陸潮陽

营业中

休息中

兩條友諗唔到食乜又想飲杯啤酒🍻，咁就嚟呢度，呢間食店幫襯過好幾次，依家推出晚巿套餐，嗌咗個2人餐，再散叫多一個餸菠蘿咕嚕肉 第一眼👀，嘩❗️乜縮咗水咁多，套餐都係多咗兩個白飯啫，味道冇變，但以前炸得外脆內軟，呢個係微暖之餘又唔脆口 豉汁蒸白鱔 味道調教得幾好，係鱔唔太爽黑椒腰果牛柳粒 咩料我嗌咗西芹炒牛肉嗎⁉️搵店員溝通下，第一位嘅答案係可能廚房賣哂牛柳粒，所以轉咗，再問第二位店員，反應只係望一望就走開了，第三位答得仲正，可能廚房切薄咗，咁嘅解釋。。。你贏了，無言，最後有位仁兄送上青瓜一小碟，話唔好意思，我明白依家生意難做，但既然冇就直接同食客講賣哂，而唔係是旦炒碟嘢迫人接受

諗住食餐晚飯，叫左楊州炒飯但無料，只有幾粒叉燒和雪虾；潮州打冷冇味；飲品好水🫥🫥🫥⋯⋯上枱時成張order紙放上菜面唔衞生🤢🤢職員又冇禮，性價比極低👎🏾👎🏾👎🏾絕對冇下次☹️☹️☹️

正宗滷水鵝併豬大腸 小炒好夠鑊氣 員工服務好 冷氣好足夠坐得舒服有大電視 滷水拼盤食品好入味 沙田難得一見 要推薦一下 食咗椒鹽鮮油，肉絲炒麵，生炒飯，下次一定會再幫襯 沙田朋友要來試一試

放工煮唔切飯。。。都係想食啖熱湯、熱飯。外賣自取- 兩盒鵝片雙併飯，分別係紅腸 & 豬肚。鵝片色澤淡而無味。。。紅腸薄，但味道正常 (紅腸都唔正常的話，真係無話可說😶)豬肚好難咬得開。。。最過分的是碗湯係凍又餿，飲左半啖，直接放棄！竟然咁嘅食物質素、份量還要索價超過一百蚊一盒飯，兩盒飯 + 兩碗連例水都不如的餿湯，要$200。太過份！比得超過$100@，真係無諗過會咁，絕對無下次！放工攰到咁，仲要食d咁嘅嘢，好灰！😭😭😭

$40鹵水鴨飯, 下午茶包餐飲勁多鹵水鴨, 鴨肉唔會太硬, 有兩片豆腐不過唔算太入味, 同埋鹵水味唔算太濃, 配有少少酸菜好餸飯, 飯嘅分量都唔會太少環境比較迫夾, 衛生方面正正常常

睇OpenRice 評語，知差的，潮州菜下午茶做薯條雞亦，又賣埋燒鵝，可以有几正宗。隔離沙田一坐滿佢一半枱都冇人，早叫自己唔駛去。但放工，想去食個間疫情早休，唔想行，就比次機會佢。衰左。小炒王，腰果腍，九菜花幼過牙簽，呢樣加啲嗰樣加啲，魷魚絲想搞創意炸過當脆卜卜，但係切得粗炸得干好硬𡁻到口軟。 鹵水，超市好味過佢，冇肉味、冇鹵水味，完全唔香。淨牛丸，係比較可以入口，佢話係汕頭，唔明點解咁大窩收人$88，一般粉麵收40幾會合理d.冇冷氣，坐唔夠一半，都咁焗，街仲涼過佢，一邊食一邊手動撥扇，疫情期間，空氣不流通，真危險。低質大排檔上舖。

石門朝早開嘅餐廳唔多 平時食開大家樂大快活嗰啲 食到厭諗住轉其他 點知一食就中伏 叫咗個雞翼餐肉辛辣麵 個辛辣麵未煮熟都算 隻雞翼仲要有雞毛 勁大條毛 仲要唔止一條 同佢投訴啲雞翼有雞毛 同我講正常之後就冇理 道歉都冇句 一定唔會再食

路經石門, 正值下午茶餐, 梗係搵間茶記試下.↑餐廳係食潮州野為主, 不過見有下午茶, 又餓到死, 見佢係大單邊位置, 就即管試試.↑下午茶餐都係一般野食, 不過令人叮一聲既係中間幅西多士圖, 問左店員, 哩個就係雪山西多士, 另外有個黑白西士唔知係咩黎, 可能個饀係黑芝麻都唔定.↑可能即叫即炸, 所以都要等D時間, 佢同一般西多士唔同, 因為佢係用厚多士既, 所以比平常厚一倍, 雪山我估係指鋪係面既糖霜, 而佢炸粉方面好特別, 咬落去係似有陣椰絲鋪係面咁, 但明顯只係炸粉黎, 有別於一般炸粉, 加上比左成支糖漿可以任落, 不過美中不足係, 入面既花生醬好隨機, 有D搽到得一邊有.↑炸脾薯條都係平常茶記水準, 但留意, 哩間係專做潮州食品既店舖, 所以中規中舉啦.不過衛生方面就稍為欠佳, 座椅上有污漬, 杯邊都用到崩晒, 稍為扣少少分.

上次嚟石門食咗沙田一，之後發現旁邊有間潮州菜，決定下次來食，所以就今晚咁啱有三隻飯腳，於是即刻過嚟試吓！我哋叫咗一個套餐（A+B+C餐）再加兩個散叫：鵝片例牌、墨魚紅腸例牌，當然食潮州左一定會揀呢兩樣啦！首先佢個紅腸切得太薄片，唔講都唔知係紅腸😜不過墨魚就比較入味，可以一試！至於鵝片也是比較薄身，也很入味，不過不失！至於套餐方面，我哋揀咗白灼中蝦、魚肚雞煲，用料分量十足，非常入味，唯獨是白飯比較硬及太乾身，服務員也非常有禮！整體不錯，可以一試！

抗疫期間，工照返，飯照食。不過，食中午飯就盡量不堂食了，所以，近幾個月來，都沒有太大心機去探索石門的新餐廳。說了唔拜訪，但有時候也會忍不住的，就在京瑞廣場的其中一個很當眼的舖位，就新開了一間名叫《陸潮陽》的潮州菜茶餐廳。我就分了三個中午，來這兒買個外賣回公司試下囉。中午飯，是有湯有飲品的。今時今日的茶餐廳的老火湯，好多都好足料，無味精。上班一族向來少湯水，而且因為疫情令我多留了在辦公桌午餐，所以我多了飲湯。而是日的湯，夠濃夠肉味，是不錯的。第一日來，我被一個潮州鹵水豬手飯吸引住了。很腍很入味的豬手，一咬就皮骨分開，有肉，豬皮又滑又充滿膠質的口感。以這鹵水汁同蛋一起伴飯，不太咸但有香味。食食下，令我想起國內的隆江豬腳飯。改日再來買外賣，這一次就一定要試試招牌的鹵水鴨了。所以，我來了一個午餐有的鹵水鴨拼鹵豬耳飯。因為都是同一份鹵水，所以鹵水的那一份香味是雷同的。鴨皮很香口，鴨肉亦十分之嫩滑。豬耳，外皮絕對是膠質感豐富，中間的軟骨亦非常之爽脆，也是一個令人感到好開心的鹵味飯。近日發現，原來《陸潮陽》同在車站出口的《陸記燒臘》是姊妹店。怪不得，間中都有一些同燒味有關的飯麵，而且例湯也有燒味骨頭

收工同朋友去食晚飯，諗住有鹵水食，就走入去試下，叫左個鵝片同兩餸，鵝片還可以啦，但冇乜鹵水味囉，同埋個餸就超級唔掂，個勝瓜好多渣，完成咬唔到，同埋員工的態度亦不是太好，下次我唔會再黎食，難怪周圍餐廳都咁多人食，呢間就唔爆滿啦。

首先店名注明獅頭鵝專門店 但我好懷疑我買的鵝掌是不是獅頭鵝的 之前食過的獅頭鵝掌是超巨型及連腳踭較位的 在店外看鵝掌$25隻 SIZE 也可以接受 購買4隻 $100 但見到斬鵝叔叔不是從店外我看到的位置取鵝掌 而且SIZE爭勁遠 直頭細一個碼 3隻細SIZE 1隻正常 詢問女店長為何價錢一樣但SIZE有咁大分別 答案是鵝會有大細隻 我說有差別為何不分大細價錢呢 其他店亦會這樣分大小價 其後店長叫師傅斬多一隻 師傅晦氣地說 "差唔多啫" 本來都算數無諗住寫上呢度 但食落個人感覺完全無滷水香味 只有死鹹 一次都嫌多 肯定無第二次 .   .   .  .

這間陸潮陽是間潮式打冷獅頭鵝專門店，店內充滿一陣陣的滷水香。除了滷水，還有一般的常餐及一系列的鑊氣小炒，煲仔菜等。點了個滷水鵝脾飯，大大碗都只是 $65，賣相不錯，一大隻鵝脾舖於飯面上，滷水汁有很香的八角味道，只是滷水汁已經很好送飯，而鵝脾雖然頗為多骨，但肉質嫩滑，肥瘦適中，配上酸菜及滷蛋。另外點了一個常餐$48，香茅豬扒配雪菜肉絲意粉，拼上牛油厚多士及奄列，整個餐份量十足，香茅豬扒大塊而又鬆軟，醃得入味。下次要來試一下他們的鑊氣小炒。

今日喺馬鞍山行完山，嚟到石門嗰度見到呢間食潮式滷水野嘅餐廳好似幾吸引， 就入咗去食呢間餐廳除咗有潮式嘅滷水嘢，仲有一啲大排檔嘅小菜當坐低咗睇吓個餐牌，期間有好多人嗌潮式滷水野嘅外賣, 於是我哋都揀咗個潮式滷水嘢食鵝片拼大腸飯：鵝片肥瘦適中，鵝肉結實，配埋佢個潮色醬汁，忍唔住一啖接一啖，唔怪之得咁多人叫滷水野外賣係有原因嘅黑椒茄子牛仔骨煲：個煲好有鑊氣，份量好足，上面有好多塊牛仔骨，仲有茄子，三色椒，送飯一流

位於沙田石門安群街京瑞廣場一期地下G11號舖的陸潮陽，主打潮州菜及小炒。小炒館中央有幾張大圓桌子，也有幾張卡位。小炒館有多款小炒套餐，約八十多元一客。。另外，也有各款滷水例牌系列。店員先送上一人一碗例湯，是日例湯為菜乾湯。用餐當天頗為寒冷，熱騰騰的例湯，能嚐到相當濃郁的菜乾味。約十分鐘後，黃金茄子新鮮熱辣地來到了。這道小菜份量十足，而且炸得十分香脆。外層脆漿加了鹹蛋黃，味道鹹香豐富。茄子和鹹蛋黃的味道十分相襯。小炒 - 彩椒鮮什菌炒蝦球 來到了，這道小菜相當有鑊氣，三色燈籠椒的質感鮮甜爽脆，配上彈牙的蝦球，味道不錯。侍應端來了 海味蝦乾粉絲雜菜煲，雜菜煲的材料相當豐富。朋友則相當愛吃鹹鹹的大蝦乾。鵝片三拼來到了 ，今次則點了鵝片、豆腐、大腸。鵝肉頗豐厚，但滷水味不算太濃，不過不失。