雅苑小廚 (已結業)

我去觀塘交收完文件之後忙裏偷點閑，約左爸爸附近食晚飯之後先再返公司 附近無乜選擇但又五想行返去APM.... 最後揀左雅苑小廚食。我們一人揀左一個小菜1️⃣滑蛋炒蝦仁（$68）加入左蔥去炒好香，蝦仁亦都好大隻啊！而且一啲都唔孤寒有好多隻蝦～不過蛋五炒咁耐會更滑👍🏻👍🏻2️⃣椒鹽鮮魷 （$70）我爸爸一向好中意食香口野，所以點左碟椒鹽鮮魷 ，鮮魷旁邊有青瓜伴碟，炸粉五會過厚，脆卜卜。鮮魷相當有咬口，鮮味十足👍🏻如果d椒鹽炸蒜多小小就好啦

比人放左飛機所以得返自己一個一人晚餐！一個人食無太多選擇所以去返我平時返工食lunch既飯堂💥💥《雅苑小廚》💥💥平時我都係外賣為主，今次唔趕時間可以坐低慢慢食呢間餐廳環境唔錯，對比其他茶餐廳相對衛生整齊，而且枱與枱有空間唔會太逼夾！晚餐當然叫個小菜食下先啦「三色蒸水蛋」$62 即叫即蒸，熱辣辣！意想不到的是蛋蒸得很滑，而且份量也很多，滿滿的一碟。蛋上淋滿左豉油，入面既咸蛋&皮蛋分佈都很平均 ，每啖都食到！由於有咸蛋所以送白飯一流，超開胃阿下次晚餐會再光顧！

難得來到觀塘探望親戚，和親友來到附近的雅苑小廚。入面企理，坐位寬闊 ，坐得舒服﹗我們點了數款小菜，飽吃一頓。$118豉汁蒸白鱔:好鮮甜彈牙的白鱔，豉汁用黎撈飯一流~$70胡椒枝竹豬肚煲:胡椒調味，所以微辣。而入面酸菜開胃，酸辣味忍不住多吃一點飯。豬肚彈牙新鮮，沒有內臟的腥臭味。$68梅菜扣肉煲: 梅菜入味，扣肉半肥瘦，確是送飯之選。$60金銀蛋浸時菜:清甜鮮味~菜式料理得不錯，而且值錢公道，可以成為探望親友飯堂。

出街食飯當然係想食啲自己唔識煮嘅嘢啦🙈所以我今日去雅苑小廚食飯都叫左兩樣自己唔識煮嘅餸🤣分別係🍍菠蘿咕嚕斑球同埋🧂椒鹽豆腐~~-望落張相係咪好似菠蘿咕嚕肉眼呢??其實佢唔係豬肉, 佢係班球黎架!!你叫我煮咕嚕肉眼都已經唔識架啦, 更何況係咕嚕斑球🙉咕嚕斑球依個餸我都真係好少見, 幾特別👍🏻斑球食落比起肉眼冇咁滯, 食多幾舊都仲得😋斑球雖然係炸過, 但係有埋酸酸甜甜嘅菠蘿汁就一啲都唔熱氣, 仲好開胃~~-另外叫左嘅椒鹽豆腐, 真係可以用皮薄餡靚去形容⚠️軟心嘅豆腐外面有一層脆脆嘅豆腐皮, 外脆內軟🤤記得要點埋喼汁食, 咁先係最好食架!!

係觀塘做野一定會知道呢間雅苑小廚，都算係平時返工lunch既飯堂之一。有晚OT做耐左，就無返屋企食飯，一個人去左呢到食飯，估佢唔到晚市原來都唔錯!菜類種類繁多，其實真係對於選擇困難症既我黎講好難揀，有小菜，碟頭飯，煲，潮式粉面等等，不過一個人食飯就無叫咁多，叫左個牛腩飯飲凍奶茶填飽個肚就算。估唔到牛腩又幾好食，炆到好lum，而且一啲都唔肥，入口即溶，而且份量都好足，仲有紫菜湯送同埋幾條菜仔食下。埋單$63，我諗觀塘工廠區都好難搵到呢個價錢既晚餐。如果下次再OT完收工都會去食下~

🌟🌟🌟🌟🌟🌟🌟🌟🌟🌟🌟🌟🌟🌟🍽 雅苑小廚 (觀塘)📍觀塘駿業街48號新榮大樓地下A舖🌟🌟🌟🌟🌟🌟🌟🌟🌟🌟🌟🌟🌟🌟朋友帶路食中菜，因為我早幾日提過想食煲！天氣冷就想食呢啲😆😆哈哈！多謝朋友咁錫我呢😝蒜子火腩大鱔煲 $118No doubt見到即叫！我係愛鱔之人，可惜唔係道道都食到鱔，好味既鱔就更少。。。驚喜既係呢個蒜子火腩大鱔煲幾唔錯！食材新鮮，食完滿足又暖笠笠🥰呢個價錢食到火腩大鱔煲都算抵！椒鹽豆腐 $22口痕想食🤭椒鹽好惹味，唔會過咸，豆腐又好滑，幾好食

今晚兩個人不過想食下小菜，懶得煮，但係又唔想去酒樓咁大陣仗，就去咗雅苑小廚食喇餐牌菜式都好多吓，真係花多眼亂，最後簡簡單單叫咗兩個小菜西檸煎軟雞 - 呢個幾有驚喜喎，淨係睇個賣相都覺得唔錯，唔係嗰啲求求期期炒埋一碟，有擺盆㗎，西檸雞塊皮炸得好香脆，但係雞肉就好淋滑，加埋酸酸甜甜嘅西檸汁，食落又唔會怕太熱氣金銀蛋浸時菜 - 呢碟菜超大碟，超足料啊，有勁多鹹蛋同皮蛋，啲菜都大碟，好抵食，另外個上湯都幾好味，可以當埋湯飲，正呀

好耐無食魚蛋粉嗰啲啦! 今日行過雅苑小廚見到都唔少食客, 一於試吓先, 呢到潮式麵單拼$43-46, 我叫咗牛腩魚蛋麵, 雙拼要加$10, 共$56, 叫完好快就有得食, 趕時間都唔驚先試咗個湯頭先, 飲落又幾清甜喎, 唔會一味得味精咁, 牛腩肥瘦中等, 唔會話有筋又好難咬開咁, 唔錯唔錯, 魚蛋食落又夠哂彈牙, 夠足料, 最緊要係叫完雙拼之後, 每樣餸嘅份量都唔會得返好少, 食得滿足又開心呢到仲有好多其他種類嘅食物, 下次經過我都會試吓其他

小炒不嬲係我嘅最愛❤️，尤其是菠蘿咕嚕肉呢啲咁惹味嘅廣東菜😍😍。1️⃣菠蘿咕嚕班球 $70酸酸甜甜好惹味，菠蘿咕嚕肉就食得多啦，菠蘿咕嚕斑球你又食過未?比起咕嚕肉，斑球肉質更為鮮嫩。外層香脆可口。配菜仲有三色椒，菠蘿同洋蔥，清新美味又健康，送飯一流！🙆🏻‍♀️美味指數:7.12/10💡整體來講，性價比唔錯，食下小炒真係好正。雅苑小廚 (觀塘)地址🐾:觀塘駿業街48號新榮大樓地下A舖

無嘢緊要得過你趕時間，又想嘆一下，抖一抖氣。雖然都排左陣隊，但好快就入得座，幾有條理，時間都剛剛好，行到去就剛抹好張枱。選擇都多，成日行過聞到佢牛腩味都想試。座位算係舒服，剛好4個人都可以坐到6人位，拎比較寬敞。咖喱薯仔雞柳飯，48元，個咖喱汁稀左小小，唔係幾夠味。薯仔係多，雞柳份量一般，飯就好多啦。牛什麵，46元，同事話唔錯，好夠味。呢個福建炒飯一上枱，我地都嘩然，好大份，而且非常足料，味道ok，仲多到食唔哂。

話說觀塘區餐廳真係種類豐富🧐日本料理，泰國菜，法國菜，西餐廳，粵式私房菜五花八門🍱🍝🍛🍲🥟幫襯開嘅餐廳都價錢頗高，所以早排特意去返啲平凡少少嘅餐廳，去到駿業街試吓附近嘅小炒😋 最平凡嘅菜式，越難煮得出色。所以我特登叫咗碟蝦仁炒蛋，試試佢地師傅嘅功架如何😏 大概等左10分鐘就有得食。炒蛋大大碟，有好多蝦仁，唔會好咸，岩哂黎餸飯咁大份量嘅材料師傅只不過用左好少量嘅油，亦冇燶底👍🏻令我不禁諗起家母嘅炒功都冇咁好😂 呢間餐廳唔錯，可以再戰

今日有食完飯去觀塘海濱散步嘅念頭💬所以走咗去海濱搵餐廳😆我叫咗份三色蒸水蛋，對於食得比較清淡嘅我，豉油雖然多咗少少，但其實呢個量用嚟送飯啱啱好👍🏻 真係估佢唔到，個蒸水蛋竟然係好滑，入邊嘅皮蛋同鹹蛋都好足👍🏻👍🏻👍🏻 佢哋嘅選擇唔算得太特別，但往往最簡單嘅嘢就最難做得好食。呢間餐廳令我喜出望外，下次一定會再嚟😆不過因為個蒸水蛋本身都有鹹蛋，想提提師傅，豉油下次可以再放得少啲。。。🙈

平時收工唔想煮飯，就會帶埋囝囝落街食咁啱佢今日喺apm行街，收工就帶佢行去附近一帶食晚餐 我同囝囝食唔晒兩個餐，所以只叫左一個餐 ✨蒜子火腩大鱔煲上枱時發覺佢哋嘅煲仔菜好足料！啲鱔大大嚿好多，好新鮮，好入味👍🏻廚房師傅放咗唔少火腩、冬菇、豆腐墊底，吸晒鱔煲嘅精華好餸飯到我哋食晒飯，啲餸都未清晒 不過今次得兩個人，嗌唔到太多餸。。。下次要帶埋老公試佢哋嘅黃金蝦同芝士大蝦伊麵！！🤤❤️🍤🍤🍤🍤

觀塘工業區晚巿餐廳唔多，經過駿業街好不自主地行入左間茶記😂 睇食評講以為好差，但食落又唔係喎！其實啲嘢食幾高質👍🏻 🌟脆皮風沙雞($88)雞皮好脆口好入味，唔多油，啖啖肉餸飯一流👍🏻 白飯亦好新鮮，冇半口濕飯 由此是杯凍奶茶，真心沖得幾出色🧐夠茶味夠澀，最緊要唔會淡口或用豆漿沖😂 其實對我黎講食物都係其次，最影響餐廳嘅係嘢飲要沖得夠好☕️🍹 地方乾淨，坐得好舒服，食物質素都幾好👍🏻下次再幫襯

今日觀塘開會，為求就腳醫肚，去了這家雅苑小廚，快速醫醫肚！叫左鹹魚雞粒炒飯（$54）鹹魚雞粒炒飯的鹹香離遠已經聞到，炒飯中夾雜著脆卜卜的鹹魚粒，多了份層次感。炒飯好夠惹味，深得我歡心！另加煎蛋🍳（+$5），口痕加多隻煎蛋，外皮脆卜卜，內裏半留心狀態！讚！凍朱古力（+$3），這杯實屬驚喜，竟然$3可以飲到凍朱古力，而且很濃郁！這裏食物質素不錯，環境光猛乾淨，員工態度親切可加！相信我將會成為這間茶餐廳熟客之一！