陶源酒家 (已結業)

2019年6月8日因為收到e-mail通知生日優惠有$200折扣，所以吸引我再度光顧，但是隔了不夠一年時間，不得不提餐牌上的價格可能物價上漲原因也大幅提升了。平均每道小菜也要$200多。由於相隔一段時間才寫食評，小菜名字也忘了，本來無諗過寫番，但是一諗起之前我寫得它太好，就是要讓讀者知道無光顧一段時間有落差，不再抵食了，只是食物水準尚算保持。名爐义燒肥廋適中，肉質鬆化，而且有燶邊。整晚最欣賞係响螺燉鱷魚肉湯，每人都讚囗不絕。薑蔥美國桶蠔也是不能錯過，每次我都必點。花膠炒舞茸（名字可能有出入，太耐忘記了）這個可以不點，花膠絲太零碎，其餘都是菇菌。海參炆煮豆腐都不俗。淮山炒蝦球，蝦球爽口彈牙最後來過荷葉飯，很多料而且飯也不少呢。

今天下午初到陶源酒家與朋友見面喝茶聊天，因為朋友說這裏的地方比較寧靜，不像坊間一般的酒樓嘈吵，故比較適合讓我們在下午小聚一番，他說這裏的點心比較精緻，味道亦不錯， 所以我們選擇了在這裏碰面，先從他的叉燒腸說起，皮薄兼有彈性，口感一流，裏面的叉燒還有一些焦香的味道，再配上經過煮製的豉油，簡直完美非常！第二個值得推介的點心，就是朱古力流心奶皇包，點心嬸嬸放在枱上嘅時候，已經傳來一陣陣的朱古力香味，令人急不及待把它放進口裏品嚐，當咬下去嘅時候，一定要小心燙口，淡淡留心奶黃蛋漿會急速地湧出來！這個也是我必食推介！

3月底，同我外婆到這裡食午飯。食了一碟「叉燒餐飽」，好好食！熱呼呼的，不太鹹，味道比我想像中好食。又叫了「海蜇燻蹄」不錯！我外婆都話好食！我們又點了「椒鹽九肚魚」，外面的脆漿不太厚，薄薄的，香脆，又好味！我外婆點了一碗白米飯。食晒成碗！可是，難得見到我們喜歡的「芋角」，因為不是間間酒樓都會做這種傳統點心。但第一口食落。就好失望。味道一般，而且外面炸得不夠金黃香脆。大失所望！總而言之，點心是ok! 只是剛巧點了一款失水準的點心。其他方面都很好！呢間店，上年都有同家人食晚飯。訂了套餐，16人。叫佢每圍加足16人份量。可是，當晚，頭幾道菜，一直都少了4人份量（佢哋以12人一圍計）。我便是避免這種情況發生，我在晚餐前前一星期，和前一日都有打電話確認人數及份量。明明電話說會安排。但，當晚卻沒安排，當晚是幫家人慶祝70大壽。我都好激氣！但見慶祝活動，我都沒有大發脾氣。最後叫佢之後未上的送，加番足人數份量。照計番人頭錢便可。這裡食晚經驗，好壞參半。但食物質素是ok! 只是人手安排及服務，便時好時壞。

一次失敗團年飯…..比酒店價錢貴......大排檔也不如….一年一次團年飯,本來是開心事,貴一點也無問題今次真中伏,以為ISQUARE酒家,差極也有個高水準,未食食團年飯之十分期望,結果是大排檔水準也不如,真的家人也意見{比酒店價錢貴......大排檔也不如….下次不要來啦}真的比酒店價錢貴排檔質素,食品可能近比大棑檔差,服務員對食品不了解,無服務,有的只是高檔埸地,本是一餐光榮團年飯(ISQUARE酒家吃團年飯=高質素價錢貴,),現在變成給人說一世的不快事(比酒店價錢貴大排檔也不如…貴又差的糖衣陷阱)

上星期六去isquare陶源晚餐 ，食到好勞氣😰 原本唔係好多人，但係佢唔知點解畀啲人去試咪，和播音樂，可能啲人要擺酒， 但係播咗多次好大聲 嘅音樂 ，好嘈 ！我哋同個侍應講，佢哋又冇乜反應，另外有啲人都喺度投訴， 都冇人理，搞到傾計都傾唔到 ☹最後走嘅時候，門口個侍應仲要好唔 禮貌 ，話人哋個個要返工，一定要係禮拜六 晚上 才可以嚟試啦 ！言下之意，叫我哋唔好去食晚飯，所以唔好再幫襯呢間酒樓喇😖其實唔想做晚飯咪唔好畀人訂位囉 ！搞到大家咁勞氣😖

今次同男友去尖沙咀isquare搵野食,睇到淘源有個中式high tea,覺得幾特別，所以就食下呢間，平時西式既high tea就食得多，中式既high tea就第一次食~high tea個賣相都幾吸引，整得好靚頂層有天鵝蘿白絲so餅，飽魚燒賣中層有個芋頭包同冬菇包 ，冬菇包外面整到成個冬菇咁 又真係整得幾似冬菇，厲害底層就是普通的蝦餃同素餃我地仲點左2個灌湯餃開飯食物味道唔錯，賣相唔錯灌湯餃都好好味裏面環境都大，燈光光猛服務員態度都好正常總結，正評

幾星期前同家姐為爸爸的80歲生日(中秋假期後的一日) 姊電話訂了一圍酒菜, 覺得3千元多元的菜式在尖東都算合理;怎知去到,我們因為要等齊人,坐了30分鐘後,叫部長起菜才話無收過訂單,無準備。在坐有老人家有血糖問題,部長無什麼表示之餘,似乎無補救建議,還行開了,(之後40多分鐘內連小食都無),姊姊追到去櫃台,他才另議一張小菜單(也等了十多分鐘);部長似乎怕了我們老人家會薄責,入完單後一去不返,是另一部長過來上了一次菜,也走開了,剩下一位員工幫手上菜;服務除了一位年紀資深的算正常外,更有員工在廚房出來,望了兩秒,覺得無人幫手上菜,直頭近乎拋的將菜放在兩個人中門,沒有放在枱中央,我們食到一肚氣。我們七點二十分到,到第一道菜上時已過了八點半,真係好似去飲咁。我同經理講,攪到咁樣,應該打個折來吧,他說他做不到。之後過了半個鐘,他來說:"條魚880,我平一百元給你,之後我還送生果盤....."大佬,我係因為菜抵食,現在散叫,無什麼特別也是接近五千,你咁既服務話講到生果盤係好似額外野咁.....我都衝口而出: 無誠意喎,然後都不知怎樣答他,而他亦真係無表示的就轉身就走了。個維港景是好靚,但無心情看;

朋友回港聚會，梗係揾間坐得舒服，又唔洗限時限刻㗎啦，於是上綱睇睇，呢間合晒條件，仲晌地鐵上面，好方便！於是，就訂呢間。首先，搭……三部，有一部疑似有問題，六合彩唔見中，呢D又咁好彩中！竟然搭正有問題嗰部，上上下……格格聲，上到24樓(即係呢間酒家),唔開門，格格格……又落返去，好彩20樓開門，我哋秒速出，轉咗就冇事喇，終於上到去。地方唔算好大，環境座位舒適，仲有靚景睇，初步有驚喜。服務員態度親切，雖然有部分員工D廣東話……唔容易明，但仍覺親切。我哋叫咗個六人鮑魚龍蝦套餐……$2880.-另加一，正常。其實，全場得三分一客人，最旺時段，顶多二分一客。不過，上菜……離奇地……慢😅，唔緊要，我哋反正想傾計！但係，等呀等，真係……好慢，我哋七時入席，七時十五分叫莱(仲係套餐)，套餐……快(係常識吧!),我哋最後食甜點，都已經係九點幾，真係以為去飲宴😅。講真，好耐未食過D嘢咁冇質素，除咗個鮑魚&有少少翅嘅湯還可以之外，其他可以讚嘅，就係服務員態度。如果價錢平一半，咁嘅食物質素，都可以接受，但係埋單係……三仟一百幾，我哋六位，唔值囉，或者，一半價錢係睇景觀，同買環境倾計啦😥！真係覺得……中

實在唔接受到有這樣的食店，所以好耐唔寫都迫到我寫少少。今晚一共13人來食晚飯，叫了十個飯餸，個個都係【例牌】，其中一個【百花釀海參】，上枱時，原來就只是一條5吋長1吋粗的百花釀海參，在一隻8吋碟上還有2舊西蘭花和一隻菇，我們從未見過例牌係只得一件主食，如果有3條也算數，或寫明【一人/份】也可以，而【同一菜牌】的其他菜別，全都是合理/預期份量。找部長來，當然，就只是對唔住了事。還有一碟，蟹黃豆腐，個獻見到都嚇親，杰到似黃色槳糊，更唔知那裏有蟹黃實體，連13個人第一輪完左都有剩，可想而知。

今次都係第一次去陶源食飯，估唔到佢d點心又做得唔錯喎！我哋叫咗3個點心加一個河粉，真係款款都好好食，可能因為價錢都有返咁上下，haha。我哋叫咗個韮黃蝦仁腸粉，蘿蔔千絲酥同埋叉燒酥。腸粉真係件件都有原粒蝦仁，爽口彈仁，個皮又滑。佢呢到d酥皮做得好好，呢個蘿蔔千絲酥真係食到好多層酥皮，入面d蘿蔔切得好幼，個皮索哂d味，好正。呢個叉燒酥都係，入面d叉燒份量唔少，個酥皮又吸埋d叉燒汁，食落去又鬆又軟，真係想試多幾個。最後我哋仲叫咗個主食，碧綠蝦仁炒河，上面淋哂d汁，下面係炒得好有穫氣既河粉，粒粒蝦仁都大大隻咁，唔怪得d酒樓阿姐都話多人叫la

2018年6月28日訂座29日晚上七時晚膳，因為遲預定未能安排窗口位，有點可惜。一行四人就點了四個菜，首先嚟個頭盤手拍青瓜拼海蜇，兩者同樣爽脆。再來的是松露醤淮山花膠，上次來也有點這個菜。姬松茸遼參豆腐煲，這個菜好餸飯，,不可不提的是白飯是蒸的，不難見微知著很細心💖剛剛蒸起的白飯熱辣辣。點了一枝細啤酒🍻$38。薑蔥生蠔煲，留意$178（例）配超值海鮮双寳手拍青瓜拼海蜇$238，這道菜實在不叫不可蠔身不大不少，而且蠔邊很香囗，蠔頭肥美多汁，配合上薑蔥料頭也很入味，實在要一讚最後來的是金陵片皮鴨，鴨子🦆熱辣辣端上餐桌，在你面前片鴨好有誠意，皮確實香脆不油脷。這頓飯埋單減了$200生日優惠，$748。

2018年6月11日一行四人約7:00到I-square24樓陶源酒家食晚飯，我們沒有訂位，但接待二話不說便安排窗口位給我們，值得一讚，如此可以嘗美食的同時也能賞維港美景。我們點了4餸1飯慶祝端午節飯。包括例牌燒鵝一碟，一端上餐桌，香氣四溢，令人食慾大增，馬上試一口，皮脆肉嫩，肉汁豐富，媽媽馬上叫白飯餸飯，爸爸也點了啤酒🍻。第2個餸是黑松露醬淮山花膠，松露醬不是預期的香濃，但是淮山很多很綿密，花膠有3-4大塊，而且膠質甚重有黏口的感覺，提外話因為發現淮山上有一條小頭髪，店長承諾送給我們四位杏仁茶以表心意。第3道菜是涼瓜肉碎蟲草花蝦乾，涼瓜略顯苦味但蝦乾很鮮味。第4度菜雜菜一口牛柳粒，雜菜有磨菇，青瓜，什椒加一口牛柳粒，青瓜脆囗清爽，牛柳粒多汁。最後一道是廚皇炒飯，炒飯有很多材料，而且很香脆的，飯炒得乾身，只是略嫌咸了一點。飯後甜品杏仁茶也很好吧。整頓飯整體來說也很滿意，埋單結賬連加一$825。

適逢大日子當然要食好D，揀選了這間但沒有吃鮑魚，最後點了下列幾個菜式：黃金蒜香雞 - 上枱時熱辣辣，食落皮脆不肥 膩，炸得恰可，好；紅燒花膠蟹肉翅(兩碗) - 花膠魚翅都夠份量， 好味道；家常蝦球遼參煲 - 蝦球份量夠多，但遼參太 碎及炆得太稔覺有點爛，一般；燒汁野菌花膠條 - 炒得夠鑊氣又熱辣辣，花 膠條夠多，一個字“好"；最好點了兩款甜品，杏仁茶及楊枝金露。總結價格雖然稍高，但環境及招呼不錯(可能當晚人客較疏落啩)。

国际广场楼上的一家陶源酒家，之前尝试过湾仔店感觉还不错，但是这家店只能说一般般吧。店内环境还可以，装修虽然老旧了一些，但算是保有了老式香港餐厅的特色（比较适合喝早茶）酒店所在的位置不错，晚上能看到维港的夜景。点了1600多的四人份套餐，结果有一个菜没有还得加个200换成生蚝，给人感觉不太好。菜整体来说有点偏咸，特别是生蚝咸的没法吃。不过汤很好喝，烧鹅，叉烧拼盘，海鲜，虾，时蔬等也还可以吧。服务态度挺好的，店员都很热情，效率也不错。不出现临时要换菜加钱的事儿就好了。

年初一祝大家新年快樂，心想事成，萬事如意🎉🎉-公司團年飯黎到陶源酒家鮑魚專門店，點可以唔試佢個鮑魚呀。鮑魚炆得好入味，控制得好好，唔會好硬身或者太軟，真係好好味。根據個侍應講，隻鮑魚準備左成3日先上菜，唔掛得咁好味啦😋😋除左個鮑魚，龍蝦又係另一樣好好味有驚喜既食物，隻龍蝦好新鮮，而且煮既時間岩岩好，肉質好有彈性，唔會過老，鮮甜好味。除左鮑魚同龍蝦，其他食物就正正常常啦。聽同事講要成一萬蚊圍，真係多謝公司安排左個咁好既團年飯比我地🤤🤤🤤-