阿銀冰室 (已結業)

一入到門口，成間鋪以懷舊文具做裝潢，好有香港特色啊食物嘅選擇，都係一般荼記嘅食物，但價錢就貴好多，食物偏細份，唔抵食 (旺角街頭多好多選擇)。自選粉麵 米粉爽口，唔錯，但係個雪菜肉絲唔熱嘅，$44嚟講，份量非常少。加咗 $5 食待你不薄厚多士 (咖央厚多士)望到份多士有啲失望，多士唔係外脆內軟，咖央醬塗得好厚，但係就冇咖央味，所以個多士係唔夠正宗，做得有d求其。熱檸水飲品就正正常常﹐個杯都幾靚，好有特式。

二戰結束距今75年，很多唐樓垂垂老去。最典型的唐樓，是有大「騎樓」的，參考洋樓的平房設計，亦配合炎熱氣候，強調通風效果。行人無須受日曬雨淋之苦，商店易廣納人流，亦可做下店上居。上海街是昔日九龍最繁榮的華人社區（港島是西人活動區，彌敦道亦是），因旺比上海而得名。上海街的唐樓是經典中經典。此活化後的唐樓，最懷舊的食店是此店。天台那間則有地利，走在時代尖端。對比之下，前者是望遠鏡，此店是倒後鏡，記錄了本地土生第一代的歲月痕跡。懷舊冰室結合了我童年用過的文具，為上檯的食品濃抹了古早味。對面是文具收藏家開設的六十年代文具店，延伸至冰室的餐桌上，這裏是博物館的食店版。餐桌的「陳列品」，滿足了我的貪婪眼光。快樂程度勝於在一般食店。價格亦算得上時光倒流，是廉價的茶餐廳?店外走廊似是台灣的文創區，左邊花團錦簇，右邊多文具展示櫃，令我嗅到文青氣息。木檯黑板是時光機，把食客引領到那些年。食品設計能配合古物風，餐紙宜改用校簿或原稿紙，突出小學雞的童憶。午餐之焗葡國雞飯，對當年小學雞的我是美食，對文青來說是新食物，近年少有食店提供。椰汁味濃，卻與樓下的馬來餐室大異其趣，有絲絲的澳葡味。年青人多嗜辛辣，椰甜的感覺

男朋友話一定要寫食評系列😂為預祝我生日，佢帶左喜愛文具而且係本地品牌文具小店做緊既我黎到呢個文具主題冰室。對面就係銀の文房具，呢邊猶如展覽館既延續，細心望望周圍，會發現好多細微位置放咗古舊文具。卡位既陳室十分用心，食住野欣賞舊時嘅文具，訴說兒時，對於八十後嘅我們而言別有風味。講起食物更是有心，龍脷柳上鋪上薄薄嘅青瓜片，彷如魚鱗，別有心機，而且味道清新。 海南雞飯更是嫩滑，配上油飯一流但瑞士雞翼略為淡味，只係面頭鋪汁，所以顯得第一啖偏咸，感覺一般。再講服務，店員很是細心，會小心留意顧客嘅需求，而且用餐後會咨詢意見，感覺多份貼心。臨走前店長都好客地介紹鋪前的文具，有意可一人拎一份心水，話唔定尋到寶，免費嫁！(前提係要惠顧在先)

旺角朗豪坊後面上海街有幾幢百年唐樓被活化成小商場，叫618上海街，裡面有工藝品店、古著店、懷舊雜貨店、餐廳等等，雖然規模不大，但鋪頭吸引度我覺得大過PMQ，餐廳亦坐得舒服，係旺角少有幾好hea的地方。今次選擇係「阿銀冰室」食個下午茶，店前櫥窗擺放左好多80年代卡通文具陳列品，裡面卡座枱面都有，懷舊感十足。冰室本身賣的其實都係一般茶餐廳食品，下午茶都係多士、西多、雞翼薯條等等。蔥花蛋多士（三十幾蚊）雖然簡單，但出乎意料地好食，炒蛋分量十足，蔥落得夠多，上枱時超級熱辣辣（店員提醒趁熱先好味），多士烘得夠脆，蛋唔老仲保留蛋汁，調味唔重手，蔥花已足夠提升味道，算做得幾有誠意。西多士（三十幾蚊）冇咩特別啦，不過用的係煎的方式，冇咁熱氣，只係裡面有我唔喜歡的花生醬餡，扣左點分啦（我唔鍾意西多有餡）。點左杯茶走，係因為入店前已聞到好濃香沖奶茶的茶香，入口都幾幼滑順喉，茶奶比例做得不錯，只係杯身唔夠厚，會快一點變涼。要一提係呢度服務態度幾好，會細心問你需唔需要信封裝口罩，食完會問你食物質素可好，埋單後仲可以係店前貨架免費㨂一件文具或小擺飾，加上地方闊落乾淨，總比附近茶記好得多。

👭閨蜜約會出街食飯，原先要去的食店，因為沒有book位，排隊要大約排到八點才有位，所以我們改變主意到樓下幾層醫肚，路過見到有一間食店是貓貓🐱做招牌，望入內幾企理，決定入去探店！餐牌供應款色不多，睇中了晚市小菜套餐，我們點了：紫蘇炆排骨🌟🌟🌟排骨肉質不硬，炆得入味，不肥不瘦白滑海南雞🌟🌟🌟雞尚嫩滑，但雞皮下肥膏稍多個人評分（5💙最滿意）食物💙💙💙服務💙💙環境💙💙衛生💙💙抵食💙💙回頭率💙

唉～其實本身寫食評都係自己開心下, 呢間野本身無諗住食, 只係想食上海街rooftop 果間(openrice 好似排名第1), 點知無位又廢事搵其他餐廳, 先落下面食呀銀冰室.其實本身見佢無咩人都驚伏伏地, 但係又心存僥倖有小驚喜, 初初男經理(定係老闆?)好殷勤咁招待我地坐露台, 真係有d心花怒放。而老實講直到睇餐牌見價錢平民都覺得幾唔錯。好啦入正題啦。讚嘅就花多d時間寫, 劣評嘅我都唔想再回憶。1. 加錢叫個黃金炸豆腐, 來得最快, 但係賣相好核突, 又爛哂, 唔好諗住平時小菜館一磚磚咁上俾你。2. 2個主菜都泥得好慢, 就連白飯都要問催幾次先俾(係包埋嫁), 其實佢d侍應有小小唔醒目, 同佢講有2個主菜, 係有2個飯都唔信我地, 淨係俾1個, 之後講多2次有2個主菜應該有2個飯先信。3. 2個主菜分別係黃金蝦同咕嚕肉, 黃金蝦唔新鮮, 咕嚕肉淋嘅,好似微波爐叮出泥, 又回憶小學時代焗住食小學生飯盒d劣食。唉～分量又細, 扮fine dining咩？上碟奇怪都唔講, 想食多幾舊肉都無, 之後經理泥問d野齊未有無野幫手, 我地都因為禮貌笑而不語。4. 最後, 個侍應無啦啦攞張單泥催

一直想試好耐，本身整棟建築物已經好吸引，充滿懷舊feel，依間冰室嘅菜式亦都配合主題，未入座時亦可到對面間懷舊文具店重溫下以前兒時時代嘅回憶。冰室店內裝潢精緻，充滿懷舊feel，座位亦舒適，餐點款式亦算多，可以按自己喜好選擇。我揀左個茶餐：阿銀炒一丁、熱鴛鴦、另加花生醬厚多士，全單只係$47，非常經濟實惠。炒一丁即係一般瑞士汁炒丁，味道ok，唔會太咸；鴛鴦同粒粒花生醬多士依個組合很般配，鴛鴦茶味較濃，啡味淡，但可接受，厚多士其實都唔係太厚，味道可以。值得一讚嘅係服務態度，真心想嘉許依啲有禮貌員工，無論係門口收銀姐姐定係落單嘅姐姐都好好禮貌，依家啲咁好嘅服務態度真係好難搵。

前日(1-5-2020 Fri)勞動節假期,同老公去旺角捐抗疫物品俾奇華餅家(https://www.hk2gether.org/?utm_source=Kee+Wah+Members&utm_campaign=d929472262-EMAIL_CAMPAIGN_2018_08_08_newshop_COPY_01&utm_medium=email&utm_term=0_2264fc1752-d929472262-28501695&ct=t(EMAIL_CAMPAIGN_2018_08_08_newshop_COPY_01)&mc_cid=d929472262&mc_eid=7cecdeeab6)後,就順便嚟活化咗嘅上海街618行,亦特登較到lunch time嚟食晏,時間啱啱好,仍有卡位.睇到玻璃枱下面擺嘅係80年代文具,menu都用folder裝住格仔紙(不過如果用作文紙效果會唔會更加似?)置身呢喥,似喺小學課室咁,令人回味小學生活,有心思.睇完menu,我決定同老公各自要一個set lunch加$50.00嘅哈哈蝦多士,而我就要$72.00嘅龍脷柳忌廉檸檬意粉,要熱奶茶.老公要$

Went there when we visited the newly revitalized 619 Shanghai Street project. The 茶記has many display items which bring back fond memories of the 70s. Food and drinks are reasonably priced and quality is good. 茶餐priced under $50 including one standard drink. good service. 有心的店舖

行過旺角發現呢個有個活化重建既場，都係一d壞舊本土情懷既小店，樓上幾層都是食肆，撞左去呢間阿銀冰室（我由今朝已經想食牛河😆） ，在香港食嘢已經慣咗有8成可能會伏，點知個乾炒牛河幾掂，起碼唔油，有鑊氣，唔太咸又夠味，應該係近年食到最好既牛河。 有杯鮮紫蘇檸檬凍飲好特別，唔會好甜（我叫少甜少冰) 非常涼快解喝。 最後嘅厚多士就普通啲，一d都唔厚，改良下會令人開心啲。 今時今日唔伏既店非常難找，要寫劣評就易，呢間希望佢keep好啲會多多支持

見兩個星期就改一次價錢，忍唔住想講：越來越貴！第一次去覺得環境幾舒服，啲嘢都唔算難食，過左大概一個星期再去，見到公仔麵個餐默默地加左3、4蚊。再過多兩個星期，個餐又比第二次見到嘅餐牌加多左1-3蚊，仲要係而家冇左多士👀 多士要+5蚊先有返之前個set😞(第一次冇影到個餐牌)

友人常常尋找有趣的食店給我，真好呀，愛死你！今天我們走進時光門，去到擺放不同年代文具的食堂，一坐下，就看到枱中央擺放着一些古董顔色筆，很可愛呀，原來文具與食飯是可以共存的。我們隨意點了生炒骨和蝦仁炒蛋先來紅菜頭湯，入囗有清甜的紅菜頭味，加上微微的薑味，使這湯不會太寒涼。菜心全走，分量正常。炸豆腐，可以，椒鹽味較清，如多一點較好。蝦仁炒蛋，炒蛋入口嫩滑，蝦仁亦非常新鮮，配上韮黃一起，水準中上，分量偏細份。生炒骨，味道正常，排骨是肉，入口不柴，水準正常，如分量多一點就更完美。红豆冰，用大粒紅豆，味道正常，不太甜。杏霜是淡的，客人可自行加糖調味。總體而言，環境吸引，每枱還有叉電位，和朋友相眾好去處。店員服務態度友善，還送了我一件小小的文具，如帶小朋友來，他們一定很開心。

是日午餐:-家鄉煎肉餅飯翻新後的上海街618號, 一個字: 文青!!成棟大廈都好懷舊, 或者賣既野都好懷舊好文青!阿銀冰室一聽個名都覺得懷舊, 成間餐廳都以7/80年代的文具/玩具都裝飾-家鄉煎肉餅飯蒸肉餅比較常見, 煎就少見...飯的比例好多, 佔左超過碟的一半; 上面隻大陽蛋唔夠"燶邊"食落唔夠香, 不過蛋黃好濃蛋味; 豉油唔夠多, 只可以沾到少少飯, 所以又叫店員加豉油先可以連蛋連飯撈, 豉油無咩味...本來以為會係甜豉油煎肉餅細舊得可憐, 兩舊肉加埋手掌都大過佢, 煎肉餅上枱係粉紅色, 食落有好重雪味!!總結: 除左自己食的飯, 其他食客食的餐都偏細碟, 細碟仲要唔太好食, 但價錢$50~$60起跳真心覺得唔值

今日同朋友行開旺角, 知道新開左間懷舊FEEL既餐廳, 所以就黎試下。餐廳對面係文具店, 裡面有好多display, 你總會見到一樣你童年都見過用過既文具。文具店門口有d可以俾你買走既文具, 食完可以行埋睇下先走。講返餐廳先, 可能而家限聚令, 餐廳唔算多人, 但都坐滿7 成。MENU有中有西, lunch 黎講都算多選擇, 價錢中上啦。店員安排我地坐卡位, 旁邊有好多懷舊公仔同玩具display。等野食個時都有周圍望下, 鍾意懷舊FEEL既朋友可以黎試下。我揀左蝦蝦大少鮮蝦意粉, 同行朋友揀左個常餐。野飲我地叫左熱奶茶, 但好快就到左先, 未食完一半好快就凍左 蝦蝦大少鮮蝦意粉賣相唔錯, 面頭有幾隻蝦, 意粉唔會太淋同有蕃茄肉。味道OK, 可以一試。朋友個常餐因為好一般, 所以冇意見。店員話係餐廳消費, 可以係門口揀返樣文具拎走。我地今次就冇喇, 留俾有需要既人啦~但呢個IDEA 幾好

在忐忑不定的日子，總令人想回到過去........一間以舊式文具及小學班房為主題的冰室，剛於4月初進駐旺角的戰前舊樓群，讓貓人邊食邊重投童年時光。冰室內還有我最愛的貓咪插畫裝飾，伴著我度過悠閒而窩心的下晝。周末來到阿銀冰室，需要稍等一會才可入座，正好讓貓人細意看看門側的一整排懷舊文具展品廊，喚起滿滿小學時的回憶。一排排卡通圖案的鉛筆，猶如沒見多年的朋友。眼大大的洋娃娃，總覺帶點詭異風格。出賣年齡系列，你知道這是甚麼嗎？跟我講一次，入實驗室㩒緊急掣。稍等一會後，終於可以入冰室進餐了，黑板與木凳子，讓貓人彷如置身學校班房。另一端的玻璃牆則有阿銀貓咪插畫，細心看看，原來也融入了文具元素，帶有點點幽默。我倆幸運地獲編配卡位座，餐枱玻璃屏裡亦收藏了不少舊時文具，相當令人驚喜。我們點了午餐焗椰香葡國雞飯、阿銀農場紅菜頭羅宋湯、常餐沙爹牛撈丁連多士等。在這小班房裡兼各式童年文具的陪同下進食，心頭微暖，寧舍有滋味。其中紅菜頭羅宋湯，清甜無肉，據老闆所言是正宗羅宋湯配方，而紅菜頭則來自本土自家種農場。而椰香葡國雞份量不少，惟椰香味略感不足。本來還想叫推介菜式之一的蝦多士，惜數量有限，很快已售罄。整體而言