陶源酒家 (已結業)

12月食大閘蟹已是尾水，基本上都唔期望會有爆膏嘅蟹喇，叫做盡最後努力食埋今年最後一次，跟住就疊埋心水等出年先再有得食了。一開始食頭兩隻係好失望，蟹可能唔太新鮮就死就死，食落無蟹味兼且仲水水地（蟹一死肉就會化水跟住發臭），諗住食多兩隻就收手。點知第三隻開始個質素又响返度喎，有膏、甘香肥美。所以食蟹有時都好睇彩數，就算同一批蟹，每一隻嘅個別質素都可以唔同。好彩之後食嘅全部都正常，終於發揮後勁食咗好多。今餐全部係蟹公。油鹽焗嘅好好味，但始終油咗啲唔可以食太多。值得一讚套餐包嘅其他嘢食都好味，壽包好大個建議要share食，奶豬皮脆肉嫩，抵讚。

因為一早book 左位， 所以雖然係兩人限聚令重新生效的第一日， 都同友人上來食大閘蟹放題。 去到現場， 成場空蕩蕩， 連埋我個枱， 都係得4-5枱客。 去到的時候，仲有一個疑似經理的長髮女待應仲好好招待， 執咗下我哋啲位， 又問你飲咩茶， 仲提叫你要快啲落單。 呢個時候我哋心諗， 今次幾好喎， 又唔多人， 服務又好似唔差，應該唔會有之前食評提過既問題啦。但， 青年你太年輕了，一切只是假象。首先係最重點的大閘蟹，一來佢哋供應的大閘蟹好細隻，細個一個成年女士的手掌心🤚🏾，二來佢哋供應的大閘蟹無咩蟹膏， 又因為佢啲蟹細隻， 所以連蟹肉都無咩，結果係無蟹膏又無蟹肉食。 然後你會見到有3 種口味，好似好難揀？ 唔洗擔心，因為3 種口味，味道上無分別，係鹽焗個款大閘蟹，面有陣牛油味的油，但食落你係分唔到３隻味有任何分別。再加上佢啲蟹又唔係新鮮，所以蟹又無蟹味， 成個感覺就係成晚係到拆蟹。 雖然佢啲蟹咁低質，客人又少， 你就以為啲蟹會上得快？ 事實係， 我哋7 點正入座就落第一轉大閘蟹（每隻味一款，共６隻蟹），然後食佢每人限一份的前菜，食到７點１０分我哋順勢落第２轉蟹（清蒸每人２隻；花鵰每人１隻，

諗住試吓呢間$488放題，乳豬、主食、甜品任叫任食，點知難食到⋯⋯🤮🤮🤮🤮🤮清蒸、花雕、鹽焗冇差別，只有一種味⋯⋯冇味🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️職員話隻隻有四両唔信磅下，食過大閘蟹嘅人睇圖都知，點睇都唔似囉！😒😒😒😒😒(提示：大家食飯記得帶個磅出街喇）諗住會爆糕？你又諗多咗喇！唔俾隻疑似⋯⋯’死蟹‘你(已經好好彩)💀💀💀💀💀任食乳豬？每隔30分鐘出一、兩隻超細豬，每人攞到兩、三件，大概第十一個人就可以埋位(攞番隻⋯⋯空碟)等多半粒鐘啦！🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️唔怕，仲有主食！想食炒粉麵飯小菜？Sorry 囉! 你又諗多咗喇！食壽包,奶皇包同糯米飯填肚啦！🤥🤥🤥🤥🤥只有甜品似樣D⋯⋯‘淋’麻花除外🤭🤭🤭🤭🤭咁嘅食物質素，你覺得D職員態度會有‘幾好’😑😑😑😑😑食完呢餐，大家只有一句: 攞$450去酒店食 BUFFET 好過啦！🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬(85折加會員卡5%discount，要加一㗎!）P.S. 從來唔寫食評嘅我頂唔順都要寫返轉🙄

我諗係我食過最差既放題啲蟹等左勁耐先嚟，啲職員亂咁送餐，明明張枱無叫糯米飯佢就求其放低是但一張枱就算，我地就落左好耐單都無嚟糯米飯，職員叫我地重新落過單，浪費時間等。食6點，7點左右就有乳豬，幾秒就派晒，個個係度排晒隊，問啲經理仲有冇得派，佢話有，5分鐘就有，大家繼續排，5分鐘過後，問佢點解仲未有，佢地就話師傅岩岩燒，要等起碼10分鐘，唔通未熟拎出嚟咩！！惡過你，拎到出嚟派喇，後面有食客話，等左起碼20分鐘先嚟，唔係掛！黑衫經理惡過你，你可以唔排嫁喎，無人叫你排！尖沙咀既服務態度？？？？？？慘過乞食囉！張紙寫，朱古力奶皇包，但嚟既係普通茶樓食既奶皇包，焦糖燉蛋，係無焦糖既，貨不對辦！比錢食飯，慘過乞米！

10月中有客人請我食左1次，期間有個星期去左第2間食，相比之下陶源比較好食，所以11月8日晚，休息帶埋呀仔同老友又黎食多次乳豬脆卜卜，不過要留肚唔敢食太多我好欣賞呢個潦参小米粥，好夠熱，而且都足料，呀仔唔岩食益我食多碗😁飽魚我麻麻地，小棠菜我都唔多鍾意食，所以無細味呢道菜色🤣蟹粉豆苖正呀！最愛食豆苖，點整都覺得好食糯米飯真係唔敢多食，怕食濟個胃，不過糯米飯我始終覺得生炒先至最好味呢個湯圓薑茶好夠味，夠薑夠辣，個炖蛋亦非常好食，又綿又滑👍我食過好多地方既紅棗糕都一係超甜一係無味，呢度整得好好食，煙煙UnUn，甜度岩岩好，仲有碗楊枝甘露，呀仔同老友都讚好食第1次食果晚，我食左16隻半，第二次我就食左17隻，真係食番夠本呢間食左2次，係出蟹時間比較偏耐，其他都Ok

近日又是吃大閘蟹的好時機，今天結伴到尖沙咀「陶源」吃蟹，看著日落，品嘗一隻又一隻大閘蟹，有清蒸，花雕及鹽焗三款，邊聊邊吃，二個人竟然創下此佳績，蟹鮮，美甜，服務態度賓至如歸，盡覧尖沙咀美麗夜空，可能因為疫情所限，當天只有4，5枱客，其實除了吃蟹，其他食物，也相當美味，性價比超高。

好少會自己想去集團式茶樓食飯,  多數都肯定係同一大班親友或者父母食今次就同爸媽食, 諗落限聚之後好耐冇三個人出街食飯呢間陶源係對住維港的, 唔係反哂光同好多柱遮住的話, 係幾靚的當晚見到恆生enjoy卡有D套餐幾抵, 又冇限成枱人都要每位叫同一個套餐, 於是我地叫左隻長腳蟹同埋2個套餐3個人share呢個湯, 有D粟米咁, 冇咩味, 而且個海參冇味, 又唔軟糯, 冇既咪浸唔耐炆唔透的狀態, 都唔要求乜野啦係呢間食呢堆夥, 個燒腩又幾驚喜, 好好食好脆好新鮮呢個乳鴿都好夠味, 燒得唔錯好好味鵝掌我唔食的, 咁西蘭花同冬菇又係煮唔透咁, 硬左D, 而且冬菇都係芡汁還芡汁, 菇還菇, 唔入味的其實懷疑係我媽長期太有心機同時間浸乾貨同埋去燉, 所以好好食, 出面食的好求其, 一係去靚D的地方食, 又貴, 取捨啦呢個魚, 都係鞋同乾嫁喇, 但實實在在係食緊舊魚的味既呢隻蟹, 5斤, $388/斤, 其實極度唔抵因為比起前年黎食, 唔知係蟹的生長問題, 抑或酒樓呃秤, D蟹腳肉好瘦, 已經不復啖啖肉情況近年咪好多網購海鮮既, 我都幫襯過2間買海鮮, 有次都有試買長腳蟹, 平好多而且好大隻, 係超

較早前六月份時，親戚們一行八人進食的，即使生活忙碌偶爾也要與親人相聚一番，酒樓是老少咸宜的選擇，所以我們便挑選了位於交通方便的尖沙咀分店。秘製妙齡王子鴿餐廳選用的是妙齡鴿，也就是指出生了22-23天的乳鴿，表皮金黃酥脆，內裡肉質飽滿厚滑，味道肉味濃郁，鮮嫩入味。鴛鴦黑金蝦餃皇蝦餃皇一籠四件，有兩種款式，白色的與一般蝦餃外型無異，表皮晶瑩剔透，另一款則表皮色澤烏黑，加入少許金箔作點綴，賣相高貴吸引，兩款蝦餃入口外層厚薄適中，柔韌軟糯，內餡豐富飽滿，鮮美爽滑，香嫩彈牙。鳳梨鹹水角把鹹水角製作成梨子形狀，賣相精緻吸晴，炸至色澤金黃的鹹水角外層酥脆香口，煙韌軟糯，內裏餡料豐富，鹹香中帶有一絲甜味。筍尖原隻鮮蝦餃蝦餃外層晶瑩剔透，皮薄爽韌，內餡飽滿實在，鮮嫩爽脆的筍尖配搭肉質肥美彈牙的鮮蝦肉，用料新鮮，口感爽滑鮮美。極品原隻鮑魚燒賣鮑魚燒賣一籠兩件，特別之處是燒賣頂部配搭有鮑魚，燒賣口感爽滑彈牙，軟嫩鮮香，鮑魚則煙韌彈牙，香軟細嫩。沙巴鮮蝦燒賣皇鮮蝦燒賣皇大顆飽滿，入口鮮香味濃，嚼勁十足，餡料的蝦肉新鮮充足，爽口彈牙，蝦味濃郁，配上清脆鹹香的蟹子，口感更豐富。陶源鮑汁叉燒包叉燒包上桌時熱騰騰的，

同朋友食晏家下變到越黎越大枱，bb呀！姐姐呀！伯母呀！坐下坐下真係一圍先夠！就唔好煩啦！就開一圍飲茶～陶源真係好少去飲茶，I-square 不嬲少人，就去試下啦！上到去環境幾闊落，而且個景觀都好開揚，舒服丫！唔洗迫咁多人緊係要叫多嘀餸啦！多人有個好處，就係可以試多嘀平時少人難叫嘅野嘛！同咁多人實有人包底，唔怕做大嘥鬼！有細路喎！緊係要嗌豬豬流心包啦！個天鵝酥都做得好精緻個燒鵝我覺得幾好食，唔太肥，起碼唔會成層厚肥膏咁，唔柴海蜇鴨舌正常酒樓發揮啦，個鴨舌有酒香，唔錯燒腩仔個皮夠脆，同其他酒樓咁上下啦！其實我唔知自己麻木咗，定係好彩，好少食到好難食，或者我要求太低，我見呢間酒數都幾多負評，我又覺得唔係咁差，就係一間好中規中矩嘅酒樓，唔想等位，又唔想枱同枱之間咁迫，景觀好，咁就呢間囉～

姐夫家姐請飲茶，不過疫症下外出飲食亦要格外小心，今次姐夫選擇嘅中菜館真係令我食得安心，唔止環境闊落，枱同枱嘅距離夠大，而且食用餐具會浸喺100度熱水裏面，客人嚟到先設置，確保乾淨。職員帶我哋去到落地玻璃前嘅餐枱，窗外嘅海景真係令人感覺舒適，可惜今日嘅雨又霧遮擋咗一半。食物方面味道唔錯又足料，賣相精美，而且籠籠都出緊大煙，好新鮮。服務方面職員有禮有笑容，而且午巿正價食品有8折，環境服務品質嚟講性價比幾高。笋尖原隻鮮蝦餃，粒粒都飽滿，蝦肉爽口，皮唔厚，夾起亦無爛，唔錯。沙巴鮮蝦燒賣皇，大大粒，漲卜卜，幾好。不見天韮皇鮮蝦腸粉，每件腸粉都有粒大蝦仁，腸粉幾滑。香滑馬蹄牛肉腸粉，呢個我覺得牛肉太淋，味有啲怪。鳳梨鹹水角，好可愛嘅造型，咬落去又熱又軟糯。芋絲脆春卷，新鮮炸起，好香脆。豉蒜蒸新鮮排骨，排骨新鮮肥瘦適中，入口有少少油潤感，好味。醬皇豉蒜蒸鳳爪，鳳爪夠入味。高湯花膠瑤柱灌湯餃，有塊膠同蟹柳喺面好養眼。椒鹽雞軟骨，炸得幾好，夠脆，又唔會太乾太硬，好味。海蜇燻蹄，燻蹄夠厚，味道可以無特別。養顏紅棗糕，唔黐牙唔會太甜，唔會有膠嘅口感。招牌奶皇千層糕，好鬆軟，有奶皇味及蛋香味。

今日嘅晚飯本來是開心的，食物質素不過不失，尚可。但要講講一樣怪事。今日好日子，有擺酒，有晚飯宴會，所以散枱晚飯唔多，只剩下8張枱，其他圍晒板，都冇問題，但食飯途中聞到陣陣煙味，係吸煙嘅味道，唔只一次，所以問一下部長係咪圍板內晚宴有人吸煙，佢話了解下，之後同我地話呢啲係「酒味」。吓，酒味? 我地話晒都做咗幾十年人，酒都飲過唔少，我就真係《孤陋寡聞》，乜有酒可以發出煙味咩？再隔咗一陣，又再聞到陣陣煙味，再問第二個職員，佢睇都冇睇，就話係酒味，話佢地有錢人，開咗好多酒，所以有呢個味，我地異口同聲話有咩酒加埋可以發出煙味呢，個職員冇理我地就行咗去。其實話晒呢間唔係啲 cheap cheap 食肆，有啲咁嘅態度嘅服務，真有啲失望囉～

位置在尖沙咀地鐵站國際廣場樓上，只需乘電梯到大堂轉升降機便可到達，餐廳飽覽維多利亞港夜景，今天很多人會外出做冬至，所以酒樓提供冬至套餐，提早兩天預訂即減$1000，只收$3980，價錢合理！　首先來了兩個左灑小食，避風塘雞軟骨和豆腐粒，香脆不油。除套餐外，追加了一隻阿拉斯加長腳蟹4斤，質味極之鮮甜啖啖肉，服務員將整隻蟹拆開，方便大家吃，服務真的不錯！套餐包括即燒脆皮奶豬，即叫即做，外皮松脆肉質不肥膩！原只鮮鮑魚配百靈菇，鮑魚味道鮮甜，賣相不錯！金盞雪影大蝦球，蝦球大只彈牙，配上菠蘿沙律醬酸甜開胃。紅燒蟹肉砂煲翅，分量十足！深海龍躉兩食-炒龍躉球大大件，啖啖肉！蒸龍躉腩嫩滑魚油十足。脆皮黃金雞肉質鮮嫩外皮香脆。瑤柱竹笙扒翡翠，豆苗油份比較多，有待改進！最後鮑汁荷葉飯和紅棗千層糕，份量太多，大家最後吃不下，只好打包回家！

昨天下午來到這間酒樓飲茶，一入到去感覺好開揚，原因有個無敵海景，我和朋友兩個人，點了五個點心：黑松露粉果和叉燒腸粉，真是皮薄餡靚 ，師傅手工值得一讚！珍珠雞，材料豐富，糯米軟硬適中 !鮮竹卷，中規中矩 ！鹹水角，略嫌角皮多油 ！埋單總數$165 ，原來撞啱下午茶特價，大中小點都係$24，算是抵食😋

睇完醫生剛剛2點，尖沙咀搵地方飲茶，鐘意I square係貪佢景觀好位置方便，放假想放鬆啲又唔想太嘈吵，陶源係一個唔錯嘅選擇。下午茶2點開始，唔少得叫左個特價秘制妙齡皇子鴿，每隻只需39. 8。上枱香噴噴熱辣辣，肉質超嫰滑，唔同坊間食過的肉質比較韌，肉汁泗溢，回味無窮。另外叫左個得獎名點，姫松茸 遼參粉菓（$24）粉菓皮晶瑩通透，姬松茸夠味又量多，配合遼參嘅爽口感十足。牛肉馬蹄拉腸粉（$24）有驚喜，皮晶瑩嫰滑，牛肉配馬蹄爽脆口感，又軟又滑，又夠厚身，好好食。總括嚟講，有靚海景又坐得舒服129落樓，每人65蚊高享受低消費。

尋日去親戚搞既宴會已經覺得奇怪點解間酒樓除左我地擺圍外隔離晚飯檯係完全冇人。。。以前公司係附近 經常公司搞食飯都係呢度食係好ok 既但隔左一年冇食後今次食。。。。好差首先Waitress 既態度好差佢連檯上未為每個人倒齊飲品都唔知分碟時甚至太大力彈到野食啲汁去我家人件衫身上講番野食要讚既係碗雞湯翅一如以往既白濃湯又好味👍🏻👍🏻最差係個龍蝦完全係雪味同埋好"鞋"我地全圍人有過半既龍蝦係咬唔開同左waitress 反映佢話急凍龍蝦就係甘。。。。🤷🏻‍♀️好多餐廳都用急凍龍蝦 但係會唔會咬唔開都照serve 比人。。。。條魚比位waitress 分到好似五馬分屍甘唔駛講 睇相就明。。。佢基本上碟碟都冇舊完整既。。。另外有碟芽菜苗扒菇。。。。係又咸又重味精um...我唔會再考慮食陶源因為我番到屋企猛甘飲水飲左好耐我諗。。。佢既賣點就只剩靚景了🙈🙃