雅苑小廚 (已結業)

收工約左朋友仔見面，順便我地去左呢個餐廳品嚐一下，環境都幾舒服幾乾淨。肚仔餓我地就即刻嗌左個「 西檸煎軟雞」同埋「富貴黃金蝦」，首先西檸雞已經列為我的最愛，見依度都有得食，再嗌個黎試下，黎到見個賣相唔錯，食落去個味道亦無令我失望，西檸汁甜甜酸酸很醒胃撈飯一流，雞肉外皮脆口肉質嫰滑另外仲有碟黃金蝦黎到已經聞到好香，啲蝦好新鮮，配蛋黃醬汁黎炒好惹味，雖然要剝殼但我都食得好滿足，好想食多第二次，不過超級飽價錢亦都OK合理

來到觀塘工作 到了午飯時間找東西吃就逛逛發現挻多上班族買外賣 我決定去探店一下天氣這樣凍來一碗麵食暖最胃才行🙈🙈有好幾個客人也點這個 所以我也來一份吧~店鋪環境是一般茶餐廳裝修 是香港風味裝修而且有不少卡位呢~ 方便一家大小來食東西❣牛腩麵牛腩麵的份量挻多 面頭有很多件牛腩🤤🤤🤤蔥花另外放湯匙上面挻貼心 不喜歡吃的可以不放下去先飲一口湯底 味道不太咸而且''梘''水味不太重證明店家沒放味精👏 牛腩很入味而且很腍身~

今日下午食晏坐房, 餐廳衛生欠佳今次仲要有隻超大隻曱甴上左隻手度, 嚇死人! 員工姐姐仲見怪不怪咁! 坦白食物一般, 但衞生情況和員工衞生意識要多加留意!!!!!!!!!

雅苑小廚是我的飯堂，每個星期都會食好幾次的， 因為近公司附近，所以比較方便。 這間茶餐廳食物有質素， 座位寬闊舒適， 啱曬我哋呢啲觀塘友。今次點兩個午餐豬頸肉炒河粉$48， 焗蕃茄牛肉飯$48，啡走， 凍咖啡少甜$3。豬頸肉炒河粉鑊氣夠， 豬頸肉爽口， 河粉色澤均勻， 配上辣椒醬非常惹味。焗蕃茄牛肉飯， 反而蕃茄味不夠， 芝士味比較重， 牛肉份量多， 這個反而一般。最後講埋這裏的咖啡都不錯， 咖啡味香濃， 是一間不錯的茶餐廳。

下午茶時間，跟同事係公司附近食晏～一齊叉叉電🔥睇完餐牌發覺依度啲嘢都幾平，可能始終觀塘區，比市區普遍都平d基本上茶餐廳應該要有嘅嘢佢都有😁另外仲有港式粉面牛腩麵，牛筋面個d我叫咗5號茶餐：干炒豬扒意粉同埋熱奶茶食物黎得都幾快，唔使5分鐘意粉份量都算OK豬扒唔係一大塊既，係分左4舊咁都幾好～食起嚟比較方便～我覺得唔錯嘅係啲面唔會太油硬度適中$38 仲要有埋嘢飲，超值啦！杯奶茶就普普通通啦咁既價錢，我覺得算係咁～

呢日收工黎左觀塘搵朋友食個晚飯兩個人就去左食小菜撐下枱腳～餐廳睇落好新淨，座位舒適同朋友一坐低見到餐牌有黃金蝦，就二話不說要嗌！因為唔係間間都有整黃金蝦＃例湯首先黎個老火湯先～＃金不換蠔仔煎蛋角個蛋煎得好靚，蠔仔又夠多，好香口唔錯～＃富貴黃金海中蝦期待已久既黃金蝦，見到都流哂口水鹹蛋黃既味道好出，蝦又夠新鮮，好香！蝦頭都唔放過，食埋！＃小食: 雞翼口痕痕又叫多左個雞翼食完之後我地都對個黃金蝦念念不忘，下次會再黎食！

發現觀塘真係好多好野食，今日lunch同同事揀左呢間茶餐廳食下午茶，我就叫左炸雞脾配薯條$31 連熱飲！雞脾大大隻，炸得金金黃黃好脆皮，薯條仲要係粗薯又多，真係超足料！

快靚之選今日開完會返到公司已經12點幾冇心機做嘢叫啲同事早啲出去食lunch，同事話去食牛腩。於是成班同事就去咗雅苑小廚，我哋食牛腩必去嘅一間餐廳。每次嚟到，都要排隊。門口已經有條長長嘅人龍，一路排又同啲同事吹下水唔經唔覺都排咗15分鐘到先到我哋入去。入去我就唔諗啦，次次唔係牛雜就牛腩上次食嗰啲牛腩麻麻哋，今次轉食牛雜啦。快快脆脆落完單由得其他同事慢慢揀🤣🤣。落完單冇耐好快我碗牛雜飯就上咗啦。$58包一杯野飲同埋一碗紫菜湯，碗飯大到次次都食唔晒，但次次都唔記得嗌佢小飯🙈。其實我想講呢度嘅份量真係好多，飯食唔晒，牛雜又食唔晒，碗湯淨係飲咗一啖，杯熱檸水都淨係飲咗一半，就已經飽到上心口啦。唯一每次都食晒野，就係牛雜下嗰啲菜。呢度真係良心餐廳，每次都比勁多青菜底，夾住啲油膩嘅牛雜同牛腩食真係絕配。不過喺度食lunch，係會有少少壓力嘅。因為你一食完，阿姐就9秒9，收晒枱面所有嘢。到時你都唔好意思坐咁耐啦，不過今日好好彩，阿姐收晒野都冇講我地走，可以坐到接近兩點，但都只係坐到兩點，因為，要返去做嘢啦！ ！

公司太忙，下午飯又去到我的飯堂，雖然我經常到這裏吃午餐，但是每一次都沒有令我失望， 水準依然唔錯！ 今日想食鮮茄牛肉飯$52，雞扒火腿飯$48，飲品有兩杯啡走。上次試過他們的牛腩河真係一試難忘。今次叫碟頭飯，依然好啱我口味！ 番茄牛肉份量好多，熱辣辣食得出是新鮮煮來的， 返工太忙冇乜胃口食呢一個菜甜甜酸酸最開胃！ 仲有午餐雞扒火腿飯，雞扒煎得好香! 最後飲番杯啡走，成個人精神曬！雅苑小廚是一間食物質素好和清潔乾淨的茶餐廳， 希望佢繼續可以保持水準。

之前有寫過雅苑小廚的食評，今次再寫多次係因為我發覺他們的牛雜和牛腩粉好好食，真心想推介畀大家。 星期六差不多九點幾先至有時間吃晚餐，又到公司附近的雅苑小廚。 因為唔太肚餓的關係， 所以選擇食牛雜粉和一碗牛腩粉， 跟餐兩杯熱檸水， 再加一碟芥蘭，埋單剛剛好$100。牛雜粉和牛腩粉的湯底都有香濃的腩汁味，熱辣辣的湯底，飲了很多都不覺口渴。牛雜份量好多，全部都炆得好入味，還有肥瘦適中的牛腩， 平時每一次吃粉麵我都有加點醋的習慣，今次這一碗不需要加任何醬料，完全可以吃到原汁原味的肉汁湯底。

午市又黎食。好多打工仔放宴都黎食，如果坐在走廊位就會比較擠迫。叫左一個牛筋麵。麵身好爽，好彈牙，唔會一pat嘢咁，正宗記雲吞麵底。麵的份量剛剛好，我可以食晒全部。牛筋份量有大約6-7條，入口即融，啖啖都係骨膠原，真係女士恩物!而且食落好新鮮，真係會一食再食!湯底清清地，唔會太咸或太淡，一啲味精味都無!真係好難得!可惜那杯凍檸茶太甜，建議要叫少甜。而且凍飲要加$3，一般都係加$2左右，佢算係貴少少。

見佢開左咁耐都未食過，今日近近地落公司樓下試下呢間既粉麵啦！單拼麵$30，雙拼$38，平就唔係好平，觀塘粉麵叫算貴啦⋯⋯我叫左個雙拼米粉「雲吞拼貢丸」都幾大碗，有4粒貢丸3粒雲吞雲吞都算足料，係有蝦個隻雲吞黎貢丸就普普通通過得去啦⋯⋯粉麵加辣醬加醋係最配既

午市黎觀塘搵食。外面熱辣辣，行多陣都唔想，見呢間野都幾多人幫襯，就入左去試下。好彩都有位坐。座位都算坐得舒服，唔會太迫。但冷氣明顯唔夠凍，又唔加開風扇，真係好熱。隔離個男人都話熱。我叫左一個豬手河，貪粉麵類易入口，豬手又有骨膠原，女士的恩物。等左好短時間就上菜啦！真係好大碗河粉!豬手的份量都好足!開頭我都驚佢肉多過骨膠原，點知真係估佢唔到!眼見到的除了骨之外，全部都係骨膠原!啖啖都係入口即融既骨膠原!食極都有!好好味!真係無揀錯!不過啲河粉就“淋”得濟，一夾起就爛晒，好難夾，搞到我食左好耐。

放工速食😎放工附近有間餐廳, 見食晚飯唔使等位又近於是就決定係度食🤣話晒要快, 就梗係叫碟頭飯同粉麵啦~豆腐火腩飯-男人嘅浪漫😍豆腐火腩份量算多, 但係火腩味道偏鹹, 不過由於豆腐本身無乜味, 所以就算同火腩同一個汁, 都唔覺得鹹☺ 白飯大大碗, 一定夠飽☺而且有例湯同野飲😉哈哈都算抵食😎雲吞札肉粗麵5粒大大嘅雲吞, 札肉就兩大片, 不過如果札肉可以切薄少少會好D🤔但梘味好重, 令到成個麵變得唔係咁好😑

近呢幾年觀塘都開咗好多唔同嘅餐廳， 平時返工時段一到午餐時間或者晚飯時間就會有好多人向餐廳門口排隊， 但係一到假日， 就會有一部分嘅餐廳唔開市， 今日啱啱行到去食開嗰間茶餐廳，但係冇開到，所以轉咗食呢一間。 我哋每人叫咗一個下午茶餐， 瑞士汁炒牛河 & 鴛鴦肉絲炒米， 再加一杯凍咖啡 & 一杯熱咖啡! 瑞士汁炒牛河嘅牛肉好多加埋瑞士汁甜甜地， 鴛鴦炒米好夠鑊氣，兩碟都有水準幾好味，咖啡嚟講呢間茶餐廳亦都算做得唔錯 ，起碼咖啡味濃，兩個下午茶餐加埋都係73蚊，抵食之選！