雄泰

营业中

休息中

店舖裝飾充滿泰國特色，簡單的大牌檔桌椅，牆上畫有泰式麵檔的手繪畫作，很有趣一進店除了量體溫，還給我們每人一個紙袋裝口罩，貼心加分餐牌價錢非常相宜，看得出是做街坊生意的抗通漲價燒豬頸肉($30)熱辣辣的燒豬頸肉，配上酸甜微辣、非常惹味的泰式醬汁，我們常說此醬汁比燒豬頸肉更高分，非常推介泰式炒通菜($25)其實就是飛天通菜的味道，如果你有去過泰國的話定不陌生，微辣的很惹味，份量不算多，但$25的價錢是超值，現在就算在外面打邊爐，給你一碟未煮過生的菜都不止這個價錢牛湯粉($40)湯粉可選金邊粉、河粉、米粉、粉絲及媽媽麵，即使食物價錢便宜，提供的選擇也不少，我們選了河粉河粉較平時港式粉麵的幼身，湯底則是泰式船河湯底，伴些花生脆粒，很香濃而牛腩和牛柏業都炆得軟腍，細粒牛丸則較欠彈牙和牛肉味，我們以前曾以為這是豬肉丸冬蔭湯粉($40配雞肉)/$45配蝦冬蔭湯粉我選了媽媽麵，其實與福麵類似，這裡的冬蔭湯較重椰奶味，我們很喜歡，配上酸辣的冬蔭香料湯底，而雞脾菇和雞肉份量不少，雞肉淋滑，媽媽麵沾滿冬蔭湯汁，好吃2人吃得飽飽捧著肚子離開，埋單只是$135，抵讚

小妹這次山長水遠來到粉嶺聯和墟為愛犬托狗糧，點解去咁遠既原因除左顏色外，選寵物醫生相信同跟剪型師或保險agent 一樣，用開就唔會轉，因為佢最知你心。以前的我慣例去聯和墟食馳名豬手麵醫肚，名字就不開了，聯和墟老店一search 即有，然後用app搜出發現該店暫無顏色，小妹曾自己承諾出街只幫襯黃店，雖然嘴饞😽，太陽乾蒸下決定企埋一邊搵顏色店，這是港女的堅持對得住自己同自己的承諾。雄泰這店小妹曾經同朋友光顧過，上次幫襯也已經有兩年前的前了，喜歡它價錢實惠又唔會好大碟，可以揀多幾款。聯和墟是穩世高手雲集的地方，因為好多好野食，假日亦有人因為食豬手麵或拉麵特登山水水遠入黎，所以可以佇立開店數年食物需要一定水準。入到黎比左個口罩袋我收納口罩，如果我在酒店有信封收納口罩會覺得很正常，但小店有這種待客之道，往往令人很驚喜，未食野先加分。在這個炎炎夏日需要一個綠洲，形容這裡十分不錯👍🏻一入黎已經叮叮叮係咁加分，室內環境整潔，比起豬手麵好過佢多多多多聲，呢度仲有泰式滷水豬手飯食添😍😍😍是今天的bonus , 不過我去到時已經售罄，下次各位去食可以撞下彩數：）所以我選了肉丸船河，小妹對泰國最念念不忘的美食

叫外賣出名等得耐都算，個女侍應仲要態度好差 好串。叫我係門口等外賣，之後個態度差女侍應執好就甘擺左袋外賣係近門口張枱，嗌都冇嗌。我都唔知係唔係我架嘛 我就問我外賣有未 有個員工阿姐聽到 但就唔清楚 問返佢地冇人應機 之後我就繼續等 個刻幾想唔要個外賣過左好耐 最後有個男員工問係咪我 唔明擺咁耐先俾我係咩意思 唔會再幫襯呢間野 第一次叫外賣叫到成肚氣 仲要俾個女侍應串講返野食味道 不過不失 唔係話好好味 湯河椰汁味好重 唔會想再食.仲有疫情期間呢台有米半嗎？又貼張紙係出面話有職員會出嚟量體溫 🤒️係咁外賣就唔洗量？

Located in Luen Wo Hui, this restaurant serves a small selection of tasty authentic Thai food at a very reasonable price point. Ordered delivery through online dining platform , which took roughly 40 minutes.FoodA relatively small menu with a selection of soup noodles, rice dishes and snacks. We ordered the Thai Hainanese Chicken Rice, Minced Pork with Rice, Basil leaves & Egg and Stir-Fried Water Spinach Thai Style.The Hainanese Chicken was delicious. Tender chicken served with flavoursome oi

好食同抵食，一個字《正》呀。好多泰國菜館好似食晚飯咁，但我只想食午餐，哩間岩囇，行過見間餐廳都好乾淨，入去試下原來咁好食。海南雞飯D飯好似有椰汁味好香、個船河好似有喇沙味會再幫襯呀。

今晚去左聯和墟，無意中經過一間泰國餐廳，內面裝修好扮有格調，心諗一定又係貴價，點知。。。佢個價錢係親民到我未見過。仲要唔止有搓手液提供，仲有紙袋俾你放口罩，真心讚細心。我叫左泰式炒通菜，泰式蝦餅，泰式生菜包，泰船河，海南雞飯，菊花茶。無一個食物係令你失望，海南雞滑，蝦餅有蝦味，船河湯濃，生菜包豬肉好香，妙通菜好惹味，菊花茶係自己煲果種。

今日行山經過聯和墟.就係附近搵下泰國野.見到間店門口貼住菜單.嘩.碟碟都甘平😍🥢泰式酸辣鳳爪 💰3030蚊黎講算大份🥰好夠酸.小小辣.正呀. 鳳爪彈牙.無骨🥢燒豬頸肉 💰30豬頸肉一般.比較瘦身.但醬料開胃.酸酸甜甜.🥢泰式生菜包 💰30⭐️推薦⭐️個生菜超級新鮮.係食得到既爽同鮮甜.👍🏻 睇落細細碟.但都包到7-8塊生菜.抵食.肉碎不辣.🥢泰式炒通菜 💰30通菜炒得夠入味.不會煮到林哂.🥢泰式豬手 💰58豬手好入味.脂肪同肉既分佈都好平均.豬手是甜味.配埋酸酸地既醬.都好開胃. 底下重配有芥蘭. 👍🏻🥤椰青水 💰18係罐裝 （出面未見過）🤣🤣唔係真正椰青水.偏甜.內有椰果肉. 喜歡甜飲一定會好鍾意. 但本人不好甜..Haha總結：二個人食岩岩好.細細份又唔貴.可以食多幾樣菜式.味道唔算好惹味.但都有泰國風味👍🏻平平地二個人食個泰國菜都好值得推薦👍🏻抵食高性價比👍🏻

這家店是在粉嶺聯和墟的，從粉嶺車站走過去反正我是要十五分鐘左右，建議大家可以找找看聯和墟還有什麼好吃的順道吃，不然特別來感覺好累……一、餐廳裝潢我一開始以為泰國餐廳應該是有四面佛呀、女人的雕像然後很粗很深的眼線那種。但進來發現反而是懷舊風。牆上有很多復古的玩意呀、海報之類的。▲ 各種的海報和用品▲ 另一邊的牆上有圖畫▲ 各種懷舊復古的玩意▲ 廚房也有一番心絲二、餐牌與食物雞先生是很怕看很多頁很豐富的餐牌，因為我是有選擇困難症的。所以來雄泰有一個好處，餐牌簡單易明、選擇足夠也不會太多。而且相比外面泰國菜的價錢，雄泰的價錢非常合理，一個普通的泰船河也只是HKD$25這次我和an鴨點了︰海南雞飯、雞湯河、泰式炒通菜、泰式蝦餅、冬蔭功湯和兩杯泰式奶茶。買單是$240元(好像是，懶得算一次)先旨聲明，我是絕少吃泰國菜，所以我是不知道正宗的泰國菜是什麼味道。以下的食評我是按感覺來寫，沒有任何客觀的標準啊！海南雞飯 (HKD$39) 及 泰式奶茶(HKD$18)海南雞飯配了一個酸辣醬，不會太辣但頗酸。由於本來的油飯已經非常夠味所以我沒有點太多的醬。海南雞是沒有骨頭的，每塊切得小小的很容易吃，也非常嫩

今天來到雄泰食lunch, 其實我唔係第一次來，有回頭已証明係好野。先講下我最欣賞的泰式凍奶茶，佢哋用泰國紅茶底，加煉奶。入口香甜富泰國獨有的茶香。無得頂。呢道以泰國街頭餐廳為裝飾主題，野食以碟頭飯為主，我今次就叫左個泰式豬手飯+生菜包。豬手夠淋亦入味，生菜包的肉碎加入泰式香料，味道不錯。埋單亦只係街坊價，如一兩知己朋友，食個lunch,實是不錯的選擇。

之前都嚟過兩次， 呢度嘅食物係幾平幾抵食，味道仲要唔差，但係你就唔會預佢好大份，一般女仔食我覺得係夠食嘅，男仔可能差少少佢哋嘅嘢食都係5O蚊內有交易， 今次嗌咗 冬陰功金邊粉，佢主要嘅材料係雞肉同埋菇類， 唔係海鮮 我幾鍾意個湯 但係我覺得湯就少咗啲， 食到一半已經索曬啲湯， 另外嗌咗生菜包， 份量都算夠兩個人食另外佢哋裝修都幾特別 有好多應該係人手畫嘅畫 幾有特色可惜係今日等嘅時候真係太耐 嗌咗嘢食差唔多20分鐘先到 唔知係唔係唔夠人手

星期六，食個late lunch。記得之前同屋企黎食過lunch，味道唔錯，價錢又平。果陣叫左好多野，又飯又麵又小食，今次自己黎食就冇得叫咁多樣。睇個menu就見到，大部份價錢係三字頭去到最高四十幾，有d直頭係二字頭，呢個價錢真係平通街。記得之前黎食果陣，有叫海南雞飯，炸蝦餅同埋燒豬頸肉，味道都唔錯。今次我就叫左個鴨肉船河。湯底隻色夠深，味道都的確夠，咸得黎少少甜甜地。配料有蔥花同埋似係炸蒜既野，令個香味同口感都多d。鴨肉切成薄片，份量比預料多唔少，一排有成十塊。河粉係幼身既，滑得黎冇淥得太林，配埋個湯，唔錯。我冇加野飲，所以埋單就係39。環境唔錯，都幾闊落唔會逼。佢平得黎其實份量睇落好似係偏細份d，不過宜家出面食泰國野其實都唔大份得去邊，起碼佢平，你可以試多幾樣野食。

夜晚冇飯開，係附近諗住求其食當一餐就算，見到呢間入左去試下，又唔錯wo我叫左泰式奶茶同泰式燒豬頸肉飯，個奶茶飲落好似同普通果d差唔多，但飲飲下又真係有d唔同(見識少)個飯就一般般唔算特別，但佢個汁酸酸地甜甜地(我麻麻呢類所以覺得一般，但出面少見到呢個汁配飯)

粉嶺一間地道泰國菜，由港泰夫婦一起經營。由上年開業已經成日黎，野食地道好吃又平，份量唔多，可以令我地試到更多唔同野。見到佢地生意愈黎愈好我地都好開心。今晚星期日雖然落雨，但都要排左10分鐘。舖頭雖然好忙，但店員都好好人，盡力安排坐位同招呼我地。推介海南雞，又滑又香，而且仲係雞油飯，泰式豬手滷得很入味，香嫩有五香味。舫麵都好正，同泰國食味道一樣。炸蝦餅都好好味，外脆內軟。今晚我地一家叫左8道菜1支啤酒先HK$275.

聯和墟這間泰式小店其實已幫襯過很多次！味道不錯！價錢也相當平！通常都係Order 佢嘅粉麵，今日就打算試試佢嘅泰式豬手飯！豬手飯($45)泰式豬手腳的精髓在於醤汁和肉的質感！這碟豬手飯，醤汁味道豐富，肉的質感沒有韌。附上的泰式辣汁十分惹味！這豬手飯跟我以往嚐過不同的是，這豬手有厚厚的肥膏連皮，味道上是更濃郁了！ 但可能注重健康的朋友就會放棄這幾塊豬手皮了 味道不錯！但若能令肉更入味和軟會更佳！

午飯時間剛好經過，座位是模仿地道街邊檔，午飯套餐價錢完全不貴，粉麵也是40有找，還有餐飲。叫了烤豬頸肉飯，加4元要了最愛的泰式奶茶，最不喜歡有不少泰式餐廳沒有泰式奶茶，因為製作麻煩需時。泰式奶茶先來，味道是正宗手標牌茶葉，調教得不錯，比很多泰式餐廳也好。豬頸肉飯用了街邊鐵盤裝，有風味，賣相不錯，有不少豬頸肉，而且大大塊雖然不是厚切，吃落也彈牙，有自家制醬汁，甜重輕酸，我還是喜歡泰式那經典酸甜醬多，白飯也煮得剛好但可能用了平價米，很淡口的感覺。46元有這組合，其實很不錯，當然地點在聯和墟不是市區才有這價錢。