陶源酒家

营业中

休息中

今日屋企有喜慶諗住俾多少少錢食得開心d, 點知食到一肚氣！$5000 幾蚊得6個餸 (我媽咪去落單擺明蝦佢)，條魚同我碎上，兩條油浸菜心，無料炒飯！本身媽咪話想要上湯龍蝦，佢又寫錯左芝士 (咁我地又有d 責任，應該睇清楚）。不過最嬲係佢仲要話係上湯黎，唔係芝士！😡😡即係我地10個大人分唔出咩叫芝士？叫個部長黎，等成半個鐘都仲未有人黎，黎到仲要話如果你要食新鮮，就要早d 落單，一係叫我地d 套餐，唔好手寫菜單！我俾錢嗰時你唔講？價錢同質素差太遠，離晒譜！最衰食到中段先諗起影相....

周末一家人補慶祝父親節，來這試試雀籠點心雀籠點心賣相精美，共有三層，金箔晶瑩蝦餃、姬松茸遼參粉果、雲南野菌餃、黑松露冬菇包、極品原隻鮑魚燒賣、尚品蓮茸天鵝酥、鴛鴦奶黃包各兩件。蝦餃加上金箔似乎特別尊貴，可惜蝦餃皮會痴，夾起易穿，勝在蝦仁夠大有咬口。燒賣上放置小巧鮑魚、夠稔，很討人歡喜。奶黃包不太甜，算不錯！而最出色是賣相最精緻的蓮茸天鵝酥，蓮茸嫩滑，天鵝底部有咸蛋黃，特別香甜。香煎和牛包，牛肉份量少，皮較厚，普通。鎮江肴肉不肥膩，但啫喱層較實，較鞋口。翠綠色炒河賣相一般，大大隻蝦碌爽口，但整體較油膩。花膠灌湯餃，每碗有一隻小花膠，湯底入味，水準之作。整體食物質素合格。至於服務方面，則有待加強，明白侍應可能需要認購一定數量月餅劵，否則可能要自己付費，但是因為顧客表示不需要就立即變臉實在令人失望

約了幾位客人用午餐，訂位容易。服務優質，更有 Asia Miles 積分計劃。食物質素良好，點了份4人商務餐，份量剛好夠食，抵讚！價錢亦很合理，所以下次在觀塘約客人也會係呢間

觀塘區食lunch特別多人，一到lunch hour成條街都人頭湧湧，所以有時都會揀啲中上既choices，免卻等位嘅麻煩。呢間茶樓，除咗位置方便，裏面嘅裝修都幾高級，仲有部超級大嘅電視（落地大電影），服務都好好，可以舒舒服服咁飲茶🤤🤤🤤。我哋食嘅時候基本上個場都係坐左三份一，可能係因為主要都係做晚市，宴會場合為主叫左好多唔同嘅嘢食，每樣野都冇失望，譬如係灌湯餃，同埋食物份量都好足（ge 碟恰菜）

諗住近近地，雖然見到冇乜人，諗住清靜D, 生日係度食點知餐牌勁少選擇，散叫差唔多乜都冇，最後點左4人餐，$1388完全唔掂，龍蝦伊麵冇乜龍蝦，班片粥冇味道，菜苗又硬服務又係亂黎，食完餸至上湯，燉湯又唔掂總知中伏，一定冇回頭

之前都未黎過陶源飲茶今日一家幾口黎到呢度飲茶坐都唔迫，都幾闊落但廁所唔知點解開晒門囉，真係唔得講番野食點心價錢都幾貴但金錢肚幾好食，好夠味，都幾淋，唔會韌另外燒腩仔都幾好食，個皮好脆其他點心都無咩特別但上菜速度頗慢另外叫炒飯同麵都要等好耐，要再催先黎

乳豬勁燶，又咸！基本上樣樣食物都勁咸，食到喉嚨勁乾！連糯米飯都可以勁咸勁乾仲嗌左個魚煲，d魚炸到好似食魚乾咁，又勁咸！成餐飯一邊食要一邊飲水先平衡番！之後後加個甜品，個待應話落左單但又話唔記得叫廚房整，等左成一個鐘！問個經理竟然話我地唔等得，嫌耐既可以幫我地取消！？個個待應服務都超差！食完之後d碟堆到勁高，待應寧願傾計，禁手機都唔收拾！想埋單既時候叫極都冇人理！一個字，差！兩個字，超差！以後都唔會再去！

有個老友佢經常團購佢就約我哋食個陶源個四人黃油蟹魚翅套餐團購 佢個價錢係2000幾蚊 我哋當晚在ID餐前小食加加埋埋 落樓價每人大約＄700 我個人都覺得有啲貴 但係食物環境服務都尚算OK 如果大家有興趣 不妨一試

今天是星期五, 為免老人家去等好耐位, 所以預先一早訂定位, 於訂位時已經問定是否有免費泊車優惠, 服務員回答有, 滿$400就免費2小時, 直到通知服務員可結帳時再問一次是否有優惠, 服務員還說有$400就可有優惠2小時,  到簽單付款光顧超過四百蚊時又告知無優惠喔,  只有問, 服務員沒有回答的.  沒有優惠都沒緊要, 最重要是服務員的態度十分差勁.  當食客自言自語一點回應都沒有, 現在的服務是這樣的嗎??? 這次的光顧讓我們非常失望, 真是不會再光顧.

搬到東廣場的陶源酒家的確比在舊址的光鮮及面積大了很多。進入酒樓，便看到金碧輝煌的裝飾，連串的水晶吊燈及最后端的城堡backdrop，專為婚宴而設。飲下午茶，枱跟枱之間距離較少，有點兒逼，冷氣有點過大，溫度偏低。雲南上素野菌餃餡料豐滿，用筷子夾起沒有爆破，水晶皮做得好好。朱古力鴛鴦奶皇包這是榮獲2016香港旅遊發展局美食之最致高榮譽金獎的點心， umm..umm..好食的， 但又不可以講話超好食內裡充滿奶皇餡，但包面偏向腍而好容易倒榻。鮑汁扣鳳爪鳳爪炆得夠腍及入味，隻數也夠多，好味。参菇炆伊麵伊麵份量足，味道剛剛好，也不太油膩，但菇菇就不太多食后感: 價錢可接受，但部份食品質量需要改進。

因為要預祝父親節就選了爸媽間中喜歡去飲茶的陶源。這一家陶源是新搬的。之前未光顧過。要說陶源平常是我晚餐的常設選項之一，但这次的光顧讓我非常失望及要重新審視我是否應該再光顧這家餐廳。我們比預訂時間早到，支客說未開門請我們在外面等，說可入內時会通知。她叫了比我們遲来站著的客人先進去選位置。直至我們查詢才叫我們進去。可知那店外走廊是沒有足夠冷氣的地方!因訂位時已訂了餐就在齊人時叫起菜。第一道的乳豬皮頗脆但有點太咸。第二道上芝士龍蝦就出現問題，傳菜放下熱菜等了多時，我們問是我們的嗎?她說是，但要問經理才可以上，我們說再不上菜，菜凉了就不好吃了! 要知道那時客人不多，侍應多站着聊天而無人幫助傳菜。傳菜跑去找人才有人慢慢来確認上菜。要說芝士烏東还可以。。但。。这龍蝦的肉真少。。。但肉跑哪去。。答案在第四道的翅中。。但。。這翅真咸。。第三道 的西蘭花炒海參真是經典! 那海參真的只是用開水燙過而已。一點味道也沒有! 西蘭花有些還是生的! 我真以為我在吃西餐沙律呢!第五道的炸芝士蟹肉黃金卷，就是普普。。蟹肉沒有很多。。第六道的蒸魚算是可以了。第七道的蝦子柚皮時蔬又是另一經典。 柚皮又像開水蒸煮的!一點味

爸爸生日當然要用心選餐廳慶祝。 由於家族都是食得之人， 一行九位來到觀塘東廣場陶源酒家品嚐十二位用的珍品宴。到達酒家先發現原來平日晚市入座率只一、兩成，中餐來說，實在有點冷清........ 但其實酒家環境十分舒適寬敞，下次可約朋友前來試試點心😊第一道菜乳豬全體，亦是本人最喜歡菜式。 未上枱已聞到乳豬燒烤香味並即時在客人面前剪件。 入口果然香脆入味，家人也大讚此菜式比八月系列嘅BB豬更好味，連整個豬頭都食埋🤣金榜醬焗美國龍蝦 - 龍蝦新鮮肉質結實，醬汁帶輕微辣味，不錯。如意蘭度炒遼參螺片 - 賣相十分麻麻，上枱亂糟糟，遼參螺片相對份量較少，蘭度有點老😟金絲蟹肉黃金卷 - 普普通通，食唔出亦睇唔到蟹肉，味道好一般。紅燒花膠蟹肉翅 - 爸爸吃第一口已說超鹹，其後家人也覺不對勁，唯有向經理反映並請她們也嚐嚐。 結果安排重新烹調另一煲，這次好一點但仍可再淡味一點。 但說句公道話此蟹肉翅其實十分足料而且湯底飲得出係用足料餚製並唔係因為加鹽變鹹。清蒸海星班 - 夠份量，蒸魚時間掌握十分準確，剛剛熟，肉質香滑，魚肉彈牙😋黃金脆香雞 - 另一道出色之作👍🏼雞皮做到超薄香脆而且一啲都唔肥，雞肉亦夠味，

陶源會員生日月有$200現金優券，只限生日月用，取到只剩10日到期，拿拿臨去用，揀觀塘這間，返家近些。現在做特價以$168,30頭吉品鮑，我咁嘅阿婆，都未試過吉品鮑，想咗好耐，襯特價，有消化能力就鋸佢，賣相跟想像一樣，湯匙咁大，軟軟靱韌，香唔夠香，㗳落有鮑魚味，但唔濃，無wow, 獻汁較稠，鴨腳軟淋，因未曾試過期他，所以無得比較，但一直希冀的東西，當嚐到得到又不外如是。但喜歡魚香遼參炒芥蘭$128，補翻，有針，又勁多，又厚身，咸魚香適中，底食黑松露煎肉餅$98，黑松露跟肉餅一齊煎,黑松露是不可以高溫，要熄火才灑黑松露，所以如果這樣做，黑松露可能會更香，但現在香是煎香，有馬蒂，好爽口冷盤鮮淮山藍梅汁$48，藍梅汁唔夠香濃，用日式麻醬更好，無論怎樣，我喜歡食鮮淮生。蛋白杏仁茶$24，麻麻，好難找到蛋白，碗已小，碗底好厚身，份量少，總之去聰嫂食。

今日一行七人到陶源飲午茶，難得假期，想享受下天倫之樂。我地係大約9點訂位，飲下午1點。大約一點到，立即有位～正啊～肚餓嘛～ 俾左張大枱我地，大家都坐得好鬆動～真好。我地七個人當然可以叫好多點心啦。第一輪叫左：蝦餃，燒賣，涼伴木耳，灼菜心，秋葵，雞腳，冬菇包，素菜餃，雞扎。等左一陣黎左灼菜心，木耳同秋葵。涼伴木耳辣辣地，酸酸地，好開胃啊～而菜心都幾大碟～之後，等左至少15分鐘先黎冬菇包同素菜餃。冬菇包好味，面頭嗰啲粉應該係朱古力粉，中間係雜茹粒。不錯！素菜餃係羅漢齋餡，味道適中，得啊。因為等左好耐都未黎蝦餃，燒賣，雞腳同雞扎，同服務員講叫佢跟跟，同時追加蝦餃，叉燒，蝦腸，廚師炒飯，乳鸽，春卷，咸水角，芝士脆卷，青瓜海“捷”。过左陣，服務員返黎同我地話無哂雞腳。下，你而家先講，都成20分鐘。之後終於黎蝦餃，焼賣同雞扎。蝦餃新鮮彈牙，ok 啊～ 燒賣就大獲！係唔熟架！豬肉唔熟好危險囉！立即同服務員講。佢立即收左佢。唯有食雞扎。點知！！啲雞又係唔熟！！會唔會係咁……立即叫經理。經理當然赖廚房啦。其後叉燒，乳鴿，炒飯都黎啦。好彩都係熟。叉燒要成$108, 但又唔係特别好味。炒飯有獲low....

星期日，爸爸總是嚷著要飲茶。於是我們便到了觀塘的陶源。由於這邊是工商業區，所以不似我家寶林那邊那麼多人排隊飲茶。很快便有位，也當然快快地看點心紙。不少點心都非常吸引，當中最吸引我相機食先的就是下圖兩款。安格斯牛柳天鵝酥$40，睇得又食得。鬆脆的酥皮外層，包裹著入口即溶的牛柳。還有這個別有洞天鴛鴦脆皮腸$57，其實無論是黑是白，內裡都是一樣卜卜脆的炸兩，邪惡得很美味。雖然不用怎麼等位，食物美味，環境優質寬敞，但4人合共6百多元算是偏貴......偶爾來吃吃也不打緊吧！