陳儀興牛什粉麵 (鴻祥大廈)

营业中

休息中

📍 陳儀興牛什粉麵🌍旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸剩海參腩 ◂＄１４５✿ 未試過海參腩就試下，肉質厚實，口感粗獷，沒有一點肥肉，卻非常之濃肉味！✿ 不愛菜，但浸左入腩汁嘅生菜不得了，再加多左份菜黎食~▸ 牛三寶河粉 ◂＄６５✿ 牛肚、牛腩、牛筋✿ 清香腩汁，濃而不濁▸ 炸魚蛋◂＄３５✿ 爽彈炸魚條，好有肉汁

《陳儀興牛什粉麵 ( 煙廠街 )》旺角煙廠街1-3號鴻祥大廈地下E號舖今日行旺角路經陳儀興牛什粉麵店，心諗陳儀興潮菜館食過幾次，原來又有做埋潮式粉面，於是就入去試一試。一入門就見場內有好多香港特色壁畫幾特別，整體店內裝潢都幾企理舒適。嚟到必食牛腩，淨牛腩有好多選擇，特別嘅部位包括崩沙腩、沙瓜、牛雜、等等 試咗個海參腩，特別地方在於，牛腩連住海參一樣的牛筋部份，咬落去口感結實，非常入味。另外牛腩河麵，牛腩部位稱得soft ，湯底非常有層次，仲可以加$20轉餐有油菜+飲品/紫菜湯,入口即化，而牛根的口感則較為Q彈，麵條也很有彈性，再只係$40好抵食。另外加個小食炸雲吞，雲吞炸得非常鬆脆，完全冇陳年油味，內餡分量剛剛好，一碟有唔少，點埋個醬汁，食極都仲想食。陳儀興品牌始終後潮菜專家，估唔到粉麵都可以咁有水準，值得一試。

今日下午行過見到有位咪入去食個下午茶啦！見到佢$40 牛腩麵包飲品又唔貴喎！地方又乾淨、侍應姐姐又好禮貌、雖然係下午茶但係碗牛腩河都唔算細碗、凍奶茶都幾好飲、下次可以試埋佢個牛雜飯…. 應該都會幾好食😋！

今日同媽咪嚟到旺角經過呢間牛什麵店媽咪見到就話入去試下～入內牆身以復古方磚配上港式風格的插畫及書法，夠哂地道～睇睇餐牌先～牛什款式好多，仲有潮州粉麵同小食揀招牌 牛沙瓜(傘肚)淨食 $145賣相夠哂吸引，出面比較少有的牛沙瓜食落香嫩爽滑又滋味濃郁，而且嚼感十足，真係好好味～跟餐$26 加配炸魚皮及飲品炸魚皮酥脆香口，每口都有鮮美魚香，配上湯頭或麵食都係非常夾～招牌 牛三寶湯河 $65牛腩肥瘦均勻而鮮美多汁，肉質細膩柔軟；牛筋細膩柔軟而滑溜，啖啖骨膠原～牛肚爽脆細嫩，牛味濃郁，配埋爽滑的河粉夠哂滋味👍🏻跟餐$26 加配腐乳通菜及飲品新鮮的通菜口感爽脆，加上腐乳的鹹香真係夠哂惹味～追加小食 炸雲吞 $30外皮酥脆香口，內裡鮮嫩爽滑而蝦味濃厚，配埋酸甜醬夠哂可口～整體夠哂地道又美味的潮州麵食～招呼服務又不錯，值得再來👍🏻

好耐無去旺角行街，發現有間粉麵檔好多人幫襯，舖頭細細間，光猛企理，坐滿晒人，原來係陳儀興牛什粉麵。因為太鍾意食牛腩，見到餐牌有招牌崩沙腩，叫返碗崩沙腩米。崩沙腩係牛嘅橫隔膜附近嘅腩位，有塊薄薄嘅軟膠質，肥瘦剛好，口感爽脆，第一次食覺得有驚喜，加上煮得非常入味，超好食。湯頭主要係牛骨湯，充滿牛肉嘅鮮甜味，湯都飲咗半碗下次嚟旺角一定要再食地址煙廠街1-3號鴻祥大廈地下E號舖港鐵旺角站E2出口，步行約5分鐘

陳儀興有好多分店，呢間主打牛什粉麵，小店環境充滿香港懷舊風情，座位之間有一定距離，唔會坐到背對背，店內乾淨俐落，鍾意食牛嘅不妨過嚟試試佢～ 剩崩沙腩比較少見，位於橫膈膜附近，肚皮兩邊嘅腩位，由於兩邊展開好似蝴蝶咁，所以叫咗崩沙腩～ 上層有塊薄膜，豐富膠質，咬落爽軟，超級入味，值得一試！牛三寶麵有牛腩、牛筋同牛肚，牛腩炆得夠腍身、牛筋帶點咬口、牛肚超有驚喜，煮至入味而且第一次食到咁軟嘅，必點之選、湯頭濃郁，麵條掛汁，可轉河粉、米粉、米線或撈麵，軟硬度適中，入口滑溜，性價比高！小食款式眾多，炸物拼盤樣樣有齊，酥脆可口，一口一粒，滋味無窮、油菜同菜心都唔錯，份量比想像中多，爽脆又新鮮！最後要埋呢度嘅自家製飲品，羅漢果同金銀花茶各有千秋，清熱解毒，消暑一流，正😄

陳儀興原來係旺角開左間粉麵茶餐廳，得知後即同老友去開餐，品嘗一下佢哋嘅出品先😗。餐廳裝修簡潔，燈💡光明亮，坐位亦不會濟逼的，價錢貼地唔錯👍。首先要左個淨食~崩沙腩，腩邊皮連着d肥肉, 入口有油香感，而瘦肉的部份則軟淋，底部仲墊有生菜🥬，索埋牛腩汁都唔錯呀。雲吞撈粗麵🍜～雲吞足料，蝦同豬肉的比例都剛好，蝦爽口味道調得唔錯，粗麵撈勻加入辣椒油食就更加正。我要晒(炸物拼盤)～款款都炸得香脆香口，炸漿不厚身脆卜卜的。菜要左夠正氣的菜心，翠綠亦健康。飲品方面要左至愛凍檸茶，大杯解膩。

平時都會四圍去食牛雜粉面，呢間本身係打冷老字號嚟，近年喺旺角開埋潮式牛雜粉面店，仲開到凌晨時間，喺附近飲完酒都有熱嘢食超正崩沙腩~剩食崩沙腩份量都多，而且望落好吸引，其實崩沙喺牛嘅横隔膜位連住一點肉，所以食落有軟軟膠質口感外，仲有爽脆帶點嫩腍雲吞河都好大碗，雲吞餡料豐富，蝦與豬肉比較平均，河粉唔會一夾就爛，整體好味炸魚皮好香好薄脆，唔放湯都好食，另外鍾意食炸嘢就要叩呢款我要哂都好正，有多款炸丸雲吞㗎

根據我認識的陳儀興是食潮州菜式的，滷水、蠔餅、蠔仔粥等，而旺角就開了一間牛雜粉麵，在附近沒有甚麼直接競爭對手的情況下我在週末的下午試一試。牛三寶河($60)包括了牛筋、牛肚還有牛腩，餸的份量足夠。三款食材均做得夠淋、入味，炆出來的醬汁亦不會鹹，成功地帶出牛味，一次過可以吃到三款部位是不錯的。崩沙腩河($55)看上去相對單調，但牛腩的份量都有七、八件不吝嗇。單單食前者牛三寶裡面的牛腩已經算是不錯了，然而一吃崩沙腩就立刻感覺到兩者的分別：崩沙腩的肉質比較結實、脂肪較少，但肉味明顯比較突出、香濃，很適合那些喜歡肉味但怕太肥的朋友。除了牛肉的質素，這裡的河粉也能給予我驚喜。每條河粉分明，粗幼適中但就做得很薄又不容易斷，吃上去很輕盈，跟坊間食到的不同，因此即使食完一整碗有點份量的牛腩河都不會感到很飽膩。$60一碗牛腩河價錢的確不便宜，但這裡的質素不錯，相比起現在普通普通動輒都要$50一碗時，陳儀興的味道是有保證的，也應該是用上新鮮牛製作；喜歡食牛腩河的朋友記得來一試啊！

🙋🏻‍♂️餓底探員今日去咗旺角調查呢間潮州牛什粉麵店，店內環境衛生，座位空間闊落，唔使擔心坐到會背貼背嘅情況出現，食物除咗粉麵同客飯，仲有多款淨食餐供應，有時唔想食太多澱粉質，或者想同朋友share，淨食餐都係一個好選擇🐂淨海參腩 $145📸表示個海參腩咁深色就知滷製得好入味，份量夠多，底下墊有生菜，睇見仲要係限量供應，要食就早啲去幫襯🙋🏻‍♂️表示個海參腩食落爽口得嚟夠鬆軟，好重牛味而且滷得好入味，食到停唔到口😋🍜牛三寶河 $60📸表示個牛三寶河有牛腩，牛筋同牛肚，面頭有炸蒜，芫荽蔥放咗喺隻羹上面，方便走青嘅食客，夠貼心🙋🏻‍♂️表示個河粉口感爽滑，好掛汁，吸收晒腩汁嘅味道，牛腩半肥瘦，食落脂香味濃，口感鬆軟，牛筋食落非常軟腍，入口即化，牛肚爽口彈牙🐟炸魚條 $30📸表示個炸魚條一碟有5條，炸到金黄色配上泰式辣醬🙋🏻‍♂️表示個炸魚條炸到好香脆，口感彈牙，味道鮮甜⚠️粉麵，客飯或者淨食可加$26升級轉套餐，套餐包油菜/炸魚皮+紫菜湯/咖啡/茶，餓底同朋友分別叫咗腐乳通菜，炸魚皮同凍檸茶，通菜新鮮配上腐乳嘅鹹香，食落惹味，炸魚皮食落酥脆，份量多仲要大嚿📈吃貨指數😋好味度 8.5/10🔙返啅度 8

嚟到旺角食牛雜，朋友介紹陳儀興必點招牌五香牛雜，份量多，有牛肚、牛膀、牛肺、粉腸、大腸，最愛牛肚爽口彈牙，大腸肥美多汁，洗得乾淨。牛三寶麵 有牛肚、牛腩、牛筋牛筋入味軟淋得嚟有咬口、牛腩肥瘦均勻，一個字靚！最後再叫一個「我要晒」炸魚條、炸雲吞、炸章魚丸 、炸蝦棗丸、炸魚皮魚皮薄香脆，得一兩塊真系唔夠喉另外蝦棗丸彈牙重蝦味加錢就可以轉套餐，有埋餐飲+油菜三樣嘢加埋唔洗300蚊，唔貴。店舖坐位唔多，中午時間滿座，但等位都只系幾分鐘

牛腩、牛肚、牛筋，這些美味你一定不會陌生。無論是在熱鬧的街頭小攤還是高級的餐廳，它們都備受喜愛。然而，除了這些常見的部位，還有一些獨特的坊間佳餚，例如牛沙瓜、海參腩、牛肚邊，可能並非每個人都有機會品嘗過。旺角的陳儀興牛什粉麵，每天都以限量供應牛沙瓜和海參腩而聞名，我今天嘗試了牛三寶和海參腩，牛三寶能一次滿足你三個願望，裡面包含了牛腩、牛筋和牛肚。牛腩帶有微妙的筋膜，口感鮮嫩，每一口都散髮著濃郁的牛肉香氣，彷彿讓你置身於牛肉的芬芳世界中。牛筋燉得恰到好處，咬勁十足，不會過於柴硬，讓人回味無窮，每一口咀嚼都釋放出豐富的肉質味道。至於牛肚，它呈現出蜂窩狀的紋理，口感爽脆，每一口都能品味到其獨特的風味。而海參腩它由牛腩和牛筋組成，半肥瘦之間蘊含豐富的油脂和香氣。每一口都能感受到海參腩鮮嫩爽滑的口感。

陳儀興牛什粉麵在旺角有店，可以時常去食了。有多個牛部位選擇，還有沙瓜、牛肚邊較少見的種類。陳儀興有事頭婆涼茶，有圓肉紅棗薏米水、羅漢果茶、金銀花茶及五花茶。我手上的圓肉紅棗薏米水，甜度適中，味道清甜。可以另加$26轉餐有油菜/炸魚皮及飲品，小食炸魚皮乾身香脆。腐乳通菜，通菜脆嫩，跟腐乳味道一流。炸魚蛋 $30 形狀有趣又彈牙，有魚味。雲吞河 $38雲吞大粒，鮮蝦肉、豬肉比例均勻。每次都必食的 崩沙腩淨食 $145崩沙腩油脂分佈均勻，肉質軟腍，入口即溶，牛味濃郁，是推介必食的部位。

📍 陳儀興牛什粉麵🌍旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸ 剩崩沙腩 ◂ ＄145✿ 肉上下帶軟膠質，柔韌帶爽，愈嚼愈有肉香✿ 底下墊左生菜，索哂腩汁▸ 豬手撈麵◂＄55✿ 豬手軟淋唔痴牙，入味又唔會太濃烈✿ 邊邊位都唔見毛，去得乾淨✿ 配白蘿蔔清湯，清甜，一啖沙一淡麵好夾~✿ 撈麵會問加唔加蠔油，比太多有點過鹹 ☹▸ 我要晒◂＄４０✿ 炸雲吞、炸魚條、炸蝦棗、炸墨魚條、炸章魚丸、炸魚皮✿ 魚條、 蝦棗、墨魚條係平時潮州魚蛋店既貨色，爽口實正✿ 多拼多$10，進取左D

-陳儀興牛什粉麵🍽️-牛三寶套餐 $60牛三寶一次過滿足你3個願望有齊牛腩/牛筋/牛肚😍最正既食法就係一定要落佢個辣椒油🌶️係完全提升個味道👍食牛必定要配河粉😋仲可以加$26轉餐有埋炸魚皮同野飲超抵食！魚皮勁新鮮炸起卜卜脆😌再加杯龍鳳檸樂gur哂🥤-崩沙腩淨食套餐 $145淨食就一定要食崩沙腩佢係超級林同勁香牛味😌崩沙腩貴在佢真係同其他牛部位唔同佢完全唔會有渣👍另外跟餐再加個我要哂既炸物拼盤😋超推介炸蝦棗炸魚條勁彈牙😅仲有咸檸七叫夠哂開胃😉-🌟評分:🏅🏅🏅🏅🏅📍地址: 旺角煙廠街1-3號鴻祥大廈地下E號舖-#foodieluveat#foodisluveat_hk#foodieluveat_旺角#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #牛腩河 #牛什 #崩沙腩 #牛什麵 #港式粉麵 #潮洲粉麵 #旺角 #魚蛋河