雅廊咖啡室 (裝修中)

每次想食海鮮自助餐，一定會諗起意廊，因為呢度長年有龍蝦、麵包蟹、長腳蟹、粉絲蒸扇貝等貴價海鮮，而且係大堆頭，加得好密，唔使等，唔使搶，食得好安心，可以保持儀態！另一樣要讚係海鮮有鮮味，唔會淡口或者死鹹，遇著有豐腴嘅蟹膏，簡直欲罷不能！最緊要係抵食！因為主打海鮮外，仲有刺身，同埋多數都有嘅鵝肝！其他熱盤、甜品都有好多款，另設counter幫人畫蝶，可以拍照留念，每晚都有火焰雪山（蛋糕），好熱鬧！美中不足係有啲擠逼，可能因為人太多，好多時「收碟」較慢。

相隔一個月，再次相約朋友一行十一人食自助晚餐（主要食龍蝦，又有信用卡優惠），雖然品種不多，不過就冇其他酒店嘅自助餐又燒味，雞翼，肉丸類充撐場面。食品都有質素，今次再接再厲主攻 “凍緬因州龍蝦”，次要“海膽， 刺身，羊架，蛋糕，雪糕，還有自製雪糕咖啡又香又滑”同行朋友都讚不絕口，衆人異口同聲相約下次再度光臨。

為慶祝媽媽節一行8人,六大兩細衝著來到九龍富豪酒店食個自助餐!自助餐於酒店內---雅廊咖啡室, 是夜主題為「龍蝦．海膽」海鮮自助晚餐。入門口已經看到非常吸精的一大盤西班牙海鮮炒飯。魚生, 海膽壽司, 麵包蟹, 龍蝦, 長腳蟹等, 整體質素可以的, 補充食物也算快。甜品雪糕也多選擇, 還有火焰雪山與及DREYERS 和MOVENPICK 雪糕選擇哦!是次還享指定信用咭優惠買一送一哦!

服務不錯 就餐環境普通 入座率大概7成所以不用排隊等食物食物選擇不多 味道中上 海鮮包括青口 蝦 螺 龍蝦鉗 沒有太大驚喜清蒸魚 芝麻豆腐 沙拉 水牛芝士屬於味道比較好的幾款菜式 烤麵包也很推薦甜品大部分是mini size 有盒裝雪糕使用信用卡或者coupon折扣划算 按原價算性價比就不高啦

今次自助晚餐主題“龍蝦”，相約朋友共9人，自助餐由18:30開始，主攻“龍蝦”平均每人4~5隻，食半個鐘已差不多飽。第二輪主要食平時較為少食，海膽，刺身，燒牛肉，西班牙海鮮飯。第三輪以甜品為主，火焰蛋糕，Movenpick雪糕。全晚每個人都話抵食又好開心！

為補祝母親節，及使用之前在百老滙購物收到的65折優惠券，今天和母親來到位於富豪酒店地下的雅廊咖啡室。以自助餐廳來說，這裡的座位不算很多，除了12:30～1:30有疑似在附近工作的公司職員來聚餐外，用餐的人也不是很多。食物大都靠牆放，主要分為生冷海鮮、沙律、熱食、壽司、湯品、甜品，熱食方面有即叫即整的粉面、泰式咖哩、西式意粉及肉、中式小菜和炒飯等，如果每道菜都只吃一點，剛剛好試完所有菜式後就會填滿了肚子，不必擔心有想吃的沒能試的問題（但如果想多吃某道菜就會有過飽的問題）。總的來說，海鮮比肉好吃，豬比雞好吃，雞比牛好食，芝士粉配沙律最好吃。湯品方面，蕃紅湯裡沒有配菜，酸的像用蕃汁混水製成的......甜點方面，雪糕品牌是Dreyers 和Movenpick ，抹茶類甜品也很多，但最得我心的是特濃朱古力蛋糕，入口即融，朱古力味十足，但相信脂肪成份也不少(๑´ㅂ`๑)折實後每位$223.5，不知道優惠結束後是否會加價呢？

第一次到這吃飯，能走路去取餐的桌子與桌子之間距離及走道很窄（只能一個人過），沒太大空間感。到了坐下沒有服務人員會介紹餐廳的自助餐內含服務，另外今天有人生日，訂位前已再三確認要蛋糕，也沒過來問幾點需要蛋糕⋯⋯我ㄧ進來問ㄧ次，服務員說等等有人會問我是吃什麼優惠。人是來問了，我們回生日優惠，後來等了會，亦沒通知及溝通蛋糕將如何方式上桌，等了ㄧ陣，又自己去問，何時會幫忙備蛋糕，那時已是9點了⋯⋯他問現在上嗎？？？這不是該ㄧ開始該跟客戶溝通的嗎？蛋糕過來盤子上也沒有寫名子⋯⋯跟上次看到那篇介紹不同😅⋯⋯有失望感服務收盤算快，服務ㄧ般，食物中個人當天最欣賞牛排跟龍蝦。整體來說，還可以吧！下次如有優惠6或5折就會去，但原價就不考慮。

復活節前一天中午12：00來到九龍富豪酒店地庫Cafe Allegro, 已有數枱客人入坐。侍應帶我埋枱時，已有一杯水在每張枱上，並禮貌地告知客人可以取食物。本人没吃早餐，已急不及待出去看看有什麼好吃的。最吸睛當然是, 還有。飯粒太乾太硬，不是本人口味，反而炒蝦、長蟹腳、龍蝦拑好好味 ! 為了暖一暖肚，先喝一碗，味道有点淡，没什麼湯料。冷盤有: 凍白灼蝦、黑青口、綠青口、翡翠螺、凍莎樂美腸、午餐肉。 清蒸鱸魚值得一讚，肉嫩滑、味道鲜，整條魚很快就被食客一掃而空，厨師很快就補充另一條。之後，我見很受歡迎，又來了一碗。女厨師可能太忙碌、有点累，詢問客人要什麼粉麵及食材時，態度有点不耐煩。 另一驚喜，印度薄脆 Poppadam+咖哩魚，配印度拉茶, 绝配！好快我已九成飽，還要留肚吃水果甜品：西瓜、菠蘿、火龍果、哈蜜瓜之外，還有各式糕餅 (綠茶慕絲、芝士餅、鲜果蛋糕、芒果慕絲),雪糕有Movenpick (Vanilla, Strawberry, Chocolate)、Dreyers (Green Tea Matcha with brown sugar, Pistachio).Original

甘耐真係第一次黎富豪食 buffet~ 因為評語麻麻.但今次試過,環境食物服務比我想像中好好多呀😝當日都全場爆滿, 但每款食物都源源不絕供應, refill 得又快, 而且唔會出現長龍排隊攞食物情況. 連鵝肝, 刺身 counter 都完全唔駛排隊👍🏻鵝肝味道都唔錯幾甘香. 而且職員有禮勤快, 收碟又快, 又會主動加水~ 讚呀👏🏻👏🏻冷盤雖然無生蠔, 但都好多選擇, 龍蝦蟹腳麵包蟹翡翠螺.... 蟹腳大隻又鮮甜. 刺身又係好多款選擇, 樣樣都好新鮮. 呢個西班牙海鮮炒飯好勁😋籠仔蒸龍躉好滑, 但夾住太多糯米飯了~ 熱盤選擇都唔少, 鵝肝松露蛋好香滑. 唔少得沙律芝士 cold cut~ 甜品 corner 都好吸引呀😍 仲有 M 字牌雪糕~ 仲有得寫字畫公仔, 岩晒慶祝食飯😆另外仲有咖啡機同自助飲品 bar 添, 超級超級滿足😋😋

之前食銅鑼灣既富豪join左會員有coupon半價優惠所以黎尖沙咀呢間試下！估唔到質素比銅鑼灣好好多～凍海鮮種類算OK,龍蝦鮮甜肉彈牙，蟹腳有海水味又唔會太鹹，麵包蟹多膏但味道麻麻海鮮全部都好搶手～但係Refill速度好快絕對唔使驚拎唔到沙律冇咩特別，有多款醬汁選擇鵝肝大塊厚身油份夠又甘香！麵包夠脆口唔會淋晒！必食西班牙炒飯賣相好吸引但係冇乜味同埋好乾好硬燒牛扒好有肉味另外刺身都好新鮮仲有其他野冇影相總體黎講咁既價錢真係值回票價！

由於之前食過知道有生日優惠，嗰個月份生日嘅都會免費，其他人嘅都可以八折，呢個優惠真係好抵食同好吸引，所以今日Daddy生日，我們一家四口就再去咗尖沙咀富豪九龍酒店嘅「雅廊咖啡室」食自助晚餐！他們今期嘅主題係「雙龍會」即龍蝦同龍躉，他們嘅款式種類選擇都幾多，而且又會捨得畀人客食，食物會不停咁供應，呢個態度值得一讚，同埋今日係星期二都全場爆滿，就知道他們嘅出品係幾受歡迎，係我們食過他們嘅集團最好嘅一間！食物大至上同之前食過嘅差唔多，但有新推出嘅食物例如有：黑松露燉蛋燉得都幾滑溜，味道都幾芳香，除咗有啲黑松露碎之外，仲有啲黑松露油淋喺面，但感覺就油膩咗啲！香煎鵝肝就煎得表面好香口，入面相當軟滑，加埋塊香脆嘅多士一齊食，真係絕配呀！而甜品方面芒果拿破崙嘅頂層芒果相當香甜新鮮，嗰層酥餅非常酥脆鬆化，可以食得出大廚師傅用心製作每一款食物！薑汁燉奶嘅味道調教得恰到好處，薑汁同奶嘅比例啱啱好，唔會薑汁嘅份量過多，而掩蓋咗奶嘅香味！

朋友送咗富豪酒店優惠券比我，旗下酒店都有折，我哋揀咗呢間。餐廳座位略嫌逼，食物款式唔多，但賣相唔錯，味道不過不失。海鮮吧有開邊龍蝦，龍蝦仔，青口，蟹腳，涷蝦，翡翠螺。龍蝦肉有少少韌但係多膏，蟹腳大大隻多肉唔太鹹，其他普普通通。刺身新鮮，而且有少有嘅海膽軍艦。冷盤精緻，海膽豆腐就唔見有海膽喇，龍蝦三文魚籽沙律足料。蒸魚好滑，魚好新鮮，薄餅有啲硬。甜品款式多精緻又好味，焦糖燉蛋又香又滑，仲有macaron同dreyer's任食。

原來團購也有高質素的酒店自助餐，重點是龍蝦任食，還要源源不絶添加凍海鮮還有海螺，凍蝦，麵包蟹，青口和長腳蟹，全部都很不錯，尤其麵包蟹，超級多膏在出面的餐廳都要二三百一隻，除了龍蝦這是必食之選燒蔬菜的菠蘿甜甜酸酸，幫助消化，因為吃得太多龍蝦這個鵝肝也是供應不絶，吃完再吃，最重要不用配給，喜歡吃幾多也可以這個日式炸蝦及豬扒，水準也很高其實我很喜歡吃炒飯的，只是太飽肚，只可淺嚐平時喜歡吃蒸海鮮，想不到這裡也有大大的元貝除了凍海鮮還有炸海鮮以供選擇！有不同芝士以供選擇！除了一般的蛋糕甜品，還有Dreyers 及Movenpick雪糕🍦🍦🍦這次團購價不用$400，真的是超值之選，還有很多美食不能盡錄

今晚我們一家四口慶祝哥哥嘅生日，所以我們去咗之前食過覺得幾好嘅尖沙咀富豪九龍酒店嘅「雅廊咖啡室」食自助晚餐！他們今期嘅主題係海鮮，當中我們最鍾意嘅凍龍蝦，今期新推出嘅係美國緬因州凍龍蝦嘅肉質極之爽滑彈牙，味道非常鮮甜，比以前食開嘅加拿大凍龍蝦更加爽甜！另一款我們最鍾意嘅西班牙海鮮炒飯之前嘅賣相已經好精緻吸引，但今次嘅擺設賣相更加色彩繽紛同舖砌得非常整齊，海鮮嘅份量多到差唔多遮蓋晒啲炒飯，炒飯炒得好乾身，而且唔會好油膩嘅感覺！蒜蓉粉絲蒸大元貝嘅肉質相當鮮嫩彈牙，蒜蓉嘅份量唔係太多，唔會掩蓋咗元貝本身嘅鮮甜味！至於甜品方面，有啲新款式，當中我們食咗幾款之後覺得雙重朱古力慕絲蛋糕係最好味嘅，外層係超級濃郁嘅朱古力漿同朱古力碎片，入面係有兩層慕絲蛋糕，上層係朱古力味，下層係吉士味，質感極之軟滑，味道超香甜！另外！本人訂位嗰陣話哥哥生日，餐廳話會有個蛋糕送，同埋有即場有師傅畫寫名字同圖案，所以本人就寫咗大約嘅概念同意思畀師傅參考，去到差唔多食到最尾嗰陣，店員就攞個蛋糕出嚟，哥哥見到之後覺得超級開心同驚喜萬分！值得一讚嘅係師傅嘅手工，真係畫得好精緻同好有心思！

同事升職請食飯，起初明明提議去打邊爐，之後輾輾轉轉來到尖東吃自助餐，真是太落本。自助餐六時半開始，入坐時已半滿，七時多更是坐無虛席，閒日來說也真的受歡迎；裝潢方面則不要期望太高，始終是舊式酒店，燈光較暗，檯與檯的距離也密，但喜歡它檯夠大張，放上四五盤食物也不是問題。 一行七人被安置到飲品部的旁邊，熱的咖啡、茶、檸檬水等可自行調配，而我們放下隨行用品便急不及待往食物區進發，凍海鮮放在一入門口的右邊，有龍蝦、長腳蟹、麵包蟹、青口、螺和蝦，長期源源不絕的供應。 冷盤有火腿、莎樂美、煙三文魚和放在雪櫃一杯杯的特製頭盤，如椰子蝦沙律配柑油茸、龍躉配柚子啫喱等，十分創新，不過保守的我沒試，只吃了巴馬火腿配哈蜜瓜和龍蝦沙律，普普通通。 沙律有數款基本的沙律菜、青瓜、粟米、車厘茄和麵包粒，加上不少的醬汁，可根據個人口味調配出自己最喜歡的沙律，而已拌好的泰式海鮮、紅菜頭、南瓜雞肉和龍蝦凱撒也不錯。 芝士有Brie、Cheddar、Emmental、Blue Cheese、Gruyere五款。 日式刺身少不得，三文魚、吞拿魚、帶子、油甘魚、八爪魚和鯛魚新鮮，另外有兩款卷物。 來到熟食環