油香味喺口腔內盤旋，餸白飯好正！今次亦留意到多咗好多優惠，例如午市套餐$58包四樣嘢，堂食同外賣都得，另外仲有$18半隻雞（要外賣自取滿$100），真係算平喎，下次有機會再試吓啦。