雅高·33

营业中

休息中

今日放假落咗荃灣揾朋友行街,去荃灣真係好方便,又多嘢買又多嘢食,今日朋友帶咗我去一間西餐廳,好有港式風情,而且食物質素好好,所以推介一下。雅高33,地址係荃灣沙咀道328號寶石大廈地下21號舖。餐廳地方雖然唔大,但係裝修得好整潔,坐得都幾舒適。厚切西班牙 I Berico 級黑毛豬 8安士 $278元,黑毛豬煎到啱啱好,完全令口感同味道保持到最佳狀態,入口肉味香濃,肉質非常嫩滑,估唔到黑毛豬嘅肉質可以嫩滑同咁爽口,加上少少脂肪,令到味道更香更有層次,呢個黑毛豬真係一試難忘。美國安格斯 CAB級 牛肉眼扒 $268元,肉眼扒非常吸引,上枱已經聞到香味,入口牛肉味好香濃,有入口即溶嘅感覺,煎到七成熟啱啱好,完全將肉汁鎖住, 加上脂肪分佈均勻,入口牛肉味更加香。基本上唔需要其他調味,食材本身嘅味道已經好正,食得出廚師嘅精心製作。最後來個甜品心太軟,熱辣辣又香嘅心太軟,睇住啲朱古力慢慢流出嚟,入口味道香濃,口感同味道層次都好豐富,作為結尾真係啱啱好，旁邊仲有雲呢拿味嘅雪糕下次去開荃灣都會幫襯呢間餐廳,無論食材同性價比都非常高,好值得推介。

今日喺荃灣行完街，經過依間Cafe x 茶記嘅餐廳，咁就行咗入去試啦臨近聖誕，餐廳已經有啲佈置喺度。餐廳面積算係幾大，但佢都冇放好多枱，所以每一張枱都幾大幾闊落。我哋兩個人都坐咗個4人卡位晚餐佢有好多set,睇到眼花，最吸引嘅係竟然可以咁平嘅價錢叫生蠔食（我揀的係跟餐15蚊個款)我揀咗一個意大利飯嘅set，佢唔單止本身包咗湯同埋包左蒜蓉包，加飲品同埋甜品都有一個好優惠嘅價錢，另外我梗係唔會放過依一批生蠔😏😏湯係栗米湯，暖暖的蒜蓉包每人一塊意大利飯係超級大碟，入邊係蜆肉，菇同埋菠菜分量大到我哋兩個人返嚟食都食唔晒🙈🙈食落又唔會好Creamy，而且熱度夠嘢飲方面我加咗少少錢，叫咗個紅豆雪糕，雪糕唔係啲求求其其嘅雲呢拿雪糕，食落幾有奶味，係有啲驚喜坐低嗰陣我就知自己會叫生蠔，但係因為佢個生蠔嘅價錢又真係幾平，所以有啲驚係伏，然後我第一轉就冇一次過叫曬六隻姐，諗住試咗兩隻先食落好fresh!!!微微Creamy+重海水味，好鍾意，於是即刻加單叫多四隻

今天到荃灣工作，同事話想試下呢間西餐廳，12:30pm左右嚟到，好在仲有位。🤩首先，餐廳位置非常方便，坐落於沙咀道，係荃灣地鐵站出口步行大約10分鐘就到，店舖裝修整潔，環境好夠光猛，枱同枱之間有足夠空間，坐得都舒服。👨👩Staff個個都好有禮貌👍👍，價錢亦唔算貴，嘢食好大份，好抵食❤️餐牌既嘢食同野飲選擇種類有好多，非常豐富，基本上全部都有套餐叫😎😎我地order左以下幾款食物👉💁‍♀️蒲燒原條鰻魚飯HK$78- 及 熱檸水HK$0-💁‍♀️香煎紐西蘭肉眼牛扒配意粉HK$118- 及 凍檸茶加HK$3餐湯羅宋湯，正正常常；餐包係普通既餐包，上枱時有小小微溫。蒲燒原條鰻魚飯好食😋!好大條，蓋住晒成個飯。香煎紐西蘭肉眼牛扒七成熟，好大塊，蒜蓉汁入面有一粒粒既蒜蓉粒，好味!意粉口感適中。值得一讚的是，碟邊既配菜係芝麻醬沙律菜👍👍另外，跟餐可以追加小食，我地叫左👉💁‍♀️煙三文魚田園沙律(跟餐加HK$20)💁‍♀️煙肉洋蔥芝士焗大蘑菇(跟餐加HK$28)沙律味道正常，份量好多😎，煙三文魚都有3-4塊；煙肉洋蔥芝士焗大蘑菇，即叫即焗，我地放左係度一陣先食，都仲熱熱地

今日同朋友落咗荃灣行街，行到有啲攰朋友帶咗去食一間好有港式風情嘅西餐，無論價錢同食物質素都非常好，所以喺度推介一下。雅高33 西式餐廳，地址喺荃灣沙咀道328號寶石大廈地下21號舖。餐廳空間感都好足夠感覺好整潔，喺度食飯感覺都幾舒適。頭盤沙律，沙律酸酸甜甜，味都幾清新，食完真係特別開胃。蒜蓉包配白湯，忌廉湯入口香甜，好有港式風味，重點就係配蒜蓉包，蒜蓉包上枱已經聞到陣陣嘅香味，食落去好酥脆味道又香，加落忌廉湯一齊食真係一絕。芝士忌廉焗西蘭花薯蓉 48元，入口芝士味好香濃，翠綠嘅西蘭花食落去好爽口，芝士已經完全融入西蘭花同薯蓉入邊，味道好有層次。作為芝士控嘅我，真係好鍾意食。特式焗蠔 68元，睇見已經流口水，size都算大隻，入口味道鮮甜，口感爽脆，加上芝士嘅調味令到鮮味更加突出。美國安格斯牛肉眼扒五成熟配薯菜 268 元，肉眼扒好吸引，入口牛肉味好香濃，牛脂分布比例均勻 ，令到牛肉味更加香口，肉質非常嫩滑，廚師火喉控制得啱啱好，完全將肉汁鎖住。黑松露忌廉野菌意大利飯，意大利粉食落去好有口感，煙煙韌韌，黑松露味道好香，配搭埋忌廉野菌，令到個味道更加有層次。

地點非常方便喺地鐵站行幾分鐘就到，原來沙咀道呢邊仲有好多唔同嘅嘢食，今日同朋友都好想食西餐所以就揀咗呢間餐廳黎試吓，一行到入餐廳就有一種好舒服同溫馨嘅感覺，背景音樂播着懷舊嘅英文歌非常relax又夠舒服，呢間餐廳係走平民路線嘅西餐廳所以價錢都非常合理入面面積非常大選擇仲好多這個套餐跟一碗忌廉湯和蒜蓉包，忌廉湯入口香滑，而蒜蓉包蒜味十分香濃，仲要係熱辣辣做到非常脆口，真不錯😌沙律菜非常新鮮，有夠爽脆有少少胡麻醬汁點了這個安格斯牛肉眼扒，安格斯牛嘅肉質肉理細緻，脂肪就好像大理石紋咁分布，吃一口安格斯牛肉滿口油脂甘香，牛肉味濃郁，肉質鮮嫩多汁，而且沒有筋，越食越好味。牛扒性價比非常高以呢個價錢嚟講完全係合理整體來講不過不失嘅質素這個黑松露忌廉野菌意大利飯，吃一口意大利飯，黑松露的獨特味道衝擊大腦，而且每粒意大利飯都滿佈忌廉和黑松露，所以食起來每淡都很好味，意大利飯煮得剛剛好，食落有口感。這個芝士忌廉焗西蘭花蒜蓉，表面滿滿的芝士忌廉汁，和西蘭花一齊食很香口，很濃芝士味，正！特色焗蠔，一口一啖，食落蠔味濃郁，蠔是我喜愛之一這杯即磨咖啡，送到我的面前已經聞到很香的咖啡味，咖啡入口甘香帶一點苦味，咁

今日同朋友下午時間去到荃灣搵食🍽，餐廳位於荃灣寶石大廈，如果係荃灣站B1出口，行大約9分鐘就到，一去到寶石大廈就會見到餐廳，都唔算難搵👍我地order左兩個午餐set，每個set都會包牛角包🥐、羅宋湯🥄同飲品🥤A01 辣肉腸焗法包配田園沙律 $48 ⭐️⭐️⭐️⭐️辣肉腸法包有兩大件，烘到好脆口，配埋田園沙律一齊食🥗，令人覺得好健康，一d罪惡感都冇🤩商務午餐 A 美式BBQ醬烤豬肋骨配意粉 $98 ⭐️⭐️⭐️⭐️意粉份量好足，而且軟硬適中，配埋蕃茄醬好好味😋豬肋骨切開有四件，醬汁又唔會太咸👍追加小食特式焗蠔1隻 $12 ⭐️⭐️⭐️⭐️⭐️即叫即焗，蠔上面舖左芝士焗到金黃色👍上枱時好香而且重係熱辣辣架🤩🤩煙肉洋蔥芝士焗大蘑菇 $28⭐️⭐️⭐️⭐️⭐️大蘑菇上面有好多洋蔥同煙肉，重有芝士去焗😆一切落去大蘑菇度就已經見到好多汁😍好好食！要Encore 呀🥰飲品方面👇凍檸檬柚子蜜茶 +$10雪糕日本十勝紅豆冰 +$18整體嚟講，餐廳價錢親民，每一碟食物都會有沙律菜係旁邊，令人覺得好健康🤣🥗午市嘅時候餐廳好熱鬧，不停見到有好多客人黎食，有時都需要等候一陣～P.s 午市免收加一

今日同老公去荃灣聽講座, 之後係沙咀道一帶覓食.我最鍾意食西餐：有包、有湯、main course、餐飲. 平時屋企少煮牛, 所以出街食就多數 order 牛A7 & A9 各一份.羅宋湯：材料多, 酸酸甜甜, 好味.蒜蓉包, 金黃、香脆、可口.香煎加拿大西冷牛扒牛扒又大又厚, 唔靭, 薯條係大大條, 好有口感, 點埋茄汁 香煎澳洲肉眼牛扒牛扒食落好有油脂嘅甘香, 意粉爽口,仲有新鮮嘅沙律菜.本人夜晚唔飲奶茶咖啡, 所以要了杯熱朱古力, 都好濃味.老公就要了杯凍檸茶, 有 3 塊檸檬, 最正常不過.最後梗係要食甜品啦, 芒果千層蛋糕, 跟餐可以減 10 蚊 已經食到飽飽, 老公話下次試下 d 生蠔

跟餐叫15蚊一隻的生蠔，原價亦只要22蚊，非常抵食，好新鮮，我估應該係香港食生蠔的性價比天花板！如果唔係限半打，我食一打都得！size 方面有大D有細D，但系絕對對得住個價錢！蒜蓉包非常好味，應該係味道的天花板，蒜蓉搽得非常均衡，睇得出係用心製作餐湯羅宋湯就一般，冇麥味，可以改善！羊扒就厲害了，應該係我試過之中最好食的羊扒，又系味道天花板！價錢非常平，羊扒餐138，第二度揾唔到咁平！泊車就比較麻煩，最近商場都要行10分鐘！

自從搬了入荃灣，閒時會發掘下有什麼餐廳，因為平時收工夜不想煮，街坊推介了性價比高的Artco給我！見到貼住晚餐特價生蠔，似乎街坊沒有介紹錯！餐廳給我一種懷舊西餐廳的感覺，想起小時候不是經常有機會跟爸爸媽媽去食西餐，每次去都會好興奮！餐牌有不同的西餐：不同扒類、意粉、焗飯等等！食晚餐就可以配搭特價生蠔！我們叫咗兩個晚餐set！鮮蝦忌廉野菌配墨魚汁意粉和香煎澳洲牛肉眼！有忌廉湯和蒜蓉包！蒜蓉包好香牛油味，非常鬆脆，用來配忌廉湯食非常好味！$15隻的生蠔真的很不錯，新鮮，有點海水味，我覺得一定要試！香煎澳洲牛肉眼配薯菜黑椒汁五成熟，好有牛味， 肉眼不會柴，很稔，惹味的黑椒汁！可能因為很脆的薯條！鮮蝦忌廉野菌配墨魚汁意粉都很不錯，這個意粉不會吃到口黑黑的，不怕尷尬哦！意粉有咬口，有好多隻蝦，蝦肉彈牙！今晚餐會有熱餐飲，還可以減$10叫甜品！這個芒果蛋糕，酸酸地，夏天食特別開胃！餐廳的性價比很高！

平平地鋸個朳都唔錯，我會叫呢度為平民朳房最平什朳餐 $78有交易，一共有十樣食品！分別就係餐湯， 蒜蓉包、雞扒、德國香腸、雞翼、雞蛋、豬扒、雞翼、田園蔬菜、飯/意粉/薯菜同埋餐飲餐湯係忌廉湯，蒜蓉包都烘得幾鬆脆個什扒餐我揀咗配薯菜，係炸薯角、望落去都非常豐富，味道都唔差朋友就揀咗個肉眼扒配黑椒汁，牛扒都幾大塊，肉味都幾香套餐仲可以用優惠價轉特色飲品同埋加配甜品飲品我揀左杯白雪公主， 就係雲呢拿雪糕加雪碧甜品本身想揀巴斯克蛋糕同埋心太軟，但係可惜兩款都賣晒了所以最後揀咗芒果千層蛋糕同埋意大利芝士蛋糕蛋糕嘅質素都幾高， 人均百幾蚊就可以有晒餐湯、甜品、主菜同埋餐飲真係幾抵食

店子的空間很好，有足夠的地方吃西式晚餐，聊聊天，放慢點呢生蠔朋友最懂吃生蠔及貝殼類，這店不需要自行處理，提供好的工具及醬料，開蠔的工程實在不太在行～檸檬加在生蠔，棒～謝謝今天是吃這個生蠔的好日子，份量很大，肥美好吃。生蠔肥美又多汁的，好吃得棒～不過在疫症橫行的今天，留在家中叫外賣，絕對有很多的選擇，而坊間也有不少提供生蠔外賣，在店子吃又是一個好棒感，因為即吃的味道，是棒棒而推介～新鮮生蠔！貼士！易入口，裏面海水亦重～煎西冷牛意粉港式鬆軟牛扒醃製技巧，西冷牛扒意粉，～昔日味道，沒有冰鮮牛扒感，牛扒沒有流失水份，肉質好南瓜牛柳粒意大利飯煮好的意大利飯的質感，是軟稔中煙韌，吃下去的感覺與普通白飯不同。值得用些耐性等喔～牛柳粒意大利飯，用煎封牛肉粒，牛肉煎好，加入之前牛肉的味，牛味高，邊吃邊感到好棒，用上牛肉，牛肉煎香，令油份滲出來，然後用來意大利飯，香氣處處。芒果千層蛋糕夾心餡料，芒果淡忌廉風潮，好棒～幾年前帶來香港，以為新鮮感過後，就成明日黃花。誰知千層蛋糕熱非但沒有減退，人氣依舊，連朋友也想吃，大賣特賣喔。這種由薄餅皮同忌廉層疊交錯的蛋糕，餅皮薄，忌廉香，質感既輕且軟，層次分明，層層疊疊

本來諗住去食米線，點知勁多人排隊，所以就轉場，經過呢一間西餐廳覺得幾好，幾抵食咁就入去啦想食啲好嘅牛扒，又唔想食咁多，就揀咗美國頂級連骨肉眼扒餐，一份$328，連埋餐湯同埋嘢飲，我哋兩個人，就再加多$50要多一個餐湯同埋嘢飲其實佢出嚟個蒜蓉包同埋個湯，我就諗起以前嘅椰林閣，但係個肉眼扒一嚟到，就已經覺得自己觀感錯咗，又真係好似幅相咁靚我哋要五成熟，通常呢啲餐廳都會overcook,估唔到又冇喎，切出來啲肉汁仲會流出來，出面又煎到脆口，唔錯

For steak and pork knuckles it’s very good for the price and experience. To have half a tomahawk steak meant we could try more dishes too!The oyster deal was worthwhile so we had plenty and added a bottle of white to wash it down. The desert selection though limited was also delicious 🤤

成日搭車經荃灣西站 都會見到呢間Artco 33裏面總係好多人 特別係一家大細去今次喺附近行完街 一於去試吓啦！呢度嘅晚餐都幾抵食 意粉餐$100左右就有一個貴有貴食平有平食 叫肉嘅就會貴少少基本都會配蒜蓉牛油多士、餐湯所以絕對夠飽㗎 ！蒜蓉牛油多士烘過黎 口感脆脆地是日餐湯係羅宋湯 味道酸酸甜甜幾開胃仲有唔少雜菜例如椰菜 紅蘿蔔 等等口感豐富 分量剛剛好🥰跟餐加$15會有生蠔🦪有幾抵食喎 一於試兩隻啦細細隻嘅生蠔飽滿且口感JUICY～海水味十足 有幾新鮮喎 對得起呢個價錢喺主菜方面朋友叫咗B8.香煎澳洲牛肉眼(薯菜/飯/意粉) Pan-fried Australia Ribeye (Potato Dish/Rice/Spaghetti) $138揀咗七成熟 牛肉有兩塊手掌咁大但偏薄食落去都幾嫩滑Juicy 重點係好多肉汁一啲都唔乾柴 幾好味 😋另外呢個黑椒汁都幾推介 質地比較杰身味道唔會太刺激 味道比較溫和 而我就叫咗一份香煎三文魚扒 Pan-fried Salmon $188睇落細細塊 但係非常厚身架 外皮經過香煎 食落去脆脆地 個人幾鍾意三文魚肉口感都唔錯 比較紮實 同時唔會ov

好幾次行沙咀道都會經過這間「Artco•33」，今晚終於有機會入內吃個晚飯。餐廳座位寬敞，背景音樂播著柔和的英文歌，予人非常舒適之感覺。晚餐set跟餐湯和蒜蓉包。餐湯是普通白湯，有粟米和火腿粒，質感偏稀。意粉好掛汁，充滿著忌廉香味。藍青口和牛肝菌份量都頗多，另外也加入了洋蔥絲，令口感更豐富。唯稍嫌藍青口略鹹，意粉吃至尾聲時也有少許偏油。牛肉眼選了6成熟度，肉質軟腍，咀嚼間感受到牛肉香。整體而言，不過不失的質素，以這個價錢來說，非常合格。精選特價生蠔，每枱限叫最多半打。生蠔十分重海水鹹味，至於肥美度就普通。不過$15的超抵定價，這個質素已經算收得貨。甜品方面就有點遜色。心太軟熱辣辣出爐，雖然味道是可以的，入口有著濃郁的朱古力香氣，但敗筆在完全沒有流心效果。如果餐名改為朱古力蛋糕，也許會更適合一點。同樣跟餐的飲品，凍飲另加$3。