阿鴻小吃 (已搬遷) 新店位置

朋友相約去官唐工廠區食晚飯，行左一段時間先到，因為位置都好偏僻.. 聽講一到放工時段就好多人，所以一早book 7點鐘~時間尚早 只有幾抬客，好快入得.. 呢到出名鹵水，所以今餐一定有鹵水野。。我地首先叫左二樣雙拼... 另外後加蠔餅& 阿鴻炒飯，由於好好味食到忘形，所以忘記左影個炒飯，材料有xo醬,櫻花蝦,菜粒等，好足料，炒到好惹味，食左二大碗！愈夜愈多人，己經爆場，好彩早到姐^^雖然價錢偏高但有水準，會同朋友再黎食過~

一行三人去完開會，想食潮州野，去左試阿鴻只是覺得有少許名過於實，可能我經常都會係內地食潮洲菜，會有比較，因為食材始終無大陸咁新鮮，肉無咁彈口，但相對香港大部分潮菜，阿鴻既鹵水汁，非常香，當然係中上水準

人怕出名豬怕肥,尤其香港飲食文化反映更甚,不論有星冇星一經傳媒追捧,人家自不然期望昇高要求更多,對食肆而言,壓力必定增加不少.記得阿鴻小吃位於北角舊址時,其門如市,晚晚門外都排有長長人龍,大受好評;自從遷址到官塘工業區,地方寬敞了,裝修華麗了,相對坊間負評却增加不少.個人而言,覺得從前店子小小,顧客磨肩擦背,氣氛很好,有親和力..可能比較下,顧客更愛從前街坊小店風情,感覺較為溫暖.若然不是在附近工作的話,地點遠離地鉄站有點不方便..是次光顧夜市,七時多抵達,空桌頗多.我們兩名女生只點了一客{鹵水鵝併墨魚飯}($88)和{南乳粗齋}($65). 以碟頭飯來説,鵝片有六大片,而墨魚也有成十片,伴以烚菜,份量出乎意料的多;鵝片嫰滑入味,墨魚則鮮味缼缼只有QQ口感,澆以䜴油醬汁的白飯,滋味不錯.而粗齋,據悉頗為出名,材料很多有云耳雪耳紅棗銀杏冬菇甘荀金針菜豆斗,樣樣不缼,南乳味亦十足,不過對煑得過熟的黃芽白,我真的有點提不起食慾,也許茹素或喜愛老派菜式的朋友會喜歡,這才是正宗?是次晚飯,沒有失望也沒有驚喜,儼然尋常百姓的一頓普通家常便飯就是了.

观塘帝盛酒店对面的阿鸿小吃，卖潮州卤水为主，之前连续五年拿过米芝莲一星但去年星被摘了。是挺好吃的，但没好吃到一个卤水鹅片双拼饭卖90HKD。特地跑进来吃完全没必要，此上。

去完個客度唔洗返公司, 睇下附近有咩食下, 見呢間好多人, 好似好出名咁, 入到黎原來得過獎, 怪唔得.呢度主要食滷水, 咁就要個鵝片, 鵝片片得厚薄適中, 唔太肥, 入口肉質軟嫩, 滷水好入味但唔會過咸, 感覺不錯.要多個蠔仔粥, D蠔係細蠔但隻隻都漲卜卜, 鮮甜味濃, 粥底D米煮得夠綿, 但又無散晒, 食落少少咬口, 而且蠔仔鮮味落晒D粥度, 特別好味.唔怪得keep住都咁多人, 食完仲有好多人響門外等位.

今天買了五百多元外賣食物，等了一段沒有人理睬。然後有一位較友善沒黑臉員工回應了，想跟他們拿醬汁時，只是要多一盒辣油，她給了我竟然給經理話。我想說多少＄，買五百多元食物也不能給？

本人於5/10致電此店安排預訂10位枱，原本要求8/10的7:30晚膳，但回覆是晚上是要求分段時間留枱，分別是5:30至7:45及8:00後那段，那我確定為8:00這時段．於8/10大概8:00前到達，負責職員說不能確定何時可給枱，那我問為何你說要分時段，她們回覆不知首個時段的客人何時埋單；如這樣，為何要分時段？是否我可訂5:30但可一直至8時後或9時後才埋單都可以？她們對客人的態度就好像愛理不理，是否食物有好的食評就可以用這樣服務對待客人？

大約六時半到達觀塘阿鴻小吃，剛好坐滿，等了廿分鐘才有位子，當中已見多位外賣客人來取鹵水鵝回家加餸了，在觀塘由日旺到夜，沒有幾多間食店可以做得到。 首先點了價錢跟鹵水鵝有得揮的鹵水鵝掌翼，掌翼處理得好，令我們咬下去感到有咬勁，滷得又香，作前菜或送酒一流。再加碟鹵水豆腐，使用布包豆腐，滑一滑，獨特的鹵水亦非常入味。 潮式凍烏頭，來到一眼就望到充滿黃油，吃落甘香，魚肉實淨有口感，海鹽吊起魚鮮，配普寧豆醬一流。 招牌撈麵，麵質爽口彈牙，加入芽菜增加口感層次，XO醬惹味也蓋不過櫻花蝦的鮮味。 阿鴻炒飯，配料豐富包括鵝肉粒、櫻花蝦、唐芹粒、菜粒，加入XO醬炒，惹味非常，不過今天好像略鹹了點。無論如何，阿鴻小吃暫時沒有令我失望過，抵讚。

是日午餐很不想吃肉、不思肥膩！來個唐三藏餐加八戒湯來阿鴻不一定要滷水、叫番個南乳粗斎是不錯選擇。無得頂是有金針、雪耳、木耳、雲耳、支竹、紅棗及津白等多款全是我至愛。不像坊間獨沽一味的豆腐、冬菇、粉絲一大堆等。每到阿鴻定必叫老火湯、真足料！

其實我屋企人本身係潮州人，連我都受到拒地嘅感染，特別中意食滷水的產品。一般人對食滷水鵝可一比陌生，通常去打冷鋪先會食，但對潮州人來講，滷水嘢可以話係常客，家常小菜。我都特愛食，但可惜依家人在外，並唔係成日都有機會可以食到，唯有想食嘅時候就到外面食。今日忽然間就係超想食下滷水嘢同埋個蠔仔粥，堅決嘅去呢到食。叫左個双併滷水，另外再加個飯，再加一個例排的蠔仔粥，兩個人一齊食。滷水其實有好多選擇，可以併鵝，豬頸肉，元蹄，豆腐，墨魚等等。我就選左墨魚同元蹄，呢兩種可以話係我嘅鐵腳。一碟双併的份量大概有20多片，元蹄就有10多片，另外仲有6片豆腐墊底，份量都唔細。墨魚--切到一片片嘅薄片，食落去係介乎爽同淋之間，香墨魚味，滷水味不重。我略嫌切得薄左d，我覺得厚切會好口感d。元蹄--肥瘦舒中，滷水香味滲入左舊肉到，好香，好淋。食完一件之後個口都仲會有d滷水香味喺度，正。蠔仔粥--正宗蠔仔粥味，入面仲有芹菜同葱，可以增加口感之餘，又食落香d。蠔仔好大隻，食落去仲有d creamy 嘅感覺，好好味。我本人就為食底，好中意叫多嘢食，食到自己飽一飽先滿足。但如果你地想經濟實惠d都可以好似我同事甘叫一個双併嘅

放假就梗係去覓食。今日出開去觀塘，就當然睇下有咩好野食。話晒觀塘區多算有不少嘅食市。好耐之前食過阿鴻小吃一次，覺得都不錯。所以今次出黎觀塘，又去再幫襯多次。鹵水豆腐👍🏻👍🏻👍🏻鹵水野入面，我就最鍾意食豆腐！所以每見到有鹵水豆腐，我都必食。呢度鹵水嘅味道處理得相當好。放入口一食嘅時候，就已經食得出好香嘅香料味道。味道很有層次感！每種香味都會慢慢浮出來。雖然我只辨別出有花椒同八角嘅味道。但當然還有其他香料的味道，只是我說不出係什麼來吧了！豆腐也很入味，而且內裡很滑呢。真的不錯！蔡瀾撈麵👍🏻👍🏻👍🏻上次來嘅時候都已好想試。只是那次友人説不吃豬油。。。所以並沒有食。今次再次來，當然要叫吧！材料看似簡單，但其實我總覺得越是簡單，才越是考功夫吧。 什麼是蔡瀾撈麵？其實就係豬油薑絲葱絲撈麵。味道既香，但一點也不覺得膩。味道也調得剛好。不會偏鹹也不會偏淡。麵也是爽口的！蠔仔粥👍🏻👍🏻👍🏻這個完全忘記了影相。吃了落肚，才發現。這裡嘅蠔仔粥比向在出面吃的，有一點很不同嘅感覺。就係有種粥水有點黏黏的感覺。蠔仔也很大很肥，沒有不新鮮的味道。很快就吃得光光。

星期六晚要等位等了差不多60幾70分鐘座無虛席的一個晚上2個人共點了:滷水鵝片拼蒜香雞飯($90)鵝片保持一貫的水準蒜香雞惹味白飯淋上滷水汁好好味好好送飯!老火湯(加配價$16)番茄薯仔湯住家湯的味道但稍嫌湯不夠熱麻香雞腳筋($70)特色的餐前小吃雞腳筋比較少地方可以吃到阿鴻的出品好特別有麻醬的香和雞腳的咬勁但不是次次來都有供應素鵝($65)以前不懂欣賞腐皮這東西但原來平凡的材料配上優質的滷水則變得不平凡香濃的滷水汁令腐皮變得好好吃再加上阿鴻辣椒醬整件事提升了許多!

見到米之蓮先入去試下，環境都幾舒服，加上打風無人，變左清靜環境。1.南乳粗齋其實真係好普通的一道餸，就像全部恰熟了再撈上南乳醬，但除了白果全部菜我平常都愛吃，所以不會負評。2.蠔仔粥唔記得影相，個粥好一般，主要係蠔仔一點也不腥。3.蔡瀾撈面因為蔡瀾呢個名先叫，除左賣相吸引，完全唔知有咩特別，個湯好甜，唔落好食d，我鐘意麵的質感，但味道真的非常一般，普通的公仔撈麵比它好吃。總結來說，價錢不公道，略貴，可能附近多酒店，做遊客生意吧，招牌打得不錯，但絕不會做回頭客。

阿鴻小食係北角果陣已經聽過，但係由於自己住新界，返工又係九龍，因此比較少過海，但係而家九龍區有啦，當然就要試下啦！好好彩去到剛剛有兩個位，入到去就人山人海，我同行兩人就點左個招牌撈麵，一個鵝元蹄飯及一個南乳粗齋。撈麵感覺上有ｄ鹹，麵質都麻麻地，雞肉唔夠熱，ｄ菜更加係凍嘅，而個鵝飯就幾好味，鵝肉有好感，但係可能咁岩佢俾個鵝背我，無咩肉law.......而元蹄肉就不過不失啦！而我最欣賞就竟然係個粗齋，味道好fit,唔鹹又唔淡，材料品種非常多，係裡面我竟然搵到個心型紅蘿蔔片，整體味道是可接受的，但係講真價錢真係貴左ｄ，ｅ3樣野加埋都成250蚊，真係貴左ｄ！

昨晚收工收得夜，同老公喺APM附近揾嘢食。因為APM d嘢食到好悶，記得朋友講喺開源道附近有間潮州打冷好正，於是決定一試。雖然行得遠，但好彩唔洗等位😆我地叫左個例湯，滷水鵝片，蠔餅，螞蟻上樹。例湯好正，唔似味精湯，$25好抵飲,滷水鵝片好入味，好乾淨企理，蠔餅就煎得燶左d，螞蟻上樹太辣了，不過味道亦不錯。總括而言都係一間高質素的潮州菜，會再回來