雞翼山 (裕民坊YM²)

营业中

休息中

今日下就諗住行下 #裕民坊 # YM2 , 見到呢間 @chickenwingsmountain 行過都聞到勁香, 就買兩份試下喇, 全部都即叫即整, 夠曬熱辣辣呀 #鼠尾草鹹蛋黃哥雞翼 雞翼炸得都算薄粉, 鹹蛋黃醬薄薄咁包圍住成隻雞翼, 每一個位置都食到鹹蛋黃醬, 食落好好味 #港式避風塘蒜香雞翼 呢個避風塘雞翼就滿滿既炸蒜同辣椒係面, 食起黎香香辣辣, 真係幾惹味 之後叫埋兩杯特飲, 分別係 #柳橙冰綠茶 真係有成舊橙係入面, 配埋個茶底飲起黎好清新, 岩岩好可以解返雞翼既油膩感 #水蜜桃粒粒茶 入面有細細粒既果肉, 飲起黎都唔太甜, 啱曬要黎配雞翼食 不過呢道位置比較有限, 如果要堂食可以係舖頭內既小枱進食, 食完就要快速讓位俾其他人喇 ———————雞翼山 (裕民坊YM²) (觀塘) 觀塘協和街33號裕民坊YM²地下G3號舖 ____________#雞翼 #鹹蛋黃 #邪惡 #食好西 #觀塘美食 #避風塘 #先食奇兵 #chickenwings #chickenwingsmountain #cineatkp #food #foodie #eatgoodw

今日約左係觀塘上瑜珈堂 觀塘嘅裕民坊新建成之後一直都冇去過 就去左果附近行下睇下有乜好食行左落去G Floor 望到有間雞翼山 決定食番隻雞翼再去做運動。文青風玫瑰雞翼(HKD38/4件) 佢嘅玫瑰雞翼一向所好受歡迎 我就第一次食呢隻味 有淡淡玫瑰花香加上甜甜蜜味 雞翼好多汁又大隻。泰風阿行青咖哩雞翼(HKD38/4件) 呢款新口味嘅青咖哩雞翼 開頭仲驚喺伏野點知有驚喜 尤其喺上面嘅泰式茄子最入味 雞翼外脆內軟 每一啖都帶有青咖哩的微辣和檸檬葉的清新 愈食愈惹味。柳橙冰綠茶（＋HKD18）味道清新開胃 略為偏酸 檸檬伯爵茶（＋HKD18）伯爵茶味濃 檸檬味淡  沒有港式檸茶的苦澀味。店舖面積較細 只有一張枱嘅站立空間可供堂食 所以眼見大部分客人都喺外賣為主。食物:7/10價錢:6/10環境:5/10。雞翼山 (裕民坊YM²)觀塘協和街33號裕民坊YM²地下G3號舖

如果雪糕都可以有咖喱🍛味，點解雞翼唔可以有爆谷味呢？呢座雞翼山就話俾你知佢想玩味玩到幾無奇不有……喺平台食完晚飯仲係發牙痕，於是又走去地面搵啲小宵夜吔，就見到呢座山，基本自助落單，嘟八達通支付寶都收，識篤麥記啲自助機篤呢部冇手殘。非姜糖，但見「03號係咁先爆谷薑糖咩話雞翼」（啲翼名全部木乃伊布帶咁長）着實吸引，試堂食6件裝跟凍水蜜桃粒粒茶，等咗5分鐘度，見用一紙兜載住，瑕疵係啲爆谷開唔到花，仲係硬到石仔咁阻住吔翼，於是索性用叉撩開，其實靠個薑糖蓉撈住食已充撐到場面，加上6件都脹爆身形，夠哂果腹。只係既然有為食partner傍住，又冇理由唔嗌多個4件裝「11號黑松露蒜香武士雞翼辣味」。本身繼續堂食不過今舖揀外賣，用咗個紙盒（見圖）裝住。珠玉在前，呢味就相對遜色，戴住隻透明手套拎住隻雞翼去嘴邊，竟然聞到燙燶衫嘅味…..雞翼面嘅紫菜碎已掉甩唔少，食落去發覺蒜味蓋過哂黑松露，過鹹，4隻亦只兩大兩細沒之前咁豐滿，如果係食咗呢味先，就一定唔會買薑糖爆谷款。

雞翼山星期六收工嘅日子，返到觀塘當然就要搵好嘢食啦，而家嘅凱匯都改變咗好多多咗好多唔同嘅細鋪同埋地道嘅餐廳，雞翼山絕對係最期待嘅餐廳文青風玫瑰雞翼蜜糖再加上適用玫瑰花，炸雞翼好好味，而且熱到適中，熱辣辣好好味港式避風塘蒜香雞翼叫炸雞翼點會少得就是說識嘅避風塘蒜香口味呢，佢哋嘅炸蒜超級多😋吸引水蜜桃粒粒果茶另外食完熱氣嘅嘢當然係要飲杯果清脂降降溫啦，佢哋嘅果茶超級淡香好飲，啱晒食完雞翼嘅我觀塘都有咁出色嘅小店絕對係多一個選擇

原來裕民坊都有雞翼山！  之前食過雞翼山幾次都覺得好好食所以今次經過一定要買返屋企！有Cinnamoroll 嘅佈置好靚喎😍😍😍 文青風玫瑰雞翼 $38/4第二次食呢隻味，因為玫瑰味好香又有甜甜嘅蜜糖味，咁就唔會太熱氣啦！ 鼠尾草鹹蛋黃雞翼 $38/4 雞翼炸得好香脆，雞翼面頭佈滿金黃色嘅鹹蛋黃醬！鹹蛋黃味夠濃郁, 好邪惡 😈😈😈$18  配凍飲一杯柳橙冰綠茶或水蜜桃粒粒甜果茶甜度已調較，但可選擇多冰或少冰！ 雞翼熱辣辣，肉質都好嫩滑， 而且佢哋推出好多款新口味，啱晒同家人朋友開心share！😍😍😍

之前係旺角經過已經想試下，一直無機會，今次係裕民坊居然見到，就一定要試下啦～有自助機可以點餐，相當方便同朋友選左$38/4件加一杯飲品，選擇困難症就選左最人氣的兩款文青風玫瑰雞翼🌹玫瑰花瓣鋪面好靚，有好香的玫瑰味，雞肉香脆嫩滑，加上玫瑰糖漿甜甜地，真係一試就愛上港式避風塘蒜香雞翼👏🏻雞翼上鋪滿蒜粒，香脆得嚟有少少辣，好惹味，值得一試加上柳橙冰綠茶真係非常搭，綠茶不會太甜，不會像外面普通那些綠茶很淡味，強烈推薦一定要點一杯跟雞翼一起配搭

觀塘裕民坊新商場有好多新舖頭，有時仲有啲展品添。今日同朋友行完見到地下有一堆小食店，最後食咗想試好耐嘅雞翼山。除咗外賣，仲有幾個企位可以去食。文青風玫瑰雞翼 $38/4朋友覺得好特別所以想試，識落真係唔錯。有啲甜甜啲嘅蜜糖配上玫瑰花香，雞翼都好多汁。鼠尾草鹹蛋黃哥雞翼 $38/4我好鍾意食鹹蛋黃，呢個真係材料豐富！表面嘅蛋黃醬好厚，入邊嘅雞翼都好出色。平時呢啲雞翼點用唔同口味做噱頭，往往忽視咗雞翼嘅本身。雞翼山就做得好好，佢哋嗰啲雞翼好多汁好滑。水蜜桃粒粒甜果茶 +$18x2行到口渴所以我哋都叫咗嘢飲，飲落唔算好甜，仲有啲水蜜桃添！呢度仲有肉桂狗套餐添，佢會有一個限量版儲物盒。如果你係鍾意嘅朋友唔好錯過啦！

雞翼山雞翼山開到來觀塘裕民坊YM²，今日來到點可以唔食…所謂正雞翼…我自細鍾意食！雞翼全部都即叫即做保證全部都熱辣辣送到手上，而且更貼心的準備了手套、膠叉等，方便進食。柳橙冰綠茶柳橙綠茶飲落清涼解渴，茶味甚香。水蜜桃粒粒甜果茶水蜜桃果茶入口不會太甜膩，而且有陣陣水蜜桃香。文青風玫瑰雞翼招牌口味又點可以唔食呀！入口清甜，有陣陣玫瑰香，香甜美味，令人一試難忘！宮崎南蠻他他雞翼雞翼上面鋪滿濃厚嘅宮崎風南蠻醬，睇見都流晒口水！入口酸酸甜甜，味道清新，一食愛上！

朋友極力推薦下去咗雞翼山，佢話會一試難忘，今日收工即管去試吓去到雞翼山門口見到餐牌，都幾吸引。有唔同款式嘅雞翼可以選擇。當我收到雞翼嘅時候，全部都新鮮熱辣，認真香噴噴～鹹檸七雞翼 味道好特別，食得出有鹹檸七味道，甜甜地鹹鹹地，加上雞翼肉質嫩滑，呢個配搭好清新，唔覺油膩，可以食多幾隻。鼠尾草鹹蛋黃哥雞翼只係見到鼠尾草鹹蛋黃哥雞翼已經流晒口水，鹹蛋黃佈滿雞翼表面，加上鹹蛋黃嘅香氣真迫嗅覺，真係好吸引。食落真係好正，鹹蛋黃味非常濃郁，鹹鹹香香，加上香脆雞翼，層次感豐富，刺激味蕾。雞翼都頗大隻，食落啖啖肉，絕對滿足到一眾鹹蛋黃fans嘅要求水蜜桃粒粒甜果茶真材實料，果茶裏面有水蜜桃，飲落又好香水蜜桃而又唔太甜，配搭埋雞翼一齊，可以消膩解渴，prefect match

上個月扮晒文青食咗文青玫瑰雞翼之後就一直掛住，今日返兜食第二次不過今次就試左鹹蛋黃雞翼陣陣鹹蛋黃既香味就算隔住果紙盒都聞到拎返office 仲熱辣辣，果然係即叫即炸雖然想食多幾次，但始終係炸野，熱氣，唯有下個月再嚟過

以前細細個好鍾意玉桂狗架, 難得上網見到雞翼山以玉桂狗做主題, 忍唔住衝去打卡, 哈哈~~好多玉桂狗推廣丫仲有好多佢既stuff買丫~~~Stuff價錢都算平, 唔小心買左幾樣返去超靚~~~最後就叫埋雞翼同飲品係現場張枱食埋先走~~有8款雞翼口味, 全部都好吸引!!!港式避風塘蒜香雞翼 $38香口惹味之選~~~蒜香炸得超香, 避風塘唔算好辣...雞翼炸到卜卜脆, 雞肉超嫩喎文青風玫瑰雞翼 $38賣相好靚丫有玫瑰花卉係面呢~~好鍾意呢款玫瑰雞翼, 味道甜甜地好正, 又有玫瑰既清香雞翼同樣係外脆內軟柳橙冰綠茶橙味好濃喎~夠清甜~水蜜桃粒粒甜果茶想食水果就揀呢杯啦, 事關佢真係有粒粒水蜜桃架~~水蜜桃茶味道超香, 巧巧飲呢

第一次行觀塘呢個新商場, 雖然唔多野行, 但就幾多野食喇~~行行下俾我見到我超鍾意既雞翼山!!!自從食過一次之後就念念不忘....終於俾我就見到喇, 一定要食丫!!!可以自助點餐超方便~~點雞翼就可加$18有飲品~~水蜜桃粒粒甜果茶 $18水蜜桃茶非常清甜, 有濃郁既水蜜桃味而且仲有粒粒既水蜜桃柳橙冰綠茶 $18柳橙味好香, 味道清新可口, 好fresh呢~~鼠尾草鹹蛋黃哥雞翼 $38我最鍾意就係呢款鼠尾草鹹蛋黃哥雞翼!!! 食過一次就記到而家佢既鹹蛋黃真係非常香, 而且好濃味~雞翼又炸得好脆!!! 雞肉超嫩滑黑松露蒜香武士雞翼 $38滿滿既紫菜係面好吸睛呢~~黑松露蒜香味香濃可口!!肉質一樣係咁好味~~個外賣盒好靚丫!!

裕民square 越來越多食肆，今日唔肚餓，諗住食少少野，見到有雞翼山，叫了兩份雞翼，呢度有兩部自助落單機，好方便，我叫了一份套餐4件雞翼加杯飲品$56，選了招牌菜，玫瑰蜜糖雞翼，香脆雞翼上面有玫瑰蜜糖，甜甜的，仲帶少少玫瑰香味。另一款叫了鹹蛋黃雞翼，斜惡的選擇但又好香濃，雖然店鋪細，但都有同肉桂狗做左co branding ,如買玉桂狗套餐，會送個櫃桶仔裝住。飲品叫了柳橙冰茶 +$18 ，用新鮮橙榨，可以一解賺口感，另一杯蜜桃茶，有粒粒蜜桃肉，蜜桃味香甜。

中學時經常流連的裕民坊已經大變身，商戶都搬進了新開的YM2，新商場在舊市區顯得有點鶴立雞群。第一次行YM2，裡面有好多新餐廳，仲有我最愛的雞翼山。 之前在別區吃過一次，味道很有驚喜，成日都想再食。今次叫左文青風玫瑰雞翼，係招牌必食果然冇令人失望，炸得香脆、上面塗上甜甜的蜜糖、賣相精緻而且很美味！黑松露蒜香武士雞翼蒜味香濃、面頭鋪上紫菜碎更加惹味～+$18 仲可以配凍飲一杯，可以揀柳橙冰綠茶或者水蜜桃粒粒甜果茶。兩杯都酸酸甜甜，而家仲有好多款新口味，另外仲會送上膠手套，即場食都好方便！

雞翼山觀塘協和街33號裕民坊YM²地下G3號舖Shop G3, G/F, Yue Man Square, 33 Hip Wo Street, Kwun Tong裕民坊變成了新LANDMARK, 新SHOPPING MALL有好多食肆同打卡位, 我都吸引左去行下。行行下口痕想搵D小食食下,補充體力。$38 4隻 +$18仲有飲品,因朋友未食過呢間架雞翼, 我理所當然點最POPULAR 架鼠尾草鹹蛋黃雞翼同, 咁就大家可以SHARE來試啦辣口味次次都令人期待, 今次朋友點了避風塘味，係有好多炸蒜同辣椒粒，口感是脆卜卜。鹹蛋黃朋友試左都讚,好多鹹蛋黃碎兼食到鼠尾草架芳香, 又唔會死鹹。我本身都好喜歡茶香,$18 加橙味紅茶同水蜜桃粒粒紅茶