陳廣記茶餐廳

营业中

休息中

夏天食茶檔真係一大挑戰下午茶時間唔多人即叫即炒，大大碟今日叫左「星洲炒米」 真係好耐無食過有叉燒、蛋、蝦仁配黃薑粉同埋咖哩粉調料都岩岩好唔會太辣，味道不錯叫多極凍檸茶，係啲個炎炎夏日都真係幾唔錯！

平時都係灣仔返工，有時開平時嘅嘢都想轉下新口味。眼見斜路位有間茶餐廳，即管試下啦。呢間茶記都好多選擇，餐牌我無影曬咁多款。我就叫左個，生炒雞柳炒飯，上菜之前我諗住喺一條條的雞柳，原來係已經切碎左再炒埋一碟，其實味道多選不過不失，正常茶餐廳水準，可能我本身比較細食，始終都係食唔哂。同埋呢間茶餐廳大部份算喺戶外位置，我食個中午飯，熱到成身都濕曬，如果怕熱者不要在夏天來食。不過喺灣仔來講，60蚊左右食到 D 咩野呀所以可以接受。

疫情期間都少咗出去食午餐，聽同事推介試左陳廣記嘅咖喱豬扒飯跟埋餐飲凍檸茶外賣$62。價錢唔算平，不過份量都算幾多，咖喱汁上面全部都係青椒同埋洋蔥，咁啱呢兩樣嘢我都唔食嘅，而且睇到兩者都係比較生唔係淋身嘅。白飯整體偏濕，唔係硬飯，但咖喱嘅味道幾好，係偏港式偏辣，汁唔杰身但係好惹味，幾啱送飯。而且份量都幾多，細食嘅女仔都可以食到兩餐。凍檸茶質素正常。間唔中經過見到都幾多男人食，仲多數會食煙，因為有室外位置，而且座位都唔算闊落，所以買外賣都係一個好選擇。

今日中午，同朋友過咗灣仔做嘢，做完嘢求其搵間茶餐廳諗住食個午餐。行吓行吓見到呢間舊式嘅茶餐廳，有少少好奇，坐行咗入去試吓。間舖頭嘅裝修冇乜特別，但就有一個瞓係露天嘅，方便食煙人士去食午餐嗰陣都可以食兩支煙。坐低之後我叫咗個時菜魚崧飯，同埋一個涼瓜湯。過咗冇耐，餐廳啲夥計就拎咗個飯過嚟。我見到啲汁已經都冇乜胃口，但係因為行咗太耐實在係太肚餓，所以就食咗兩啖。佢個湯中規中矩，可以接受。呢間舖頭值得贊既係佢份量足夠。

喺灣仔附近返工,午飯時間多數食開茶記,貪佢方便快捷,出品速度又快,今日就行到去公司附近既陳廣記,平時經過就見得多,今次第一次去試食,當試下新野。印象中陳廣記開業好耐啦,店舖位於石水渠街條斜路度,平時都多寫字樓職員同埋三行工人幫襯,但係都唔算難揾位,不過佢冷氣就唔多涼同埋佢有户外座位,夏天坐出去都真係幾難頂。我食果時食店入面清一色係男士,亦都不時聽到廚房傳黎炒野既聲,因為佢午市都係供應炒粉麵飯。叫左一碟肉絲炒麵+凍檸茶,總共62蚊,作為第一次幫襯,價錢有d貴啦,因為我平時食開50蚊一餐。肉絲炒麵味道唔錯,麵底炸得卜卜脆,再鋪上大量肉絲,銀芽同淋埋茨汁,溝埋一齊都ok 既, 不過好油膩,食完之後滯左成個下晝見到隔離枱食芙蓉蛋飯,賣相幾吸引,一塊巨型既煎蛋笠住d飯,好似幾有鍋氣,下次可能試下。若果想快手食個午餐,又唔想排長龍,對食物冇太大要求,可以去陳廣記試下。

星期天早上，只想吃一個普通又平凡早餐，走到藍屋附近一間茶餐廳。選了火腿米粉，雙蛋(半熟),牛油方飽，熱咖啡。喜歡稍微煎過的雙蛋，看着蛋汁流到整塊麵包，麵包都變成黃色，太好味。咖啡也不是一般連鎖快餐店可以飲到的， 咖啡味香濃！

早餐時間早上九點，經過呢間食店，友人話想食，於是入去坐低，我叫一份早餐A要叉燒通粉，店員立即告之「無叉燒、無通粉」，心諗唔係呀，賣早餐連通粉咁大路都無，我唯有改叫「腿蛋米粉」。結果我突然聽到廚房大叫，有通粉喇。我即刻叫店員改返通粉。最後甫上枱的腿蛋通，唔好味，唔合格，以後唔會再光顧。

這是甚麼鬼斧神工，刀工之細膩，盡顯其功價，令人欽佩。放進口中瞬間完全感受到廚師那份「心」，以及他用畢生的努力苦練出來的刀法，令它入口即溶，口感獨特，吞下時更有江水滔滔不絕的感覺。他，能將午餐肉（是的，這片是午餐肉）的精髓及鮮味帶出，真是不得了。我：餐蛋麵，唔該。（瞬間麵到）我：唔該我要餐蛋麵，唔係腿蛋麵喎，係咪落錯枱？樓面：呢塊咪餐肉囉。我：⋯⋯（火腿咁薄，總之喺大龍鳳食啦？！）

午餐時間行到藍屋附近，冇咩食，似乎呢間最大最多人，人迫人坐得唔會舒服，叫咗鮮茄牛肉飯。全碟飯除咗一塊牛肉，其他我只能叫佢肉碎，細到手指頭咁大。鮮茄更加少得可憐，其他餐廳點都會有三幾舊番茄你食下囉，佢只有啲汁。或者係我叫錯咗鮮茄汁牛肉碎飯啦，40幾蚊，想我再去都難。

今天，難得的去了這間茶餐廳買外賣，難得是因為lunch time去這間茶餐廳買飯盒是要等差不多20分鐘的!! 不過，由於實在很想再吃那個菜遠牛腩炒河，而今天又可以提早吃lunch，所以先可以吃到這個炒河~! (非繁忙時間只需等約5-10分鐘)不過，總括而言，這都是一個頗美味的菜遠牛腩炒河~ 令我想一吃再吃~!

石水渠街, 甚少到的地方, 斜斜的一條路, 在路口的彎處的一間舊式茶餐廳, 已過午飯時段, 入到去阿姐問食甚麼? 我連餐牌都無睇就答: 炒飯啦…. 加多杯奶茶, 先來了奶茶, 幾好, 茶味香, 奶適中, 等了5分鐘左右, 炒飯到, 炒得不太乾身, 但食落又不覺得太燙噃, 而且材料算不少, 很多义燒粒, 還有生菜, 蝦, 蛋和蔥等, 特別提一提, 蝦仁只有兩粒, 但都不算細粒的, 而且沒有蝦屎, 好過街外一些食店, 多些蝦, 但細粒又有蝦屎, 見到都唔想食, 一套收$30, 幾底噃!

2008年8月16日早上8:30 我由細到大都響附近讀書, 啊媽有時唔煮早餐都會帶我去嘉鳳食, 日日都好多人O架, 細細個心裡面都會諗, 點解對面果間噤少人食??? 我今日終於知道答案啦! “難食囉!” 我同沙牛男友見勢色不對, 都係叫一碗SHARE下先, 果然唔得. 牛肉無味, 煮得求其, 唔掂囉! 我食咗兩啖就埋單去番嘉鳳, 費事SIDE QUOTA.無下次

如果這是風月版, 看標題, 10分鐘完事.......令人覺得筆者有點兒不中用...不過, 10分鐘完事是說我的狼吞虎嚥技巧同茶餐廳Serve客速度. 為何要10分鐘完事, 因為中午到了胡忠辦事, 又要去 "you ju", 行路已經用了超過5分鐘時間......故, 一定要快.石水渠街, 應該不用等位, 一坐底, 問一問姐仔, 有甚麼快. 阿姐快人快語, 叉蛋飯最快, 我亦二話不說, 就叉蛋飯, 凍奶茶. 姐仔即時大叫, "叉蛋飯, 快馬"一轉頭, 手機未準備好, 冰凍奶茶拍一聲到來, 之後果然快馬, 由我落order至有野食, 不用三分鐘.可能是快馬, 一隻靚靚的太陽蛋鋪在面, 把蛋黃拮穿, 令蛋黃滲入叉燒及飯中, 這小小流質的東西, 加上甜豉油, 是食太陽蛋必備之物.狼吞虎嚥, 完事還未到1點, 行返出胡忠, 搭4要回崗位, 都係上巴士為妙.

been there after the typhoon had passed, a sunny afternoon, brunch of friends arrived in chai wai and taking photographs for this unique region.it was burning hot, after we had taking more than an hour, we decided to sit in any "tea resturant" so we can cool down and rest our thristy buds.i have ordered 西多士and iced coffee, others ranging from instant noodles to 奶油多etc.coffee was typically tea resturant style, which is normally quite sweet. but friend's buttered toast was really good looking with

去石水渠街探朋友班，他說來這裡午飯最好，因為屬半露天，可以吸煙。這裡是街坊茶檔格局，幫襯的大多是附近工作的工友，環境一般，而多數人客也是坐低就叫野食，食完就快快走的。想也不多想，就要了個叉蛋飯。蛋煎得全熟，沒有美味的蛋黃。叉燒一先色澤已不對路，硬硬的，一無是處。反而醬油沒有多下味精，而飯底也頗多，包夠飽。友人那碟豉椒牛肉炒河都幾夠鑊氣，係芡汁重手了一點。連凍飲一杯，三十蚊有找，又幾經濟的。