陳師傅自製點心專門店

营业中

休息中

落地玻璃嘅大門口見到呢個大壽桃吸引入嚟試下整潔的間隔座位寬敞舒適滋味漢堡仔 $32味道似甜餐包,包著原隻蝦粒生菜絲沙律醬賣相吸引芝士蝦春卷 $32皮薄鬆脆,內餡是蝦肉略嫌芝士味不夠濃👍黑松露燒賣（2粒）$26點心紙推介款式燒賣皮厚適中,豬肉及蝦肉的餡料有嚼感, 黑松露放在上面,有啲乾身👍精製蝦餃皇（2粒）$24點心紙推介款式蝦餃夠彈牙,但個皮厚身咗少少及有啲淋身翡翠鮮蝦腸 $38腸粉夠軟滑,餡料是大蝦及翠玉瓜,好有層次嘅口感😋咖哩土魷 $35咖哩味不夠濃醬汁太黏身

social media介紹呢間，難得今日路過去尖沙咀，就一個人去試下。今日星期六，大約11:30am 去到，新店，光猛乾淨，枱都幾密，目測約有1/3 客。一入到鋪，就聽到樓面姐姐離遠叫我隨便座，剛放低手袋，又聽到阿姐離遠叫我唔好坐呢到，行去最前果張枱坐🙃我就無咩所謂，不過應該會令到有D客唔太高興。姐姐開完茶就行開左，我初黎報到，就周圍👀👀搵點心紙，正想🙋搵姐姐就有個哥哥行過黎，拉開枱的櫃桶攞左張點心紙幫我寫左枱號，叫我慢慢㨂。剔完點心，見阿姐行過咪遞比佢囉，佢完全無接，只係邊行邊叫我記得寫枱號😓我揸住張紙呆等左3分鐘，終於等到剛才個位哥哥叫我比張點心紙佢🥱依我估計，哥哥應該係太子爺，佢地分工清晰，哥哥係負責收銀+落單，所以樓面姐姐唔會理😓等食期間，見到兩個客都係自己攞點心紙去收銀枱比哥哥落單。終於入正題講下食物：茶： 鐵觀音-合格點心：1，糯米雞 ：糯米軟硬適中，粒粒分明，糯香軟滑，有半隻雞中翼，少少咸蛋黃，大量肉粒，好多料，好豐富😋 2，蝦餃： 一籠2粒，好大粒，皮簿，但係夾起就穿，蝦肉鮮甜，多蝦，但係蝦餃竟然無筍😨總係有D遺憾。3，义燒腸： 3大條，义燒粒都多，仲加左粟米粒，味道

排隊情況：星期六中午十二點幾入座，唔需要等位。但過多咗兩三個字就見出面要等。但今日兩人就要搭枱，唔舒服，枱都唔夠大仲要搭檯，張檯同時只可以擺到3碟野食，多啲都隨時跌落地，蒸籠仲要棟住黎擺。飲茶最重要係個茶，真係好唔掂，無茶香另有啲怪味，懷疑係佢地個茶袋問題，第二次加水飲落仲有啲鏽味。仲要茶壺個嘴崩晒有啲漬，已經覺得唔太衛生。就連腸粉隻碟都崩嘅。食物質素：一般至低。如果真係要食，個人覺得百花釀魚肚幾juicy，豆苗餃入面啲蒜唔錯。但千祈唔好叫流沙奶皇煎堆仔！未試過食一團粉嘅煎堆張相影得真係樣衰咗啲，但就咁望都見到嗰團粉，嗰啲唔係奶皇，係煎堆嘅皮。真係咬咗一半就食唔落。腸粉不過不失，但略嫌腸粉個皮厚咗啲，如果薄返少少會更好。仲有個生炒糯米飯，本人比較小食，但感覺啲飯真係有啲硬，覺得有啲哽胃，唔知係咪本人食得少唔識野，但真係食唔得多，加上佢啲花生唔新鮮，有啲淋。真係有啲一粒老鼠屎，壞了一鍋粥嘅感覺。服務：其實都無乜服務可言架啦，繁忙時間唔夠人，個茶想加熱水都至少叫三四次先加到。呢間真係無下次。本身無諗住打食評所以無影到相。但我見新開一排大家都可能想知就盡量分享一下。

🍽🍽☕☕🌭 🍔 🍟 🍕☕☕🍽🍽-如果大家有去過新蒲崗，我諗唔少人都會知道老字號專賣點心嘅「陳師傅點心專門店」。最近佢本店搬遷去到尖沙咀，以後再唔洗山長水遠入去試好嘢！適逢當日試業，又睇下搬咗舖又keep唔keep到水準啦！-🥢🥢薑蔥牛柏葉($35)又爽又彈非常入味，同舊式茶樓嘅口味有得比！-🥢🥢東北棗皇糕($27)茶樓比較少見嘅點心，層次分明而且帶紅棗嘅清甜，糕質彈牙，好食！-🥢🥢流沙奶黃煎堆仔($29)港式點心，又點少得炸點呢？煎堆真正流心，入口好香奶黃味，無得輸。-🥢🥢精製蝦餃皇($24)佢啲蒸點唔少都係兩粒兩粒咁計錢，啱晒兩個人撐枱腳。蝦餃皮做得好好唔會散開，入面落得料，24蚊兩隻出面點搵啊！？-🥢🥢魚子燒賣皇($24)「一盅兩件」嚟講燒賣都係必食之選，蝦同肉嘅比例啱啱好，味道唔錯。-🥢🥢山竹牛肉球($24)茶樓點心入面，「山竹牛肉球」都算係經典之一。牛肉球食落去好有牛肉味，而且嫩滑、爽口、彈牙，建議之選！-🥢🥢陳皮牛肉腸($30)對比其他點心，依個就比較失色少少。腸粉皮厚而且牛肉份量少，食落口無咩陳皮同埋牛肉味，似食齋腸多過牛肉腸，店家可以改善下。-🦁評價🦁食物 9/10環境

呢度啲點心有傳統款亦都有新潮款, 絕對唔會令你失望🤩 今次我地試左11樣唔同既點心再加2個飯, 樣樣都好滿意😍臘腸卷($28)呢款傳統點心而家唔多地方有, 肥美既臘腸包係白色既包入面, 熱辣辣好新鮮😃脆皮銀絲腸($34)白滑既腸粉包裹住鬆化既內餡, 外軟內脆好正唷, 而且唔多地方有得食, 黎呢度絕對要食👍🏽蔥花蝦米腸($30)一大碟軟綿綿既腸粉熱辣辣咁上, 蔥花就夠喇, 但係蝦米味唔夠🤔東北棗皇糕($27)養生之選既中式糕點, 每次飲茶都會叫, 呢度既比較堅挺, 而且又唔會死甜🤤黑松露鳳眼餃($38)餃子既形狀好似隻眼咁, 中間黑色既黑松露就好似眼珠咁, 綠綠白白既餃子皮包住彈牙既蝦肉, 口感同味道一樣豐富😍咖哩土魷($35)魷魚既份量多, 有大大條爽口彈牙既魷魚鬍, 下面仲有啲刀削麵碎, 咖喱汁味道剛好唔會太濃烈🙂薑蔥牛柏葉($35)牛柏葉夠爽口, 唔會腍啤啤, 仲有啲胡椒味同埋特製醬汁, 味道豐富得黎幾特別🥰畔糖馬蹄糕($24)金黃色得黎又夠挺身, 重點係甜味夠天然, 如果馬蹄既份量多啲就perfect 喇😙蘿蔔絲魚餅($29)三大塊彈牙魚香既魚餅, 唔太食到蘿蔔絲, 當普通魚餅咁

新店自然多人食，個個貪新鮮，舖本身唔大，只有兩張圓檯，幾張卡位，中庭位置嘅檯擺得好密又細張，好迫，仲加張摺檯，好困聲🙈。侍應無制服，所以唔係好知係侍應。點心款都好多，都算幾快有，全部啱啱蒸起嘅，蝦膠魚肚，個魚肚幾好食👍，不過蝦膠就唔彈牙。栢葉個胡椒重手咗啲，有麵托底有啲怪😅。鳳爪排骨飯幾好👍, 茶介每位八蚊，香片無乜香片味，埋單自助，收信用咭💳👍, 系統快，年輕收錢又快💪走時好多人排隊，好誇張🙈

以尖沙咀平民點心店黎講呢講算係幾唔錯，首先易搵，tst地鐵站B2出口過去5分鐘都到，再講講價錢，食左5碟野 （叉腸，排骨飯，千絲芋角，流沙奶皇包，東北棗糕）加埋茶介8蚊個，2位總數都係159數。晚市每人7x幾食到飽算係咁，質素就平穩,中上，每次飲茶必叫流沙奶皇包呢間就唔係好流沙，所以算一般，但個叉腸就做得唔錯，皮都算簿，所有野都不過不失，都值得試下既。最後都值得講下環境，好多呢d點心店都唔係咁好坐，但呢間都算好多卡位坐，感覺乾淨，光猛，所以成餐飯食落唔似好cheap既點心店，我都幾肯定會再幫襯

今次又去飲茶啦... 新開嘅茶檔有好有唔好嘅地方。嘢食真喺唔差，喺上菜時間慢咗啲，有少少甩漏 蜜汁叉燒包 $23 （3個 ）叉燒味喺有嘅 ，但蜜汁就唔算多 。流沙奶皇包 $26 （3個 ）不過不失啦 ，如果佢都喺23蚊都OK嘅。翡翠鮮蝦腸 $38有3條腸粉，一早會剪好 ，前後都有大蝦 ，爽口得嚟又彈牙，啲粉都唔會太厚，冇記錯都喺推介嚟 。鷯鶁蛋燒賣 $30 （3個）好耐冇食啦，真喺好多回憶，勁中意食佢，如果樣樣都加到廿幾蚊，佢依家都只喺 30蚊 ，應該唔算貴吧？黑椒金錢肚 $33最近發現自己一飲茶，就一定想食佢，呢間嘅金錢肚，有反原味，冇漂白 又彈牙 ，塊塊都好厚 ，算抵食。山竹牛肉球 $24山竹都幾大塊 ，牛肉球啲肉都OK 唔會太老，純粹喺啲汁唔夠濃 ？？梅菜肉餅飯 $30 個肉餅飯 ，同事話有啲咸 ，但我覺你得都還好嘅 ，而個飯一個人食 ，加一兩點點心都夠。板燒煎釀茄子 $39有燒茄子嘅脆，但冇茄子味，但上面塊肉都OK。茶位 $8 我發現佢哋整嘅肉都做到嫩肉彈牙，其他就難講啲 。

新開張多甩漏都算啦，服務態度一般般，侍應十問九唔應，每人8蚊茶芥，仲要再收加一服務費最令人唔可以接受嘅係竟然俾一籠完全未蒸熟嘅燒賣俾客人，食咗面頭嗰粒蝦，先至發覺入面啲肉完全係生嘅，當堂嚇親，萬一食咗落肚就真係大件事。個蝦餃皮又厚又易散，十分之難食芋角好油膩，入面嘅餡味道好淡，收呢個價錢完全唔可以接受最離譜係呢個綠色嘅尖椒，辣到不得之了完全食唔到，而且入面嘅辣椒籽仲喺度沒有清洗乾淨，食咗一啖就放棄咗，我懷疑係咪真係有人食到？點解會俾啲咁嘅嘢客人食？仲要收$40一份係咪有啲離譜呢

又係等男朋友放工之夜呀！喺尖沙咀行下行下經過呢間 明明寫住試業 但入面都坐滿，咁就入去食喇！點心款式都尚算多。由於我唔係好肚餓，我地嗌左5樣野咋！ 先上呢個流沙奶皇煎堆仔。本身我個人無乜特別喜好，咬落去好熱，入面好多水好液態，果時心諗：e..點解咁水嘅？ 但食落去味道意外地唔錯喎！之後上呢碟蘿蔔糕都煎得幾香口，而且你可以睇到塊蘿蔔糕切得好厚😳 呢個鵪鶉蛋燒賣同生炒糯米飯都好好食呀^^ 好耐無食過呢樣燒賣喇，唔係好多度都仲有得食最後 呢碟咖哩土魷 我覺得魷魚份量唔少了，而且咖哩又唔會太搶 恰到好處 呢間點心舖環境舒服寬敞，坐落都feel到有一大班熟客捧場，所以試業期間都咁多客吧

其實準備好營業未？昨天見門口花牌新開張，今日下午三點零入去買外賣，坐低考慮時，䣓離枱男士話點心好味，咁我揀四個👍🏽點心就俾＄坐低等其間見侍應姐放碟煎堆俾䣓鄰枱男士時其中一個煎堆仔碌咗落枱面，亞姐呀一聲隨後說煎堆碌碌啫，咁就行開咗🤷🏻‍♀️個男士又有得佢噃🤦🏻‍♀️坐陣睇清楚張單原來有個錯咗，同收銀講，佢搵番張點心紙發現落錯單，咁改啦，咁啱四個點心入盒出櫃枱，咁決定取消漏咗個點心因再等其餘點心會攤凍，退＄帶三個點心走⋯食評：炸蜆蚧鯪魚球🤦🏻‍♀️最重要嘅蜆蚧失蹤！😡醤呢？俾漏咗？！脆皮銀絲腸🤦🏻‍♀️第一口食餡脆但有油溢味，又係咪要用咁多咁嘅油炸呢？！蜜汁叉燒包🙂包皮鬆軟合格嘅結論～暫時都算吧啦⋯

昨天見門口花牌新開張，今日大約1545入去買外賣，坐低考慮時，䣓離枱男士話點心好味，咁要四個👍🏽點心俾＄坐低等，坐陣睇清楚張單原來有個錯咗，同收銀講，佢搵番張點心紙發現錯咗，咁改啦，咁啱四個點心入盒出櫃枱，咁我決定取消漏咗個點心因再等就其他點心會凍曬。退＄帶三個點心回家⋯炸蜆蚧鯪魚球🤦🏻‍♀️最重要蜆蚧失蹤😡脆皮銀絲腸🤦🏻‍♀️第一口食到油溢味蜜汁叉燒包🙂包皮鬆軟合格結論～暫時都算吧啦⋯

今日新張作為街坊緊係要黎試下啦，裝修簡單舒服，幾好，但卡位有d窄，起身比較逼。蝦腸唔錯，蝦餃有待進步，其它都Ok，性價比算Ok，下次再黎試其它點心啦，祝生意興隆！

點心精緻，選擇較多，試業期間服務態度很好。適合兩人飲茶撐枱腳。蝦餃燒賣也改了兩粒一籠，針對少人飲茶。在尖沙咀區價錢尚算適中，不太貴。可以一試。味道也是不錯，只是有點重口味。裝修簡潔，燈光比酒樓光猛，餐枱以四人枱為主，設有多張卡位，很適合情侶💑撐枱腳，三四人家庭也非常適合，在尖沙咀區，應該大有可為。小店服務也比較貼心，很有家庭經營感覺，份外親切。在食用期間，看見很多熟客尊誠到此新店試陳司傅手勢，可見這店有一班欣賞陳司傅手藝。

點心精緻，選擇較多，試業期間服務態度很好。適合兩人飲茶撐枱腳。蝦餃燒賣也改了兩粒一籠，針對2-4人飲茶。並設有多張卡位，非常不錯在尖沙咀區價錢尚算適中，不太貴。可以一試。味道也是不錯，只是有點重口味。即叫即蒸，點心新鮮滾熱辣，美味無窮。裝修簡單整潔，很光猛。而且有高板設計，特別疫情設計是也。以為未到過此店，但看見有很多熟客光顧這陳師傅新店，可見陳司傅應該點心手藝非常好，才會在試業期間有那麼多熟客。👍🏻👍🏻👍🏻