隆記茶室 (已結業)

2年前來覺得这店食物不錯,一直有和家人和朋友来,但今年開始已很少來这裡了,不明白為何一間食肆可以没有新菜式,每次也是只有这些選,加上食物味道亦差了,还有那些服務員態度甚不友善,粗声粗氣的,像是想你快些吃完便走！我們以後也不会再来了！！！

I love to come to this restaurant for breakfast. They offer various choices of breakfast set. My favourite is the satay beef soup noodle, which comes along with toast, ham and fried egg. They are all delicious and their iced milk tea is very good as well. Food quality is outstanding and price is reasonable, highly recommend this one!

上星期暴飲暴食，結果搞到有啲肚痛，之後禁食咗兩餐，今日終於好返啲，於是又心癢癢想食啲邪惡嘢，去到隆記茶室，諗都唔諗就叫咗客翻啅雞髀。雞髀嚟講，好難煮得唔好食，呢隻翻啅雞脾同樣食到猴子舔舔脷，外皮脆雞肉嫩，雖然有少少炸燶咗，不過唔影響整體口感。另外薯角亦都炸得唔差，由於係新鮮炸起，裡面鬆軟熱呼呼，甚有口感，不過食嗰陣要睇住熱。至於係咪要「翻啅」，老實講，今次已經係猴子第二次食，只係上次忙得滯，所以唔寫食評而已。

是我跟大部分香港人的口味太不同嗎？還是很多人未食過真正好味的食物呢？我真的不明白為什麼這間餐廳會得到這麽笑笑口的評價。香港茶餐廳開到成行成市，競爭激烈，要突圍而出絕非易事。我在這裡幫襯過早餐和晚市，坦白說，味道真的很普通，普遍到……吖，記不起來，連名字也叫不出來。晚餐：我點過咖哩魚柳飯。咖哩是類似爪哇或印尼的黃咖哩，味道濃而辛辣，但醬汁很多，滿滿蓋過整碟白飯。魚柳則是普通的雪藏魚柳。味道不錯。早餐：我吃過沙嗲牛肉包，期望不高，就是將沙嗲牛肉麵的牛肉夾在漢堡麵包裡，沒有加熱，所以只是微溫。唯一令我印象深刻的是，你吃完之後，侍應就馬上過來收拾你的碗筷碟子，並會開口叫你埋單，因為有其他客人在外面等。噢我的神(OMG!)，英文有句說話是這樣的：大部分人是不會記得你做過些什麼，但他們會記得你如何對待他，和令他產生的感受。我的感受是很掃興，出外用餐就是為了愉快地好好享受環境、食物、氣氛和與你共膳的人的對話。如果只是為了填胞肚子，倒不如我自己回家煮啦。所以，若非必要，真的不會再來了。

【隆記茶室】位於北角和富道，身處北角和炮台山地鐵站中間，對區外人仕來說，位置不算便利。不過鄰近北角區大型屋苑，主打街坊生意。茶室開業3年多，偶爾會路過，不過今天還是第一趟來光顧。中午時份，店外已有排隊的人龍，幸好等了十分鐘左右就可入座。店內裝潢帶中國風，餐牌厚厚的一疊，由中西式粉麵、扒餐、漢堡，甚至素菜類都一應俱全，選擇豐富。父親的"隆記特餐"首先端上，炒蛋嫩滑富蛋汁但不會太生，適合父母的胃口。多士兩面煎得微脆帶牛油咸香，比平常吃的多士美味。鮮茄通粉茄味鮮濃，酸酸甜甜的挺開胃。母親的"黑椒牛肉炒意粉"以鐵板奉上，熱度十足。牛肉醃得入味，肉質鮮嫰，帶淡淡酒香，母親讚口不絕，認為廚師製作用心。最後上枱的是"吉列劍龍脷柳包拼薯角"，龍脷柳比熱狗包還要長，賣相吸引。龍脷柳外層炸得香脆，內裡肉質幼細，口感滑溜，如可配多一點沙律醬，定會更美味。薯角即叫即炸，外脆內軟糯，味道帶少許咸，不用蘸醬已經很美味。龍脷柳包餐還貼心地附上即棄手套，方便食客開懷大嚼。雪糕紅豆冰有別於其他餐廳，飲品是由花奶及糖水打成沙冰，冰涼順滑。紅豆大粒而軟腍，幾乎是入口即化，加上大大球雲呢嗱雪糕，美味無比。雖然雪糕紅豆冰跟餐加

呢間嘢就喺我屋企附近 今日同女朋友朝頭早起身， 就落咗嚟呢間嘢度食早餐 我覺得呢間嘢嘅早餐同一般嘅茶餐廳好唔同 週年佢嘅沙嗲牛麵 個麵都靚過人， 唔會煮得太淋 我食咗雪菜肉絲米 畀料都好大方， 絕對值得再食

之前見到佢門口度門壞咗，於是佢貼咗「我壞了」嘅紙仔已經覺得佢間嘢好搞笑，好想試吓，今次終於有機會了！食物選擇都升多，朋友話嚟呢到務必要食佢個多士，點先在個多士？叫常餐同特餐咪有囉😂今次點咗個特餐「鮮茄牛腩粒湯通粉」，$48送杯熱飲都幾抵。味道方面，鮮茄雖然都應該係茄膏，但又唔會好假，夠茄味，都唔錯。牛腩夠腍，唔使點咬又做得唔錯。到最期待嘅多士，本身佢嘅多士質地係軟身厚多士，但嘩媽呀佢連個包邊都係軟淋淋，口感已經贏咗，加上佢嘅牛油超香又帶些少鹹香，超級正，當然係要食晒佢唔會剩啦！

搜尋港島區的茶餐廳，吃早餐。找到這間評價不錯的隆記茶記。要等位，兩個人等5張枱，大概10分鐘。早餐有不同選擇，基本上都包括了常見的選擇。特餐走牛油的多士，拿上手又濕又腍，似乎未烘過。一點味都沒有，不知道自己在吃甚麼。麵包的唯一用處是，伴蛋，吸一吸超濕的蛋。幸好我喜歡很濕的炒蛋，覺得可以接受。這個似未炒完的蛋濕得有點過份。蛋沒有半點調味，勝在炒得有油香，算是整餐最好的一樣。鮮茄牛腩粒湯通粉完全被騙，丁點的鮮茄都沒有，湯底是羅宋湯底。想吃個健康的鮮茄湯，結果吃了高納的罐頭湯，真是要多謝隆記。牛腩不可以轉叉燒不要緊，阿姐的態度不用這麼差，我也只是問一句，博一博。牛腩粒又嚡又韌，咀嚼一分鐘仍然吞不下去。通粉卻腍到不用咬，入口一陣粉味，很難吃。吃不到一半便放棄了。沙嗲牛麵一樣腍得過份，好處是沒有古怪的粉麵。寧願它淡而無味。牛油多士同樣難吃，表面有少少燶，但手感和口感都跟沒有烘過一樣。不是塗了牛油，而是浸了油，太浮誇，牛油快過期嗎？實在太難食。為什麼會排隊。老公，你怪我也沒有用，我也是受害者。

幾鐘意「隆記」嘅獨特性及服務員嘅態度。佢嘅餐牌同其他普通茶餐廳唔同，有好多款式，但係佢唔係做碟頭飯嘅。例如有鐵板餐，有手打漢堡包，有健康素食...但係假日冇午市套餐🙁。🍝龍蝦汁蝦球伊麵（轉意粉）（$75）個人鍾意意粉多個伊麵，侍應問咗廚師話可以換👍🏻龍蝦汁真係有啲蝦味，同埋唔會太結。都有唔少嘅蝦球，起碼有六粒大嘅😯。我覺得一舊西蘭花太少喇😅，可以比多一兩舊😁。三寶飯（$65）有午餐肉、叉燒同埋煎蛋，但係我地轉左炒蛋。加埋甜豉油，撈飯一流🤤。對男人來講飯嘅份量可能會唔夠飽😅。隆記常餐（$48）炒蛋好滑，多士好脆👍🏻叉燒同埋通粉嘅份量唔少，叉燒無染色嘅跡象😂，好腍，但係冇三寶飯D叉燒咁靚。餐牌寫明用金寶湯，湯唔會太鹹。菠蘿包炒蛋（$26）菠蘿包都算大，皮好脆。炒蛋望落較細，但係其實份量唔少。服務員嘅態度好好，環境光猛，但係啲卡位比較逼同埋窄，畢竟個舖嘅間隔較為奇怪，坐凳會舒服D。如果價錢便宜一D就好啦☺️。

閒時都會打探吓港島區有咩新舊特色茶餐廳冰室去吓 🤓 搵到呢間屋苑範圍附近嘅茶餐廳 menu 走新派路線有 fusion 嘢食～去過兩次後終於試晒輕食同主食 酥皮湯餐平日要 6pm 後先有 😰，所以第一次去嘅時侯轉戰咗下午茶。特別推薦小店嘅飲品🥛，食物相對之下比較普通酥金寶 ❤️ ($108)評分：7.5/10.「酥皮瑤柱龍蝦湯農夫包配烏冬」— 龍蝦湯幾香濃，但就冇龍蝦肉 😂 反而係隔離有幾舊炸咗嘅蝦仁俾你點湯食 😅 雖然唔系真正嘅龍蝦湯但呢個價錢有蝦食呀都 OK 嘅其實。酥皮同同好夾 😍😍 農夫包就有啲位唔夠軟熟，除咗包之外仲有少少淨烏冬嚮隔離可以俾你撈龍蝦湯食。跟住仲有啲隨心沙律食材系另一邊 😗 蛋番茄青瓜好多顏色 🤗 成件事其實幾 freestyle 😙 但好似唔覺有其他餐廳有創作咁樣嘅菜式勞氣沙冰 ❤️ (跟餐 +$18) 評分：8.5/10.含朱古力沙冰、朱古力雪糕，同埋可樂爆炸糖 👍呢個沙冰 combo 認真唔錯，系雙重朱古力享受 — 又沙冰 又雪糕，仲要係味道有番咁上下出亦都唔會過於流質嘅雪糕 😚 可樂糖就唔影響主調，但飲到嘅時侯爆吓爆吓嘅口感幾有趣蔥花黃金炒蛋扒多士 ❤️ ($

依間餐廳其實已經幫襯過好多次，貪佢選擇夠多，質素又有保證，起北角來講都係一間比較出名嘅餐廳今次午膳就選擇左食海鮮炒飯，炒飯夠乾身，海鮮份量亦多，整體來說相當不錯熱奶茶就不用多說，已經是水準以上了

今次和同事試食左2個下午茶餐，出餐速度夠快，份量十足，整體滿意，聽服務員講有個叫"翻啅雞比"餐好掂，下次去下午茶一定要試下先，地方唔算大，通道較迫，收銀柜放正兩面用餐區的中間通道位，有人埋單會阻住晒出入(可能同其中有边門瓌左有關)，但每個座位都夠闊大以北角區計價錢可以接受

兩年前，常來光顧。但這年的經驗愈來愈差⋯ 食物品質維持低落，我想我不會再去了。之前成為常客是因爲餐點份量沒有吝嗇，除了價錢合理，老闆親和力十足之外，食物也好好質素。五十蚊有手打牛肉漢堡，白汁雞皇飯 份量多 而且奶油香濃厚，焗豬、咖哩飯、三寶、常餐⋯ 整個餐牌我差不多背了。但由年頭開始，牛肉漢堡乾又咸得難以入口，失落了以前一向的濕潤軟的口感；白汁雞也開始選用茨汁稀釋，沒了奶油香⋯取而代之的只是咸。即使如此，我還是再去了幾次以為以上只是偶然的失手⋯但漢堡依然咸，白汁依然無味到了昨天我又有機會再試，我記得常餐的滑蛋不錯，所以點了滑蛋蝦球⋯價值近七十元。結果⋯他給我來了盤這樣的⋯⋯又是茨，未溶好有結塊的茨，還有是咸和寥寥數粒蔥花⋯蝦也是淡然無味完全和「滑蛋」沾不上邊⋯這叫蛋花 好不好？ #好有受騙的感覺今次 徹底失望了。這些年一直在加價，食品水準卻一路下滑，我不會再回來。

到北角那麼多次，都不知道這裏有間茶室。今天又剛好經過北角😅😅😅，所以選擇試下這一間茶室。看看餐牌，有超級多選擇😱😱😱，而且價錢大約60至到70幾蚊就有一個飯，超級化算👍🏿👍🏿。每個飯都會配熱飲品，而特飲就此可以半價換取😍😍😍。飯就點了一個三寶飯，三寶分別有秘製叉燒黑毛豬午餐肉加煎蛋😍😍😍這裏的特飲名稱很特別，我點了一個叫做 ”勞氣沙冰” 😝😝😝。係朱古力雪糕加爆炸糖再加朱古力沙冰，好消暑好濃朱古力味，正👍🏿。

雖然「冰室」已經成為了香港近期的主流飲食文化之一，「冰室」在全港各地開到近乎遍地開花。但是「冰室」文化進佔了香港飲食主流裡面，不等於食店的名稱都永遠是「五十年不變」。例如「冰室」這個等於「茶餐廳」的代名詞，「冰室」實際上仍然有改變變動的空間，只要再稍為在「冰室」這名稱上加以變動，就可以變成另一種，本土味濃的港式茶餐廳食店。例如在港島「東區」裡面，近着某間酒店跟「和富道」旁邊位置，就開了一間新的港式茶餐廳，那茶餐廳就有它的名稱上，稍為加上少許改動，「冰室」變成了「茶室」，餐廳就變成了「隆記茶室」。雖然「隆記茶室」在店名上稍為加上調整，但是「隆記茶室」這間港式茶餐廳，仍然有港式小食、碟頭粉麵飯、港式茶餐廳飲品，甚至冰品甜品都有售賣提供。不過我就會建議各位有意光顧「隆記茶室」的朋友們，幫襯前先參考一下其他跟「隆記茶室」相關的食評，又或者看看「隆記茶室」的餐牌都好。因為，我覺得「隆記茶室」餐牌提供的食品，跟飲品種類都蠻多，一不小心就容易叫錯，跟自己事前預算好有點不同的食品或飲品。我今次就有點失策，食品跟飲品都叫錯了。我在「隆記茶室」裡面吃了一個晚餐，全程我發現自己沒有選錯的，就只有「隆記茶室」