雅苑小廚 (已結業)

前日自己一個人出去處理事情，然後一個人吃晚餐，講真一個人晚餐真的很難解決，都唔知食咩好，去觀塘處理好多次事情，經過呢一間舖都未試過吃，就如去試一試。要左個黑椒牛扒飯，有一句講一句，其實個樣就唔係好吸引，但係食落去個味道都唔錯，個黑椒汁調得幾好，同埋個份量足夠飽肚，58蚊都算不錯👍🏻👍🏻吃飯時望見隔離喺度食蒸水蛋同椒鹽魷魚，個樣都唔錯，不過份量感覺我一個人吃唔落，下次再和同學一切試下。同埋間鋪都算整潔，緊張時期餐廳衛生最重要😊

開會開到近7時都未傾出方案，伙伴們建議先祭祭五臟廟，都好，走落樓下睇吓有咩食先，有人說呢間吧？抬眼一看“雅苑小廚”，望入去乾乾淨净的小廚茶記，好，進去吧，從餐牌中點了金牌蒜香骨，等了十來分鐘出餐，但見侍應捧來我的蒜香骨，碟面沒油淋淋已見好感，開飯喇，這道菜用的是一字排，醮了脆醬酥炸，蒜蓉配椒鹽作味，咬落去，咸香帶一絲微辣，最正係肉汁被鎖實，蒜蓉無死實，應該是炸蒜蓉時火候控制得好之故，配埋個白飯，夠晒飽，埋單才70，這個不期而遇，感覺良好，未來日子常在呢頭做嘢，雅苑小廚I will be back！

朋友新居入夥，專誠去探佢，之後出去食飯慶祝咁啱我哋都鍾意食辣野，佢推介我去咗附近呢間食水煮牛，佢話平靚正，仲話平時諗唔到食乜就食佢！睇佢餐牌比起我平時食嗰間平少少，$65就有煲麻辣水煮牛！呢個辣度對我哋來講唔算太辣岩岩好入面有好多牛肉好足料！抵食！另外我哋仲叫咗黑椒薯仔牛柳粒$68薯仔外脆內軟，我次次食親呢個菜式都會當左薯仔主，今次都唔例！哈哈當然牛柳粒都好好食啦另外，佢再推介埋我食台式三杯雞$68的而且確推介得好好！雞肉醃得好入味，食落又好滑，應該係煮得火候啱啱好！廚師的確有返咁上下功力！最後我哋兩個食肉獸將呢三個煲食晒！食到大滿足除翻每人都只係$100真係抵食夾大件

前幾日因為屋企人唔想煮飯所以就落街食，然後屋企人就提議去間同屋企近近地嘅雅苑小廚，之前都冇咩點去過食，但一試翻唔到轉頭🤣嗰到有好多小菜俾我哋揀，好多小菜都好野味！好好食，我公公婆婆食完都讚不絕口，價錢都好合理，即使係晚市嘅小菜都唔太貴，份量又夠大，都可以話係物超所值😋而且舖面都企企理埋，整整齊齊咁，完全唔洗擔心衛生嘅問題，因為呢排疫情我個人都比較注重呢方面，尤其是係屋企有老有嫩，再加上，店員都好好，我之後一定會幫襯多啲😆👍

因為雅苑好近公司比較方便，所以每星期都會同同事嚟食幾次，這間茶餐廳環境座位舒服，食物算係同區茶餐廳黎講係有質素👍今晚同幾個同事OT完都八點，大家決定走去醫肚！三個人最好就一人揀一樣餸😬我點左三杯大腸煲😋我好鍾意食大腸，因為大腸有嚼勁口感，雖然本身豬大腸冇咩味，但師傅應該用上好多配料煮到豬腸好入味👍食到我舔舔脷😍另外同事分別點了三色蒸水蛋和金牌蒜香骨。三色蒸水蛋以前細個屋企成日食，呢個餸用嚟送飯真係一流，雞蛋又唔會蒸到過火.仲好滑溜👍金牌蒜香骨炸到夠乾身，食落口感外酥內嫩，加上蒜香撲鼻.真係會食完一舊又一舊😂

晚飯時間同朋友行完街經過見到依間平民小炒突然好想食椒鹽鮮魷就入左去試座位坐得舒服，唔會好迫小菜都好多選擇，揀咗3款小菜椒鹽鮮魷，蒜子火腩大鱔煲，三杯大腸煲椒鹽鮮魷炸到熱辣辣，炸粉唔會好厚，份量足夠，點埋喼汁食一流，止到口癮，勁中意食椒鹽鮮魷三杯大腸勁少餐廳有得食依個小菜，所以嗌黎試下，好夠味，大腸肥瘦適中蒜子火腩大鱔煲朋友話想食所以嗌，火腩唔會好多肥肉，大鱔唔腥夠入味，整體唔錯3個小菜加飯，300蚊有找，真係勁抵食，下次再黎食過

今日星期日懶得煮飯，喺openrice睇吓附件有乜好食，就俾我見到呢間小炒館有炸牛坑腩，一聽到就耳仔郁，即刻換衫出發！可能落去果時時間尚早，唔太多人，啱哂我地又老又嫩去快食快散😝點知轉個頭已經坐滿，好彩行快幾步咋！因為牛杭腩而來就梗係叫佢啦，見到另外兩道都值得一讚，就係大腸煲同鱔煲，大腸整得好乾淨冇壓味，入口鬆脆！ 鱔煲比想像中多，都係比較少食到嘅菜式！ 到主角啦～ 坑腩炸得個皮好鬆，入口坑腩好林身，完全唔覺漏吖！ 值得推薦！

話說有個朋友平時好鍾意食港式小廚，菜式夠鑊氣之餘又入味，早排就同佢嚟咗觀塘嘅呢間餐廳食幾款小菜，味道都唔錯㗎_麻辣水煮牛肉 $65煲仔上十分香口，水煮牛肉食落去都幾滑唔會話太鞋，辣辣地配埋白飯真係好送飯_黑椒薯仔牛柳粒 $68平時食大排檔都好鍾意叫呢個菜式，味道好香口而且牛柳粒都幾大粒， 夠鑊氣、朋友話好鍾意呢款菜式_椒鹽鮮魷 $70有冇朋友仔好鍾意食魷魚，同朋友都好鍾意食所以叫咗嚟試吓，椒鹽香氣非常惹味，下次會同朋友再嚟試其他

有時夜晚想得食得簡單啲也想平平地，去吓附近既茶餐廳都係幾好嘅選擇😉呢間喺觀塘既雅苑小食一向都係我既平民飯堂，當想食啲家常菜就會嚟呢度打躉😃每個餸都係六七十蚊到，兩個人食兩碟餸都基本上已經好足夠☺菜遠炒牛肉（$68）一睇就知抵食，菜同肉比例接近一比一，菜又唔會炒到老哂又苦咁，牛肉雖然唔係咩勁野，但都嫩滑，調味都唔錯👍🏻👍🏻滑蛋炒蝦仁（$68）蛋係名乎其名咁滑，處於啱啱好狀態，真係唔簡單架😙😙蝦仁算大同好爽口，兩者都好夾吓，加埋啲葱一齊炒，夠哂香味🤤餐廳夠寬落，主要卡位為主，嚟呢度食個簡單晚餐都可能relax吓😌😌

其實我都唔知觀塘有咩好食 咁啱經過見到呢間門面望落乾淨企理 就入咗去🤭🤭$62香煎芙蓉蛋好耐都無食過芙蓉蛋，有驚喜😉 呢個芙蓉蛋每一啖都充滿口感同蛋香，外脆但裏面好嫩滑，加埋少量蔥花，真係香氣撲鼻🤣🤣 平時食啲蛋餅應該會好乾身，但呢碟芙蓉蛋完全冇呢個感覺☺$70菠蘿咕嚕班球咕嚕肉就食得多，但呢個係咕嚕班球啖啖肉😍 平時食得多豬肉 想改變口味 食下魚，感覺新鮮又好味😋 想試下新野都值得推介呢間餐廳價錢環境都唔錯，見到隔離枱食蝦，整到我下次都想試埋黃金蝦😛😛

孤家寡人每日最煩惱既就係諗每朝食乜晏就食乜夜晚又食乜好，自己一個最麻煩就係依樣野，今日得閒決定離開屋企街遠少少望下有乜野好食。行左15分鐘見到依間野，望落唔錯好似幾好食又唔會好貴，決定行入去一試。坐低左見到菜單幾多野揀同埋價錢幾相宜，諗左陣，緊係揀啲麻甩佬鐘意食既野試下啦。Order左個燒汁茄子牛仔骨同三杯大腸煲，等左十分鐘試菜啦！個燒汁茄子牛仔骨既燒汁岩岩好，牛仔骨軟腍唔會有雪味，唔錯唔錯，茄子就不過不失啦。而個三杯大腸仔煲，大腸炸過肥味可口，唔會有怪味，配上三杯風味簡直一流！搞到我食左兩碗飯抱住個肚走🤣🤣🤣

位於觀塘嘅雅苑小廚，店內間隔寬敞，唔使同人逼，坐得好舒服😌 兩個人所以叫咗兩個菜，正🤣第一道—西檸煎軟雞 $65唔係誇張🧐 無論色、香、味，呢碟西檸煎軟雞都好出色😋 廚師超有心機一片檸檬，一塊雞 咁樣排碟，滿足食客視覺享受。檸檬醬汁酸甜適中，超開胃👍🏻 雞塊一啖一粒又無骨，大人小朋友都啱食第二道— 富貴黃金蝦 $88黃金蝦係成隻蝦連殻一齊去煮，所以可以保持肉質彈牙又爽口。不過我就略嫌有少少麻煩😅 因為我唔識食蝦殻，但整體味道ok 兩點餸份量十足，就算我咁大食，食完都十級飽😂

果日返工做完野放左工，覺得好鬼死肚餓就諗住求其快啲返屋企求其煮啲公仔面食啦，但係咁岩行過依間餐廳聞到陣好香好吸引既椒鹽味，完全引到我個胃入面條饞蟲，即刻聽從指揮拋棄公仔面，入去餐廳諗住快快手解決左佢。坐左係卡位睇完MENU，都係果啲野，聞到咁大陣椒鹽，緊係揀個椒鹽鮮魷試試佢啦，另外嗌左個荷蘭豆炒臘味，最鬼鐘意荷蘭豆，等我試試佢先。等左十幾分鐘，兩樣野都前後腳送到。先講椒鹽鮮魷，炸得唔錯仲熱辣辣，咬落去外脆內軟唔會好多粉，鮮魷爽口唔會炸到好乾有水份，椒鹽好香，但個人覺得咸左少少，但真係幾好味。到荷蘭豆炒臘味，荷蘭豆爽，臘味好香唔會硬骨骨，都係偏咸，送飯一流。咁既質素咁既價錢，又近公司，晚餐以後又多個選擇，下次再食!

🌧🌧收工黎左觀塘因為約左人交收。交收完就自己一個人在觀塘附近兜左個圈，不過行行下開始落毛毛雨🌧🌧最後我見到呢間雅苑小廚就決定入去食個小菜做晚餐。餐廳睇落好新淨，座位舒適不過可能近日肺炎搞到人心惶惶所以餐廳比較冷清😷➿➿➿黑白胡椒蝦🦐($78)➿➿➿ 小菜都配白飯&例湯 個胡椒蝦熱辣辣送上應該係即叫即整！而且估五到有咁多隻🦐，蝦上仲有原粒胡椒好惹味呀👍🏻👍🏻👍🏻蝦肉不霉很新鮮爽口!➿➿➿➿➿➿➿➿➿➿➿➿➿➿ 我覺得性價比很高～算幾抵食～👍🏻👍🏻

自己一個人食咩好，都係想快靚正！而雅苑小廚就岩晒我。當晚呀姐好爽手就帶左我一個入位，睇完ＭＥＮＵ就叫左個台式三杯雞同一碗白飯。本身打算唔會太多雞，都係Ｄ菜多，點知上菜時見到Ｄ雞肉都唔少，比想像中多，值得讚。Ｄ雞肉唔乾唔鞋唔老，Ｄ汁撈飯好香好食，Ｄ椒爽口。一個字，二，二個字，好正！可能太好食，食完都硬係覺得仲未太飽哈哈！因為趕住返去ＯＴ，食完就起身走人，都唔記得影下Ｄ　ＭＥＮＵ／環境門面，不過真係好食，本身打算食個快餐，真係ｏｕｔ　ｏｆ　ｅｘｐｅｃｔ，算係對自己努力做野既小獎勵。