陸陸雞煲火鍋 (已結業)

見食評好一直想試好耐,但經常打去都book唔到位,唔忿氣一於walk-in試下6:30去到, 老細話無位, 除非7:30交到檯, 先可以入得, 邊有咁串.......不過真係好想試, 唯有就範等左10分鍾, 雞煲上檯, 侍應叫我地唔好掂個煲, 因為燒紅左, 我地等既期間亦都聽到廚房陣陣既鑊氣聲, 真係好期待入口既一刻由於小時間關係, 我地只點左例牌小辣雞煲同佢地推介既豬軟骨終於等到開蓋一刻, 真係好香, 芫西既香味, 仲有芹菜我試雞一定試雞胸, 入口雞件好滑, 有雞味, 雞胸都整到唔鞋, 味方面, 辣, 麻適中, 如果再麻d仲過癮, 最鍾意佢地唔係水汪汪, 無乜水全部都係汁, 仲有甜甜地, 易入口佢地推介既豬軟骨, 教我地撈埋d雞煲汁一齊食, 幾得意, 第一次食雞煲咁食法食左一舊.......停唔到手, 太好味, 因為好腍, 中間舊軟骨都食埋, d肉好入味, 撈埋d雞煲醬出奇地夾, 我地2個人只係食左半個鍾, 因為我地無講野, 不斷咁食食食埋單有8折, 原來老細話7:30前走有8折, 抵食另外環境有別於其他雞煲店, 走高級路線, 不是地踎貨色服務衛生同其他食家講既一樣, 好係好好

難得老師約我食飯，而老師是「有要求」之人，當然是馬上上來找找有甚麼好選擇．我打算去吃雞煲，網上搜尋之下，見到旺角泉章居後面新開了一間陸陸雞煲．我睇晒所有食評，極大部份的評價都說他們不錯，我就打去訂枱．聽電話的哥哥一開口就話19:30的頭場已滿，只有21:00之後才有枱．我心想，這麼多人去，應該好好味，於是，我就訂了一張21:00後的枱．接了老師，去到門口，入面一個四眼哥哥話，由於我沒有接聽他們的確認訂枱電話，他們以為我不去，所以沒有留枱給我．不過，他說由於我真的有訂枱，他會盡快安排一張給我們．陸陸門口有幾張膠凳，是為等枱的人而設，我和老師就坐在門口的膠凳等．我望進去，見他們鋪面不算是很大，入面大概只可以坐30人左右．眼見四眼哥哥reject了那些walk-in客，我們等了不夠10分鐘就有枱了，真的好開心 　(現在講得出而又做得到的食店其實唔多，他答應了我，又真的肯reject些walk-in客，其實叫我感動)我坐下才明白為何只可以坐這麼少人，因為他們為使客人坐得舒適，每一張枱都唔細張，而且枱和枱之間又有空間．我有看食評，當然知道他們有精美水果做前菜，是晚是火龍果和西瓜，新鮮 來雞煲當然

今日約左几個朋友一齊做節,諗住哈囉喂個個食西餐,都冇咩人會去食鷄煲,點知都鬼咁多人,幸好有訂枱~!由於唔係第一次黎食,之前都係只得兩個人,打邊爐食唔到好多款餸,今次有六個人~實會開心好多~!佢呢到主打美食係鷄煲,肥牛同海鮮...而且摽榜新鮮由於我地仲有朋友未到,諗住等埋一齊先點菜,侍應小姐就建議我地叫住D小食食住先~我地就點左椒鹽鮮魷同埋佢地話的新出品:麻辣腸頭椒鹽鮮魷好有大排檔水準,夠鮮夠熱夠脆~正~麻辣腸頭我地以為係香腸同紅腸之類的腸仔頭,點知係豬大腸~噢NO~我一向少食內臟,所以唔係咁OK但朋友食過話好勁好夠麻辣味,炸得好香脆,值得一試!人齊我地第一時間叫左佢個招牌中辣大鷄,招牌鷄煲:中意重口味的人絕對值得一試~D鷄啖啖肉,好滑好好味~一D都唔鞋,而且份量比預期中多,我地几個人不斷係咁食,都仲有~真係邪~!手切肥牛,牛肉粒相當新鮮,牛粒粒我地仲叫左兩次四寶丸都係推介之選,大大粒,又彈牙,雖唔知係咪人手即做,但唔以街市買果D質素菜類選擇亦多,而且洗得好乾淨,冇爛葉!! 粟米唔似係冰鮮粟,超甜超好味~!芝士丸.炸腐皮,炸嚮鈴.就強差人意~~份量少而少,屬一般出品~海鮮款式太少,可能唔

原本book左 但係早左去到 所以等左一陣 先有得入去一行六人 叫左個小辣 大雞煲 再加幾碟火鍋配料個雞煲黎到 有專人教你要等幾耐 同埋點食個雞煲除左辣 仲有麻既感覺 幾惹味 雞亦都唔鞋 算係新鮮食到敢上下 可以叫佢叫湯變做火鍋有得簡清湯同辣湯 絕對唔會加水食完好滿足 雖然唔係話超級好味 但係值得同大班朋友去試一試 因為個雞煲都幾多下 另外一讚 員工既態度真係幾好 幾親切 希望下次去既時候 都會係一樣啦如果未試過咩叫雞煲 同埋又食既時候 想serve得好D 陸陸會係唔錯既選擇 都係一句 最好預早book位

book左9點，來到已經坐滿人。好彩有book位才唔洗等。一行4人，叫左大雞煲，點了小辣。等了15mins才來,雞煲好香，有好多配料，有我最喜愛的芹菜和大蔥，香噴噴。入口味道唔太嗆，辣度都OK，食食下仲有少少甜味。雞大大件，份量足夠。另外一提雞煲唔係有湯浸住，只有汁，要吃完雞先加湯打邊爐。另外火鍋配料，手切牛好吃有牛味。竹笙好大條。手打墨丸有墨魚蘇都算足料。響鈴就一般啦都唔係即叫即炸。總體而言，算係有heart之作，值得支持之小店，希望能保持水準。下次到旺角的話會再來的。

今晚收夜， 同老公去樓下間雞煲店試下， 佢地開左一排但係未有機會試， 今日終於有得試下十點後有八折，我地等到十點先落去， 盡顯我地師奶慳家本色去到滿左，要攞飛排隊， 等左我地半個鍾先有得入去我地兩公婆叫左一個例牌雞煲， 芝心丸， 竹笙， 2個白飯雞煲好辣同麻， 加左幾次湯都係辣， 不過雞件好入味好滑，唔似雪雞，D汁好野味， 撈飯一流， 不過食到出晒汗個煲都落左好多花椒， 乾辣椒， 另外好多洋蔥， 青椒。如果唔辣到我黎講仲正。芝心丸D芝士好濃郁，仲好多流出來，食完一碟仲叫多碟， 因為有8折，無8折一定俾老公鬧竹笙爽口，條條都好大條好厚肉， 好小係街食到。食完仲有雪米磁送做甜品， 可以慳番唔駛食糖水

天氣剛剛開始轉涼，跟友人們的聚會開始可以選擇到火鍋店了。這家店是住在旺角的朋友介紹的，聽聞質素不錯。我們一行六人準時到達，店面裝修頗簡約，雖然全店滿座，但都沒有油煙感覺，以火鍋店來說算是不錯。 我們要了蕃茄湯底，食物正式上枱前，侍應送來飯前水果，健康清新，比送花生好多呢! 蕃茄湯底很夠味，一鍋紅紅的，很足料，跟我們叫的竹笙味道很配合，順帶一提，這裡的竹笙很爽口，竹笙滲了濃湯，味道一流! 肉類方面，我們叫了頂級封門柳，肉味頗特別，沒有肥牛的肥膩感，肉質煙煙韌韌; 另外，黑毛豚肉腩片也很不錯，非常嫩滑，比起他們的肥牛好些。肉丸類方面，我們全枱也一致推介手打墨魚丸滑，墨魚味濃，很有鮮味，看到一顆顆的墨魚粒，我想用料應該不錯，我們叫了兩碟呢! 其他食物包括蔬菜籃、水餃(估計是自家製的)、鯇魚片等都味道很好，我想他們的食材頗新鮮，畢竟火鍋店的配料新鮮是關鍵。另外，作為顧客，感覺此店很有心思: 蔬菜籃裡的蔬菜擺放方式賣相佳、鍋與爐之間放了防滑墊、飯後有雪米滋送...唯一要說的是店舖面積小了一點，我們去的當晚幸好訂了位，否則WALK-IN客要等一陣子，但服務還是很不錯, 至少不覺得侍應有趕我們交枱的

食開佐敦雞煲， 抱住一試心態， 因為見好多食評讚好環境： 裝修OK， 有別於其他雞煲店， 只嫌檯細張， 空間狹窄， 不過都有卡位服務：招呼可以， 一叫就有人應， D侍應有時會同你講下笑衛生：可能新開， 所有野都好乾淨， 廁所要讚， 好乾淨，有TEMPX 提供， 不過得一格食物：試左個中辣， 雞煲味道有甜， 辣， 麻3個層次，辣嫌不夠， 麻較重， 上雞煲會有人幫你攪攪煲再焗先食， 有D似食鑊仔小菜，雞都好滑有雞味， 見有D雞皮燶燶地， 應該有炒過D雞件。同埋估計係冰鮮雞， 不過做到咁滑同冇雪味都算十分出色份量方面， 見之前有食評話份量小， 叫左個大煲。。。奶野。。。。。。。問阿姐大煲原來有成隻雞。。。3個人食唔晒， 我地夾開食淨既雞打包， 先再叫小量生料打邊爐。。加湯有2種， 清湯同辣湯，有得選擇， 唔錯幾有心思，我地當然要辣湯，生料： 午餐肉，粒狀上，唔錯，唔會一夾就散菜籃， 都新鮮 ，賣相一流，成個盆栽咁烏冬， 較淋身， 唔太彈牙薯粉， 沒有特別

忍唔住第一次要寫食評！見openrice comment幾好，所以book位試下！一坐底就放低幾粒西瓜同一碗不知名既物體！食完幾粒西瓜就開始點菜！打邊爐材料唔算平！叫左碟美國肥牛（$108）！上台見到勁肥，問佢有有無瘦d,店員話係甘肥，要瘦就叫頂級肥牛（$198），見貴甘多所以無order!其餘所有食物份量勁少！$68 牛柳粒勁細粒！又無牛味！似食香口膠！碟駝鳥肉又有怪味！主角雞煲！小辣但完全無辣味！雞又少！食幾舊就無！座位又迫！好容易比店員撞到！佢地拎住d雞煲行黎行去！係咪為左賺錢就唔理食客既安全！埋單$736！睇單先見到醬芥每人$12！豉油都無滴比我就收錢！過份！出街食野預左比人賺，但甘既價錢比甘少份量！係味應該拎返少少良心出黎呢！

因為好友生日, 佢想食雞煲, openrice搵到好多間, 最終佢選擇左呢間新開又多好評既陸陸雞煲一早已經訂左位7:00pm, 但佢地計入座時間食2個鐘, 我同壽星早到左就諗住喺門口等齊人先入, 不過店員都比我地入內坐先, 不過就要9:00pm交枱,另外我地拎左個蛋糕去諗住食完飯就切蛋糕啦, 點知要收切餅費$50........咁我地唯有唔切啦.....未齊人我地已經叫定個雞煲先, 跟住店員就拎左一小碟西瓜同一小碟好似xo醬咁既醬黎, 呢間店係冇茶或水提供, 只可以order汽水$10@或支裝飲品$15@雞煲叫左小辣, 連我唔食得辣既都食到, 不過朋友話個汁好甜同好杰, 好似落左好多糖咁, 美國肥牛好肥, 肥到成碟白色肥膏咁滯, 即刻叫佢轉手切牛, 手切牛好好多~其他食物都好新鮮, 幾好食我地叫左:大雞煲手切牛(大)珍寶帶子豬腸貴花(旁)竹笙生菜皇帝菜食到8:45左右我地埋單, 6個人食左好少野, 其實係唔飽既.......埋單$11xx, 睇一睇張單原來要收茶介每位$12, 又冇茶, 又冇水都要收$12位!!!又唔係特別好食, 又貴, 又收切餅費.....所以唔會再去!!!

上openrice 見到,咁多個"讚"應該都好吃吖....準時到達 ,我地order 左...1.大雞煲-d雞斬得好大件,d皮又肥.....麻辣同香都ok既...不過,就唔太入味...2.本地手切肥牛..無味3.竹生皇...索左d汁嘗可4.芝心丸vs蟹子丸..ok5.薯粉,稻庭烏冬..ok6.鱔片...ok 好大片7.皇帝菜,生菜8.響玲-一般9.豬大腸..全晚至好味10.辣子腸頭..好味未加湯之前都唔係好夠味,加埋清湯後....根本就滾嘜都無味....又迫坐得好唔舒服...但唔知點解坐到full 晒....吃過一次就夠了...唔會再去...6個人~埋單11xx......

想不到這新開的小店booking居然這麼滿，幸好這晚幸運地拿到最後一張Walk-in檯。友人不吃辣，所以沒點雞煲，要了個蕃茄薯仔豬骨鍋。 蕃茄湯底來得清甜，煲邊的一圈蕃茄蓉和那自然的茄紅色，感覺真材實料。各種火鍋配料也相當有水準，頂級美國肥牛夠爽嫩，六寶丸吃起來新鮮彈牙，個人特別推薦那帶子，嫩滑味鮮，值得一試。飯後還有小甜點送，綠茶紅豆Mochi，好吃！小店面積不大，但店面感覺乾淨，侍應們也親切有禮。想在旺角要找個舒適的地方，和三五知己吃個有水準的邊爐的話，這是個不錯的選擇哦。唯一要注意的是，店家規定入座後2小時內要交檯，不過這點也是能體量的。希望店家能保持食物水準，下試再來試那竦雞煲

預早 BOOK 左 19:15 入席七個人諗住會辣得過癮叫左一個大辣同小辣，驚佢太辣部份人會頂唔順點知連大辣都出事未加湯，雞件已經冇咩辣味加完湯直頭變左甜，其間已經不斷加辣，但都只有咸味，仲越煲越咸 完全失望 得個環境同服務係得

睇左U-Magazine的介紹，個雞煲好吸引搞到我流晒口水，OR又咁多好評，見入秋後未食過雞煲，就即興同朋友去呢度會一會佢。八點半去到，點知無位，店員話最快都要等到九點，早知一早打來訂位先啦．．．好彩間舖響旺角，可以行陣街等。到九點，都仲未有位，見九點半後有八折，一於就等到九點半先入去。等位期間望入間舖，地方唔係好大，但裝修好靚好高級咁，燈光好有mood，令到我好期待想快D到九點半！Yeah終於入到去，一坐低就有生果食！我不嬲只好汽水，呢度除左一般嘅可樂忌廉芬達，仲竟然有我最愛嘅Ginger Ale，唔洗諗，即來一罐潤下喉先啦！侍應話個煲即叫即整要廿分鐘，咁就叫個例牌小辣先，小食有個辣子腸頭，問侍應即係咩，佢話即係炸大腸但係加左麻辣．．．炸大腸又係小弟另一飛佛，要！火鍋料就點左個竹生皇，美國肥牛，鱔，響鈴同菜籃。辣子腸頭先上，好脆好麻，好開胃！跟住上雞煲，個煲來到焗一陣先開蓋，嘩好香呀！！同雜誌講嘅一樣，係食完雞先加湯，每件雞都掛有好濃嘅醬汁，望都已經覺得好惹味，即刻試舊先．．．係堅好味喎！雞煲味道好正，雞夠滑，辣度適中，朋友唔係好食得辣但呢個小辣佢都OK接受到，仲越食越起勁添！個咀食

雞煲還可以，變了打邊爐味道一般一開始食個個雞煲（例）都幾好味。我地2個人入座，9：30後有八折。加了湯，變了打邊爐后味道淡了。叫咗個8寶丸，都幾好味。但嚮鈴就麻麻地。服務員態度好好。值得一讚是個洗手間，雖小，很乾淨。最後2人去，食了$300