陳師傅自製點心專門店

营业中

休息中

點心精緻，選擇較多，試業期間服務態度很好。適合兩人飲茶撐枱腳。蝦餃燒賣也改了兩粒一籠，針對2-4人飲茶。並設有多張卡位，非常不錯在尖沙咀區價錢尚算適中，不太貴。可以一試。味道也是不錯，只是有點重口味。即叫即蒸，點心新鮮滾熱辣，美味無窮。裝修簡單整潔，很光猛。而且有高板設計，特別疫情設計是也。以為未到過此店，但看見有很多熟客光顧這陳師傅新店，可見陳司傅應該點心手藝非常好，才會在試業期間有那麼多熟客。👍🏻👍🏻👍🏻

以前住新蒲崗成日都會食，食咗幾年，早幾個月知道要由新蒲崗搬去尖沙咀後，等咗幾個月終於開返，地方比以前大好多、座位寬敞好多、乾淨企理咗好多，每次都會叫返我最鍾意食嘅點心: 蝦餃、燒賣、鳳爪、牛肉、芝士蝦春卷、菜苗餃、灌湯餃同鳳爪排骨飯，食物依然保持响高水準，可惜兩大人一小朋友食量有限，其實仲想叫煎堆仔、蘿蔔糕、千絲芋角、叉燒包、叉燒腸、鮮蝦腐皮卷同蘿蔔絲魚餅😅，下次要叫多兩個friend去食先得。😋

係新蒲崗結業無耐嘅「陳師傅」終於係金馬倫道重新開業👏🏻 萬眾期待一開業已大排長龍🥢 店舖除左傳統點心仲有新式點心例如：流沙奶黃煎堆仔、漢堡仔等，夠創新👍🏻《 精製蝦餃皇 》$24 / 2「一盅兩件」岩晒二人份👍🏻 皮香但厚身左啲，蝦肉有少少雪藏味🤨《 北海道綿花雞 》 $32 「北海道」有蟹柳同獅子狗🍥 雞肉頗嫩，魚肚厚身同爽口，索晒汁好滋味😋《 鵪鶉蛋燒賣 》 $30 / 3皮薄內餡亦新鮮，木耳絲同蝦仁夠爽口👍🏻 唯獨主角鵪鶉蛋無咩味，較失色🤨《 流沙奶黃煎堆仔 》 $29 即叫即炸嘅煎堆仔，一咬咸蛋黃醬即流心出黎🤩 有咸香👍🏻 皮身軟糯，好煙韌😋《 東北棗皇糕 》 $27 少失望等左多過半個鐘但黎到中間未熟透😔 仲係半硬狀🥲《 千絲芋角 》 $30手本名菜真係出色🥴👍🏻 薄薄嘅千絲炸得好香脆好酥😋 內裡嘅芋頭咸豬肉餡亦好香口，外脆內軟又唔油膩👍🏻總括嚟講，試業期間店員都有點手忙腳亂，上菜亦較慢，等左45分鐘先齊晒野🥺 食物質素未好穩定，蒸糕有未熟透嘅情況🤨 期待佢地習慣新地方後上番軌道🥴